|
الموشح
|
05-11-06, 11:00 PM
كِلما رْمَيتيني ... رْصاصة ـــــــــــــ عِـمْري بيزيــــــدْ
عيـونا زرق الأمّـــورة ----- وصـــدرا رجّــاج بغمزة بتغرق شختورة ----- بيــن الأمــواج قالو بيــــــت الغندورة ----- في حدو سياج عم تحرســــلا التنورة ----- عشـــــر بواريد 
05-11-06, 11:15 PM
كِلما رْمَيتيني ... رْصاصة ـــــــــــــ عِـمْري بيزيــــــدْ
بدي اهجر أحبــابي ----- وكل النسـوان رايح اركع ع ركابي ----- بديــر الرهبــان قالــو التوبـة كذّابــة ----- برفة فســـتان بتعمل شـعر العنّابي ----- جـرن التعميد :beer:
06-11-06, 12:44 PM
السيدة ثناء حيدر مشاركتك الجميلة نجمة مضيئة في فضاء هذا الموضوع ووسام يعلق على صدره كما هي مشاركة الإستاذ جعفر حيدر كذلك , لذا نرجو منكم إغنائنا بهذه المشاركات ليزداد هذا الموضوع ألقا وبهاء .
بعدين ما حبيناها منك هي (عذراً على تطفلي يا شباب) وجوابا هاي الردة: البلبل عالغصن الأخضر --- لما بيبوح
عاخمرة صوتو بتسكر --- لهفات الروح ومتلو إنتي ياحيدر --- شعرك مشروح بيدخل عالقلب بيقدر --- دون مواعيد
06-11-06, 12:46 PM
كلما رميتيني رصاصة --- عمري بيزيد
مشتا ق زهورا شمّا --- وقلبي مقهور ت حسنت امبارح ضمّا --- وشم الزهور وشو خايف تبقـا إمّـا --- خلف البلور وتقشـع تـمي عـاتمـّا --- وإيدي ع الإيد :eek:
06-11-06, 09:04 PM
كِلما رْمَيتيني ... رْصاصة ـــــــــــــ عِـمْري بيزيــــــدْ
حاجـِب عَـينـَين الحِـلــــوة ـــــــــــــ سَـيف البَـتـَّـــــار رَح تِعْـمل قـلبي سَـلـــــوة ـــــــــــــ وفيها مِحْـتـــــار كِلما شِفـتا بْشِي خـَلـــــوة ـــــــــــــ بـِتـْقِـيد النـّــــــار بْتِضْحَـك .. وبَّسْمِة بتِلوي ـــــــــــــ عَـزمي من جديد
لـَيتني أستطيعُ أن أجعَـلِ قلبي هَيكَـلاً , ونـَفسي مَـذبَحاً , وعَـقـلي كاهِـناً.
07-11-06, 06:43 PM
كِلما رْمَيتيني ... رْصاصة ـــــــــــــ عِـمْري بيزيــــــدْ
** ** ** ** ** ** ** ** ** ** يا ريتك عَ هَالوادي --- تكوني صياد غمـزة عينك بزيادة --- أرمـي الوْتَاد من عــيونك زوادة --- غــدوة معتاد بدي اغنـــي حدادة --- واااااه وتنهيد ** ** ** ** ** ** ** * كِلما رْمَيتيني ... رْصاصة ـــــــــــــ عِـمْري بيزيــــــدْ
07-11-06, 06:43 PM
كِلما رْمَيتيني ... رْصاصة ـــــــــــــ عِـمْري بيزيــــــدْ
** ** ** ** ** ** ** ** ** ** يا ريتك عَ هَالوادي --- تكوني صياد غمـزة عينك بزيادة --- أرمـي الوْتَاد من عــيونك زوادة --- غــدوة معتاد بدي اغنـــي حْدَادِة --- واااااه وتنهيد ** ** ** ** ** ** ** * كِلما رْمَيتيني ... رْصاصة ـــــــــــــ عِـمْري بيزيــــــدْ
07-11-06, 06:55 PM
كِلما رْمَيتيني ... رْصاصة ـــــــــــــ عِـمْري بيزيــــــدْ
** ** ** ** ** ** ** ** ** ** لو كِنْتي عَ الـــتفاحة --- حــب الليمون نظرة عيــنك جرَّأحة --- بتشفي العيون رموش عيونك ذبَّاحة --- بعَيْنِك مجنون بـدي اقول بْـصراحة --- بحبـــــك اكيد ** ** ** ** ** ** ** * كِلما رْمَيتيني ... رْصاصة ـــــــــــــ عِـمْري بيزيــــــدْ
07-11-06, 07:39 PM
كِلما رْمَيتيني ... رْصاصة ـــــــــــــ عِـمْري بيزيــــــدْ
** ** ** ** ** ** ** ** ** ** لو كنـتي عَ الـليمونِة --- حب الــــــتفاح مية زمــــزم اسقوني --- دموعك المْلاح بْحُبِّك يـا نور عيوني --- والله مِرتـــــاح بْساحِتْكو لا تحطوني --- بـيـن الــعـبـيـد ** ** ** ** ** ** ** * كِلما رْمَيتيني ... رْصاصة ـــــــــــــ عِـمْري بيزيــــــدْ
07-11-06, 09:04 PM
كِلما رْمَيتيني ... رْصاصة ـــــــــــــ عِـمْري بيزيــــــدْ
حاجي تـْحُومي ...حْوالـَيِّي ــــــــــــ وتـْقـُـــولي رُوقْ حَـتى حِـبِّـكْ ... ما فِـيِّـــــي ــــــــــــ قـلبي مَحْــــروقْ اللي بْحِـبَّا ..... مِشْـتاويِّــة ــــــــــــ وقـَدَّا مَمْشُــــوقْ عْـشِقـْتـَا... وصِفـَّيت النـِّية ــــــــــــ وعَـنها ما بْحِيــد
لـَيتني أستطيعُ أن أجعَـلِ قلبي هَيكَـلاً , ونـَفسي مَـذبَحاً , وعَـقـلي كاهِـناً.
07-11-06, 09:06 PM
كِلما رْمَيتيني ... رْصاصة ـــــــــــــ عِـمْري بيزيــــــدْ
ياام العَـين ..... النِعْـسانـة ــــــــــــ وخـَدْ التِفـَّـــــــاح بْقِلـِّك: رُوحي تِلـْفانــــــــة ــــــــــــ بـِتـْقولي: رْتـَــاح غـَمز عـيونِك ..... خـَلاَّني ــــــــــــ مِلـْيانْ جْـــــــراح لافي وَصْـفِة نِفـْعانـــــــــة ــــــــــــ ولا طِبْ يفيـــــــد
لـَيتني أستطيعُ أن أجعَـلِ قلبي هَيكَـلاً , ونـَفسي مَـذبَحاً , وعَـقـلي كاهِـناً.
07-11-06, 09:25 PM
كِلما رْمَيتيني ... رْصاصة ـــــــــــــ عِـمْري بيزيــــــدْ
** ** ** ** ** ** ** ** ** ** جراحك انهل لازمها --- غمزةْ حـبيب لا الوصفة رح تنفعها --- ولا الـطبيب ربك وحـدو كـلـلــها --- توخذ وتجيب رح تعطينا حنطــتها --- بموسم حصيد ** ** ** ** ** ** ** * كِلما رْمَيتيني ... رْصاصة ـــــــــــــ عِـمْري بيزيــــــدْ
08-11-06, 08:33 PM
كِلما رْمَيتيني ... رْصاصة ـــــــــــــ عِـمْري بيزيــــــدْ
ياام الشَّـال ..... الليمونـي ــــــــــــ شالِك ..... ديباج غـَمزاتِك ..... بيدَفـُّونــــي ــــــــــــ من غِـير شُـوفاج بْحِـطـِّك جُـوَّات عْـيونــــي ــــــــــــ تا تـْقـُولي .. حاج ولـَو هالعالم لامُونـــــــــي ــــــــــــ عَـنـِّك ما بْحِـيــــد
لـَيتني أستطيعُ أن أجعَـلِ قلبي هَيكَـلاً , ونـَفسي مَـذبَحاً , وعَـقـلي كاهِـناً.
08-11-06, 08:34 PM
كِلما رْمَيتيني ... رْصاصة ـــــــــــــ عِـمْري بيزيــــــدْ
إن وافـقـتي ..... عالجـازة ـــــــــــــ بْجـِبْلِك ... بَـرَّاد وشِقـَّة كْـبيرة ... وممتازة ـــــــــــــ وأسْـوارا .. بْعاد وغِـرفِة نوم ..... وهِـزَّازة ـــــــــــــ وفـَرشات جْــداد ورَح غـَيِّرْلِك ..... تِلفـازي ـــــــــــــ والدِّشْ جْـديـــــد
لـَيتني أستطيعُ أن أجعَـلِ قلبي هَيكَـلاً , ونـَفسي مَـذبَحاً , وعَـقـلي كاهِـناً.
08-11-06, 11:43 PM
شو قصة المختار ؟؟؟
عم بتّمشـّــى ع بكرة ----- شفت المختار جفون عيونــو محّمــرة ----- بتشـــرقط نار شـــروالو تحت الصـرة ----- وفكــرو محتار وع الجيبة وردة حمــرة ----- بلــون الجلّنـار سألتــو عن أم الغـرة ----- دخلك شــو صار ظبط طربوشــــو مرة ----- ومــــــرة الزنـــار قلي غمزتني السـمرة ----- مبــارح ياجــــار وقالتلي السـهرة بكــرة ----- عملّك مشــوار كانو ضيوفا شي عشرة ----- ومحسوبك غار قضيت الســـهرة بــــرا ----- والطقــس جليـد كِلما رْمَيتيني ... رْصاصة ـــــــــــــ عِـمْري بيزيــــــدْ :beer:
09-11-06, 07:21 PM
[poem=font="Arabic Transparent,6,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
***** شفافك قطعة بقلاوا=وسنانك عاج وخصرك بلش يتلاوا=ودق المهباج غناجك لازملو مداوا=وفي عندي علاج رح نخ وبوس الواوا= عا قلب وجيد *****[/poem]
09-11-06, 08:55 PM
كِلما رْمَيتيني ... رْصاصة ـــــــــــــ عِـمْري بيزيــــــدْ
يا إم ..... القـلب القاســـي ــــــــــــ شِـعَّـلتي .. النـَّار بْقـلبي ... وزايد وسْواسي ــــــــــــ وهْـمومي كْـتــار كِـنتي تـْبُوسي .. وتِنباسي ــــــــــــ نِحْـنا .... وزْغار كْـبـِرْتي , وعِـكَّرتي كاسي ــــــــــــ مِن دون تِمهيـــد
لـَيتني أستطيعُ أن أجعَـلِ قلبي هَيكَـلاً , ونـَفسي مَـذبَحاً , وعَـقـلي كاهِـناً.
09-11-06, 08:57 PM
كِلما رْمَيتيني ... رْصاصة ـــــــــــــ عِـمْري بيزيــــــدْ
كِلما حاكَـيتا مَــــــــــــــرَّة ـــــــــــــ بـِتـْقِـلـِّي: طِـــــلْ مِن حَـولي ... جُـوِّا وبَــرَّا ـــــــــــــ بيفـَتـِّح فِـــــــــلْ ز ِرْتا ... ووقـْفِت تِتـْمَـــرَّا ـــــــــــــ والمَرمَر هَــــــلْ مِن عْـنـْقا ... حتى السِّـرَّة ـــــــــــــ مِشْـوار بْعِـيـــــد
لـَيتني أستطيعُ أن أجعَـلِ قلبي هَيكَـلاً , ونـَفسي مَـذبَحاً , وعَـقـلي كاهِـناً.
09-11-06, 11:24 PM
كِلما رْمَيتيني ... رْصاصة ـــــــــــــ عِـمْري بيزيــــــدْ
** ** ** ** ** ** ** ** ** ** يا ام الفـــستان البُني --- وصدرو مفتوح لون عيونــــك جنني --- بلـونو المفتوح* طعمو كاسك سَكَرني --- وخــلاني لوح محيَّر بين نار وجـنِّة --- بيوم الـوعــيــد ** ** ** ** ** ** ** * كِلما رْمَيتيني ... رْصاصة ـــــــــــــ عِـمْري بيزيــــــدْ *المفتوح = الفاتح (يحق للشاعر ما لا يحق لغيره) |
|
« الأقدم التالي | الأحدث التالي »
|
