|
شاعرالأرز: تعو نتحدى دلعونا
|
02-10-06, 11:28 PM
على دلعونا على دلعونا-------تا خلّي الصّخر يرندح دلعونا
وينو بو نورس ارضو تركها-------من تاني ردّة جن و فركها انكنّو العتابا هوّي ملكها------شو رح بيهمّو رب الدّلعونا
03-10-06, 12:08 AM
شادي كتب:على دلعـــونا وعلى دلعـــونا ،،،،،،، لح حط بقلبن جمر وصخونا دبح و تشليع و بلص و خطيفة-------ما عندك غيرن لغّة سخيفة! الله يساعدنا عا هالخليفة-------و يصبّر أهلِك يا قلمونا
03-10-06, 01:33 AM
يلي تسميتو براهيم وشادي --- خرّبتو الشعر الأصلي ببلادي
إن ما بالنادي غيّرتو العادي --- سيفي رح يبقى عْليكن مسنونا
03-10-06, 10:06 AM
نورسنا الغالي من ردّة انسحب ،،،،،، ونزل عن خيلو .... ولّى للهرب
بمروان استنجد ..قولو يا عجب ،،،،، صـارو الجـواري يُستنجدوووونا
03-10-06, 12:58 PM
يللي ابراهيم وشادي تسميتو وشعلة منبرنا العالي طفيتو لوما كل واحد بيدوزن بيتو منو السميعة رح يهربونا ------------------------------
03-10-06, 01:09 PM
شادي كتب:نورسنا الغالي من ردّة انسحب ،،،،،، ونزل عن خيلو .... ولّى للهرب Romel كتب:على دلعونا على دلعونا-------تا خلّي الصّخر يرندح دلعونا ما بجادل عالم حكيو بيعجبني الا وغلبتو وما بيتعبني وبحكيو الجاهل بدو يغلبني وياما في عالم رح يغلبونـا -------------------------
03-10-06, 05:46 PM
على دلعونا على دلعونا-------الله يساعدهم لو حاورونا
ابراهيم و شادي للشّعر درّة-------و مروان و رائد من برّا لْبرّا عا بعضن لفّو و مش أوّل مرّة-------كرسون بيلفي على كرسونا يلا خيّ شادي علييييهم.....
03-10-06, 07:30 PM
مرحبا يابونورس، لاقيني من الجهة الثاني .........
***** كرسون ال عندو بسمه وحنّيه --- بي حلّي السهرة حتى الصبحيه
برهوم وشادي قلوبن معميه --- وكل واحد راسو صبّة باطونا
03-10-06, 09:17 PM
على دلعــــــونا وعلى دلعــــــونا ،،،،،،،،، أنا لبرهـوم سيفـو المسنووونا
راسي من الباطون لو عبّو وصبّو ،،،،،،، بضربي من راسي للمتلك حبّو برهــــوم وشــــادي جايـــن يربّــو ،،،،،، مروان وغرابو وال متربّووونا
03-10-06, 10:06 PM
طيّب شادي و هاي لرائد:
على دلعونا على دلعونا-------نحنا ما بنرحم لبيتحدونا رائد لا تدعس برّات حدودك-------نحنا شعّار من جدود جدودك ريتا تسلملي لحمات زنودك-------يا مين يشيلك عالكاميرونا
04-10-06, 12:18 AM
Romel كتب:على دلعونا على دلعونا-------الله يساعدهم لو حاورونا [size=6] كرسون وشعرو للقلب الجايع [/size]
وجبة ، والحق بأمثالك ضايع مش متلك متل الكرسون الصايع رفضت المطاعم تجليلا صحونا
04-10-06, 12:29 AM
Romel كتب:على دلعونا على دلعونا-------نحنا ما بنرحم لبيتحدونا زندي هالأسمر في رأيك زاعم [/color]قاسي مش متلك بو جلد الناعم كترة ما بتجلي صحون بمطاعم زنودك مبيضة ومتغير لونـا -------------------------------
04-10-06, 07:06 AM
روّق ياشادي وماعاد تكابر --- ثقيل على كتفك حمل المنابر
ظلّك عدروسك ياإبني مثابر --- وبالعطله شوف فلام الكرتونا
04-10-06, 01:15 PM
ضعـف مروان وما عندو قـوى ،،،،،، لح حطمو هو وبونورس سوا
صحون ومطابخ شو هالمستوى ،،،،، علّوه شوي ولا تجرّصوووونا
04-10-06, 05:01 PM
على دلعونا على دلعونا-------غنّى بو نورس رد الطّاحونا
عا تياب الشّعر بجلي السّفيهة-------تا تضل نظيفة و رونقها فيها و من رائد لمّا جينا نجليها-------ما عدنا نلحّق فيري و صابونا
04-10-06, 08:18 PM
براهيم ال فات جديد على الساحة --- حامل سيكارة وبدّو قدّاحة
لابس نظّارة إلها مسّاحة --- وراسم عاضهرو صورة مادونا
04-10-06, 08:57 PM
شادي كتب: لازم ياشادي تعاتب زميلك -- مازالو صغير وجيلو من جيلك
جاب الدلعونة وراح مقابيلك --- وصرتو بالكلمة الفاضي تحاكونا
04-10-06, 09:16 PM
عائدوووووووووون
على دلعـــونا وعلى دلعــــونا ،،،،،،، صار وقت نودّع يلي يحبونا
عرفتك يا براهيم بيشعرك ماهر ،،،،،، وبيـوم الوغى كالسبـع الكاسر خاطـركـن بكـرة أنا لح سافــر ،،،،،، وجاي ودعكن وتودّعووووونا مروان بشعـرو عنـدو لباقة ،،،،،، وبونورس وردة بأجمل باقة بيموعد تاني انشالله بنتلاقى ،،،،،، نحنا عالموعد وبتأمروووونا
04-10-06, 09:21 PM
مروان كتب:[size=6] على دلعونا على دلعونا------ابراهيم و شادي رجال الدّلعونا بغمزة مادونا ركّعت رجالك-------و بهالنظّارة بنقد أفعالك و بشرب سيكارة مش متل فضالك-------لهلّق عايش على الببرونا على فكرة انا فعلاً لابس نظّارة.. زبطت معو الأخ مروان![/size]
04-10-06, 09:39 PM
Romel كتب:على دلعونا على دلعونا-------غنّى بو نورس رد الطّاحونا تيابك ناقصها الروح الشعرية
ولو شفت تيابي بخامة أصلية حرك دياتك و تحكوك فيي تا من جوهرها تتمون مونا |
|
« الأقدم التالي | الأحدث التالي »
|
