المشاركات: 195
المواضيع: 23
تاريخ الانضمام: Jul 2005
السمعة:
0
أنا موهوب من أول زماني .... خْلقت للموهبة خزنة ملانهِ
وعطاني الواهب مْواهب وكتّر .. تاأعطي الكون موهبتي العطاني
أنا شاعر .. بيوتي قصور مرمر ... هياكل عاج فوق الغيم باني
حروفي جروح عم تنزف ع دفتر ... نقط نهداتها تزهّر معاني
أنا رسام .. عالوح المقدّر ... لّ لوّن لوحتي ب ليلو المُعاني
وبوجهي الأصفر وبنبيد أحمر ... ب روحي تعمّدت ريشة لْواني
غمرتا ومَزْجت الأحمر بأصفر ... ت لوّنت الشفق بالبرتقاني
أنا عازف.. كمان ب نغم قرر .... مايوعا من وتر إلا بكماني
وبألواني وبشعري دوم بسهر ..... وبنغماتي وكماني بكل سهرة
.................حناني بدوبو ب رقة حناني .................
المشاركات: 223
المواضيع: 20
تاريخ الانضمام: Oct 2006
السمعة:
0
تحياتي خيا شادي الي الشرف اكون اول من يسجل اعجابو بعطورك الفواحة
تحياتي خيا شادي الي الشرف اكون اول من يسجل اعجابو بعطورك الفواحة بريحة الشام واهل الشام
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=right use=ex num="0,black"]
** ** ** ** ** ** ** ** **
يا ليل مهما القمر خفف مشاويرو = ومهما يضل الفجر ساجن عصافيرو
بترجع مواج الوحي ترشق الشاطئ برود = والبحر يفرش حرام الشمس عَ سريرو
المنبر نداني وشهق يللا يا محمد جود = والزجل نادو من العالي نواطيرو
فن الزجل ياما بكي ع غيبتي ت عود = اكثر ما جوري حما بكيت نواعيرو
فيِّق ياشعر الدني فيك الوحي موعود = تيعيش عمر الزجل ويطول تعميرو
بلكي قميص الشعر بصير الها زنود = ومنها ربيع الحلا بيغزل تنانيرو
وكلما الشامي شادي بيجود بالموجود = وبصير يعزف صور ببيوت تفكيرو
بصير يجني الوحي وريشة اوتار العود = بيرضى ت يْحَنِّي القمر فيها اظافيرو
من هيك صار الزجل فينا سوى مولود = وياما تعتَّق خمر ع شفاف سكّيرو
وفي ناس سقيو الزجل من دمعة العنقود = وفي ناس غنو ما عرفو لغز تفسيرو
ومهما دواري الزجل بيشلخو المنقود = ومهما النجوم بقيو بالهرولة يسيرو
بيبقو نسور الزجل محمد وبْو الشود = منهن بيعطو الطيور جناح تَيطيرو[/poem]
