أنهل الدبس اختيار راقِ في منتدى راقِ

[جعفر حيدر]

الثقافة ليست حشدا من المعلومات
وليست تكرارا لعبارات منسقة
وكلمات عابرة

الثقافة :
تواصل ومعرفة دائمة
حس وشعور بالالتزام المعرفي
التزام صارم بتقاليد الانسانية
بالمعرفة التي تشكل قوة بحد ذاتها

الثقافة هي سيرة حياة
تألق دائم
تواصل دائم مع المعرفة


هذا هو أنهل الدبس
إنني لا أهنئه
إلا بقدر ما أهنئ المشتى به

تستحق يا حبيبنا الغالي
والله تستحق
وأنت أهل لهذه المسؤولية الكبيرة

لك مني كل الحب والتقدير
وسأتابع هذا المنتدى منذ الآن
أكثر مما تتوقع يا صديقي

كنت من محبيك
واليوم ... أنا من روادك ومحبيك

بكل الحب أقدم لك تهنئتي
يا غالي على قلبي

أخوك جعفر حيدر

[ثناء حيدر]

الصديق الغالي أنهل
نهنئ أنفسنا ونهنئ منتدانا الغالي " مشتاوي " لتسلمك الإشراف على القسم الثقافي.
أتمنى لك من كل قلبي النجاح في هذه المهمة المناطة بك وأتمنى لمنتدى مشتاوي كل التقدم والازدهار.

الشكر الجزيل لإدارة مشتاوي على قرارها الصائب وحسن اختيارها.

ألف مبروك يا غالي

وباقة غاردينيا لعينيك
زهرتي التي أعشق





بكل التقدير والمحبة
عاشقة المشتى

ثناء حيدر

[Rammosh]

اتعودت ببعض الاوقات .. لو بدي اي معلومات او افهم شي عن اي شي .. اسال شخص مميز .. بحسه انو مثقف.. عندو كل المعلومات

اتعودت اذا بدي احكي مع حدا يفهم علي .. ويفهم شوي بدي ... خبرو واحكي معه لانهل منه معلومات بتفيدني وبتساعدني

انهل.... اله من الاسم نصيب كبير...

ما استغربت وقت شفت اسمك مشرف ع قسم الثقافة ... لانو هالشي نطرناه فترة ..

الف الف مبرووووك اخي الغالي وصديقي العزيز .... انهل

بتستاهل ونحن بنستاهل انك تكون استاذنا بهيك قسم ...

رموووش

[انهل دبس]

شكراً لثقتكم ...

إلى كل شَـبْ .... ولاّ شيخ شايـبْ ـــــــــ أنا رَح قِلكُـن: يالله ..... العَوافي
ثناء وجعفر وريما ..... الحبايـبْ ـــــــــ بتعجز عن وَصِـفْ حِـبُّنْ شفافـي
الحاضِرْ بْسألو ..... يعلـُم الغايـبْ ـــــــــ أنا مْوَكَّـلْ ... بَدَل سِـتْ اللطافـــة
ثناء ... الـْ قلبها من الجرح لايبْ ـــــــــ جرحها خِلد أعمى ..... وبجلافة
وهَلـَّق ... يا رفاقي بْرأي صايـبْ ـــــــــ وتحتى تِرجع .... بقوّة وشَـفافة
مِنْ الدّنيا .... تـَعوا نجمع أطايـبْ ـــــــــ وإيدي بإيدكُن ..... بيصير فينـا
نـْعَـلـّي بْراج ..... هالقسم الثقافي

[جعفر حيدر]

أنهل رش عالدنيا بيانو
بحديث الناعم ونغمة بيانو

شعر من عسل بينقط بيانو
وثقافة وحب ع رموش الحباب

[جعفر حيدر]

المحبة صعب يا أنهل نصلها
إذا بالقلب ما غرزت نصلها

يا ريت كتير حباتها نصلها
صليل الحلي بيايدي الشواب

[جعفر حيدر]

يا منتدى هلّت عناقيدك وبس
لبس الثقافة مش متل أيّا لبس

وحتى الثقافة تنصقل بالمنتدى
تشرّبْ رحيق المنتدى بأنهل دبس

[Rammosh]

والله يا غالي ماني قدك بهالرد الحلو .. زجل ولا احلى

ياعمي الزجل خلق لاهلو .. مو لسميعته.........

يسلمن اخي الغالي انهل

انت بجد بتستاهل

وهالقسم ان كنت انت مشرفه او الغالية ثناء اكيد راح يكون القسم بجنن وفيه معلومات نستفيد منها

يعطيكن الف عافية يارب

[انهل دبس]

مرحبا يا حبيب

الغالي جعفر

لو تخبّيت .... جُوّا حي دريتـك ـــــــــ روحي , ورَحْ تقِـلـَّك حَي دريتـك
بموقعنا ... منِطـْلـُب حَيدريتـك ـــــــــ تاحتى يرحلو عَـنـّا ..... الديــــاب

حُبَّك ... ضِمِن كِلماتك وصِــل لي ـــــــــ وجال بساحة الموقع , وصال لي
أنا رَح صوم لـَ ربّي ..... وصلـّي ـــــــــ يدوم الحب .... ما بين الحبــــاب

أنا مِن بعض ما عِـندك ما إنهــل ـــــــــ ثقافة ... تا الخزينة بأدبْ تِكْمَــــل
يا جعفر ..... يا بحر عِلم وثقافة ـــــــــ بجنبك ... كيف رح يظهر الجدول

[انهل دبس]

شكراً رموش

الأخت الغالية رموش

شُـكراً عالثـّقة شُـكراً يا رمـــوش ــــــــ العقـل اختارك وما كان مغشوش
صديقة وأخت ..... بتوَزِّع محبّـة ــــــــ بـِ عالم ... صار حِمْلانو وحوش

[جعفر حيدر]

أنهل الحبيب

يا أنهل كلما ببدا الكتابة
المشتى وأنت بتصيرو كتابي

وكلما بديت أو بلش المطلع
بيجو الحلوين كلن عا بوابي

وبعدو ... بخاف عن مطلعي ارجع
لأنو بعد مش ممكن إيابي

ولأنو هيك قلبي صار أشجع
من الحرف ومن رجوعي وغيابي

ولأنو أنت عالدفتر مربع
وإيديك يلوحو بحب وصبابة

بلجج بحرك من الأمواج بوقع
وصدري بمزقو وقلبي بشيلو
**** يضوي غربتي ويحمل سرابي ****

[انهل دبس]

تحية حب ...

الغالي جعفر

يا جعفر ...عايشِة الأوطان فينا ـــــــــ وجُـوَّا قلوبنا ... حْمِلنا غـَلاهـــا
وعَن الأوطان ... لـَو مَهما نأينا ـــــــــ بتِبقى رُوحْـنا ... تـْحِـسْ بْـدَفاها
ومَهما عَن مْحَبّـتها .... حْـكينـــا ـــــــــ ما فينا بالحَـكي ... نِحْصُر مَـداهـا
بَـلـَدنا ..... كْـتير غاليّـة عـلينـــا ـــــــــ وأنا مابْـشِـمْ .... أطيَب من هَواها
فيها انوَلـَدْنا ..... وفيها رْبينــــا ـــــــــ وبـِكِلْ الحُب ..... غـَطـِّتنا سَـماهـا
بـِجَاهْ الخالِـقْ وعـيسى وعـَلينـا ـــــــــ ومُحَمَّـد .. عَن قـَريب تـْصير قادِر
تِرجَع ... وبْهَـدا تعيش بْحِـماهـا

كِلـْما بْحِبْ إكْـتِبْلـَكْ .... عِـبارتيـن ـــــــــ بينزل مِن مِقـل عَـيني عَـبرتيــن
ياروحي حْدُود هالدّنيا .. عَبَرتين ـــــــــ تـَرَكْـتيني ..... ورِحتي للحبـــاب

المَسافِة بيننا ..... قـلبي عَـبَرهـا ـــــــــ تاحتـّى تـْجـِفْ من عَـيني عـبرها
نِزِل بـِبْراغ تايسْـكُن .. عا بَرهــا ـــــــــ بـَلـْكِي يشُـوفكُن ..... بَعـد الغياب