31-03-07, 02:49 AM
هالكون صاير متل المراية
كلشي اللي جواتك لها معروف
الأحزان البنفسك مخباية
بتشوف عالمكشوف
ولما الفرح جواتك كفاية
بتشوف المراية
منها لحالا فرحتك بتشوف
|
تحف عا صغير
|
 هالكون صاير متل المراية كلشي اللي جواتك لها معروف الأحزان البنفسك مخباية بتشوف عالمكشوف ولما الفرح جواتك كفاية بتشوف المراية منها لحالا فرحتك بتشوف
31-03-07, 01:41 PM
مبارح
سمعت الزنبقه مَتْوشوشو حاجي بقا شو قصّتك !!؟؟ يا هالحلو شو قصّتك عيونك بخصري معلّقه ..... حاجي تزيد بغصّتك و لو كانت شفافك عَ تمّي مْحَرّقه منشان تقطف من الزنبق حصّتك لا تطلب البوسي من الورده اسرقا ....
[COLOR="Navy"][SIZE="5"]
[SIZE="7"][COLOR="RoyalBlue"]مدّيت إيدي .. مسحت وجه الشرق ... رجّعت إيدي كلـّها غـَبرا[/COLOR][/SIZE] [/SIZE][/COLOR]
01-04-07, 01:21 AM
لما الفجر يفتح كتاب الشمس
ويغل جواتو الضو عل الميلين بيعمل عرس وبتفرفش الغابات ضحكاتو *** شاعر عم يدور على شي فلس واللي ستحو ماتو وشاعر غرس دنيا بشعرو غرس فيق وحي الكلمات حتى صار مخزون وحي معتق بذاتو قومو غرفو طل الشعر عالدار وتفردو بالوحي جواتو والشاعر الشاعر بيهمس همس بتهدر متل طوفان همساتو بتصير تقشع كلمتو باللمس وبالسمع رح بتشوف صوراتو سمع وبصر شم ولمس والذوق ,,, بيشاغلك حتى الحواس الخمس لكن خمس ؟؟؟ يا دوبها تكفيك بتغل روحو فيك بتخلق بروحك حاسة جديدة وبتصير عم بتردد بياتو
03-04-07, 11:09 PM
لولا القصيدي
كان إلها فيش ما بتنحبس جوّات بلّوْرا و لو وقفت عْلا حاجز التفتيش الإحساس دفقه و الشعر فَوْرا ما أروع الثورا بقصيدي تعيش لمّا القصيدي تموت بالثورا
[COLOR="Navy"][SIZE="5"]
[SIZE="7"][COLOR="RoyalBlue"]مدّيت إيدي .. مسحت وجه الشرق ... رجّعت إيدي كلـّها غـَبرا[/COLOR][/SIZE] [/SIZE][/COLOR]
04-04-07, 01:22 AM
شموخ الذات
في نفسي بَنَيْتو تا أحبابي اللي رفضوني..... يدوخو شمخ قلبي على جروحو و يا ريتو! عا أوّل حب..... فرجاني شموخو
05-04-07, 12:47 AM
بدّي القصيدي
حروفها ثوّار عالشمس بترفرف بيارقها يعني .. إذا ما بتحرقك بالنار لازم إنت بالنار تحرقها
[COLOR="Navy"][SIZE="5"]
[SIZE="7"][COLOR="RoyalBlue"]مدّيت إيدي .. مسحت وجه الشرق ... رجّعت إيدي كلـّها غـَبرا[/COLOR][/SIZE] [/SIZE][/COLOR]
22-04-07, 01:47 AM
ضربني عا خدّ ... بدرلك التاني ضربني ! ضروب وزيد كتر ضرب ! وان تعب زند استعمل التاني ... صلبني عا خشبي صلب بكرا أنا بكبر بأحزاني لكن أنت .... بتضيع خلف الدرب
23-04-07, 11:10 AM
في ناس بيقولوا
نبي دجّال و في ناس بيقولوا صبي مجنون و بيعيّروه بخشبتين تقال و بجرح زنبق من رمح مسنون .... وانقال .. لو كانت حمالو تقال هودي إلو حتّى مسيح يكون .. و بعدو رغم كلشي انحكى و انقال كل ما حدا بالرمح بيشكّو بيزهّر بجرحو غصن زيتون
[COLOR="Navy"][SIZE="5"]
[SIZE="7"][COLOR="RoyalBlue"]مدّيت إيدي .. مسحت وجه الشرق ... رجّعت إيدي كلـّها غـَبرا[/COLOR][/SIZE] [/SIZE][/COLOR]
23-04-07, 09:38 PM
مرّه سألني معلّم بصفّي
إنت شو بتحب ؟؟ ..... لا تكفّي . ما بحب دربي يختصر لفّي بحب عا دربي الصعب لفّي و ما بحب شِفّي خمرها قفّي بحب كون الكاس عالشفّي و ما بحب دفّي الناس من دفّي بحب لمّا إحترق دفّي و ما بحب غِفْ عْلا السما غفّي بحب بعيوني السما غفّي و من وقت ما خلقت متعوّد انْ مدّيت كفّي عالشمس كفّي انْ قمّزت صفّي عالقمر صفّي ..... و من يومها ما فت عا صفّي
[COLOR="Navy"][SIZE="5"]
[SIZE="7"][COLOR="RoyalBlue"]مدّيت إيدي .. مسحت وجه الشرق ... رجّعت إيدي كلـّها غـَبرا[/COLOR][/SIZE] [/SIZE][/COLOR]
23-04-07, 11:58 PM
يا حمار لا تشكـــي من الأقدار *** قد ما يقولوا عليـــــــــــــك حمار
بيعيروك بالصـــــمت لا تحتار *** إنت الكتــــــوم و حافظ الأسرار بيعيروك بالغشمـــــــنه الشطّار *** و يا ريت متلك يعرفوا شو صار و قال صوتك مزعـــج المختار *** و هوّي الوحيد لْ مَنْشرى بدولار و قال عا ضهرك بيزقّوا حجار *** حجار الوطن فيها مجـد مش عار يا ريتــــــــهن أهل الشرق متلك *** و يحملوا هم الوطــــــن شي نهار
[COLOR="Navy"][SIZE="5"]
[SIZE="7"][COLOR="RoyalBlue"]مدّيت إيدي .. مسحت وجه الشرق ... رجّعت إيدي كلـّها غـَبرا[/COLOR][/SIZE] [/SIZE][/COLOR]
26-04-07, 10:52 PM
يا شاعر اللي بقيت
عا علمي أكبر مْن النقد و التحليل اسكب صور شعرك على حلمي ضوّي العتم لا تنوّس القنديل الشاعر قمر بيشعشع الظلمي شلال عا رخام الوحي بيسيل بيعيش حتّى يبتدي كلمي وبيموت حتّى ينتهي انجيل
[COLOR="Navy"][SIZE="5"]
[SIZE="7"][COLOR="RoyalBlue"]مدّيت إيدي .. مسحت وجه الشرق ... رجّعت إيدي كلـّها غـَبرا[/COLOR][/SIZE] [/SIZE][/COLOR]
28-04-07, 01:05 PM
هالقدس لْ بالمجد تفيّت
كل رجال النخوي حيّت يا قدس لْ عم بتناديهن لا سمعوكي و لا سمعتيهن ... لا تناديهن .. ما عرفتيهن من ساعة ما اللعبه تهيّت كل وجودن و إْساميهن و الضمير و كلش فيهن ميّت .. متل البحر الميّت
[COLOR="Navy"][SIZE="5"]
[SIZE="7"][COLOR="RoyalBlue"]مدّيت إيدي .. مسحت وجه الشرق ... رجّعت إيدي كلـّها غـَبرا[/COLOR][/SIZE] [/SIZE][/COLOR]
28-04-07, 04:15 PM
لما الشعر بثوبو بيّن
رب الشعر الفرصه تحيّن يخلق فاتح بين الناس ويقوم بلهفه وإحساس يكتب إسمو فوق الثوب حتى بإسمو الشعر تزيّن
28-04-07, 10:14 PM
مروان يا شاعر يا مرواني
قلبك عليه وزنت قصداني كنْتْ بِغيابك أنا بردان لبّستني .. و هالتوب دفّاني متلك أنا يا صاحبي إنسان عايش بإحساسي و بوجداني و يا ريت بيحبّوا متل مروان يلّي بيحبّوا المطرح التاني
[COLOR="Navy"][SIZE="5"]
[SIZE="7"][COLOR="RoyalBlue"]مدّيت إيدي .. مسحت وجه الشرق ... رجّعت إيدي كلـّها غـَبرا[/COLOR][/SIZE] [/SIZE][/COLOR]
29-04-07, 08:02 PM
في مرّه
نيشاني تكسّر و قلبي صوب الغرب تهجّر مرقت ببحر .. و شو هالبحر ما لو لا لون و لا منظر مسكت الشعر انحرتو نحر دمّي بقلب عروقي فوّر نزلت نقطه بكعب البحر إسمو صار البحر الأحمر
[COLOR="Navy"][SIZE="5"]
[SIZE="7"][COLOR="RoyalBlue"]مدّيت إيدي .. مسحت وجه الشرق ... رجّعت إيدي كلـّها غـَبرا[/COLOR][/SIZE] [/SIZE][/COLOR]
05-05-07, 09:33 PM
حبّك بقلبي
متل شي قصر انبنى ما بيسأل عن جنون العاصفي بشوفك بعينيّي على رموش السنا بين الحروف بتظهري و بتختفي بشعل .. بدوب بحبّك بليل الهنا و كل ما عرقتي من لهيب العاطفي شو بحب إنّك تشعلي متلي أنا و كل ما شعلتي .. ما بحبّك تنطفي
[COLOR="Navy"][SIZE="5"]
[SIZE="7"][COLOR="RoyalBlue"]مدّيت إيدي .. مسحت وجه الشرق ... رجّعت إيدي كلـّها غـَبرا[/COLOR][/SIZE] [/SIZE][/COLOR]
07-05-07, 08:43 PM
تحية حب للمبدع فاتح ...
مْبَيَّن عليك ... كتير بتحِب الدَّفا
والنار عندك ... شاعلي ما بتِنطفا نارك تا تِهْدا ... بَدّها ساعة صَفا ومن بعدها بتحتاج لـَ شويّة غـَفا أطيب غفا بْـكِلْ الدّني وأحلى غفا سَهوة عا صدر الولف ... بَدّك تِخطِفا
لـَيتني أستطيعُ أن أجعَـلِ قلبي هَيكَـلاً , ونـَفسي مَـذبَحاً , وعَـقـلي كاهِـناً.
07-05-07, 08:51 PM
مشاركة متواضعة ...
مِتل المَرجة ... الصّار ِتْ فِرجة
الـْ بـِتـْفـَتـِّح ... كِل يوم زهورا ومِتل الشَّمعة ... بلحظة حِرجة الـْ بيهَرِّب هالعتمة ... نورا ومِتل الوردة ... الـْ فيها غـَنجة وبتوزِّع ... عالكون عطورا ومتل الفرحة وهرجة ومرجة الـْ بتداعب ... بالروح شعُورا وفوق الشمس ... بيعْـلى درجة الشاعر ... لـِ بيكتب قصيدة وبيزينها ... بأحلى صورة وبْدَمّاتو ... يخِط ْ سْـطورا
لـَيتني أستطيعُ أن أجعَـلِ قلبي هَيكَـلاً , ونـَفسي مَـذبَحاً , وعَـقـلي كاهِـناً.
09-05-07, 07:43 PM
بعمّرلك عْلا الغيم
متل القصر و بطلّعك عا دراج من زنبق و بلف وهج قصايدي عالخصر بيصير خصرك عالوهج يعرق بخدّر عا باب القصر شمس العصر كل الدني بعيونك بتغرق الصبح ؟؟.. برفعلك قواص النصر بترجع بعينيكي الدني تخلق !!..
[COLOR="Navy"][SIZE="5"]
[SIZE="7"][COLOR="RoyalBlue"]مدّيت إيدي .. مسحت وجه الشرق ... رجّعت إيدي كلـّها غـَبرا[/COLOR][/SIZE] [/SIZE][/COLOR]
09-05-07, 08:03 PM
إلى الشاعر العاشق فاتح ...
إلى الغالي فاتح ... فاتح ..... يا فاتح دَرب هالخِـلاّن ــــــــ كِيوبيد إنت ... وبالعِـشِـق مجنـون مِشْ بَس فاتح .. هالـْفـَتـَح بلدان ــــــــ فاتح .... اللي بيفتح أفـُقْ عالكَـون
لـَيتني أستطيعُ أن أجعَـلِ قلبي هَيكَـلاً , ونـَفسي مَـذبَحاً , وعَـقـلي كاهِـناً.
|
|
« الأقدم التالي | الأحدث التالي »
|
المستخدمون الذين يتصفحون الموضوع: 1 زائر