[poem=font="Simplified Arabic,4,crimson,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
باسم حضر بالشعر يعطي مؤتمر =ويفيق الي بفرشة الوهم انغمر
و ينوا العليي من قبل مدة ضمر = بالأستذة و بعدو بشعرو ما اختمر
شعار نحنا اربعة بليلة سمر = شادي شفيق و باسم و معنا عمر
حتى القمر ما يغيب نورو على الدني = كتبنا قصايدنا على وج القمر[/poem]

**عصام يوسف** · 20-03-07, 11:58 PM

نحــــــنا قبل ما نفـــــــــــهّـمك و نعلّمك **** مـــعلّمـــــين مـــــعلّميــــــن معلّمك
شو مبيّن الصــــــــــحّاف عرشو سلّمك **** و بلّـــــــش عَ ذوقو يقصّبك و يقلّمك
يلّـــــــــــي على تلاتــــــــي قوايا زلّمك **** كسّّر على درجة قــــــــــمرنا سُلّمك
و غاب القمر عن قصـد تَ يغطّي عليك **** و بالمنــــــتدى ما يفضحك و يعلّمك

باسم القباني · 21-03-07, 05:08 AM

[poem=font="Simplified Arabic,5,red,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
تأهب يا فاتح يا نجوم تكللو = بطلة أمير الشاعرية هللو
و معلميني العاجنابك فضلو = بيحملو سيف الما فيك تشهلو
شعار نحنا للمجرة بيوصلو = و كل الي متلك للحضيض بينزلو
عنجد صعب كتير انكن تخجلـــو = ولما البشر عن معركتنا بيسألو
بجاوب انا يا ناس فاتح بجلهو = ما بعرفو ما وجهت كلمة ألو
بس الي متلو في مسلة على الجناب = بتضل تنخز فيه حتى تقتلـــو[/poem]

**عصام يوسف** · 21-03-07, 08:52 AM

مســـــــلّي بقلبي كل ما شفتك تصيح *** و تقتل حسين بكربلا و تصلب مسيح
مســـــــلّي بقلبي عند ما زدتّك مديح *** تاري الشمس بتــــنشّف النبع الشحيح
شلت المسلّه من تحت باطي الجريح *** من بعد ما غطّـــــــيتها بدمّي الفصيح
و تركتـــــــــها نبراس إلكن بالزجل *** حتى ان كتبتوا تعرفوا تصــيغوا مليح

باسم القباني · 21-03-07, 03:31 PM

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ذكرت الحسين بكربلا منك لبيب = و اسم المسيح على لسانك لا تجيب
و لا لا تسوي حالك قبالي أديب = لو أمر أبن معلمي ليه استجيب
بكرة بيقول ان زارك بدارك طبيب = فاتح صفي بمسلتو أمروا عجيب
مسكين وصلت للعظام و قتلتو = عنجد يا عالم صعب أنو يطيب[/poem]

باسم القباني · 21-03-07, 03:37 PM

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

بدعي السما تبعت بعد مرة مسيح= تايرجع يمشي المتل فضلك كسيح
و منها مسلة التحت باطك يا جريح = ما كلك مسلات بالقول الصريح
أن غنيت حدي يا ذكي غني منيح = ضحكتني في جملة الدم الفصيح
شو قلت دخلك يا أبو العقل الرجيح = الشمس بتنشف نبع قولك صحيح
نحنا شمس للموهبي سطعت عليك= تاتنشف النبع المتل عقلك شحيح[/poem]

**عصام يوسف** · 21-03-07, 10:40 PM

لا الشمس إنت و لا طلعت مزراب عين *** و مســــلّتك صارت تحت باطي لُجين
و لمّا وقــــــــعت بفــــــــخّنا يا بو حنين *** لا تشــــــفّعولك لا المسيح و لاالحسين
يا سفــــــسطائي ضعت ما رجّحت عين *** و صــــــــــفّا جوابك بدل ردّي ردّتين
تا كل ردّي تْرد مــــــــرسي و تشــــنقك *** تا علّــــــمك كيف لْ بِ جاوب مرتين

باسم القباني · 22-03-07, 04:12 AM

[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يلي بتوب الشاعرية كللك = و حيات عمرك كل قصدو يبهدلك
وهمك بشعرك يا شويعر جهلك = لحد هلق صفر حدي معدلك
وحتى عمر أكتر يا فاتح أمهلك =و حتى على المنبر زيادة دللك
و حتى ما أقضي عاأمل مستقبلك = و ما بين أنصار البلاغة خجلك
مش رد يا شويعر عم بردك تنين = تاترد عارد الطلع أهون ألك [/poem]

باسم القباني · 22-03-07, 04:13 AM

[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
مسلتي يا فاتح الي بمضجعك = نشالا زيادة ما تكون بتوجعك
الله يسامح مين فينا طمعك = الحق كلو عا شفيق الدلعك
كرمال اني ضل عم غني معك = و عنجد أعرف شو صفاوة منبعك
غني عن المزراب و تركني شمس = تانشوف يا فاتح شو رح يطلع معك[/poem]

باسم القباني · 22-03-07, 01:15 PM

شـــــــــــو يا فـــــاتح 10 ســـــاعات و أكتر لتجــــــــاوب
و اللــــــــــه حــــــــرام هيك بالمناســــبة يا ريـت تنـــــادي لكل الي بيحبوك خليهـــن ينزلو معــــــــك لأني عم مــل

**عصام يوسف** · 22-03-07, 08:32 PM

خلّي جوابك كل ردّي بموضــعو *** و لا تضيع و تضّيع بشر عَم يسمعوا
يمكن بردّي صعب حِمْلك ترفعو *** أهــــــــــون إلك عَ ردّتــــين توزّعو
و تَ تقنع و خلّي رفـــاقك يقنعوا *** وإفضح بقــــلب المنتدى اللّي بيدّعوا
وقّف يا باسم عالـــمرايه دقيقتين *** بتشــــــــــوف وج قصايدك ما أبشعو

**عصام يوسف** · 22-03-07, 08:35 PM

المزراب يا باسم إلو جمــــــــيلة كتير *** عالربيـــــــع و عالزهور و عالعبير
بيجمّع دموع الشتي بمـــــشلح حرير *** و بيروح يسكبها على شـفاف الغدير
بس اللّي متلك ناشف و عمرو قصير *** واقف متل صخرا على قبر الضمير
الشــــــعر من مزرابنا نقّـــــط عليك *** نقطــه ونــقطه تَ يشـــــقّك عالأخير

باسم القباني · 23-03-07, 03:16 AM

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

البتلك بيوقف عالمراية يا جبان = تايزبط الغرة و تايتمكيج كمان
لكن أنا بوقف بقوة و أتزان = وقفة بطل عملاق ما عندو حنان
بوقف عالمراية بوقفة عنفوان = بأيا وقت يا فاتح و أيا مكان
كلما خطرعابالها مرة تشوف = سطان بيربي صعاليك الزمان[/poem]

باسم القباني · 23-03-07, 03:18 AM

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

دخلك عم تغني على أيا بنا = قبال شاعر ما ألك عنو غنا
بفن التحدي و الغزل و الميجانا =راس الضعف راسك على زنودي أنحنا
المزراب بيدندل من سطوح البنا = منو نبع لا تضيع معنا بالغنا
عمرتك بأيدي عاغرفة منزلي = و قت الي بدي برجع بشيلك أنا[/poem]

**عصام يوسف** · 23-03-07, 05:36 PM

باسم القباني كتب:[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

البتلك بيوقف عالمراية يا جبان = تايزبط الغرة و تايتمكيج كمان
لكن أنا بوقف بقوة و أتزان = وقفة بطل عملاق ما عندو حنان
بوقف عالمراية بوقفة عنفوان = بأيا وقت يا فاتح و أيا مكان
كلما خطرعابالها مرة تشوف = سطان بيربي صعاليك الزمان[/poem]

شوهالمراي دايبي بوْســــــــــامتك *** قدّيش مســـــــحوره ماشالله بْقامـــتك
معها صرت تحكي تَ ترفع هامتك *** و تعوّض النقص اللّي وطّى كْرامتك
و ساعت مَ فَتلت بالقـــــلب دوّامتك *** و حْكيــــــت مع حالك و قمت قيامك
عرفوا بإنّو جن باســــــــم و إنتهى *** طـــــــق مخّو و العوض بِ سْلامتك

**عصام يوسف** · 23-03-07, 05:41 PM

باسم القباني كتب:[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

دخلك عم تغني على أيا بنا = قبال شاعر ما ألك عنو غنا
بفن التحدي و الغزل و الميجانا =راس الضعف راسك على زنودي أنحنا
المزراب بيدندل من سطوح البنا = منو نبع لا تضيع معنا بالغنا
عمرتك بأيدي عاغرفة منزلي = و قت الي بدي برجع بشيلك أنا[/poem]

حتّى حجارك مِيــــت جيل يعمّرو *** و بيتك مَ يبــــــــــقى فيه قوّه تدمّرو
ا لمزراب عا حيطان بيتـك سمّرو *** حتّى على شمس القصــــيده تسمّرو
لكن إذا قبلت الضمــــــير تجمّرو *** و صارو حجارك يأمروا و يتأمّروا
رح إسحب المزراب عن بيتك أنا *** تَ هِدْ حــــــيطانو عَ راس لْ عمّرو

**عصام يوسف** · 25-03-07, 12:00 AM

يا نار العبـــــــــــــقريّـي أجّجيني *** و بهـــــــــيكي ببّغا لا تحرجيني
أنا تاريـــــــــخ كل الأرض خابـر *** الشعر بشكــــــــّلو متل العجيني

و با سم خاطرو لو كــــنـت جابر *** إجا بالآخــــــر تمادى و هجيني
طلقتلّو قصـــــــــــيدي مْنِلْ عنابر *** تحرّم بعـــــــــدها شاعر يجيني

فحصت دمّو أنا بــــــــكل المخابر *** تَ لاقي مورّثه و طفره هَجيني
لقينا فيه هالابــــــــــــــــن الأكابر *** غير البهوره ما فيـــــــــه جِيني

أنا صاروخ للبلـــــــــــــدان عابر *** إذا بالصّين في شــــاعر هِجيني
تَ يسمع إنفجــــــــاري عَ المنابر *** متل الإنفــــــــجار الهدروجيني

باسم القباني · 25-03-07, 02:45 AM

عفوا استاذ فاتح انا ما بقول اني مكرسحك كرسحة سأل كل الي بالمنتدى عن المعنى
ومع أني بقدر رد عليك بقصيد بس وقتي ما بيسمحلي
وبعدين كيف بدي رد عليك اذا منك مفرق النبع من المزراب عطيني صور عن المزراب لأعطيك احلى صور عن الشمس او اذا بدك منرجع متل ما كنا اختار و استحلي على الحالتين خسران معي أو نقي أي موضوع
وبدك عتابا برد عتابا بدك ميجانا برد ميجانا شو بدك انا جاهز
انا يمكن مكسر بالمعنى بس وحياتك اخطاء كتابية مثلا بنسى أكتب كلمة ما
مو متل أخر قصيدة بصفحة انا فاتح سماوي قايل بدل كلمة قمرنا ناص قمرنا ناس عم بتشوه اللغة هيك
البيهم هي قدام كل الي بالمنتدى اختار انت الموضوع الي بدك ياه لحتى ما تقول انو انا الي عم بختار او كلف حدا و انا جاهز و انا ناطر ردة اذا بدك موضوع جديد انا ما عندي أي مانع
ولا تفكر أو عاجز عن الرد على أخر ردتين لأنو ما في اسهل من الرد وحياتك و انت أكيد بتعرف يا فاتح
انت أكيد بتعرف يا فاتح
أنت أكيد بتعرف يا فاتح
سلام

**عصام يوسف** · 25-03-07, 03:19 AM

باسم تعـــــــا غنّي على اللوما *** و إعمل خطـــاب بمجلس الدوما
ردّة زجل تحـــــكي عَ أديداس *** و ردة زجل تحـــــكي على بوما

ما زال ما بتشوف بــين الناس *** و بتضــــل فيّي تْـــــشك يا توما
اشرب من الكلمه خمر بالكاس *** متل اللي عم يشـرب عرق توما

و فكّر مليح و بَيْـــعد الوسواس *** و روح و تعا من الشام عَ دوما
عندها بيـــــــجوز يا حـســّاس *** تقـــــــــنع بإنّـــــو مات هانيبال
قبل ما يــــــــــدخل على روما

باسم القباني · 25-03-07, 03:22 AM

يعني هربت من الموضوع يا شــــــــــــــــــــــــاعر

تسجيل الدخول
اسم العضو:
كلمة المرور:	نسيت كلمة المرور؟
	تذكرني