أجمل الردود في مشتاوي

[ثناء حيدر]

عملاقان أبدعا في ساحة الزجل
الشاعر فاتح، والشاعر حسن بنوت
حوار يرفعنا إلى السماء والنجوم
برقي وجمال الصور البيانية والحكم المأثورة ...
تعالوا معي نثري ذائقتنا بطيب الشعر وسحره :

يا بو علــــــــــــــي يا تاج عا راسي *** و جواهـــــــــرك بالتاج حسّاسي
حبّه من الإحساس مـــــــــــن ياقوت *** و حبّه مــــــن الإحساس الماسي

لا تعتب عْلا شعــــــــــــبنا المكبوت *** مْن الظلم صــــــرلو دهر بيآسي
صار العتــــــــــــــم عَ قلوبنا بيفوت *** لا بيلتــــــــقى بشمعه و لا نوّاسي

من شان يرجـــــــــــع حقّنا المثبوت *** شــــــــــــــد متراسك عَ متراسي
و نصحى متـل وج الفضى المبهوت *** بطلّة وطـــــــــن عَ جبالنا راسي

بدنا الوعـــــــــــي يعمّر وطنّا بيوت *** عَ صـخر قاسي من صخر قاسي
و ساعة ما بتشوف الصخر منحوت *** في وقتها بتـــــــــــــحط الكراسي

لا عــــــــــاد بدنا وراق تين و توت *** و لا الف ربـــــطه و الف حبّاسي
و صوت الحقيقـــــة يختنق و يموت *** و عرس الوطن من دون عرّاسي

زيحوا عصا موسى و سحر هاروت *** و صبّوا الوعي و النور بالكاسي
و منشان أوعـــــــــى يا حسن بنّوت *** ما بحــب بالكاسي يا شاعر صب
....... تركني دخيلك غـــــــــــب بالطاسي .....

.

[poem=font="Arabic Transparent,7,,bold,normal" bkcolor="" bkimage="" border="none,1," type=0 line=0 align=center use=ex num="0,"]
*****

شاعر بعطر الورد كلماتو=وشاعر بأعلى جو صرخاتو
وبيناتهن بحر المعنى صار=يكسر عا صخر الصم موجاتو

والشعر كلمه زتها عالنار=بتخلق جليد بقلب لهباتو
وفاتح سحر عقلي بهالاشعار=المتل الجواهر عالقلب فاتو

الدنيا حقيقه وما لها أسرار=والعدل مش لابس عويناتو
مجلغم على وجوه البشر شحتار=نفوس سودا خلفها باتو

من قبل ما توعو يا أهل الدار=ودرب العلم تكتر زبوناتو
عالشعب لازم تلفتو الانظار=ويوعى الضمير بصدق نياتو

عيسى مرق عا هالدني مشوار=صلبوه ما اعترفو بآياتو
وبعدن لحد اليوم هالكفار=عا كفوفهن مصبوغ دماتو

وفعل الندامه فرض عالاحرار=بس الصلب عيسى عا خشباتو
حامل الشاكوش والمسمار=ومن دون رحمه بشعبنا بيدق
المسمار ذاتو والجرح ذاتو
*****

[/poem]

الرابط :

http://www.mshtawy.com/vb/forum16/6777/

[ثناء حيدر]

متل قطر الندي عا الورد
بتتعمشق كلماتو بالقلب
وبتنحفر بالذاكرة

مين غيروا ؟؟؟

هالشاعر..
اللي ألْهَن حروفو
كان متخبّي
بجرح قايين
صار الوحي
يشوفو !!..

بصلّي إلو
بفيروزو بصنّين
بشِفّة سهل
شاف الفضا .. فناجين
...
اللي بيخترع تكوين
من حلوين .... !!!؟؟
نحنا بملكوت الحلا
ضيوفو..
قبل الدني و الدين
...
إي ..رح صدّقو
و إركع مع ألوفو
و لوما شفت
مسمار بكفوفو!!..

الرابط :

http://www.mshtawy.com/vb/forum16/7318/

[shemi5]

[SIZE="6"][COLOR="RoyalBlue"]يا أحلا ردود بالموقع جميلي....زهور مفتّحة بأجمل خميلي
ودروب المنتدى بأعضاء فلّوا...حراااااااااام وما بقي باليّد حيلي

شوف ردودكن وشوي طلّوا...تا تعطوا الجيلنا اجمل متيلي
ولولا بتبرموا ها الكون كلّو...ما فيكن متل مشتاوي تشوفو
بثناء الحيدريّي والأصيلي[/COLOR][/SIZE]

[ثناء حيدر]

[SIZE="6"][COLOR="Red"]
حرة كالراية
شذية كالياسمين
إنها الغالية هالة وردودها الجميلة : [/COLOR][/SIZE]

[size="5"]ثناء صباحك زنبق ....
يعني أنا أريد فقط أن أفهم ....
" انتِِ من وين عم تنكشي هالأغاني "...
شئ عجيب بصراحة ...
كنت أعتقد أنّ فيروز لم تغني أغنية لم أسمعها ..
أصبتِ غروري في مقتل ...
في ملفكِ هذا وكأنك تخرجين اللؤلؤ من المحار ...
لو تقرأ فيروز مشتاوي لمنحتكِ وسام ...
وأنتِ بالفعل تستحقينه ...
محبتي وتقديري ..[/size]

[SIZE="6"][COLOR="Red"]
إضغط على الرابط
\
/
[/COLOR]
[/SIZE]


[URL="http://www.mshtawy.com/vb/forum22/6790/index7.html#post41494"]http://www.mshtawy.com/vb/forum22/6790/index7.html#post41494[/URL]

[SIZE="6"][COLOR="red"]ثناء[/COLOR][/SIZE]

[ثناء حيدر]

[SIZE="5"][COLOR="Red"]تمتعوا معي بهذا الجمال : [/COLOR][/SIZE]

[poem=font="Traditional Arabic,7,green,bold,italic" bkcolor="transparent" bkimage="" border="none,4," type=0 line=0 align=center use=ex num="0,black""]
*****
لو شفت مره بوعلي بابك طرق=شدّ العزيمه وحضـّر خوابي العرق
وأعصر الغيمه وقطـّر دموع الندي=وخلـّي الزجل يزرب من جبينك عرق
*****[/poem]

[URL="http://www.mshtawy.com/vb/forum16/8870/#post41905"]http://www.mshtawy.com/vb/forum16/8870/#post41905[/URL]

[ثناء حيدر]

[SIZE="6"][COLOR="Red"]الله يطوّل بعمرك يا شاعرنا الكبير جوزيف هاشم ( الزغلول )

تمتعوا معي بهالردة اللي بتجنن .
وشكراً لشاعرنا الشاب الموهوب الرائع شفيق اللي نقلنا هالحفلة الرائعة [/COLOR][/SIZE]

[size="7"]الزغلول:[/size][size="6"]


بيلوموني وأنا ما بلوم حالي.....لأني عالزجل مشغول بالي
بيقولو ليش هالزغلول غنا.......مع هالشاعرين اللي قبالي
بقلن في شباب كتار عــنا.....عندن شعر أغلى من اللالي
مغمورين بدن دعم مـــنا......متل غمر الدوالي البالحقالي
ونحنا اللي على الشعر ائتمنا....كتابة ان كان يما ارتجالي
افتكرنا وقلبنا هيكـــــي تمنا....لأنو شـــعبنا مـــش اتكالي
بدنا كل معمرجـــي وبنا.....معنا يحــــط كتفو بزند عالي
تنخلق للقصايد والمعنى....جيل جديد عا نفــــس الطريقة
............يجي من بعدنا يكفي الرسالة

يا ليل الشعر يعطيك العوافي....لعندك جيت من أبعد مــسافي
تفلفشلك خصل شعرك بـــديي....وفيق جفنك اللي كان غـــافي
لقيتك من بعد نومي هــــــنيّة....بحضن الموهبي مكنكن ودافي
فقت فوقة عروس المستــحية....اللي خلطت بالعسل قطر الكنافي
إلي خمسين سنة وأكتر شوية...وأنا حامل همــــومك عا كــــتافي
وما بتضوي الليالي المنبرية....بلا ما عالغنا حــــرك شفـــــافي
ويا شعار الزجل والعــبقرية.....عنكن لا يكون الـــــسر خـــافي
تعو تا نلتقي عن صــدق نية....ونحكي كلمتيـــــن بقلـــب صافي
إذا مش رح تنعاون سويـــة.....ولرص الصف نعمل جهد كافي
وإذا ضاع الدوى من الفرمشية...الزجل بيموت ومنصرخ بموتو
..............العوض بسلامة رجال القوافي

[/size]

[SIZE="5"][URL="http://www.mshtawy.com/vb/forum54/8953/#post42076"]http://www.mshtawy.com/vb/forum54/8953/#post42076[/URL][/SIZE]

[ثناء حيدر]

[SIZE="4"][COLOR="Red"]لوحة سريالية مرسومة بريشة مشتاوية ربانية

ما أجملها يا شاعر الجمال عصام !!!
تمتّععوا بجمالية الصور واسمعوا معها فيروز وادعولي
[/COLOR][/SIZE]

[COLOR="Navy"][SIZE="6"]

على الشاطـــــي مراكب بيض كانوا *** بدي يْهب الهوى و تسكر جـِنانو
مركب يطــــــلع ومَركـب بـينـــــزل *** كأنـّو البحـــــر عم يعزف بيانو

و على كتاف الشمس في شال مَخمل *** دايب عالوهج آخــــــــــر أوانو
و قمر مفطـــــــــــوم عن إمّو بيسال *** عَ هاك الشال شو عضـّوا سْنانو

صِرت إمشــي و عَ وجـّي العتم يتقل *** تِقل تاج الحـــــقيقه و صولجانو
كأنـّي خـــــــــيط شاف الموج مغزل *** صَبغ لونو بـِحمرة إرجــــــوانو

إذا قوس القدح بيصـــــــــــير أطول *** و إذا بيقصر شــمع عا شمعدانو
أنا متل التلاشي بْصـــــــــــير أجمل *** إذا الرسّـــــــام رَوْتشـني بْحنانو

أنا شــــــــــــو بْحب إبدا بس أوصل *** عْيوني شْـــــــقد بالقمّه استهانوا
متل شــــــــــــي نهر عالمنبع تحوّل *** شـــــاف الكــون عَم يبرم مَكانو

مَ بدّي عيش وجـــــــــــــداني مقلقل *** و عمري ضــــايع بْعجقة زمانو
خايف بعد ما جــــــــــــــنـّيت إعقل *** و بعد ما كنت إضحك عالطبيعه
إبكــــــــــــــي عَ الربيـــــــــع و بَيْـلســــــانو

[/SIZE][/COLOR]

[URL="http://www.mshtawy.com/vb/forum16/9069/#post42655"]http://www.mshtawy.com/vb/forum16/9069/#post42655[/URL]

[ثناء حيدر]

[SIZE="6"][COLOR="red"]ما زلت ثملة ... ثملة وياريت ما إصحى ... يا شاعرنا المرهف عصام
إنت جنة الشعر والحلا وحروفك خمر معتق كلما كبر الدهر بيغلى سعروا وبيطيب مذاقو

تمتعوا بجمالية الصور والمعاني الراقية

ياقاطف الدرر يا عصام [/COLOR][/SIZE]

[SIZE="6"][COLOR="Navy"]

يا بيتها
لْ دايب عَ غيّابو
و عا شجرة العنـّاب
عَ جنابو ..
قدّيش ضيـّفني
أنا و سهران
من كل
عـِنـّابات عـِنـّابو


كان الكحل
عا لوحة الأجفان
يْرَوتش
بـِأهدابي و بـِأهدابو
و عا قوس قنطرتو
الشتي النعسان
بقوس القدح
يعزف عَ نـَشـّابو


[COLOR="red"]و بابو متل
دفتر موسيقا كان
و كل مَ الهوى الشرقي
فتح بابو
عود الحطب
بيدوزن الألحان
و متل القصب
بيدق مـِزْرابو[/COLOR]


و شبـّاك
من تلج الدني بردان
يا ما قزازو
غـَزْ بخشابو
متل اللي بعدو
من الصِبا عشقان
و صورة حبيبو
بْـتـِجرح جـْيابو


[COLOR="Red"]و مَمْشى ..
على غـْياب القمر
زعلان !!
ضْفافو
متل نهر العمر شابوا
كل ما دعس
بالذاكره النـِسيان
بتبكي نـِدي بالبال
أعشابو[/COLOR]

و يا سَـقـْف شو حملوك
هالحيطان !!
متل الجرح
مَ بيحمل عْذابو
يا ريت متلن
يحمل الإنسان
بس الفنا
مَ بيحمل ترابو


رجعت بشهر كانون
من نيسان
إتزكـّرو
و إسأل عَ أصحابو
قلـّي يا شاعر
"كان يا ما كان"
كل اللي ضوّيتن
بقلبي شموع
عا شمعدان
الذاكره دابوا

[/COLOR][/SIZE]

[SIZE="5"][URL="http://www.mshtawy.com/vb/forum16/9265/"]http://www.mshtawy.com/vb/forum16/9265/[/URL][/SIZE]

[ثناء حيدر]

[SIZE="5"][COLOR="Red"]الصمت في حرم الجمال ... جمال .....!!![/COLOR][/SIZE]

[COLOR="Navy"][SIZE="6"]

بتمرقي بالبال
شِعر انقال
قبل الدني .. و أزود
نهر السما
بينزل متل شلال
بيطوفن المزود

بيولد بعينيها صبي
بتحممو بعرزال
بتلبّسو موّال
بتمشّطو بصابيع غنيّي
بتعلّمو ..
بعرس القصايد .. هالسمر
يطلع عا درجات العمر
و يحوّل الميّي
خمر بجرار
عينيّي
الله .. !!؟؟
في تنين .. الجمال بيأمرو
الله .. خلق كل الدني
و هيّي ..!!!

[/SIZE][/COLOR]

[SIZE="6"][URL="http://www.mshtawy.com/vb/forum28/8165/index4.html"]http://www.mshtawy.com/vb/forum28/8165/index4.html[/URL][/SIZE]

[ثناء حيدر]

[SIZE="5"][COLOR="Red"]شاعر مرهف وحساس ... بيرسم بحروفو أروع اللوحات وبيلبسهن أحلى فساتين مزينة بورود مشكلة بلون قوس القزح
معباية عطر ... الشاعر سليمان طراد :
[/COLOR][/SIZE]

[COLOR="Navy"][SIZE="6"]كيف [COLOR="Red"]الحبيبة [/COLOR]بتعرق بنفنافها***وهمّ الغرام ب[COLOR="Green"]تشلح[/COLOR] على كتافها
بتصير [COLOR="Red"]وردة[/COLOR] من الخجل وبتستحي***كلما الحبيب[COLOR="DarkOliveGreen"] يبوسها [/COLOR]بشفافها

وتوب الجمال [COLOR="SeaGreen"]مخيّط[/COLOR] بأبرة وحي***ومعرض كلام[COLOR="SeaGreen"] الموهبة [/COLOR]وألطافها
والقلب متل [COLOR="DarkRed"]البوصلة [/COLOR]ان غلّط صحي***وبيشوف اشيا [COLOR="Red"]بالدني[/COLOR] ما شافها



يا ملهمة

يا ملهمة [COLOR="Green"]شعّار ألوانك [/COLOR]خطوط***فيها جمال [COLOR="DarkOrange"]مدهّبة[/COLOR] متل الخيوط
تا نحس فيكي[COLOR="Red"] غمّقي [/COLOR]ب بحر الحلا ****درالمعاني ما[COLOR="DarkOliveGreen"] بيهدى [/COLOR]عا الشطوط[/SIZE][/COLOR]

[SIZE="6"][URL="http://www.mshtawy.com/vb/forum9/6698/index6.html"]http://www.mshtawy.com/vb/forum9/6698/index6.html[/URL][/SIZE]

[ثناء حيدر]

[SIZE="6"][COLOR="Red"]بتضل يا شاعرنا حسن بنوت سلطان الزجل والمرجلة والغزل والصوت الحلو ...
وفاعل مستفعلن في أرواحنا عشق الزجل شوفوا هالردة اللي بتغرقنا ببحورها : [/COLOR][/SIZE]

[poem=font="Traditional Arabic,7,black,bold,italic" bkcolor="transparent" bkimage="" border="none,4," type=0 line=0 align=center use=ex num="0,black""]
*****
يا فاعلاتن فاعلاتن فاعلو=بمستفعلن ليش الشباب تفاعلو
اللي مفكر المستفعلات مشاع لو=يوقف ويرفع فاعلات مشاعلو
لو تفاعلو مستفعلن مع فاعلن=مابيفعلو مع بوعلي ومفاعلو
*****[/poem]

http://www.mshtawy.com/vb/forum16/9745/

[COLOR="red"][SIZE="6"]ثناء[/SIZE][/COLOR]