ألغاز علمية جديدة

[Mr.Post]

باص فيه 100 راكب
جمع صاحبه الأجرة فكانت 100 ليرة
إذا كانت الأسعار كما يلي:
الولد = فرنك واحد
الرجل = 5 ليرات
المرأة = ليرة واحدة
فكم رجل و كم إمرأة و ولد يحوي الباص ؟
علماً أن كل ليرة تساوي 20 فرنك
يلا فرجونا شطارتكون لنشوف :ura:

[المختار]

[move=up]

ما فيه غير النسوان خيي بوست

[/move]

[Abo Habib]

طبعا ما فيه غير النسوان
وحتى الشوفير يمكن يكون مرا
لانو معقول معو مية مرا لحالو
نحنا وحدة وبايعين الطابق الفوقاني من زمان

[move=up]ابو الحب[/move]
[move=down]المختار[/move]

ملاحظة انا رديت بأسم المختار بس حتى يحنو علينا وينزلو الرد بيكون حدا تاني جاوب

[echo]

ههههههه يا أبو حبيب معك حق بالنسبة للنسوان بس أنا طلعت الحل و شوف كيف:

80 ولد بيدفعو 4 ليرات
19 رجل بيدفعو 95 ليرة
مرأة واحدة تدفع ليرة

شفت طلع الجواب مرة وحدة

طيب خدو هاللغز:
حمامة رأت سرب من الحمام فقالت أنهم 100 حمامة فجاءت قائدة السرب و قالت لها
لازم نكون قدنا مرة زيادة و قد نصنا و قد ربعنا و انتي معنا حتى نصير 100
فمن كم حمامة يتكون السرب ؟

و شكرا mr.post

[Aboud]

طيب خدو هاللغز:[/size]
حمامة رأت سرب من الحمام فقالت أنهم 100 حمامة فجاءت قائدة السرب و قالت لها
لازم نكون قدنا مرة زيادة و قد نصنا و قد ربعنا و انتي معنا حتى نصير 100
فمن كم حمامة يتكون السرب ؟

و شكرا mr.post

نفرض انا عدد حمام السرب (س) مجهول فتكون المعادلة كالتالي :

حمام السرب + قدهم مرة + نصهم + ربعهم + حمامة واحدة = 100

س + س +1/2 س + 1/4 س + 1 = 100
(3/4)2 س + 1 = 100
11/4 س = 99
س = 99 * 4/11
س = 396/11
س= 36

يتكون السرب 36 حمامة

36+36+18+9+1=100


شكرا طوني

[echo]

ملك و الله يا عبود حلك صحيح مية بالمية مع أني ما كنت متوقع حدا يعطي التفسير بهيك معادلة

وينك من زمان اشتقنالك

طيب خود هاللغز:

في سلحفاة وقعت في حفرة عمقها 15 متر
فإذا كانت السلحفاة تتسلق إلى أعلى 5 أمتار في كل يوم
و لكنها تعود و تنزلق 4 أمتار في اليوم
فكم احتاجت من الزمن حتى تمكنت من الخروج من الحفرة ؟؟؟؟
:p

لغز الغنم:
راعي غنم عنده خمسين رأس
مارضي يبيعها الا بالشروط التالية :
1- يبيعها على خمسة أيام
2- لا يبيع في اليوم الواحد إلا عدد فردي من الرؤوس
فكيف يستطيع ؟؟

[عصام يوسف]

11 يوم


بالنسبة لسؤال 50 رأس غنم :

عدد فردي = عدد زوجي + 1

مجموع خمس أعداد فردية = مجموع خمس أعداد زوجيّة + 1 +1+1+1+1

و مجموع خمس أعداد زوجيّة = عدد زوجي + 5

=عدد فردي
و بالتالي مستحيل العدد 50 = مجموع خمس أعداد فرديّة

لذلك الحل هو :

على الأقل يوم واحد يجب أن لا يبيع أي رأس

مثال :
اليوم الأول :0
اليوم الثاني :1
اليوم الثالث :1
اليوم الرابع :1
اليوم الخامس :47

[echo]

أهلين خيي فاتح و شكرا عالحل

أما بالنسبة للغز الغنم الظهار أنك شفتو قبل ما شيلو لأنو هوي بالفعل مستحيل الحل إذا بدو يبيع كل أما إذا متل ما قلت إذا ما بيبيع بيوم و بيبيع بالأيام الباقيي بيصير حلك صحيح عكل الأحوال رجعت حطيت اللغز مشان ماحدا يسأل

تفضل هاللغز كمان:

ذهب رجل الى أحد المحلات فقال له صاحب المحل : أرجو أضافة ضعف المبلغ الموجود في الصندوق وتأخذ 100 ليرة ففعل .
وجاء رجل أخر وطلب منه صاحب المحل ايضاً اضافة ضعف المبلغ الموجود في الصندوق ويأخذ 100 ليرة وفعل .
ثم جاء رجل ثالث الى المحل وطلب منه مثل اللي قبله أي إضافة ضعف المبلغ الموجود في الصندوق ويأخذ 100 ليرة وفعل .وبعد ذلك لم يبقى أي شيء في الصندوق .

الســـــــؤال : كم كان المبلغ الأصلي الموجود في الصندوق ؟

سلامات

[عصام يوسف]

solution

الجواب هو :
48.15

[echo]

معلم فاتح جوابك غلط لأنو بالنهاية بيطلع الجواب تحت الصفر

بالنسبة للجواب هوي أكثر من هيك

[bashar]

الجواب هو 87.5

[عصام يوسف]

إذا كان قصدك بالضعف هوي العدد نفسو بيكون الجواب 87.5
بس بعتقد لمّا منقول ضعف عدد يعني قدّو مرتين
يا ريت نسمع الجواب الصحيح

[Aboud]

أهلين طوني كيفك أنا موجود بس والله مشاغل بس عطول متابع أخبار الموقع وإنشاء الله عطول للأحسن

بالنسبة لحل المسألة انا مع فاتح يعني ضعف العدد هو قدو مرتين بس هون بعتقد ضعف المبلغ الاساسي يعني مثلا 50 ضعفها 100 وهيك ..................


بالنسبة للحل هو ( 87.5 ) صح بعتقد

بنرجع بالحل بالعكس من ثالث زبون

(0+100)/2=50
(50+100)/2=75
(75+100)/2=87.5

[echo]

حلكون صحيح كلكون بشار و فاتح و عبود

بس كيف هي ضعف العدد يعني قدو مرتين لأ إذا أنا قلت ضعف الــ50 يعني 150 هادا غلط أما لما بقول ضعف الــ50 مرتين يعني 150 هيك

طيب و هادا لغز تاني:
بإستخدام جميع الارقام من ( 1 ) الى ( 9 ) مرة واحدة فقط ، حاول أن توجد عملية حسابية يكون ناتجها فقط واحد ( 1 ) ؟
ملاحظة : هناك أحد الاحتمالات ولكنه مرفوض لانه بسيط وهو

( 1 ) أس 23456789 = 1 أو أي اس أخر يكون الناتج دائماً واحد .
لذا أريد حل أخر

تحياتي

معلم فاتح و عبود و بشار حطولنا ألغاز إذا عندكون و أنا بعتذر من الأخ بوست لأني رح غير عنوان الموضوع إلى ألغاز علمية جديدة لأنو صار الموضوع فيه أكتر من لغز واحد

و شكرا

[Mr.Post]

حلو كتير و الله كنت متوقع أنو تكونو مجاوبين عن لغزي بس طلع في شي 5 ألغاز بالموضوع و أنا ماني عرفان

عكل الأحوال شكراً ألكون و حل إيكو صحيح عن اللغز تبعي

[عصام يوسف]

بالنسبه للمسأله
شو المقصود بالعملية الحسابية . هل هيّ مختلطه اي مثلا + مع - أو ضرب مع طرح مع قسمه أ مفروض تكون عمليّه من نوع واحد أي مثلا ضرب أ و طرح ... الخ

المثال الي عطيتو ما نو عمليّه حسابيّه هويّ عدد = 1 لأن عدد أس عدد = عدد

لذلك أرجو التوضيح

[echo]

أهلا خيي فاتح

قصدي بالعملية استخدام كافة العمليات من جمع و ضرب و قسمة و طرح بعملية واحدة لختى يطلع معنا الرقم واحد كجواب

تحياتي

[عصام يوسف]

(9 – 8) - (7 – 6) + (5 – 4) - (3 – 2) + 1 =
1 - 1 + 1 - 1 + 1 = 1

[echo]

حلو فاتح حلك صحيح مية بالمية

[عصام يوسف]

شكرا حبيب القلب .
رح إعطيك نفس المسأله السابقه بس بدل مجموعة عمليات حسابيه تكون عمليّه وحده فقط و تكون تساوي بدل (1 ) تكون (20).
مع العلم إنّو عدد أس عدد ليس عمليّه حسابيه و إنّما عدد.