يابو علي

[بيدق]

[SIZE="3"]يا بو علي داعيك عاقد بيرقو = وباب المراجل والتحدي طارقو
تيْعَـ ـرّفك مقدارك بشعر الزجل = وراسك بسيفو عن كـ ْـ ـ ــتافك يفرقو [/SIZE]

[حسن بنوت]

*****

[SIZE="3"]ما زال حامل سيف مش حامل قلم=بفزع عا حالك في مجالي تنظلم
وراسي علم للمنبر وفن الزجل= ولو راح راسي دولتك من دون علم
***** [/SIZE]

[عصام يوسف]

من يوم مَ الشحــرور هالدفّه استلم *** نــــفس الرتابه و المآســـي و الألم
تَ تبلشوا بتبلشوا بسحب السيوف *** و تَ تجاوبوا بتجاوبوا بسحب القلم

[حسن بنوت]

*****

[SIZE="3"]بسيف وقلم ما بتفرق الشغله كتير=وتنينهن خلقو لتقرير المصير
وحضرتك من قبل ما تاخد قرار=لازم تشوف بحالتك شو رح يصير[/SIZE]

*****

[عصام يوسف]

شاعر من كروم القصيد المرتجل *** بنقل مــــــــن العنقود للخابي أجل
لكن إنت بتضل واقف مطـــرحك *** بالمنتدى مشرف على قسم الزجل

[باسم القباني]

بنوت نحنا حولك منبقى جنود = طلبنا منحضر ما منخلف بالوعود
و هلق يا فاتح يا ابو عينين سود = بتعرف نحن بالمعركة متل الأسود
راح انطرك عاصفحتي شرف و عود = بسحب القلم دخلك يا جاهل لا تجود
لما القلم نرميه عاعيون الغبي = بيصير اعمى كل شخص متلك حسود

[عصام يوسف]

قبل ما تحكي يا باسم من جديد *** و قبل ما تهمدر متل عبد الحميد
و قبل ما تعلق معي عالمصيده *** عالقليله روح جــاوب عالقصيد

[حسن بنوت]

"
*****

حتى القلم ما عرفت كيف تستعملو= ولا سيفك بيلمع ولا زندك ملو
طموحك انحد من الكرم للخابيه=لاكن أنا طموحي نهايه ما إلو
*****

[باسم القباني]

راح جاوبك تكرم انا عاردتك = ولا تفتكر مرة بعد راح فلتك
طفل ال من شفافو الخميري جبتها = هيدا انت يا خيبتك عاعلقتك

[عصام يوسف]

لَ حسن بنّوت

ما بتعرف بعلم التفاضل بالحساب *** لْ ما لو نْهايه نهايتو تحــــت التراب
لكن أنا كل يوم خلّيـــــــت المسيح *** يمرق على شفاف الصبايا و الشباب

[عصام يوسف]

لَ باسم

مهما عليّ يبرمـــــــوا و يتناوبوا ***هوّي و حسن رح يوقعوا و يتصاوبوا
لو كان وحدو كنت علّمتو الأدب *** لكن لأنّو مع حســــــــــــن ما بجاوبو

[حسن بنوت]

*****
بيدق بدي بالمعركه وفاتح نجد=واحد هرب من ساحتي وواحد سجد
ومرق القربان عا شفاف العبيد=تا يعرفو سر الازل فيي انوجد
*****

[عصام يوسف]

سر الأزل مش بس عندك موردو *** عند الله و البشر لِي بتعبدوا
بس الأبد وحدو إنوجد عند الإله *** و المتلك بسر الأبد ما تخلّدوا

هون في غلط : مفروض تكون كلمة الأزل محل كلمة الأبد آسف

[باسم القباني]

رديا فاتح رد على ردتي


تكرم انا راح جاوبك عاردتك = ولا تفتكر مرة بعد راح فلتك
الطفل المن شفافو الخميري جبتها = هيدا انت يا خيبتك عاعلقتك

[حسن بنوت]

****
يا حرام الشوم عا هيكي خطاب=بعمرك يا فاتح انت مش فاتح كتاب
كل شغله بهالدني والها مسيح=وشغلة حسن يعمل مسيحك بالجواب
****

[عصام يوسف]

يا باسم لْ وزنك بوزن البوحنين *** رح جاوبك عا كل ردّه بفردتين
يمكن ما عم بتلحّـــــــــــق عليّ أنا *** حتّى عم بتكتــــــب الردّه مرتين

[عصام يوسف]

في جوابك لا بقى تعــمل مسيح *** يمكن غلطت و ما شفت ردّك مليح
لا شغلتك تعمل مسيح و لا نبي *** يا ريت تتعلّق بمرســـي و تستريح

[باسم القباني]

بشان هيك عم رد على القصيدة هلق و خصوصي عن الطفل المبندق


راح جاوبك تكرم انـا عاردتـك=لا تفتكر مرة بعـد راح فلتـك
طفل ال من شفافو الخميري جبتها=هيدا انت يا خيبتك عاعلقتك
هاد الطفل الي قلت عنو بالقصيدة رد على الرد مو كيف ما كان

[حسن بنوت]

*****
حضّر التينه وربّط عليها المراس=وبعد الشنق والصلب ربّع بالجراس
وأعلن النصر وقول فليحيا الزجل=مات المسيح ومات تلميذو يوضاس
*****

[عصام يوسف]

لَ باسم

جبت الخميره من شفافي عالهدى *** تَ يصير خبزك للضيافه ينهدى
تاري البزاقه كتير يا باسم عليك *** بلا مواخذي من كل أهل المنتدى