يابو علي

[ابو الزلوووف]

يا بو الزولووف يا بو جفن مكحول *** و قصايدك أطيب من المعمول
منها إذا ضيّفـــــــــــــت شي إنسان *** بيضل شهر من القرف مسهول

وقفتــــــــــك وقفـــــــــــة فهد بلاّن *** و قعدتك بتــــقول هِلمت كوول
و إيام حــــزب( الوفد) لــــو خلقان *** كان انســـحب منّو سعد زغلول

لولا عمــــــــــــلت خطبة بباكستان *** بيرجـــــع ابن لادن على كابول
و لو لا زرت يا بو الزلــــف إيران *** بتتــرك مفاعل( بوشهر) مقفول

يعني ما شالله عالـــــــم و فهمــــان *** شو هالزكا اللي فيك مش معقول
بيظهر بإنّو عنـــــــــــدك من زمان *** و بحر الزكا تَ يضـل فايت فيك
بيفوت شـــي بالعرض شي بالطول

شوي شوي عم تتوضّح الصورة البهية
لطلّتك المقرفة

[عصام يوسف]

مش بس في زند المــــــــعنّى قارفك *** في عيشتك يا بو القرافه قارفك
رح ضل وَنْ ما كنت إتضحّك عليك *** تا يعرفك يلّــي بعد مش عارفك

[ابو الزلوووف]

شوي شوي عم تتوضّح الصورة البهية
لطلّتك المقرفة

مـــش فالح بقرض الشــعر لا يا صـــديق
بعمرو الشّــعر ما كان نصــف الكـــــلامْ
خـــرج تتزعّم عصابة أو قاطع طـــريقْ
يقــنص بالخفــــى بغـــدر الســـــــهامْ
تعـــــلّم كيف تغــرّدْ بيـــكفي نقيــــقْ
الضـــفادع صارت تشتكي قالت حــرامْ
تعـــلّم كيف تغـــرّد بيــكفي نعيـــــقْ
القيقـــان صارت تشتكي قالت حـــرامْ
تعــلّم كيف تغرّد بيــــكفي نهيــــــقْ
............ صارت تشتـــكي قالت حـرام

[حسن بنوت]

#################
مش كل من رام المعالي طالها = ولا كل مهره بترتضي خيالها
ويابوعلي ريحك عصف منوالها = بْعكس المزيه إلي ر ِدِتْ تتنالها
عامل ولي خلي الولايه بحالها = لا ترتدي ثوب النزاهه وشالها
يلي بيزهد بالدني وأحوالها = وْ نفسو بيردعها عن إلْ بحلالها
الله وليّو بيحفظو من فالها = ومن شر فتنتها وْ خَسي اعمالها
وحيثك بأمريكا رميت رحالها = كرمال كم دولار من أموالها
خلي الولايه لأهلها يا بو علي = لَنك ولي ولَ بتنسمى من رجالها
#########################[/poem]

وأبو عنتر سد بوزك

*****
يا بيدق سماع وكفاك مجادله=وخللي البحث محصور عا هالطاوله
بتحكي بخصوصياتنا والمشكله=مجهول اسمك خايف من القلقله
طلبت الولي بعتنالك الرب الولي=بس بجوابك ما لقيت معادله
لما قلت الله الك منو الي=فحوى جوابك كان سخر ومهزله
الله لكل الناس سبحانو العلي=بالشرق او بالغرب نورو منجلي
ويمكن انت عايش عا فلس الأرمله=تا تهمتني بدولار أخضر منطلي
مكتوب عالدولار كلمه مسجله=بالله ثقتنا ... والعداله عادله
لازم يا بيدق قبل هجوة بو علي =تعد للميه وبالله تختلي
وتقرا كتب عالطالعه وعالنازله=وتشوف شو قالت ملوك المرجله
جنة البذل ما منرضى بها=وجهنم البلعز أشرف منزله
*****

[حسن بنوت]

ياخجلة الأشعار من هالآخره=بضعف المعاني اليوم صارت زاخره
ضاع الزجل ماتو القوافي الفاخره=والمستوى مِنّو البلاغه ساخره
من وقت ما بَنّوت قاد الباخره=هالباخره بحر الجهاله ماخره
صابو متل كافر على الدِّين انجَبَر=لا بالدني تهنّى ولا بالآخره

*****
وهاك السفينه للي أنا قبطانها=وسيد مواقفها وحامي كيانها
ما بختشي الموجه ان جن جنانها=بطوفان شعري بيختنق طوفانها
من أرز موهبتي انبنت حيطانها=وصارت دروع محصنه لشيطانها
وما حمّلت غير الادب والمعرفه=وضل الجهل مطرود مع مروانها
*****

[عصام يوسف]

لَ بيدق

بين العلل يا بيــــــدق و بين الزحاف *** فاتح فتح قلبو و إنت ضَلّــــك زحاف
شاعر سحب ملح الدموع من العيون *** و شاعر دلق ملح البحر فوق الشفاف

[مروان]

وهاك السفينه للي أنا قبطانها=وسيد مواقفها وحامي كيانها
ما بختشي الموجه ان جن جنانها=بطوفان شعري بيختنق طوفانها
من أرز موهبتي انبنت حيطانها=وصارت دروع محصنه لشيطانها
وما حمّلت غير الادب والمعرفه=وضل الجهل مطرود مع مروانها
*****

لمّا البحر عالباخرة مْواجو عَصَرْ=عرفناك إنّك لا بصيره ولا بَصَرْ
كل مين فينا بالشعر دورو اقتصر=يعطي البشر من معدنو ال فيه انحصر
مِنّي إنت خَدت الأدب والمعرفه=ومِنّك أنا خَذْت الجهل بالمختصر

[أبو عنتر]

مبيّن بو عنتر صار شبـه المنحرف *** ما بشبّــــــــهو إلاّ بشبه المنحرف
يمكن على القعده الطويله بالحبوس *** طق مخّو و هستر و جن و خِرف

مبارح طلعت من السزن عا كل حال // حامل شهادة قبضني وقوه وكمال
ويا حيف تحكي هالحكي يا بو الفتوح // و تنسى بأنو السزن مدرسة الرجال


أبو عنتر

[شادي]

ياخجلة الأشعار من هالآخره=بضعف المعاني اليوم صارت زاخره
ضاع الزجل ماتو القوافي الفاخره=والمستوى مِنّو البلاغه ساخره
من وقت ما بَنّوت قاد الباخره=هالباخره بحر الجهاله ماخره
صابو متل كافر على الدِّين انجَبَر=لا بالدني تهنّى ولا بالآخره

لك يسلم هالتم

[حسن بنوت]

لمّا البحر عالباخرة مْواجو عَصَرْ=عرفناك إنّك لا بصيره ولا بَصَرْ
كل مين فينا بالشعر دورو اقتصر=يعطي البشر من معدنو ال فيه انحصر
مِنّي إنت خَدت الأدب والمعرفه=ومِنّك أنا خَذْت الجهل بالمختصر

*****
يا بحرهوج ويا سفينتنا العبي=وعن طاقمك شيطان مروان ازعبي
بيني وبينك فرق شيطان ونبي=شو لمّ هالشامي عا هاك المغربي
منك أخدت المعرفه والموهبه=ومني أخدت الجهل حلوة يا صبي
ومن وقتها لليوم نحنا الأذكيا=وأنت عايش بالدني أكبر غبي
*****

[عصام يوسف]

مبارح طلعت من السزن عا كل حال // حامل شهادة قبضني وقوه وكمال
ويا حيف تحكي هالحكي يا بو الفتوح // و تنسى بأنو السزن مدرسة الرجال


أبو عنتر

من يوم ما صار الكذب ملح الرجال *** و الحبس مدرسة البطولة و الشرف
الجولان كلّو إنباع قبـــــل الإحتلال *** و لْ بايعو من قبل ما يبيعو انعرف

[مروان]

لك يسلم هالتم

شكراً ياشادي على تحيتك الحلوه وسلامي إلك

مروان

[مروان]

"
*****
يا بحرهوج ويا سفينتنا العبي=وعن طاقمك شيطان مروان ازعبي
بيني وبينك فرق شيطان ونبي=شو لمّ هالشامي عا هاك المغربي
منك أخدت المعرفه والموهبه=ومني أخدت الجهل حلوة يا صبي
ومن وقتها لليوم نحنا الأذكيا=وأنت عايش بالدني أكبر غبي
*****

كلمة غبي من حضرتك يامغربي=مش لايقه بإسمك ولا بالمرتبي
نحنا أهالي الشام عِنّا مكتبي=فيها المعاجم والنصوص مْأدّبي
تركْني أنا شيطان واضح مذهبي=عندي وجه واحد وعارف مطلبي
مش متلك بوجهين متل مْسيلمه=بأرض النبي عبتدّعي إنك نبي

[حسن بنوت]

كلمة غبي من حضرتك يامغربي=مش لايقه بإسمك ولا بالمرتبي
نحنا أهالي الشام عِنّا مكتبي=فيها المعاجم والنصوص مْأدّبي
تركْني أنا شيطان واضح مذهبي=عندي وجه واحد وعارف مطلبي
مش متلك بوجهين متل مْسيلمه=بأرض النبي عبتدّعي إنك نبي

*****
تفلسف عا ذوقك فصّل والبس تياب=بيني وبينك فرق شو جاب للي جاب
أنت البجهلك بلشت يا بو الشباب=لما معانا حكيت من أول جواب
ومع بو علي للي مكلّخ نياب الدياب=كل كلمه بتمرق عليها حساب
يا غاطس ببحر المشقه والعذاب=للشيطني والكفر عندك انتساب
مسيلمه بفضلك فتح عالجهل باب=كذّب وطاف الكذب عالاربع جناب
وانت وزميلك بو لهب كنتو حباب=تغنو بنص الليل قصدان وعتاب
ومع بو جهل قدرك علي والعيش طاب=درستو بذات المدرسه وذات الكتاب
وبدك بعد بعطيك دفعه عالحساب=قديش عندك اغبيا وعندك صحاب
لاكن انت لا صاحبي ولا بعرفك=ولا من شيمنا الما بيفهم بالاداب
*****

[أبو عنتر]

من يوم ما صار الكذب ملح الرجال *** و الحبس مدرسة البطولة و الشرف
الجولان كلّو إنباع قبـــــل الإحتلال *** و لْ بايعو من قبل ما يبيعو انعرف

بدك تا يعلو بالولاء قناطرك || من بو كلبشا فلق يعجب خاطرك
يا مفسـّر امور البلد عا خاطرك || لو نتكل عا زلم متل مساطرك
رح نجبر الجولان من قهرو يقول || بكرا لحالي راجع ومو ناطرك

[عصام يوسف]

الجولان كل قلوبــنا صارت معو *** بدّو يعــــــــود و كلّــــــنا منشجّعو
بس العتب عَ لِّ ما قبلوا يرجّعوه *** فزععوا نْ رجع جولانا ما يرجعوا

[مروان]

*****
تفلسف عا ذوقك فصّل والبس تياب=بيني وبينك فرق شو جاب للي جاب
أنت البجهلك بلشت يا بو الشباب=لما معانا حكيت من أول جواب
ومع بو علي للي مكلّخ نياب الدياب=كل كلمه بتمرق عليها حساب
يا غاطس ببحر المشقه والعذاب=للشيطني والكفر عندك انتساب
مسيلمه بفضلك فتح عالجهل باب=كذّب وطاف الكذب عالاربع جناب
وانت وزميلك بو لهب كنتو حباب=تغنو بنص الليل قصدان وعتاب
ومع بو جهل قدرك علي والعيش طاب=درستو بذات المدرسه وذات الكتاب
وبدك بعد بعطيك دفعه عالحساب=قديش عندك اغبيا وعندك صحاب
لاكن انت لا صاحبي ولا بعرفك=ولا من شيمنا الما بيفهم بالاداب
*****

مازالك بهالقَدْ في عندك فجور=لازم كنت قدَّرْت عاقبة الأمور
نسيان إنو مقابلك شاعر جسور=بيكتب حروف النور عجبين الدهور
شاعر بشِعرو تعانقو ثمار وبذور=وعاكلمتو بيتواعدو قلام وسُطور
حاجي أسامي تعدد وتنْبش قبور=كافر أنا وببقى على كفري غيور
مع بولهب عم بسْكَر وإشرب خمور=بغنّي مع الشيطان وبهزّ الصدور
مازال إنت صْفيت مسؤول الزجل=رح ضل كافر فيك عاطول العُصور

[حسن بنوت]

"
مازالك بهالقَدْ في عندك فجور=لازم كنت قدَّرْت عاقبة الأمور
نسيان إنو مقابلك شاعر جسور=بيكتب حروف النور عجبين الدهور
شاعر بشِعرو تعانقو ثمار وبذور=وعاكلمتو بيتواعدو قلام وسُطور
حاجي أسامي تعدد وتنْبش قبور=كافر أنا وببقى على كفري غيور
مع بولهب عم بسْكَر وإشرب خمور=بغنّي مع الشيطان وبهزّ الصدور
مازال إنت صْفيت مسؤول الزجل=رح ضل كافر فيك عاطول العُصور

*****
ما طلبت فيي تآمن ولا طلبت شي=حضرة جنابك بلشت بالكنفشه
ولما بسوق الفهم عقلك ما مشي=صارت ردودك متل هز المشمشه
إنت الذكرت مسيلمه بهالدردشه=تا نزلت عليك الاسامي طرطشه

يا موهبه كتب الوحي نبش انبشي=وإلا عمالقة الزجل لا تهبّشي
أخجل يا شاعر من كلامك واختشي=المتلك بخمس قروش ممكن يرتشي
كفرك وجهلك والعما والبقبشه=مع بو لهب خلوك تفتح محششه
ضل عني بعيد حاجي حركشه=بذارك ما رح يطلع بأرض منكشه
بدّك تا توصلـّي عجيبه مدهشه= قبلك إجا النمرود عربش عربشه
روح اسألو بالكفر هيدا صاحبك=بلكي بيوصفلك دوا لهالبرغشه
*****

[أبو عنتر]

الجولان كل قلوبــنا صارت معو *** بدّو يعــــــــود و كلّــــــنا منشجّعو
بس العتب عَ لِّ ما قبلوا يرجّعوه *** فزععوا نْ رجع جولانا ما يرجعوا

عا محطة الجولان وقـّف واستريح || عذرك ذنب بالشعر أقبح من قبيح
متل اللي قال الكرم بعدو ما حلي || لما ما قدر يطال عنقودو الكسيح

[أبو عنتر]

الجولان يا فاتح بيكفي تجرحو...دموعو على غياب الرجال تجرّحو.....
لو كل فاتح متل فضلك بالحروب ...بواب البطولة بعمرهن ما بيفتحوا...