اجا دور الكبس ياجفر

[مرهج]

حور قد مابدك تحور .. بجوابي وكرمة الأفكار حور
أنا ردودي ضروبي تحت باطي .. وأنت ع ردودك بتقعد تدور

ياجعفر بالكلام الاعتباطي .. مافيك جنينة المنبر تسور
حلك من جهودي ومن نشاطي .. تاخد درس وفكارك تطور

وتحتى تكون زهرة فن عاطي .. وتعقد والبلاغه ما تبور
اعتمد عازندك بيكفيك لاطي .. خلف بنوت وحجارو تشور

ولاتتهجم عاشاعر كان ساطي .. وبعدو مخوخ عالمنبر مقور
لأنو الأفكح البشعر خاطي .. بيجوز بضربتو حالو يعور

أنا لوسكتت بتجف الشواطي .. واذا بحكي نبع زمزم ب فور
واذا بضرب على صحرا قشاطي .. الرمل بيصير في بعضو يغور

وأنا وفاتح الجاطو بلون جاطي .. كوكب حد كوكب عمينور
متل روكز قعد حدو القماطي .. ومافيك بحقدك الواقع تزور

وتأختم هالحديث الدمقراطي .. وبلا مازيد عاضعفك وجور
البروج مقسمه عالي و واطي ..وأنا برجي طلع تالق الله
وأنت بعدك بأرضك عمتجور




--------------------------------------------------------------------------------

___________________


[size=8]

ضهرك تحت حملي قص قصه .. حلقنالك نعيما هيك قصه
أنا هالأكبر من السندياني .. مابتعلم أدب من عرق فصه

قصب سكر عطيتك من حناني .. مصيتو وصرت مع كل مصه
تتلحمض على سنين الحضاني .. الضاعت بين فرصه وبين حصه

وهلق قوم جرب عنفواني .. القدح نار وترك بالتلج بصه
ورماك على أرض جمحة حصاني .. عمتنازع متل تور المخصى

التحدي خمر هايج بالقناني .. وأنت عطشان وبقلبك الغصه
وكبس زندي على الرقبه الملاني .. وياويلك لو بعصك بس عصه

زمان الشعر ياجعفر زماني .. واله الحرب بسيوفي توصى

واذا بيجن عالمنبر جناني .. أنت وكلشي بعدك وقبلك
بتصفو بدنيا الشعر قصه

مرهج[/size]

[جعفر حيدر]

زيييييد
قد مفيك

[مرهج]

أنا ممنونك بقلبك الشفقه .. كبيري مليح مابتصير خفقه
لأنو وقتها نربيش روحك .. بيبطل يدفق على الراس دفقه
وبعد ماتنز من ضعفك جروحك .. وبعد مانبيعك وتخسر الصفقه
بتجي الكلاب تلحسلك قروحك .. وبتصفي أنت أيوب منبر
وشهيد بتلحق بشربل ورفقه

وعلى فكرة أنا أحبك لكن بدون شفقة

وعفكرة قصة الكلاب هاي أنت جبتها ولكن ردك محذوف لشاعريته وأما لوحتي عن الكلاب والقروح فهي تشبيه بماورد في كتاب أيوب ..يرجى الاضطلاع
وليس المقصود اهانة شخصية

[جعفر حيدر]

يا ابني يا مرهج
الله يهديك
ويشفيك


وشكرا
يكتر خيرك
على هالأدب الراقي

[جعفر حيدر]

أرجو من الادارة عدم حذف ما يكتب هنا
لعل ذلك يخفف عليك قليلا

وعلى فكرة غيرت أسلوبي بالكتابة
لأنني تلقيت رسالة يعلمني فيها أحدهم من أنت
وأنا لا أريد أن أخرب أمرا جميلا كان بيننا

سامحك الله

بالمناسبة أنا قلت لك لا تكتب بالفصحى
أخطاء جديدة قاتلة
في ردك الأخير

[مرهج]

ترقى أنت ياجعفر ترقى .. وبعلم الموهبي بصفي ترقى
فراتي خير عاصحرا جحودك .. مرق مابين دير وبين رقه

تعلم كيف بتروتش ردودك .. بزهر من جنة الكلمه منقى
وزين بالفواكه طول عودك .. بدل م تكون خشبه للمدقه

عيف الشعر م بتضرب فرودك .. فرود المي بتخليك سقى
بدل م تضل مصفره خدودك .. وتبقى برقبة الأشعار بقه


وهلق بس تاتثبت وجودك .. وقبل م تهق صوب الموت هقه
فرجي المنتدى فسحة حدودك .. قبل مايهبرك موس التحدي
................البيطق بكل كبسه ألف طقه

عفكرة مابفتكر فيه داعي للحذف فهذه تشابيه شعرية وليست شتائم شخصية ولكن يترك الأمر لضمير المشرفين مع الاحترام ..وهناك في المنتدى ردود أكثر عنفا ودموية لبعض الشعرا الكرام

[جعفر حيدر]

يسلم هالتم
اللي أنا مش عارف أصلا
كيف بيخرج منو النقيضين

الله يشفيك

وبرجع بقلك أنا بحبك
ومهما حاولت مش رح احقد عليك
ولا بجاريك بالمسبات

سبّ
وكتّر
بلكي بترتاح

الله يهديك

[مرهج]

مسبه كيف بتقلي مسبه .. وأنا زهرالحلا مفلفش بعبي
ومرق فيي نهر دجله وسقيتو .. وأنا عالنهر حبي مابخبي

خلق مني الحكي ولما حكيتو .. انرسم قونة مجد عاصدر قبه
وصار الشمع يتشردق بزيتو .. متل بخور عميشهق بجبه

الزجل ياشب تاتدخل عبيتو .. لازم تدخلو وحرجك معبي
وتغفى بين لحنو وبين بيتو .. وعموسيقى الفجر روحك تربي

ولأنك أنت ضعت ومالقيتو .. ولأنو بلهجتك مافي محبه
اجاك السحن من زند الدعيتو .. وبعد هالسحن ياجعفر مابدك
غير السمن حتى تصير كبه

وباي ياجعفر فيك تروح وهيك بيكفي هالسنة

وفعلا أنا أحبك وما كتب أعلاه كان فقط بالزجل

وأكيد مع الاعتذار اذا تقل العيار بس أكيد موبيناتنا ياجعفر موهيك ?
والسلام

منشوفكم بخير

[جعفر حيدر]

شايف مو هيك أحسن
ضليتك تسب لحتى ارتحت

الله يسامحك

وعلى كل أنا رح أتركلك الجمل بما حمل
رح أتركلك المنتدى بكل كلماتك الكبيرة
اللي زرعتها أنت
وياللي للأسف ما أجت على قدي


باي

[مرهج]

هيك بزعل منك ياجعفر
لاترجع وتغير ردودك السابقة لأنو رودي متعلقين بماكان مكتوب

عنجد زعلتني منك
ياسقيل

مرهج

[جعفر حيدر]

ما بعتقد أنو اللي متلك

بحاجة لسبب

أي سبب !!!!

منشان يسب ... ويزيد ... ويعيد

أنت قدها وقدود

[mohamad kh]

وحدو الله يا شباب!!!
امسحو وجهوكم بالرحمان واستهدو بالله

[مرهج]

ما بعتقد أنو اللي متلك

بحاجة لسبب

أي سبب !!!!

منشان يسب ... ويزيد ... ويعيد

أنت قدها وقدود

اذا ماشبعت ياجعفر بكفي .. مازالو سيف مرجلتي بكفي
وبعد مابشطبك نازل وطالع ..بشكك تالوهم منك يصفي

زرعت اللغم بصخور المقالع .. وقلت بارود تالعالم تقفي
شوجابك عالغم بالصخر طالع .. وشق الأرض شفه حد شفه

بنثر وشعر لازملك تطالع .. وتقرا تامتل فاتح تصفي
لأنك كنت عالميلين بالع .. الموس وماقدرت دينك توفي

اذا بتشوف خلقي شوي طالع .. لأنك وقت مازفت الزفه
كنت أطرش نقاش بعين قالع .. وبعين مطمشه وطابب بقفه

ياجعفر بس من هلق وطالع .. اذا بتشوفني خشيت دفي
صرت تعرف اذا البركان والع .. سوى طوفان نوح العبقريي
م فيه بثورة الشاعر يطفي

مرهج

قول كفاها الله ..العمى شوبتحب القتل
وجعوني ايدي من الضرب

[عفراء ماجد]

بتضل سخيف وتافه شو ما كتبت

والمصيبة أنو أنت مفكر حالك شاعر

***

السخيف ما بيصير شاعر

لا تحلم فيها !!

**

السخف والحقد ما بيعمل شعراء

***

الشاعر الو صفات تانية
ما بتتوفر فيك
لا تعذب حالك


الله يشفيك

[مرهج]

حبات المسابح تاانفصلو.. انقص الخيط وجنونو رقصلو
وبشعري كل حبه حد حبه .. جنون, الموت عالمنبر رخصلو
اقتلوني عمدوني بالمسبه ..وكل واحد بيحكي بحسب أصلو
أناقربان عامذبح محبه .. الما صفالو شي شقفه من تيابي
يجي عالخاصره ويشك نصلو



مرهج

شكرا يا " عفراء ماجد" على الذوق والتهذيب وكمان ياجعفر

[هادي]

الاخ مرهج :
أرهجتنا بالامس بكلام موزون ومنطق متزن في كلامك مع الاستاذ الكريم جعفر حيدر ولكن اجدك الان قد فقدت صوابك تمام وانت تدعي العقلانية ................... مرهج ليس من العقل او المنطق ان تزجل بزجل يفوح منه رائحه تؤذي بها كل من يقرأ كتاباتك وانت تعتقد انك زجال زمانك لا يا مرهج انك باسلوبك تخسر حب كل من يقرأ زجلك ويتمنى لو لم يقرأه لان كل واحد فينا فيه شيئ من هذا الرجل الكريم جعفر حيدر .............. انتظر منك ان تكون اكثر تعقل في التعامل مع الناس هنا واولهم الاستاذ المحترم والقلب الكبير جعفر حيدر

وانتظر منك ان كنت انسان حقيقي حسب كلامك في الامس ان تثبت لنا ذلك باعتذارك من السيد جعفر حيدر

والا فاني اعدك بفقدانك انت كل احترام ربما تكون قد بنيته في قلوب البعض منا في هذا المنتدى

والرجال بافعالها