كرابيج

[مرهج]

عالميج غنينا ولحن الميج .. بالقلب غل وبلش التهبيج
وهيي تحرجلي تبوس الخد .. وماكان بدي منها تحريج
ومن قال أنوحبنا مش جد .. ان كان أوماكان بالتدريج
حب الكبار جنون مالو حد .. ومنضل رغم الختيره كرابيج

مرهج

الاهداء الى الشيخ أنهل الدبس

[انهل دبس]

إلى الأخ مرهج ...

الأخ الغالي مرهج ...
تحية من القلب ...
وشكراً على هذه الكرابيج الجميلة ...
وبالمقابل وبكل الحب أهديك هذا الرد أرجو أن ينال إعجابك ...
كرابيج بَدنا نـْضَـل , مَهما نـْشيب ..... لـِ نبيد كِلما عِـتِـقْ ..... بَدّو بيطيب
والقلب ما بيسأل ... كبير, زغير؟ ..... ما زال رَح بيدِقْ ..... حتى يغِـيــب
والحصرُم الـْ بالكَرم .... بَدّو كتير ..... تا يطيب طَـَعمُو ... دُوق حَبْ زبيب
خِتيار؟!! قلبي شَـبْ أوعى تـْغِـير ..... والسَّيف إن ما بْـيَضْ ... ما بيطيب

وهذه هدية مني للختياريّة ...
قالوا: مْخـَتيَر, قِلِت: في عِز الشَّباب ..... بَعْـدِي ... وبَدّو يضَـل قلبي شَـبْ
قالوا: بكَرمَـكْ ..... بَـلـَّشْ الحِـطـَّـاب ..... وصارتْ فـْرُوعَـك يابسِة لـَلـْكَـبْ
قالوا: كْبـِرت كتير ..... راسَـك شاب ..... قِلتِلهُن: هَيدي عَـطايا الـــــــرَّبْ
يا ناس..... لـَولا شِـبـِتْ ما بـِنـْعــاب ..... ورَح ضَـل حِبْ بْها الدّني وإنحَبْ

[عصام يوسف]

وين يا أنهــــــــــل كرابيجك *** هات سمّعــــــــــــنا مهابيجك
إنت لون بــــــــلوحة الإبداع *** تدرّج ألف شاعر عا تدريجك
من كتر ما بقلبـك حلا بيساع *** استحلى ورد نيســان تسييجك
سلّط على كرابيجك الإشعاع *** و سلّط على الشاعر كرابيجك

[انهل دبس]

تحية للغالي فاتح ...

كرابيج .... مرهج هَـيكْ سَـمَّاهـــا ـــــــــ بأحلى صُوَر ..... بالفِعِـل حَـلاّهـا
بَـلـَّشْ كَرابيجو ... وتـَرَكْـنا وراح ـــــــــ ما عْـر ِفِتْ بَعْـدو .. لـْمِين خـَلاّها
إن كان (مرهج,فاتح) .. مْـنِرتـاح ـــــــــ كَـونـُو ..... عْـتابْ الزجل عَـلاّها
لا تخاف يا مرهج لـو طـَيفك زاح ـــــــــ ولا ينـْشِـغِـل بالـَكْ .. عا لِكرابيج
في غـَيبْـتـَـكْ ..... فاتح تـْبَـنـّاهـــا

المشاركة الأصلية بواسطة فاتح:
وين يا أنهــــــــــل كرابيجك *** هات سمّعــــــــــــنا مهابيجك
إنت لون بــــــــلوحة الإبداع *** تدرّج ألف شاعر عا تدريجك
من كتر ما بقلبـك حلا بيساع *** استحلى ورد نيســان تسييجك
سلّط على كرابيجك الإشعاع *** و سلّط على الشاعر كرابيجك

فاتح إنِتْ ..... يا شاعِـر الكِلـْمِــة ـــــــــ شِعرَكْ حِلو ... أنعَشْ مِن النـَّسمِة
بْشِعر ِالزجل .... إستاذ إنت كبير ـــــــــ وعِـندْ المَواقِف ..... بالفِعِل زَلـْمِة
حلوة التحف لـِ عْمِلتها عا زغير ـــــــــ وفاتح سَماوي , كْتـَبـِتْ عا عِلمي
سيوف البلاغة شْهَرتها وبـِتـْغِير ـــــــــ عالمِعْـتِدِي بْشِعر الزجل عا الكار
تا يضيع بين الضَّرب ... والقِسمِة