|
إلى شعراء العتابا..تحدي
|
07-05-07, 04:26 PM
دما خصومي طافت لاذقاني
ما نجي قاتم ولا لاذ قاني وعلى الموقع جاي شاعر لاذقاني ت يعلمكن أصول لعتاب ______________________ فكري بدا وما في حدا بين معو بلكي بعد ما موت بيبيّن حدا
08-05-07, 08:27 PM
إذا بتبحث معانا عا صلة انفي=الصداقة وصعب تصبح عاصي لانفي
رح بتروح راكض عاصلنفة=إذا خيالي على جبلة اقترب
08-05-07, 09:23 PM
مش صلنفة ولا جبلة عازحلفي
الشعر كرمال يكبر عاز حلفي وإذا ركضك رح بتوصل عازحل في قادر ردّك برفّة هداب ______________________ فكري بدا وما في حدا بين معو بلكي بعد ما موت بيبيّن حدا
08-05-07, 09:47 PM
بعتّك تورد صلنفي بعينك=رجعت مكسوف ومكتف باعينك
عذوفك رفرف واغمز بعينك=وخلي شغلتي قرف الرقاب
08-05-07, 09:57 PM
بعتّك تورد صلنفي بعينك=رجعت مكسوف ومكتف باعينك
عذوقك رفرف واغمز بعينك=وخلي شغلتي قرف الرقاب
08-05-07, 10:01 PM
غلط عصفورك تحركش بحرّنا
يا قطرة صغيّرة نشفت بحرّنا وعلى قاسيون لو طوّف بحرنا غرق قاسيونك بطيّ لعباب ______________________ فكري بدا وما في حدا بين معو بلكي بعد ما موت بيبيّن حدا
08-05-07, 10:09 PM
جبلي جواب يا منظوم جبلي=وبحرك ما قدر عا طمّ جبلي
لْجبلنا الشامخ على طراف جبلي=انحنا بحرك يبوّسلو الكعاب
08-05-07, 10:20 PM
جبيني لكل أهل الشعر قبلي
وما في تل بالطوفان قب لي ولوما حط فوق الصخر قبلي الملح ما بتعرفو يا بو الشباب تحياتي شفيق ردك حلو كتير بس بدي تقلي أنت من أي منطقة بالضبط ويا ريت إذا بتحط شي موضوع بيكون أحلا ______________________ فكري بدا وما في حدا بين معو بلكي بعد ما موت بيبيّن حدا
08-05-07, 10:33 PM
إذا فوق الجبل هالجّو مرّ غام=فرق بين السما وما بين مر غم
البحر تا يقدّم الملحات مرغم=وما في فضل لو البحر انغصب موضوع بحر وجبل
08-05-07, 10:45 PM
بالهزيمة إذا صوتك مادعي منا
وإذا جبلك عا بحرنا ماد عمنا ولولا الغيم بيمائي مادعمنا ما كان عليك عالغيم انسكب ______________________ فكري بدا وما في حدا بين معو بلكي بعد ما موت بيبيّن حدا
08-05-07, 10:54 PM
شفيق ان كان عالعركة جا داول=غيومك تا شطب أعرض جداول
الأخدتو غيث ردّيتو جداول=تا عبّيك لو موجك نضب
08-05-07, 11:11 PM
قبل ما سقيك عن أرضك مراحل
مائي إذا بأرضك مرا حل قضيت عمري على تلاتي مراحل حتى يحيا من مائي التراب ______________________ فكري بدا وما في حدا بين معو بلكي بعد ما موت بيبيّن حدا
08-05-07, 11:32 PM
يا راكان انزوي وجاوب عطوري=شواكك ما عم بتفهم عطوري
طلع موسى النبي ووقف عطوري=وشقك بالعصا وزادك عذاب
08-05-07, 11:40 PM
شعري دق بيأرضك سفيني
وريح الأرض ما قدرت سفيني التجألي نوح وقت سوا سفيني وبقوا الكفار عندك عالتراب ______________________ فكري بدا وما في حدا بين معو بلكي بعد ما موت بيبيّن حدا
09-05-07, 10:42 AM
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
نوح من الخشب فصّل جناحو=وبحرك أجرم وكبّر جناحو وغرق لوما البري الأبيض جناحو=من برّي غصن زيتون جاب[/poem]
09-05-07, 10:42 AM
نوح من الخشب فصّل جناحو=وبحرك أجرم وكبّر جناحو
وغرق لوما البري الأبيض جناحو=من برّي غصن زيتون جاب عم ابعتلك عالخاص ليش ما عم ترد؟
09-05-07, 03:29 PM
لسا الفضل عترابك مجرمي
جسم الجهل والله ماجرمي وأنا لفرعون هالروحو مجرمي بلعتو تا قدر موسى هرب ______________________ فكري بدا وما في حدا بين معو بلكي بعد ما موت بيبيّن حدا
09-05-07, 04:57 PM
أشجار الجبل لو عرفت فرعون=طلبت من وقت ما هالقلب فر عون
بحرك مقبرة لجيوش فرعون=ولكن قصر موسى عالتراب *
09-05-07, 07:28 PM
أم موسى بحزن قالت يمي
إجاني صبي صعبي يضل يمي بقلب صندوق بعتّو ضمن يمي تودي أمانة لهاك البواب ______________________ فكري بدا وما في حدا بين معو بلكي بعد ما موت بيبيّن حدا |
|
« الأقدم التالي | الأحدث التالي »
|
