24-06-07, 07:45 PM
قالت ما بدّي مأخّري ومقَدّمي
قلتلها ان بدّك عيوني مقدّمي
إنتي الأخيرة وبغلاكي مقدّمة
عن كلّ شي نسوان حبّيتن أنا
|
ميجانا
|
 قالت ما بدّي مأخّري ومقَدّمي قلتلها ان بدّك عيوني مقدّمي إنتي الأخيرة وبغلاكي مقدّمة عن كلّ شي نسوان حبّيتن أنا
24-06-07, 08:14 PM
قالت ما بدي مقدمي بدي مهر
نعلا على بروج السما ..النجمة مهر واكتب كتابي عالبدر واختم مهر في نعل مهرك فوق مهرو معنونا
24-06-07, 10:31 PM
قالت قَبل منّك حياتي ماحِلة وكل شي انكتب من قبل، حُبك ماحِ لي قلتلها العنقود بعدو ما حِلِي ولما بيحلى رح بجي قطّف أنا
25-06-07, 07:14 PM
قالت حياتي قبل منك مالها
إلا المآسي والمصايب مالها ولما هواها صوب منك مالها سيف السعادة دبّح ليالي الضنا
26-06-07, 01:46 AM
قالت بلاك العمر يا ولفي عدم
هجرك حنيني بمرسة الحيره عدم تخمينك بتفرح وانا بسكر ع دم دمّ الحزن والقهر من جرح وعنا
26-06-07, 01:51 AM
قالت ودادي مواسم الطيبه هدي
متلو متل ناسك على الحكمه هدي لكن جنونك يا وليفي ما هدي غر من بعد ما شرّعت باب المنى
26-06-07, 02:02 AM
قالت دخيلك من دموعي حاجتي
مهما نزفت مش رح بصرّف حاجتي وبدّك لحاجك رح بسرّح حاجتي وع مسؤوليتي اتركهن بوهج وسنا
26-06-07, 05:27 AM
قالــت : الفضـــة اليوم حقــــك صارفهِ وتا إصلبك .. عيني النظـر مـش صارفهِ قلت: الشرط ..صدرك جْلِجلة ن صار في ومــابــين هاللصيـــن اتمســــمر انــــا -------------------------------------------------------------
26-06-07, 02:04 PM
قالت جنونك بالليالي أدمني
مع ظروف عار وقلت ماشي أدمني يا بنت حاجي في عذابك أدمني حـّى ضمير الأدمني عاف الضنا
26-06-07, 02:32 PM
قالت إنت بدّي تكون معلّمي تَ صير بفنون الغرام معلـِّمة قلتلها عيونك بقلبي معلـِّمة ومن رفّة رموشك عبتعلّم أنا
26-06-07, 05:23 PM
قالت إلي حاجي بقا تكتب شعر
وتتغزل بطولي وبأحلى شعر خوفي إذا بيي بمقصودك شعر من غضبتو رح نندبح انت وأنا قلتلها صعبي بلا وصفك نعش يلي هواكي ل أحاسيسي نعش نشالله نموت بشرط يجمعنا نعش حتى سوا في قبرنا نعيش بهنا
26-06-07, 06:38 PM
قالت حبيبي اللي حلمتو إنتَ هو وكل اللي مرْقوا قبل منَّك انتهوا قلتلها عيوني، نهيتُن وانتهوا ما يقشعوا غيرك وبس إنتي المُنى
27-06-07, 09:30 PM
قالت حلو إنت وأنا دخل الحلو وقلبي وقت شاف الحلو داخ للحلو وعقلي عم بيسأل على دخل الحلو قلتلها طفران ومفلس أنا
27-06-07, 11:21 PM
قالت يا وعدي أخ قلبي شو بكي
م قدرت ع مصابي اسألها شو بكي ممرمر انا دخلك دموعي شوبكي بخيوط عطفك والمحارم والهنا
27-06-07, 11:56 PM
بشالا الحلو يا نسمة الصبح العبي غِلّي بعطرا وفلفشي شَعرا العَبي ضيعان جسما تخنقو سود العِبي وزهر الـ ع صدرا فتّح وناطر جنا |
|
« الأقدم التالي | الأحدث التالي »
|
المستخدمون الذين يتصفحون الموضوع: 1 زائر