شو رأيكن بحفلة تحدي زجل بالمهرجان

[شفيق]

مرحبا ,,,,

لا تواخذوني لأني عم كتر مشاركاتي ,,,,بس أنا عم اعمل هيك لأني حاسس حالي علاقتي مع المشتى الحبيبة وأهلها أكتر من عمر وعمرين,,,,,,

أنا عندي اقتراح بخصوص المهرجان ,,,,,

بخصوص الزجل ::

من سنتين جبتو جوقة طليع ,,,,ومن سنة جبتو جوقة موسى,,,

ليش ما بهالسنة تساووا حفلة تحدي لأنو حفلات التحدي بتجيب كل محبين الزجل من كل سوريا ومعليش حطو سعر للدخول ,,,,وبهيك حفلات كتير بتربح....

وحسان البسطاطي بيعرف متل مين شعراء التحدي اللي خرج ينجابوا ويعملوا ضجة,,

شفيق

[mounirfarkouh]

مرحبا
فكرة ثقافية وسياحية

[amigo]

الصديق شفيق :
بما انك اقترحت هذه الفكرة فمن المؤكد أنك تملك المعلومات الوافية عنها
فياحبذا لو تضعنا ضمن اجواء هذا النوع من الحفلات وما الفرق بينها وبين حفلات الزجل العادية ومن هو المناسب من الشعراء أو الفرق لخلق هذه الاجواء

[بسطاطي]

فــــكـرا رائــــعا يـــــــا شــــــفيق

أزا كـــانت ميــــزانيّــــــة المهــــــرجـــــان بتســـــمح بهــالشــــــــي

انشـــــاللـــــــه بتحـــــضرو أحــــــلى حـفـــــــلة تحـــــــدي بالصّيف

وبنشــــوفك أنت وجــــــدّك ووزيـــــــر الثــقــــــافي

................................................................ حسـّــــــان

[شفيق]

إلى رامي ,,,,,

رح قلك أول شي شو الفرق بين الجوقة لما تكون لحالا وبين التحدي:::

فيك تقول لما تكون جوقة وحدة ,,,بتكون شبه تجارية ,,يعني عرض جايين يقدموه ومرات بيكرروه,,

وبيكون جو المزح ساطي عالوضع ,,,وبيكون تلات ارباع الحفلة غزل ,,,وأكيد بينقال قصايد شعرية رائعة بس السامع بيكون بيعرف أنو ما رح يسمع شي جدي,,,وحفلة الجوقة الواحدة بتكون::

أول شي ردة من الشعراء التلاتة غير قصيدة الجوقة بيمدحوا الضيعة وأهلها,,,

وقصيدة طويلة لرئيس الجوقة بيمدح كمان

بعدين قرادي ردة مدح من كل واحد بعدين بيمازحوا بعض,,

وبعدين جولة معنى وقصيد بين كل شاعرين وبعدين باقي الحفلة غزل,,,,

بس بالتحدي::
بيكون شي جديد ,,,,,وبيكون جو الجد والتحدي ساطي ,,,وتلات ارباع الحفلة تحدي وهي اللي بتعجب كل أنواع السامعين وهيي على تلات أنواع ::
إما تحدي جوقتين ::: تنين ضد تنين أو تلاتة عتلاتة أو أربعة عأربعة ,,وهي بيكون قصيدة افتتاحية من كل رئيس جوقة بيمدح فيها شوي وبعدين بينزل بخصمو..
وبعدين قرادي وبعدين معنى وقصيد وإذا بدن يكملوا بيكملوا موشح غزل وشروقي....متل حفلة بيت مري زغلول موسى زين أنيس طليع جريس إدوار بطرس

والنوع التاني هوي :تحدي الأقطاب وبيكون فيه أكبر الشعراء ومن كل واحد افتتاحية وبعدين معنى وقصيد وقرادي متل حفلة الغازية زين وطليع وسيد وخليل شحرور

والنوع التالت هوي تحدي واحد ضد واحد وهاد أحلى شي بس خرج سينما أو ساحة بس مو مهرجان كبير,,لأنو واحد ضد واحد بيجوز يمل الجمهور إذا ما كانوا الشعراء عمستوى كتير عالي,,

متل حفلة عين سعادة (مون لا سال) طليع حمدان وموسى زغيب


وبخصوص المشتى بفضل تساووا النوع التاني ,,نوع الاقطاب لأنو هاد بيجيب جماهير من سوريا ولبنان ومن كل محب للزجل ....و بدو شعراء كبار كتير ,,,,متل أسعد سعيد وزغلول الدامور وموسى زغيب وطليع حمدان وجريس البستاني والسيد محمد مصطفى بس اعتزل (وهاد خرج التحدي أكتر واحد) واحمد السيد وخليل شحرور(بس اعتزل) ,,,هدول الشعراء البيغنوا حاليا عدا السيد وخليل

وخلوا الاركان الرئيسية لحفلة الاقطاب ::أسعد سعيد وطليع حمدان

وإذا بدكن تساوو حفلة ما انعملت بتاريخ الزجل كلو خلوا:::احمد السيد وخليل شحرور
سيد محمد مصطفى وأسعد سعيد
موسى زغيب وطليع حمدان
زغلول الدامور وجريس البستاني
و
إذا رضيوا يجوا كل الشعراء وأنتو رضيتو ,,,هي بتكون أكبر حفلة بتاريخ الزجل كلو بتكون أكبر من المدينة الرياضية وبيت مري,,,وبتنجح وبتربح,,,,ويمكن المشتى والضيع الحواليها ما تساع الجمهور ,,


وإذا ما عملتوا أقطاب ساووا حفلة جوقات::

وحاليا في بس أربع جوقات مشهورة :::جوقة الجبل ::جريس البستاني محمود ابو اسماعيل والياس أبو راشد وداني صفير
جوقة زغلول الدامور ,,,,,زغلول الدامور(جوزيف الهاشم) وأسعد سعيد وعماد زين شعيب وطانيوس خليل
جوقة القلعة ::موسى زغيب و عادل خداج و سميح خليل وبسام إدوار حرب
جوقة الربيع ::طليع حمدان وشوقي شعبان و نديم شعيب وفيكتور ميرزا


وبرأيي اجمعوا جوقة القلعة وجوقة الربيع لأنو يمكن ما اجتمعوا قبل هالمرة ,,
والجوقتين الباقيين اجمعوهن سنة الجايي لأنو كل هالجوقات جوقات عريقة وكل الشعراء اللي فيها كبار,,,, ,,,

وإذا بدكن تحدي واحد ضد واحد اجمعوا ::
طليع حمدان والسيد محمد مصطفى(تحدي أصلي بكل معنى الكلمة)
أو طليع حمدان وأسعد سعيد( تحدي المد والجذر)
أو طليع حمدان وموسى زغيب(تحدي أكثر انسجاما)
أو طليع واحمد السيد( تحدي نار تحدي قنبلة,,,,,,,,)
أو طليع وجريس البستاني(تحدي ثأر وفتح صفحات قديمة)
أو السيد محمد مصطفى وأسعد سعيد (تحدي عقول كبيرة)


وشو ما نقيتوا رح يطلع ناجح عمسؤوليتي


بتمنى ابداء الرأي من القراء........

[بسطاطي]

تصنيف رأئـــع يـــا شـــفيق

دراســـــة شــــعرية منطقيـــــة . واقعيــــــة . صحيحـــــة وعنيفـــــــة

رح نعـــــرض ها لصفحـــــة متــــــل م هـيـــّي ع لجنــــــة المهــــــرجـــان

تنشـــوف شــــو الظــــروف المــــــاديــــي بتســـــمحلنا نحقـّـــــق من هالدراســـــة الرائعــــة

لّي بتــــدل ع مـــــدى وعيــــك الــزجـــــلي بالرغــــم من زغــــر عمــــرك

لو بنقـــــدر نجمـــع كــــل يـــلّي زكــرتن بنكون فتـــنا ع تــــاريـــــخ الزجــــــل من بوابتــــــو العـــريضا ودشــرنا

الدرفـــــــات مفتــــــوحــا

............................................................................................حسّـــــان

[شفيق]

للجنة
هلق ,,,معليش ولو ما كفت الميزانية إذا عملتو لكل شخص الدخول 200 ليرة على هيك حفلة بتردوا الخسارة ضعفين بس هيك حفلات الدخول عليها أقل شي ب1000 ليرة

"



لحسان
"""""بس المهم يكون في تحدي ,,تحدي ولازم يكون في تحدي ونحنا متفقين عالتحدي وأنتو بين بعضكن ما بدنا خلاف بدنا تزقفوا للشعر المنيح وبس طليع خينا بس الله لا يرحم اللي بيرحم"""""""""

هي الجملة حزير مين بيقولها؟؟؟؟ لحسان تذكر لنشوف

شفيق

[Mr. Samo]

الفكرة كتير حلوي و لازم تصير و بعتقد قد متكون الدخوليية الناس حتفوت تحضر

[شفيق]

بتشكرك كتير كتير

وبتمنى من الكل يعطونا رأين

[amigo]

صراحة الصديق شفيق أنا تابعت الموضوع عندما قمت بشرح التفاصيل كونها نالت إعجابي ولكن الردود كانت ان تكاليف هذه الفكرة أكثر من المستطاع قبل ان تقوم بطرح فكرة رسم الدخول .
أما بالنسبة لمبلغ 200 ل.س على الشخص جداً معقولة وتُجدي مردوداً لا بأس به بالمقارنة مع فقرة عرض الازياء التي يستوجب الدخول إليها مبلغ 300 ل.س وهي من أكثر الفقرات ضعفاً ومللاً وتكرارا ً. على كل حال سوف استفهم عن إمكانية تطبيق اقتراح رسم الدخول وأعلمكم بالجواب .

[شفيق]

مزبوط معكن حق

بس مو ضروري تجيبو التمان شعراء سواء أقطاب أو جوقات جيبو

أربعة بس تحدي أو جيبو تنين واحد ضد واحد هون التكاليف بيجوز تطلع أرخص من العادة والحفلة أحلى

[عمر]

لك إنت عم تحكي درر يا سيد شفيق ما يصير هيك حفلات صدقاً لحتا إجي من صيدنايا على مشتى الحلو أحضر الحفلة وإرجع بس
أنا برأيي المتواضع إنو تكون الحفلة بين جوقتين إلهن شعبية ييعني متل جوقة القلعة وجوقة الربيع مثلاً أصدي عدم وجود جوقة الجبل لأنو شعبيتها أليلة
وشكراً برجع بألك يا شفيق راسلني على هالإيميل TANAN8@HOTMAIL.COM

[shahani]

إي وشو قررتو بعدين وأنتو صركون بتحكو كتير .........
المهم إيمتا الحفلي لنجي من آخر الدنيا نحضرها
بدنا جوقا يا أخي محترمة

[شبيه الريح]

تحية للجميع أول شي بالنسبة للحفلات اللي تفضلتوا تحكوا عنها أنا بعتقد الفكرة صحيحة بس في نقطة مهمة ياريت تتكرموا وتنظرولها وهي :هل الناس بوضع تتقبل هالحفلات اللي صارت متل مابيقول البعض أيام ستي وستك وأغلب اللي بيحضرها هم الكبا ر بالسن ,وياللي بيحضروها من الشباب قليلين جدا,وللأسف الشديد راح زمن زين شعيب ومراجلو وأفتتاحيات موسى وقوافي السيد مصطفى الصعبة,والزغلول ختير الله يطول بعمرو وصوتو على آخر نفس وطليع شاب وكبر وياريت يرجع زمن بيت مري والمدينة ,ومشان هيك عم قول أنو لو جبتوا طليع وموسى والزغلول بذاتو ما تجمعوا كتير ناس مش لأنهم كبروا لكن الناس صارت تسمع أشياء تانية وأنا بتمنى هلأيجتمعوا شعار الزجل بشي حفلة وبتلاقوني أول واحد فيها,ولحتا ماطول عليكن لازم حدا يوصل رسالة صغيرة عن طريق أيأ كان للتلفزيون لحتى يعرضوا بعض الحفلات الجميلة متل حفلة المدينة بين زين شعيب وجريس البستاني موضوع الربط والحل مثلا لحتا الناس تتعرف أكتر على الزجل وما تفكر أنو الزجل عبارة عن ذم ومرجلة وقد وهد وقطع روس,الزجل هو عبارة عن تفسيرات ودلائل وحقائق وخيال كلها مجتمعة تصب في الموضوع الذي يدافع عنه شاعر الزجل,وهو علم ودراسة وثقافة وحنكة وفراسة كلها مجتمة بالإضافة لصوت الشاعر وشخصيته(شعبيته)
لازم يعرفوا الناس أنو زغلول الدامور والسيد محمد مصطفى وزين شعيب وموسى زغيب وجريس وطليع وإدوار وأسعد والبقية كثر ,لايقلو بإرتجالهم وشعرهم ونظمهم عن المتنبي ,وبس الناس يعرفوا هالشي بتصير الكراسي مابتكفي اللي بيحجزوا للحفلة وبتلاقي الواقفين أكتر من الجالسين.وألكن جزيل الشكر