وِينَك يَا بُو عَلِي؟

[حسن بنوت]

[poem=font="Arabic Transparent,5,,bold,normal" bkcolor="" bkimage="" border="none,1," type=0 line=0 align=center use=ex num="0,"]
*****
عرفناك يا بو طنجره عندك هوس=بالاكل هلق بطعمك رز بعدس
لك هالبحث بدو فلسفه وطولة نفس=وأقلام في حبر الدوايه بتنغمس
بحنجر حبر شيطان شعرك لو انكبس=من دون قلم ما بتقشعو الورقه لمس
السيف البيدك حاملو يا بو النوس=مش للسلم للحرب تاريخو لبس
لما النبي للموت سلّم وانتكس=وصـّا الخلافه لأقربينو واحترس
اختلفو الصحابه عالخلافه وانعكس=دور الوصيه تا علي بأمرو درس
وحتى ما نترحم على اسلامنا=استسلم وحد السيف بقرابو حبس
*****[/poem]

[mohamad kh]

[poem=font="Traditional Arabic,5,,bold,normal" bkcolor="" bkimage="" border="none,1," type=0 line=0 align=right use=ex num="0,"]
تَعَا يَا سَيْف إحْرِسْلِي خَيَالِي = وْحَارِب شَخْص أضْعَف مِن خَيَالِي
بْقَصِيدِة أوَّلِيِّة* جِيت نَادِي = عَ بِن بَنُّوت يِسْمَع هَالرِسَالِة
بِقَلَمَك بِعْت أرْضي وْصِرت صَادِي = لَرِيحِة حَبّ عنقود الدوالي
بِقَلَمَك لَو كِنِت بَدْوِي بِبَادِي = إذْبَح دِيك أو إذْبَح غَزَالِة
الحُطَيْئَة بِالقَلَم حَطَّم مَبَادِي = الأدَب وْالمَوْضُوعِيِّة عَن جَهَالِة
وْهَجَا نَفْسُو وْهَجَا إمُّو بْحَقَادِة = "لَك" يِلْعَن هَالقَلم فِي هَيْك حَالِة
بِسَيْفِي بْحَارِب بْقَاتِل بْعَادِي = إنِت شُو فِيك تِعْمَل يَا خَيَالِي
بِسَيْفِي بْحَارِب وْبِحْمِي بْلادِي = وْبِحْمِي تْرَابْهَا جْنُوبِي وْشِمَالِي
بِسَيْفِي بْقَاتِل بْقِوِّة وْجَلادِة = بِسَيْفِي بِحْكُم الشَعْب بْعَدَالِة
بِسَيْفِي بْعَارِك إْن شَدُّو الأعَادِي = بْوَحِّد دِين مِن وَحْي الجَلالِة
بِسَيْفِي وْقِوْتِي وْقِوِّة زْنَادِي = فَتَحْنَا الأنْدَلُس فِي عَصْر غَالِي
بِسَيْفِي وْقِوْتِي بْحَقِّق مُرَادِي = بْحَقِّق مَطْلَبِي بْحَقِّق آمَالِي
بِسَيْفِي إلْ حَاربَو فِيُّو جْدَادِي = حَمْزِة وْخَالِد وْزِيد الهِلاَلِِي
بِسَيْفِي بِذْبَح بْطَعْمِي اْوْلادِي = وْبِطْبُخ أكِل تَا طَعْمِي عْيَالِي
بِسَيْفِي الحَطَب قَطَّعْتُو عْوَادِي = وْمَع الأحْبَاب قَضَّيت اللَّيَالِي
بِسَيْفِي القَلَم بِبْرِيه بْلَبَادِي = بْعَرِّش عَ هَالدِنْيَا بِأزْجَالِي
بِسَيْفِي بِحْفُر عْلَى الصَخْر ضادِي = بْحَافِظ عَ حْرُوفِي وْ عَ قْوَالِي
وِبِسَيْفِي اليُوم يَا بَنُّوت بَادِي = قِصْ لْسَانَك وْإيدَك وْإسْكَر..
بِدَمَّك يَا حَسَن حَتَّى الثَمَالِي[/poem]**/***/***/***/***/***/=\***\***\***\***\***\**
*: قصيدة اولية يعني في قصيدة ثانية......