16-07-07, 02:27 AM
- بحبَّك..
بتحبني؟
...
طيب..
معليش..
لا تجاوبني..
وترضي غروري..
لكن..
لا تُهْرب مِنْ وجّي..
خلّي عيوني..
قبال عيونك..
بقشع فيهن جَوهَر صافي..
بقشع دمعة..
خلف البسمة..
بقشع غربة..
وبِقْرا اسمي..
وفيهن بقشع عُمري الـ جايي..
وبِلْمَح كل سنيني الـ راحوا..
بحِسُّن دنية..
حقل زهور..
وفيهن غَيم..
ونهر صغير..
بركض فيها..
بقطُف منّن..
بلعَب..
بعطَش..
بقرِّب إشرَب..
بشرَب نتفة..
لكن إنت..
ومتل العادة..
بتغمّض عينيك بْـ حِلمي..
وبرْمُوشَك بتقلّي كافي..