إلى مسافر

[السمرا]

إلى مسافر

انت يلـ كنت بقلبي
من لما كنا صغار

لكن أخذتك الغربة
وبعد بينّا المشوار
8888

لو صدفتك مرة ع دربي
قلبي من ضلوعي بينهار

وبتشوف حوالي مكركبة
ودموعي ع خدي أنهار

ملقاك سعادة يا معذبي
وغيابك حزن جوّا صار

لو تبعتلي كلمة محبة
أو شي صورة تذكار

تنعش فيها بالحب قلبي
وضل أحلم برجوعك.... شي نهار

[الدكتور طاهر]

الرجوع .. الرجوع .. أتمنى أن يردَّ الله لك حبيبَك بالرجوع ..
دمت زجّالة يا سمرا

[المتميز]

العشق طيف

والبعد أضعف من العشاق

المسافي زيف

طيفك بالقلب شفاف

مهما طالت الغربة
كوني الوطن ليكي بيرجعوا الأحباب

السمرا........الشكر مع الاحترام

[السمرا]

لولا يردّو لَيِّ الطيف
كان الحلم بيكفيني

لكن بالواقع يا حيف
بس حضوره بيرويني

ع بابي بنطر بالصيف
رجوعه تا تشوفو عيني

وبالشتوية بسأل كيف
حتى بمكتوب نسيني

[ثناء حيدر]

السمرا الحلوة اللي بلون القمح
جميل بوحك !!
ولكن أتمنى من المسؤول الثقافي أن ينقل هذه الهمروجة الناعمة إلى قسم الزجل حيث مكانها الصحيح .

محبتي والياسمين يا سمرا

ثناء