26-07-07, 10:01 PM
وين غاب يللِّي كان ؟؟
شُو تْبَدَّل بـْ هالْكَون ؟؟
صار الرَّمادي مْغَلِّف الألْوان ..
لَوْن الشَّفَقْ ..
لَوْن الغَسَقْ ..
لَوْن السَّحَر ...
حتى الشَّجَر ..
وِبْراعِم الرِّمَّانْ ...
* * ** * ** * *
صْنَوبَرِتْنا
هَرِّتْ وْراقا وِتْكَوَّمِتْ أحْزانْ ..
وْرِيحْ الشّمَال الْهَايْجِة
هَالْحَامْلة مَعْهَا عِذِرْ أبْشَعْ مِنِ النِّكْرَانْ
شَلَّعِتْ كِلْ شِي حُلُو
أخْدِتْ مَعَا البَسْمِة
وْضِحْكَاتْ مِرْتِسْمِة
انْحَفْرِتْ عَ وِجّ الْبَدِر
ووْرَاق الشَّجَرْ ...
وْسَرْسَبْ عُمُرْ مابَيْن أفْراح وْقَهِرْ
وِحْلاوْةِ اللِّي كان .....
* * ** * ** * *
بْعِلْمِي
الصّنَوْبَرْ دايِم الْخِضْرَة
تاري الْحَقيقَة تْبَدَّلِتْ
لا الفَرْحَة دامِتْ
لا الأمان ..
لا الحُبّ ... لا الإخْلاص ... لا اللَّهْفِة ...
ولا دام بالقَلْب الحنانْ ..
وِتْغَيَّرِتْ لَهْجاتْ شُو تْغَيِّرِتْ !!!!
حتى الطَّبيْعة .. تْبَدّّلِتْ ..
ماعادْ طُحْلُب عاشْ عَ الْحِيْطانْ
كان السّنُونُو يِرْقُص بْعُشُّو
وِيْزِقّ لَفْرَاخُو .. حَبِّة وَرَا حَبِّة
هَجّ وْتَرَكْنا
وْراحْ .. وْهَجْرِتْ مَعُو مْحَبِّة
كان الْعِشِقْ بِيْزَهِّر الْبِسْتانْ
وْبِيْفَجِّر الآهَاتْ مِنْ صَوْت الْقَصَبْ
بِتْرَنْدِحا حنيّة الرعيان
شُو بْقُول عَ اللِّي كان ؟
وينْ غاب يللِّي كان ؟؟
شُو تْبَدَّل بـْ هالْكَون ؟؟
صار الرَّمادي مْغَلِّف الألْوان ..
لَوْن الشَّفَقْ ..
لَوْن الغَسَقْ ..
لَوْن السَّحَر ...
حتى الشَّجَر ..
وِبْراعِم الرِّمَّانْ ...
* * ** * ** * *
صْنَوبَرِتْنا
هَرِّتْ وْراقا وِتْكَوَّمِتْ أحْزانْ ..
وْرِيحْ الشّمَال الْهَايْجِة
هَالْحَامْلة مَعْهَا عِذِرْ أبْشَعْ مِنِ النِّكْرَانْ
شَلَّعِتْ كِلْ شِي حُلُو
أخْدِتْ مَعَا البَسْمِة
وْضِحْكَاتْ مِرْتِسْمِة
انْحَفْرِتْ عَ وِجّ الْبَدِر
ووْرَاق الشَّجَرْ ...
وْسَرْسَبْ عُمُرْ مابَيْن أفْراح وْقَهِرْ
وِحْلاوْةِ اللِّي كان .....
* * ** * ** * *
بْعِلْمِي
الصّنَوْبَرْ دايِم الْخِضْرَة
تاري الْحَقيقَة تْبَدَّلِتْ
لا الفَرْحَة دامِتْ
لا الأمان ..
لا الحُبّ ... لا الإخْلاص ... لا اللَّهْفِة ...
ولا دام بالقَلْب الحنانْ ..
وِتْغَيَّرِتْ لَهْجاتْ شُو تْغَيِّرِتْ !!!!
حتى الطَّبيْعة .. تْبَدّّلِتْ ..
ماعادْ طُحْلُب عاشْ عَ الْحِيْطانْ
كان السّنُونُو يِرْقُص بْعُشُّو
وِيْزِقّ لَفْرَاخُو .. حَبِّة وَرَا حَبِّة
هَجّ وْتَرَكْنا
وْراحْ .. وْهَجْرِتْ مَعُو مْحَبِّة
كان الْعِشِقْ بِيْزَهِّر الْبِسْتانْ
وْبِيْفَجِّر الآهَاتْ مِنْ صَوْت الْقَصَبْ
بِتْرَنْدِحا حنيّة الرعيان
شُو بْقُول عَ اللِّي كان ؟
وينْ غاب يللِّي كان ؟؟