نقر عَ الخفيف ...

[رمّاح]

[size=7]خيّ رمّاح .. ما فهمت شو المشكله يا ريت توّضح أكتر


فاتحمعمحبّتي

إذا بدنا نعد الحركات بنكون عم نضيِّع وقت برأي البعض ....وعم ندخل بدهاليز ما بنعرف لوين بتودّي (حسب قول الأخ ساجي )....
فبطلب من الأخ سليمان طراد يخبّرنا ..وبدون مجاملة لحدا ..إذا هالشطر قابل يردّو ردَّاد .... بدون نشاز باللحن......
....هالأبيات يا أستاذ فاتح على البحر البسيط ( كما يسميهْ الزجّال)..ومؤلـَّف من 11 حركة...
والشطر اللي أنا ضربتو مثال ...عدد حركاتو 10...
إلا ّ إذا ...
إنلفظ ببدايتو (...عا...مْ ...تلعبْ بمرجوحة مو سيقا )...وهذا غير مقبول بالمعنى ...وإشي مشوَّهْ..ونشاز واضح ...
إنت قلت ببداية الردّة ....السابقة ...يا شاعر أحاسيسكْ رقيقة

(يا ) في بداية هالشطر ..لا حظ إ نّو إذا ما مديتها وشبّعتها مَط أثناء الإلقاء ..فالشطر مكسور
ولكن (عَمْ) في الشطر الأخير (المثال) ...لا تقبل هذا التمديد بالفظ ..لتعوّض عن حركة ناقصة
من تفاعيل البحر الوافر (اللي هوّي البحر الفصيح اللي إجا منـّو البحر البسيط زجل)
وشكراً ..[/size]

[جعفر حيدر]

شكر على جهد

أستمتع بهذا النقد الراقي الجميل
وأشكر شعراءنا الكبار على ما يتفضلون به
ولابد أن جميع القراء يستمتعون بكم

وأنا للحقيقة أجني فائدة كبرى
وأتعلم منكم سعة الصدر وتقبل النقد

لشعرائنا الكبار ألف تحية
وألف قصيدة محبة

شكرا لكم

[slayman]

إذا بدنا نعد الحركات بنكون عم نضيِّع وقت برأي البعض ....وعم ندخل بدهاليز ما بنعرف لوين بتودّي (حسب قول الأخ ساجي )....
فبطلب من الأخ سليمان طراد يخبّرنا ..وبدون مجاملة لحدا ..إذا هالشطر قابل يردّو ردَّاد .... بدون نشاز باللحن......
....هالأبيات يا أستاذ فاتح على البحر البسيط ( كما يسميهْ الزجّال)..ومؤلـَّف من 11 حركة...
والشطر اللي أنا ضربتو مثال ...عدد حركاتو 10...
إلا ّ إذا ...
إنلفظ ببدايتو (...عا...مْ ...تلعبْ بمرجوحة مو سيقا )...وهذا غير مقبول بالمعنى ...وإشي مشوَّهْ..ونشاز واضح ...
إنت قلت ببداية الردّة ....السابقة ...يا شاعر أحاسيسكْ رقيقة

(يا ) في بداية هالشطر ..لا حظ إ نّو إذا ما مديتها وشبّعتها مَط أثناء الإلقاء ..فالشطر مكسور
ولكن (عَمْ) في الشطر الأخير (المثال) ...لا تقبل هذا التمديد بالفظ ..لتعوّض عن حركة ناقصة
من تفاعيل البحر الوافر (اللي هوّي البحر الفصيح اللي إجا منـّو البحر البسيط زجل)
وشكراً ..

عيوني بنت عا أوتار قلبك *** [color=#FF0000]عم تلعب بمرجوحة موســــــيقا

بالنسبة لها البيت أكيد فاتح نسي كتابة الواو قبل عم
وعم تلعب بمرجوحة مسيقا
بدون الواو مكسور
بكل محبة[/color]

[عصام يوسف]

يا أخ رمّاح : يمكن حضرتك مضيّع بين المعنّا و القصيد حتّى عم تقول ..(إذا هالشطر قادر يردّو رداد ) لأنّو المعنّا بيردّوه الردّادي مو القصيد اللي هوّي نفس وزن هالشطر .

هلّق إذا انلفظ ببدايتو (عا...مْ ...تلعبْ بمرجوحة مو سيقا) بيصير مظبوط ؟؟!! بعتقد ضل عشر حركات و ما صار 11 حسب تعديلك . إذا بدّك تلفظو ببدايتو صح حسب وجهة نظرك . بيكون مو متل ما قلت و كتبت (عا...مْ ...تلعبْ بمرجوحة مو سيقا) . هيك غلط . و حتّى تصححو حسب وجهة نظرك , دخلّو حركه .. متل اللي و قتا بتصير (اللي عم تلعب بمرجوحة موسيقا )

بس المشكله إنت مو عارف إنّو الشطر موزون 100% و ما بدّو أي تعديلات .. ليش ؟؟؟

لأنّو بالشعر الفصيح الوزن هوّي مفاعلتن مفاعلتن فعولن .. بتحريك الميم اللي بتعتبرها حركه أما بالشعر بالزجل فيك تسكّن الميم و هيك فيك تعتبرها غير موجودي حسب القواعد المتّبعه في بحور الزجل (السكون لا تحتسب حركه) .. يعني بالفصحى فيك تقول (مُبارك ) و بس بينما باللغه العاميّه فيك تقول مْبارك بيدون تاثير عا موسيقة الكلمه . و إذا بدّك إعتبرها جواز بالزجل , متل وجود الجوازات بالشعر الفصيح , و هون لازم تميّز بين الجوازات بالفصيح و الجوازات بالزجل لأنّو كل لغه إلها قواعدها و الأسس اللي بتمشي عليها و اللي بتكون جوازات بحور الشعر فيها متلائمي مع طبيعة اللغه و تراكيبا .
يعني هون إذا قلنا مْفاعلتن مْفاعلتن فعولن ما بيأثر عا وزن البحر و بما أّنو السكون لا قيمه لها بالنسبه لحركات البيت و فيك تستغني عن هالحركه . و لو ما كلامي صح ما كان بتلاقي الوف أبيات الزجل لكبار شعراء الزجل بيستخدموها بهالطريقه :

يا زغلول هي آخر نصيحه
قالت يا طليع شو عملت فيّ صرت عا السطر عم بقرا شفافي
بعينيك انلزق برغي الوقاحه و ملّص دهر في عندي مفكّو

أما بالنسبه لَ (يا شاعر احاسيسك رقيقه) لا ممطوطه و لا ممدودي و متل ما هيّ مسكوبه سكب.
و رح قلّك ملاحظه : حروف العلّه لمّا بتدخل عا الجمله باللغه العاميّه فيك أوقات تحسبها حرف و فيك أوقات تحسبها تشكيل .. حسب صيغة الكلام و حسب طبيعة الجمله و حسب اللهجه .

شو بدّك .. شٌ بدّك
عا جبيني ... عَ جبيني
يا شاعر .. يَ شاعر

و برجع بلّك المشكله عندك الخلط بين الفصحى و العاميّه .. الفصحى لغه و العاميّه و مو بس هيك كمان العاميّه بتختلف . لأنّو كل منطقه و إلها قواعدها و تركيباتها الخاصه فيها ..
و إذا رايك صح طالب طليع و موسى و ... و غيرن يصححوا الوف الأبيات اللي قالوها بهالشكل

و شكرا إلك يا خيّ رمّاح





فاتحمعمحبّتي

[رمّاح]

يا أخ رمّاح : يمكن حضرتك مضيّع بين المعنّا و القصيد حتّى عم تقول ..(إذا هالشطر قادر يردّو رداد ) لأنّو المعنّا بيردّوه الردّادي مو القصيد اللي هوّي نفس وزن هالشطر .

هلّق إذا انلفظ ببدايتو (عا...مْ ...تلعبْ بمرجوحة مو سيقا) بيصير مظبوط ؟؟!! بعتقد ضل عشر حركات و ما صار 11 حسب تعديلك . إذا بدّك تلفظو ببدايتو صح حسب وجهة نظرك . بيكون مو متل ما قلت و كتبت (عا...مْ ...تلعبْ بمرجوحة مو سيقا) . هيك غلط . و حتّى تصححو حسب وجهة نظرك , دخلّو حركه .. متل اللي و قتا بتصير (اللي عم تلعب بمرجوحة موسيقا )

بس المشكله إنت مو عارف إنّو الشطر موزون 100% و ما بدّو أي تعديلات .. ليش ؟؟؟

لأنّو بالشعر الفصيح الوزن هوّي مفاعلتن مفاعلتن فعولن .. بتحريك الميم اللي بتعتبرها حركه أما بالشعر بالزجل فيك تسكّن الميم و هيك فيك تعتبرها غير موجودي حسب القواعد المتّبعه في بحور الزجل (السكون لا تحتسب حركه) .. يعني بالفصحى فيك تقول (مُبارك ) و بس بينما باللغه العاميّه فيك تقول مْبارك بيدون تاثير عا موسيقة الكلمه . و إذا بدّك إعتبرها جواز بالزجل , متل وجود الجوازات بالشعر الفصيح , و هون لازم تميّز بين الجوازات بالفصيح و الجوازات بالزجل لأنّو كل لغه إلها قواعدها و الأسس اللي بتمشي عليها و اللي بتكون جوازات بحور الشعر فيها متلائمي مع طبيعة اللغه و تراكيبا .
يعني هون إذا قلنا مْفاعلتن مْفاعلتن فعولن ما بيأثر عا وزن البحر و بما أّنو السكون لا قيمه لها بالنسبه لحركات البيت و فيك تستغني عن هالحركه . و لو ما كلامي صح ما كان بتلاقي الوف أبيات الزجل لكبار شعراء الزجل بيستخدموها بهالطريقه :

يا زغلول هي آخر نصيحه
قالت يا طليع شو عملت فيّ صرت عا السطر عم بقرا شفافي
بعينيك انلزق برغي الوقاحه و ملّص دهر في عندي مفكّو

أما بالنسبه لَ (يا شاعر احاسيسك رقيقه) لا ممطوطه و لا ممدودي و متل ما هيّ مسكوبه سكب.
و رح قلّك ملاحظه : حروف العلّه لمّا بتدخل عا الجمله باللغه العاميّه فيك أوقات تحسبها حرف و فيك أوقات تحسبها تشكيل .. حسب صيغة الكلام و حسب طبيعة الجمله و حسب اللهجه .

شو بدّك .. شٌ بدّك
عا جبيني ... عَ جبيني
يا شاعر .. يَ شاعر

و برجع بلّك المشكله عندك الخلط بين الفصحى و العاميّه .. الفصحى لغه و العاميّه و مو بس هيك كمان العاميّه بتختلف . لأنّو كل منطقه و إلها قواعدها و تركيباتها الخاصه فيها ..
و إذا رايك صح طالب طليع و موسى و ... و غيرن يصححوا الوف الأبيات اللي قالوها بهالشكل

و شكرا إلك يا خيّ رمّاح





فاتحمعمحبّتي

عَمْ ..تلْ...عَبْ...بْ..مَرْ..جو...حِتْ...مُ ..سيْ...قا
1...2....3.....4....5...6.....7....8..9...10
============================
عَا....مْ...تلْ...عَبْ...بْ..مَرْ...جو...حت...مُ.....سِي...قا
1...2...3....4....5....6....7....8.....9....10..11

===========================
خيي الأستاذ فاتح ..أعذرني إنتَ والشاعر ساجي ...إذا إضطرِّيت عد الحركات بكلشي ذكرتو ...تحتـّى تفهم عْليي شو قصدي ...وشاكر لرحابة صدرَك ومثالكْ اللي ضربتو إليْ...
مثل ما قال الأخ سليمان (بزيادة واو ) محرّكة بالكسر ...أو مثل ما تفضـّلت حضرتـَكْ...بإضافة (اللي)مع تخفيف الياء لكسرة باللفظ ...كمان بيظبط الوزن..

يا زغلول هَيْ آخر نصيحة

يا ...ا...زَغ ْ..لو..لْ ..هَيْ....آ...خِرْ...نَ..صِي..حا
1..2.....3..4...5.....6..7..8..9..10...11

بطلبْ منَّكْ ...تلاقي مَخـْرَج باللفظ ..لهالأحرف ...غير ....مَطْ .الألفْ في( يا)...تحتـّى يكتملو الحركات لـ11
وبمثالك الثاني :
قالت يا طليع شو عملت فيِّ ==صرت عَ السطر عم بقرا شفافي
بعينيك انلزق برغي الوقاحه ==و ملـَّص دهر في عندي مفكّو
هي الأبيات ناقصة (تا ) بمطلع البيت الأول لحتـّى يكتمل الوزن...ومو هيك قالها الزغلول يا أستاذ فاتح ..
وفيك تشوف هالكلام على الرابط التالي والقصيدة كاملة موجودة فيهْ...
http://www.barabeta.com/vb/showthread.php?p=38070
====================================
تَ....قا...لِتْ...يا....طـَ..لـِعْ ..شُعْ...مِ ِ..لِتْ...فِيْ.... ي====صِ ِ....ر ِتْ....عَسْ..سَطِ.....رْ.....عَمْ....بقْ.....را ..شْ....فا...فيْ
1...2...3...4....5...6....7.....8....9..10..11=====1.....2......3.......4......5.....6.....7......8....9...10..11
بِ..عَيْ...نِيْ..كـُنْ...زَ...لـَقْ..بَرْ..غِلْ..وَ....قا...حا=======(أو)...مَلْ...لـَصْ.....دَ....هِرْ...فِي...عِنْ....دِيْ ....مْ.....فَـَكْ ....كُو
1..2.....3....4...5....6...7...8...9...10..11=====1.....2......3.......4...5.....6.....7.....8.......9...10..11
============================================================


لا حظ الواو الموجودة ببداية الشطر الأخير ...واللي لا زمْ تلفَظ لوحدها مُستقلة عن الميم في (مَلـَّصْ) إمّا (أ ُو)...أو (وي) بالكسر الشديد ..
-أنا ما جبت سيرة الشعر الفصيح وعمْ عد الحركات عَطريقة الزُجَّال .....وذكري للبحر (الوافر) إن هوّي أصل البحر البسيط(زجل)..هي حقيقة ما في حدا ينكرها...
سواء إنرد البحر البسيط أو تغنـّى غـُنى ...النشاذ هوي نشاذ..أعذرني أستاذ فاتح ...
باقي كلامك بنعرفو يا أستاذي الكريم ..
لو حدا بيشوف الشعر النبطي كيف محافظ على وزنو بالرغم من كونو شعر محكي ..بعدّة لهجات ...وبيشوف الأسس والتفاعيل اللي بينبنى عليها البيت واللي ما بتختلف عن الشعر الفصيح بشيء كان بيزعل عالزجل....
وشكراً

[عصام يوسف]

يا خيّ رمّاح .. حضرتك عم تقطّع الشطر حسب نظام الحركات بطريقه غلط لأنّك بتحسب المتحرّك و الساكن متل بعضن و بتمنّى ترجع لكتاب الزجل و تاريخو و أعلامو و تتاكّد

يا زغلول هي آخر نصيحه:


يا *** زغ *** لو = عم*** تل***عب
لِ *** هي *** آ *** خر = بِ *** مر *** جو*** حة

نَ *** صي*** حه = مُ *** سي*** قا
و بالتالي البيتين نفس بعضن و تقسيمك لشطر موسى زغيب كان غلط

أما بيت طليع (تا قالت يا طليع) مظبوط ..في حركه موجوده و البيت بدون جواز

بس إذا بتشوف بنفس القصيده

بيقول :

رحت محّيت دعساتو الطريّه حتّى ما يقولو الناس حافي


حت *** تا *** ما = عم *** تل *** عب

ي *** قو *** لون *** نا = بِ *** مر *** جو *** حة


سِ *** حا *** في = مُ *** سي *** قا



و بالتالي نفس وزن البيت اللي بيقولو طليع




بيت محمّد مصطفى : بعينيك انلزق برغي الوقاحه و ملّص دهر في عندي مفكّو

هون الواو ساكنه و إذا حرّكتا غلط


ومل *** لَّص *** ده =عم *** تل *** عب


ر *** في *** عن *** دي = ب *** مر *** جو *** حة

م *** فك *** كو = م *** سي *** قا


و بالتالي الوزن نفسو مع بيت محمّد مصطفى و إذا حبّيت تعتبرو بدون جواز و الواو متحرّكه مو مشكله بلاه ... هي بيت تاني لمحمّد مصطفى

أنا ورايح سلوني لوين ذاهب شو جايب معك شو الكف ناهب

شو *** جا *** يب = عم *** تل *** عب
و بالتالي نفس الوزن


هيك تقطيع الأبيات يا خيّ رمّاح

واضحه وضوح الشمس

و في امثله كتير قد ما بدّك .. بس يا ريت تقطّع البيت تقطيع سليم و فيك تشوف موضوع الأوزان بقسم الزجل للأخ أنهل فيه طريقة التقطيع السليمه




فاتحمعمحبّتي

[رمّاح]

إقتباس من كلامي السابق

يا زغلول هَيْ آخر نصيحة

يا ...ا...زَغ ْ..لو..لْ ..هَيْ....آ...خِرْ...نَ..صِي..حا
1..2.....3..4...5.....6..7..8..9..10...11

بطلبْ منَّكْ ...تلاقي مَخـْرَج باللفظ ..لهالأحرف ...غير ....مَطْ .الألفْ في( يا)...تحتـّى يكتملو الحركات لـ11

وإذا كان البحر البسيط (زجل) ممكن يكون 10حركات ....فبقلَـّك معكْ حَق ....

حضرتَكْ قَطـَّعت الشطر مثل ما أنا قطـّعتو ...بس ما عدّيت كمْ مقطـَّع قطـّعت...ولو عديتهن بيطلعو 10 ...بدون الألف الممدودة ..
فكيف البحر البسيط (زجل) بيطلع 10 حركات بالشطرة....
هي مالقيتلها تفسير بلينكْ أوزان الزجل الأستاذ أنهل ..ولا بمكان تاني ...
إذا حضرتَك بتقول ...الشطرة عشر حركات بالبحر البسيط ..معليش..أو غيرَك شاف إلها تفسير بشي كتاب ....يخبّرنا...

أنا ماعاد إحكي إشي ...وبعتذر منـَّك ومن القرَّاء ....

وشكراً

[حسن بنوت]

ويا زغلول هي آخر نصيحه

و يا زغ لو ل هي آ خر ن صي حه
1 2 3 4 5 6 7 8 9 10 11


على ما أظن هيك قالها موسى

عم بتلعب بيمرجوحة موسيقه

ع مب تل عب بي مر جو حة مو سي قه
1 2 3 4 5 6 7 8 9 10 11

ما فيها شي غلط هيك قصدو فاتح إذا أحسنا اللفظ

تا قا لت يا طليع شو عملت فيي

إسمعو التسجيل منيح

[عصام يوسف]

يسعد مساكن .

الحقيقه أنا قدّمت أمثله لشعراء كبار بتماثل الشطر المختلف عليه

و في غيرن ألوف الأبيات . و الوزن سليم ميه بالميه بعتبارو جواز بالزجل اللي بيختلف عن الفصيح و متل ما قلت سابقا مُبارك بالعاميه بتنقال مُبارك و مْبارك .

بيجوز مانو مدوّن هالشي بكتاب بس المنطق و السياق الموسيقي و استخدامو من قبل الشعراء بأكّد هالشي .

ليش بالفصيح مسموح القص و الكف و .... و بيضل البيت موزون و مسموح الجوازات و ما في مشكله بينما بالزجل ما بتقبلو جواز بيحافظ على موسيقة الوزن و الشعراء بيستخدموه بشكل طبيعي و بيدون تكلّف علما , هنّي غير عاجزين يزيدوا هالحركه ..
كل هالشي لأنّو جوازات الفصحى مدونه و الزجل غير مدوّنه ؟؟ .. بعتقد تحكيم المنطق هوّي الأساس.

بيبقى هالشي رأي الشخصي و أنا بحترم كل الأراء
و شكرا إلكن

فاتحمعمحبّتي

[slayman]

وانا بعطي أمثلة مشابهة
جريس
قلو روح نضف ها العفوني
مش صعب عا جريس يحط الواو
بس عند التقسيم مجبورين نرد المحدوف
لأنو انا مع رماح أنو ما فينا نعمل بيت 11 وبيت 10
ومتل ما قال فاتح جائز بالزجل بس عن معرفة أنو منشال حرف بس ما بيكسر البيت
متل صاحب محل بيسلم محلو وبيعمل enventario تقوييم موجود قلم للكتابة ومجبور يحط كل الموجود بالمحل
المسوؤل el encargadoبياخد القلم عا بيتو القلم بحد زاتو ما بيكسر المحل بس عند التقويم مجبور يرد القلم ولو انفقد القلم ما بيكسر المحل
يعني قصدي عن معرفة ما بنحط الحرف الواو مثلا او ما بنلفظ الأحرف متل ما قال بنوت مش مشكلة بس عند التقسيم مجبورين نحرك الكلمات
تا يظبط الوزن
التنين معن حق برأيي انا وما في شي مهم من جهة الوزن
تحياتي للجميع

[mohamad kh]

مسا الخير للجميع..........
بيشرفني اني شارك بهالموضوع وحط قصيدتي بعنوان "وْإنْتِي؟... إيش هِيِّي تِفَّاحْتِك؟؟" للنقاش.. وبطلب من فاتح ومن الجميع انو يقولو الشغلات المليحة بالقصيدة "طبعا اذا كان فيها شغلات مليحة" ومش بس الشغلات السلبية.... تحياتي للجميع مرة ثانية....
[poem=font="Traditional Arabic,5,,bold,normal" bkcolor="" bkimage="" border="none,1," type=0 line=0 align=center use=ex num="0,"]
يَا حِلْوِة يَا مُنَايِي يَا حَنِينِي = يَا وَحْيِي وْمُلْهَمِي يَا رِمْش عِينِي
إنْتِي يَا عْيُونِي وْيَا مُنَايِيِ = عِطِر بِتْغَار مِنُّو اليَاسْمِينِي
* - - - - - - - - * = * - - - - - - - - *
إنْتِي مْنِ الحَلاَ وِالحُسُن آيِة = حُبِّي إلِك مَا مَنُّو كِفَايِة
لَجَوْز عْيُونِك بْرَتِّل غُنَايِي = بَلْكِي عْيُونِك تْبَطِّل حَزِينِة
* - - - - - - - - * = * - - - - - - - - *
حُبِّك عَم بْيِلْعَب بِأعْصَابِي = رْصَاصُو خَرْدَق مْنِ الحُب بَابِي
مَ فِيِّي كَذِّب عْيُونِي وْشَبَابِي = وْمَ فِيكِي وَلَوْ مَرَّة تْصَدْقِينِي
* - - - - - - - - * = * - - - - - - - - *
قَلْبِي لْ إلِك مُشْتَاق قُومِي = تَعِي لْعِنْدُو بْلَطَافِة وِبْنُعُومِة
بَلْكِي عِنْدِك مْرَاهِم هُمُومِي = وْمِن هَالهَم مَرَّة تْخَلْصِينِي
* - - - - - - - - * = * - - - - - - - - *
قَلْبِك دَوْم سَمَّعْتُو آهَاتي = لَمَّا إْتْخَرْبَطِت ذَاتِي بِذَاتِي
المَحَبِّة مِن صَدَى الإحْسَاس هَاتِي = وْمَ بَيْن ضْلُوع صِدْرِك سَكّنِينِي
* - - - - - - - - * = * - - - - - - - - *
يَالَّلِي إلِك عَ قَلْبِي السِّيَادِة = وْعَ غِصْنِك أنَا مِثْل الطَيْر شَادِي
بَعْبِد إسْمِك الغَالِي عِبَادِة = وْحُبِّك بَعِد دِين النَبِي دِينِي
* - - - - - - - - * = * - - - - - - - - *
يَا وَيْلِي مِنْ رْمُوشِك مِنْ رْمَاحَا = عَلِيل بْحُبِّك وْمَا فِي جْرَاحَة
خَدْعِت حَوَّا آدَم بِتُفَّاحَة = وْإنْتِي بْإيش بِدِّك تِخْدَعِينِي
* - - - - - - - - * = * - - - - - - - - *
عَ وَتْر القَلْب لَحَّنْت الغَنَانِي = وْبِإسْمِك قَلْبْنَا غَنَّا المَعَانِي
خَلِّي قَلْبِك بْصَدْرِي ضَمَانِي = بَلْكِي إْن مِتِت يِحْيِينِي حَنِينِي
* - - - - - - - - * = * - - - - - - - - *[/poem]

[انهل دبس]

أستاذ أنهل أنا بخالفَك بالرأي لو سمحتلي

وتكون صادق بالحياة ومنطقي
وْتا...كو... نْ...صا..دِقْ...بلْ..حَ....يا.....تو....مَنْ... طِ...قيْ
1.....2....3...4....5....6...7...8...9...10...11..12
بحر يعقوبي

بدك تضلي مهاجرة.؟شو بيمنعك
بَدْ..دِكْ...تْ...ضَلْ...لِمْ...ها...جْ...را....شـُبْ..بيمْ....نَ ..عِكْ
1..2...3.......4.......5....6.....7...8.....9......10....11...12
المجموع 12حركة .بحر يعقوبي

كنـّا نصب دموع لِمْ كنـّا زغار
كِنْ ...نَا ...ا...نْ...صِبْ ..دْ...مو..عْ....لِمْ....كِنّ..ناز...غار
1......2...3...4....5....6.....7...8...9.......10....11...12
12 حركة بحر يعقوبي ..
الألف في كنّا الأولى ..تلفض ممدودة وتشبعْ أثناء الغناء للتعويض عن الحركة الناقصة ...وهذهِ من جوازات الزجل والأمثلة كثيرة ..

أستاذ أنهل بعتذر لمداخلتي ....وعدم موافقتكْ الرأي ....
القصيدة سليمة بالوزن على البحر اليعقوبي كاملة بكل شطورها تماماً ..
ولكن هالكلمة (جَرْحَاتْ) غير محبّذة وغير مقبولة وإذا بتنلفظ غير هيك بينكسر البيت ...
بتزكَّركْ جَرْحَات ما إلها دوا
وهالقصيدة ممتازة بالنسبة لعمر 16 سنة ....وأكيد القصايد التانية اللي قريناها للشاعر سليمان أعلى بكثير من هيك مستوى بالمعاني وترابط الأفكار ..
طبعاً أنا حكيت بس لأنـّو الأستاذ فاتح ..دعى المتذوّقين للشعر ومو بس الشعراء الزجـّالينْ ...

الأخ رماح المحترم ...
ليس المهم أن توافقني الرأي أو تخالفني , المهم أن نصل إلى الصح في النقاش .
ولذلك أقول لك بأنه في تقطيع أبيات الزجل يعطى الرقم للحرف التحرك فقط ( وهذا
ما ورد في مداخلة الأخ فاتح أيضاً ) , وإذا رجعت قليلاً لردك على مداخلتي تجد
أنك أعطيت أرقماً لبعض الحروف الساكنة لكي تـُكمّل عدد المقاطع إلى ( 12 )
ـ وهذا غير صحيح من حيث تقطيع ووزن الأبيات ـ ,
الأخوة الشعراء ...
لاحظت في المشاركات الأخيرة بأنكم خرجتم عن موضوعنا الأساسي وهو مناقشة
قصيدة الأخ سليمان , وانتقلتم إلى موضوع أبيات الأخ فاتح .
وقبل أن نعود إلى قصيدة الأخ سليمان ـ إذا رغبتم في إكمال النقاش ـ أتمنى من
الأخ سليمان أن يعيد كتابة قصيدته مع التشكيل الكامل ـ حتى لا نرتجل التشكيل
كما يحلو لنا ـ وبعد ذلك نناقش أبياتها حسب ما أراد الكاتب .
وأرجو من كل الأخوة الشعراء ـ ممن يرغب في طرح قصيدة له للمناقشة ـ أن
يكتبها مشكّلة كاملة تلافياً للإرتجال والخطأ من قبل النقاد وشكراً .
بكل الحب
أنهل دبس

[شفيق]

نظرا ..لبعض معوقات الانترنت عندي ...تعذّر عليي الاشتراك بهالموضوع من أولو
بس رح شارك بعد تصفّحي للموضوع بشكل سريع


برأيي نخلق عروض بين العاميّة والفصحى ونسمّيه بالعروض الزجلي ..لأنّو عروض الفصحى والشباب اللي يشدّو ضهرن فيه ....نسف ونسفو تاريخ الزجل وأعلامو ..
أنا ماني أفهم وأكبر من زغلول الدامور ولا من محمد مصطفى ولا من عادل خداج ولا من موسى زغيب ولا من خليل روكز
إذا هنّن أفهم من هالشعراء الذكرتن كان لازم يغنو الزجل السوري من سنين

بدون تفصيل ..

بيت فاتح مو مكسور .....

وبعودة لموضوع العروض الزجلي

هوي وضع عروض الفصحى وبناء جوازات الزجل عليه

مثلا مستفعلن مستفعلن مستفعلن

فيك أحيانا تزيد حرف مثل ما بيقول المرحوم زين شعيب
استعمل الخيط وشال من جسمو الأبر
عروضيا مكسورة بس زجليا صح والزيادة هيي
السين ..والألف أصلا لا تقرأ

أو تشيل حرف أو حرفين مثل ما بيقولوا الرحابنة يمكن
كان يا ما كان في بنت وصبي
هي بالنسبة للمعنّى

أما القصيد ..يجوز تشيل حرف واحد أو زيادة حرف واحد

مثل ما بيقول فاتح ..
عم تلعب بمرجوحة موسيقا

ومثل ما بيقول طليع :
كنت من الفزع أكتر بتقصر

كمان:
وعلى نغمة صدى الله وأكبر

والواو حرف زائد وبرأي الشباب مكسورة ..
بس لاء ..هاد هوي الزجل

من شان هيك ..الحكي اللي كتبتو واللي كتبو فاتح مانو خبط عشواء من الجهل وقلة الخبرة
هي نتيجة سمع ألوف الحفلات والتمعّن الكبير فيها وقراءة عشرات الكتب الزجليّة

أنا كمناصر للزجل ..بنسف عروض الفصحى من جذورو ولا بسمحلن ينسفو شطر لخليل روكز

هي الزجل وهي قواعدو وغير هالقول فهو فاسدعقولة بيدق

[رمّاح]

الأخ رماح المحترم ...
ليس المهم أن توافقني الرأي أو تخالفني , المهم أن نصل إلى الصح في النقاش .
ولذلك أقول لك بأنه في تقطيع أبيات الزجل يعطى الرقم للحرف التحرك فقط ( وهذا
ما ورد في مداخلة الأخ فاتح أيضاً ) , وإذا رجعت قليلاً لردك على مداخلتي تجد
أنك أعطيت أرقماً لبعض الحروف الساكنة لكي تـُكمّل عدد المقاطع إلى ( 12 )
ـ وهذا غير صحيح من حيث تقطيع ووزن الأبيات ـ ,
الأخوة الشعراء ...
لاحظت في المشاركات الأخيرة بأنكم خرجتم عن موضوعنا الأساسي وهو مناقشة
قصيدة الأخ سليمان , وانتقلتم إلى موضوع أبيات الأخ فاتح .
وقبل أن نعود إلى قصيدة الأخ سليمان ـ إذا رغبتم في إكمال النقاش ـ أتمنى من
الأخ سليمان أن يعيد كتابة قصيدته مع التشكيل الكامل ـ حتى لا نرتجل التشكيل
كما يحلو لنا ـ وبعد ذلك نناقش أبياتها حسب ما أراد الكاتب .
وأرجو من كل الأخوة الشعراء ـ ممن يرغب في طرح قصيدة له للمناقشة ـ أن
يكتبها مشكّلة كاملة تلافياً للإرتجال والخطأ من قبل النقاد وشكراً .
بكل الحب
أنهل دبس

أستاذنا الكريم ...هالمثال عن التقطيع ....مقتبسْ من مجلد ... منير الياس وهيبة الخازني..كما هو حرفيّاً ( على ذمـّة الأستاذ محمد حسن شريم)...وموجود على اللينك التالي:
http://www.barabeta.com/vb/showthread.php?t=3252
10 - البحر اليعقوبي :
يرتكز هذا البحر على شطرين ومجموع عدد حركات البيت بكامله هي 24 : 12 في الشطر الأول و 12 في الشطر الثاني مثال :
...................... يا مجدليي جار تاريخ البشر ............ خطيتي خطيي بشرعهم لا تغتفر
...................... عالرجم كانو سايقينك عالدروب ........ وكل واحد حامل بإيدو حجر
ويقسم :
يا ... مجـ ... د ... ليـ ...ي .... جا .... ر ...تا ....ريخ ...ل ...ب ....شر
1 ....2 ....3 .....4 ...5 .....6 ......7 ...8 .....9 ....10 .11 ...12 .

فلاحظ يا خيي أنهل ...حرف الياء الثاني في كلمة (مجدليي) ...ولاحظ حرف الراء في كلمة ( جار)....وحَرف اللام ..في كلمة (البشر)..
فبتلاقي إنو هدول ثلاثة حروف ساكنة في شَطر واحد ...وهي تشكل مقطعْ لفظي مُستقل ...أثناء التقطيع ..
بتمنى تتمعَّن بمقدّمة هالصفحة منيح ْ.....وتشوف أنو التقطيع يقوم على تقسيم الجُمل إلى مقاطع صوتيه تختلف طولاً وقصراً وهذه المقاطع أوالحركات تُسمى تفاعيل الشعر وحركات الصوت تقوم على 1 - ما يُنطق يُكتب , 2 -ما لا يُنطق لا يُكتب وهذا يؤدي إلى تفكيك الحرف المُشدد , وإخفاء الحرف غير المنطوق وإضافة حرف عند المد...
[هذا الكلام ..ما أنا قلتو ...مثل ما أنا ماجبت سيرة التقطيع بالشعر الفصيح ..

[راجح]

سليمان شعري شعر شيخ وشعر شاب - مزين جبيني بشعر شب وشعر شاب
متل الأسد لمابخيالو فات ..غاب - غيبة أسد لمابخيالو فات غاب

اعذرني اذا جاوبتك بشعر,وصواب- برأيي الجواب يكون شعر على الحباب
خلي الزجل بالمنتدى يلبس رواب - وتقصر صبايا الحكي فيه التياب

سليمان كنا لبعضنا مبارح قراب - وطلبت رقمك بس فيك الحظ خاب
وبالشعر عندك ألف باب وألف باب -في شعر للتنقير لكن مش سباب
وفي شعر للتوضيح في منو عتاب - وفي شعر كرم بينعصر منو شراب
ونقيت انتي رد مني عالشباب - والقصد منو كان تاأعطي جواب
والوزن ياسليمان سالم فيه داب - تلج القصيد الوافر بوزن الكتاب
الشطرين نفس الوزن كانو عالجناب - فستان عالميلين زهراتو جياب
والقافيه غر شكل لكن بالحساب - مابتطلق على نعجة الوزن الدياب

وكسر لي شفتو مش كسر للوزن عاب - هيدا رقاب مكسره فوق الرقاب
هيدا شظايا كسرت جنح العقاب - سيف ل تكسر كتر ماكسر نياب

ون كان بدك ناقشك ابعت جواب - عالخاص حتى جاوبك يابوالشباب
وهيدا وعد مني تنحكي عالهدا - بلون المحبه بالذهاب وبالاياب


راجح

[بيدق]

السلام عليكم ورحمة الله وبركاته

نصيحه مع جمل
لفاتح ولأنهل وسليمان
تعليقاتكن بموضوع العروض مدعاه للسخريه جهلكن واضح بالموضوع مو سامعين بعلم العروض
مطلقاً
نصيحه لاتتكلمو بالموضوع ضحكتو العالم عليكن الناس عندهن إطلاع مو متل ما بتتخيلو
فاتح وأنهل بحكم موقعكم كمشرفين بتسيئو للمنتدى بشكل عام
وسليمان أنت شاعر واعر فحل وعندك إحساس بالوزن بالفطره بس بالعروض كتقنيات
معلوماتك ضحله
لا تعتمدو على كلامي
أسألو ذوي الأختصاص ... الموضوع طرح للنقاش في جامعة دمشق
بأشراف الأساتذه
الأستاذ الدكتور سراب اليازجي


و الأستاذ الدكتور محسن العبيد
والنتيجه

لافرق بين أوزان الزجل وأوزان الفصيح مطلقاُ فهي متطابقه
وجوازات الزجل مصدرها علل وزحافات الفصيح
عدا زيادة حرفين في بداية البيت والذي غالباُ ما يكون أولهما همزة وصل أو زيادة واو ساكنه
وهذه الزياده من خصوصيات الشعر المحكي بشكل عام وليس الزجل فقط

--------------------
الأخ شفيق شكراُ لأدراكك ما خفي على الآخرين
إسمحلي قلك شغله
الزياده ( حرف ساكن في بداية البيت ) هيدا حكي محقق وأكيد
أما تنقيص حرف مو وارد أبداُ إذا عندك قاعده لهيك شي مع أدله بتمنى عليك تفيدني مشكور سلفاً
وبيت فاتح مكسور
وفاتح بكسر كتير

--------------------
أخ رماح لا تزعج حالك
إنك أسمعت أذ ناديت حياُ ........................... ولكن
-------------------------------

سلام

[عصام يوسف]

شوف يا إستاذ بيدق .
أنا عطيت رأي بالموضوع وو ضّحت وجهت نظري بالأمثله و المنطق و إنت عطيت رايك بالإستخفاف بفاتح و أنهل... دير بالك

أنا ما رح إدخل بجدل عقيم معك . بس رح ذكّر الأخوه القرّاء و المتابعين لهالمضوع و حضرتك كمان بالنقاش اللي دار بينك و بين الأخ مرهج .. و اللي بينّ فيه مدى سطحيتك و قلّة معرفتك و فهمنتك الفافوش ... و بعرف بيجوز تردّي عليّ و تقول فاتح ........
بس لمّا الناس رح ترجع تقرا هالنقاش بينك و بينو على نفس الموضوع رح يشوفو شو قيمتك بسوق الزجل.

و دير بالك تتدعي المعرفه... إذا بيكون خلفك ألف دكتور جامعه .. شو بيفيدوك إذا إنت أفهم واحد فيهم


فاتحمعمحبّتي

[بيدق]

أول شي أنا لا إستاذ ولا شي
تاني شي أي منطق وأي حجه كلامك كلو سطحي عروضيا بل خطأ
بالنسبه لمرهج أو راجح أو إياد ............... الخ ..........سمه ما شئت
ما بنكر أنو شاعر لكن بالعروض بعد بدو فت خبز
والنقاش الي دار بيني وبينو حجه ألي مو إلكن أنقلو إذا ممكن حتى العالم تشوف مهترات مرهج وتخبيصو

ثالثاُ
جاوب على هل كمن سؤال إنت أو مرهج أو راجح أو إياد .............. أو أنهل
1 _ بحور الزجل منشوره وموجوده بهلمنتدى أذا ممكن تنقلها هون وتعطيني تفعيلاتها ............إوعى تقول ما إلها تفعيلات
2 - بالنسبه للمقاطع كيف بيكون ترتيبها وعدد الأحرف في كل مقطع مثال بتقولو إنو البحر اليعقوبي 12 حركه أو مقطع أي المقاطع بيتكون من حرف وأي المقاطع بتكون من حرفين بالترتيب
3 _ قطع هالبيت لموسى زغيب ( إعتزي يَ قلعة بت مري وْضوي الحلك )
---------------------
الموضوع متل جداول الضرب بالنسبه للرياضيات
بسيط للغايه وواضح والمعلومات إلي قلتها أنا من أساسيات علم العروض ولا يختلف عليها إثنان مطلقاً أذا كان عندهن أدنى فكره عن العروض ........... ولكن فاقد الشئ لا يعطيه
معتحياتكبيدق
قلة الجواب جواب
أرجو من الجميع عدم التدخل وأن يكون الرد ممن له علاقه فقط


فاتح فيك تشطب هالمشاركه إذا حسيت بالحرج مسامحك سلف

[راجح]

لا قيمة زجليا لكل ما يكتبه بيدق .. أرجو تجاوز مشاغباته


الجميل هنا أن ساجي وشفيق و(Firas.H) رغم زغر عمرهم فهم على معرفة والمام بأعراف الزجل وقواعده . نقطة أسجلها لهم وبيستحقوا عليها التحية

أما فاتح
فله عالمه الخاص الجميل وهذا الشاب ولد من روح الشعر من عذراء الدهشة ليكون ملكا ولكن مملكته ليست من هذا العالم .
أنحني أمام شعراء المشتى حسان وفاتح وساجي و أقدم لهم كل بخور وطيب الشرق
اذا كان البعض في سوريا يشعر بالفخر اذا لقب بزغلول سوريا أو بروكز الشام فالوقت قد يأتي ونشهد من سيفخر في لبنان بأن يلقب ببسطاطي بيروت أو فاتح كسروان أو ساجي البقاع

من له أذن للسمع فليسمع .. والويل لمن يغير كلمة مما كتب في الناموس .. فهذا الثالوث بسطاطي وفاتح وساجي مجد الشعر في المشتى ومجد المشتى في عالم الشعر

وهذا الكلام حق

راجح

[عصام يوسف]

اعْتز***زي***يا***قل***عة***بتْ***مِ***ريْ وْ***ضوْ***ويْ لْ***حَ***لَكْ
1 *** 2 *** 3*** 4 *** 5 *** 6*** 7 *** 8 *** 9 *** 10 ***11***12


بالبدايه الألف و العين سواكن .. فينا نعتبرن غير موجودين . و كمان بالمعطع 8 الياء و الواو سواكن فينا نعتبرن سكون وحدي

و بالتالي البيت موزون 100% و عدد مقاطعو 12

آخر شي .. بتمنّا نحترم أراء بعضنا سواء صح او غلط .. و خلّي المستمع يحكم بالمنطق
و شكرا إلك على مداخلتك


فاتحمعمحبّتي