صرلك سنتين نايم حلك تصحى يا بشار
|
صرلك سنتين نايم حلك تصحى يا بشار
|
25-12-07, 11:39 AM
---
[SIZE="3"]داعيك يا بشَّار حَـ ـلـ َّ ـق بالفضا = وْ عَ جْناح ريح المَوت باعِتلك قـ َـضَى يمَّا عَ أيدو شوف حَـ ـتم ِ نـ ْـهَايْتك = يمَّا الأيادي بوسها وْنـ ُـول الرضَا -- [/SIZE]
26-12-07, 12:33 PM
صباح الخير
سنتين صرلو الجو يا بيدق يشب***ناشف وجايي حط مرهم عالقشب وانت خلي ايد تمسح دمعتك ***والتانية تا تدق فيها عالخشب
26-12-07, 06:24 PM
[SIZE="4"]
عَ خـ ْـشَاب عَتْبـ ِـة منبرك لِمْـ ـكَسَّره = دَقـ ــ َّـيْت حتى تـ ْـفِـ ـيق تِشْمَخ عَ الذ ُرَى لكن أسف سَالت غـ َـصِبْ من عَيْـ ـنـ ْـتي = دمعة أسى عا هيك حاله مْعَـ ـتَّره --- [/SIZE]
27-12-07, 05:20 AM
ياريت ترفعو المستوى وتكتبو زجل جميل معبق بالصور وبالخيال والفكره المدهشة وتبتعدو عن الضعف والركاكة والسطحية والرتابة ..
وحتى الآن مازلتو تحت الصفر راجح
27-12-07, 11:10 AM
...........شكراً للمداخله.................إلي بعد بكِّير كتير عليها
27-12-07, 02:53 PM
وك ياخيي المكتوب بينقرا من عنوانو ..وياسيد بيدق لكي تكتب الزجل يجب أن تعرف قواعده ولكي توشحه بالشعر يجب أن تعرف أسراره وأنت فقير بالاثنين والذي تكتبه يسمى نظم أي جثة هامدة لاجمال فيها ولا حول ولاقوة ..
من وين جايبلي كلمة "عينتي " ..في شيء اسمو عين وبيصير عيني ..أو يمكن هيدي صوره صعبة الادراك .. منشان الله اذا بتحب الزجل اقعود ع جنب وتسمع ..وهيك بتقدم أكبر خدمة للزجل ..اتركلي بشار الله لايديمو لأنو كان مقبول وصار عميتراجع بشكل مخيف وخاصة هلق معك ..قتلتو يابيدق بهالنشفان .. وأعتذر عن الكلام القاسي ولكنها الحقيقة ..أما بالنسبة لأشخاصكم فماعندي أي مشكلة أنا لأني بحب الشعر عمقول هيك بس كأفراد أنتو أخوتي وبحطكم بعيوني ..ووقت بشوف شي حلو بطير من الفرح بس وقت بشوف زجل مطحبش متل تنكة البيبسي المارقة عليها مدحله بزعل كتير أعياد مباركة للكل راجح
27-12-07, 04:30 PM
( راجح ) بتشكرك عالحب والتقدير على الصعيد الشخصي وتأكد إني ببادلك نفس الشعور .
أنا بعرفك من خلال أدبياتك المنشوره على الأنترنت ومن خلال مقالاتك وأشعارك قدرت كوّن فكره جيده عنك على الصعيد الشخصي . بالنسبه لرأيك فيي وبشاعريتي أنا بعتبرو رأي شخصي ممكن يكون صحيح وممكن خطأ مع أهميتو بالنسبه إلي . أنا برحب بأي نقد مبني على أدله وبراهين وبستثمره لتطوير حالي لأني لا أدعي الكمال بل أسعى إليه والكمال لله سبحانه وتعالى بالنسبه لحواري أنا وبشار بعدو ببدايتو وبعد موضوع الحوار ما تمحور بيناتنا من هيك حكمك صدر بكَّير شوي من هيك حاسس أنا بالظلم وبأنك ما أنصفتنا وأنو حكمك غير منطقي . مافي داعي تعتذر ما زال ما أسئت القسوه بالنقد مو إساءه ولا تجريح هيدا حق لألك وأنا برحب بأي نقد بنّاء ومنطقي متل ما قلت سابقاً...... وضوء أخضر مني لألك بتناول أي مشاركه إلي بالجرح والتعديل والنقد خود راحتك . حابب أسمع منك تعليق ونقد مفصل على الأبيات إلي أنا كتبتها بهالموضوع بالتفصيل او سمحت لأني حابب أستفيد منك تحياتي وإحترامي .
27-12-07, 04:41 PM
بيدق, post: 36098 كتب: ( راجح ) بتشكرك عالحب والتقدير على الصعيد الشخصي وتأكد إني ببادلك نفس الشعور . هناك أمور تقنية بالأسلوب والأفكار وانسكاب القصيدة و جماليتها ممكن تتعلمها بس لازملك الموهبة الأصيلة قبل ..وأنت موهبتك ضحلة للأسف ..نصيحتي اسكوت شي سنة زمان ..وتسمع ..واقرا ..واكتوب لحالك ..وخزق .. ووقتها بس ترجع بيجوز هالأمور تقدر تخبي عيب نقص الموهبة ..لأنو الموهبة مابتنعطى ..الموهبة بتخلق مع الانسان .. راجح
27-12-07, 04:47 PM
أحكامك لا زالت ضبابيه وعامه ..............
كلامي صواب يحتمل الخطأ ............. وكلام غيري خطأ يحتمل الصواب صار لازم روح عن إذنك ............. شكراً على كل شي
28-12-07, 05:10 PM
يلا يا بيدق معك للأخر
راجح بإسم الأخوة إذا مش حابب تتابع الحوار رأيك ملك نفسك وبيرجع الك بس لا تحط تعليقات هون منشان اللي حابب يتابع ما يفقد تركيزو بالحوار. واذا غلطنا معك منطلب سماح يا زلمي بيكفي انك ابن الوطن لنحبك كيف لو كنت شاعر كبير ,وانت اذا بدك لا تحبنا, ومش ناطر منك تمدحني ولا تتغزل فيي وعلى كلمة " الله لا يديمو" بقلك كتر خيرك معك بيدق .. لا تدق فيي بخاف عنقك ينقزع ***بتمي نفخت الريح وستارك نزع ودمعة اللي انت ذرفتها بحجّة أسى*** تبخرت عالخد من كتر الفزع
29-12-07, 06:14 PM
بشار, post: 36101 كتب: لعيونك أبو خليل [SIZE="4"] بشـ ـَّار حاجي تْر ِفْ قِصْرو جانحيْك = ما فيك تِرْقى لـْـ ـمُستوانا يا دْوَيْك خصمك يَ إبني بالزجل معروف بيْك = زنَّار عَطفو لَفْ داير جانْبَيْك (فِزْعان منـ َّـك ).. أستحي لَ تْقول هيَْك = عا هيك رده ملبَكِهِ يكسر يَدَيْك كرمال بَعْدَك غَضْ بالشعر وْطـ َـري = مَ بْخاف منَّك يا صَبِي خَوْفـ ِـي عَلَيْك ---[/SIZE]
30-12-07, 07:05 PM
شو هالجواب وكيف عا بالك خطر***مش هيك لاهوت الزجل منك نطر
لما الصبي عا سفرة الرحمة فطر***محا خطايا عا عدد حب المطر خايف عليي انت بيكفي بطر***ما بيزعج الأبطال زمور الخطر تا نقول صدقتك عيونك عم تقول***"بخاف منّك". حط نقطة عالسطر
30-12-07, 07:23 PM
أنت مجرم شعر يابشّار
أوّل ردي مابشبع منّا شفتا وماصدقت عينيي وعن عابالي الحلا واخزت راجح كيف بيتجنّا عليك رجعت خيّبت أملي بآخر سطر كرمال الحلا و الشعر وطلب أخوي أزا مافي أحراج تغيّرو
31-12-07, 08:54 AM
كمان بحب أعتذر
عاتدخلي للمرا التانيي لأنّو أوّل ردّي بتعجبني ألك يابشّـــار قافيي حلوي وصور أحلى بس ب لأخر ذكتني ب بيت عتابا لمارون كرم بيغنيه وديع الصافي ياربّي ترجّـــع الغايب ع بيتو زرعت الهم في صدري عبيتو شاعر قاعــــــد يفتش عَ بيتو حبيبو قبل آخـــــر سطرغاب
31-12-07, 10:52 AM
يعني قصدك اني مقتبسها ؟؟ الله يسامحك
بحب قلك انا مالي مراق بالعتابا ولو الي كنت بكتب وبشارك مع الشباب وبالنسبة لبيت العتابا ما بتذكر اني سمعتو قبل هالمرة ما بعرف يمكن اذا بتفهم شو الصورة اللي انرسمت باخر بيت تغير رايك شوي على كل حال رايك مهم وغيرتك ومحبتك للشعر مهمة اكتر واكتر
31-12-07, 06:15 PM
ولك يابشّــــار
شقد قلبك طيّب ومعتّر ياريت كلشي أسمو بشّـــار متلك أنا ياعين عمّك لاعندي خاص ولاعام ولابعرف أقرا ولابعرف أكتب بس بعرف أتذوّق شعر لأني لأول مرّة بقلك أنا مابشوف بس وقت ماسمعت : مش هيك لاهوت الزجل منّك نطر و : لمّا الصبي عَ سفرة الكلمي فطر ماتخيّلت رح تنهيّا : بخاف منّك حط نقطة عَالسطر لأنّو (سطر) موعَقافية (فََطَر) ولبتقربا _______________________ بتمنا تكون ما فهمتني ____
31-12-07, 06:31 PM
الله واكبر يا خليل الشعر بتجنن حلو
شو هالجواب وكيف عا بالك خطر***مش هيك لاهوت الزجل منك نطر لما الصبي عا سفرة الرحمة فطر***محا خطايا عا عدد حب المطر خايف عليي انت بيكفي بطر***ما بيزعج الأبطال زمور الخطر تا نقول صدقتك عيونك عم تقول***"بخاف منّك". حط نقطة عالسطر
31-12-07, 06:37 PM
سلام
اولا "بخاف منك " . بين مزدوجين يعني اقتبستها من ردة بيدق وتانيا حطيت نقطة بعدها يعني انتهت الجملة وبعدان كملت حط نقطة عالسطر تالتا بلهجتنا سَطَر بتنلفظ على وزن فَطَر وعلد هالأساس انا ختمتها هيك يمكن كان لازم اشكلها سَ طَ رْ ويمكن انت قريتها سَ طِ ر ما بعرف يمكن يلي صار اختلاف بلفظ الكلمة حسب اللهجة. اذا حدا من الشباب عندو رأي ينوّرنا سلام
31-12-07, 06:52 PM
[quote="بشار, post: 36110"]اولا "بخاف منك " . بين مزدوجين يعني اقتبستها من ردة بيدق
وتانيا حطيت نقطة بعدها يعني انتهت الجملة وبعدان كملت حط نقطة عالسطر تالتا بلهجتنا سَطَر بتنلفظ على وزن فَطَر وعلد هالأساس انا ختمتها هيك يمكن كان لازم اشكلها سَ طَ رْ ويمكن انت قريتها سَ طِ ر ما بعرف يمكن يلي صار اختلاف بلفظ الكلمة حسب اللهجة. اذا حدا من الشباب عندو رأي ينوّرنا سلام[/QUOTE] أنا كمان خيي بشار من رأي سازج سطر مش متل نطر غير مش متل صير مثلا لا تزعل هي أول مرة سازج بيحكي الحق تحياتي وتابعو الحوار |
|
« الأقدم التالي | الأحدث التالي »
|
