شاعر كِبر عَ وقت !!!

[عصام يوسف]

الشاعر..
خلق ما في حدا
قدّو
و لو وقّفو
كل البشر ضدّو
بيفرض بقوّة منطقو
دستور
يمشّي الطبيعه
متل ما بدّو

الشاعر متل بستان
كلّو زهور
تجاوز مفاهيم الزمن
حدّو
لْ بيعمّر التاريخ
بالمنتور
غير اللي بالبارود
بيهدّو

الشاعر نبي
بالدين مش مذكور
كل البشر
عن منهجو ارتدّو
بيطلع دراج .. دراج
من بخّور
يقطّف
عناقيد السما بيدّو

الشاعر
ما بيزلّو شعر مأجور
من هيك
فوق المادّه بعدّو
و لمّا أبو الطيّب
هجا كافور
طرقتو خمس بوسات
عا خدّو

[راجح]

ياهالشاعر المقطوف من شعلة العنصرة
لأنو فيك تحكي بالألسنة
فيك تحكيلهم عن المجد
ويللي ماداق المجد يا خطيتو .. بيخصل القلب
**
بيتهموك بالمسح
صحيح وبنفس الايد الفيها بتلجم العاصفة بتمسح بالزيت وبتخلص شعرا..

**

بكرا ..وقت بتطلع ..
بيتذكروك
وبيحكو عنك بعليات المشتى بسهرات البرد

وبيقولو

كان في شاعر

و راح ليعد الملكوت

وقتها تذكرني
لأني مابستاهلك تدخل تحت سقفي




راجح