علّمتني حلوة الحلوين ..نْ فلّيت دشّر عطر في هالكون

[عصام يوسف]

[size=7]رح نحاول من خلال هالصفحه نسلّط الضو كل مرّه عا شاعر من شعراء الزجل
اللي خدموا الكلمه و لوّنوا سما الإحساس تا صرنا نشوفها لوحات فنّيه ..منها شغل الله و منها شغل الشُعرا
و انشالله من بكرا رح نبدا مع شاعر كبير .. كان إلو طلّة متل طلّة الخيّالة بوجّ المدى و رهجة متل رهجة الدهبايه بإيد الغنّيه

فاتحمعمحبّتي[/size]

[عصام يوسف]

رح نبدى اليوم مع أمير الزجل الإرتجالي ..
الشاعر عبد الجليل وهبي .

.....................................................

جـــامع قوافي البِكر من باني و بني *** بغنّي نهار بيكبر المنبر ســـــــني
و ما دام اسمي و كنوتي عبد الجليل *** بيضل عبدي الشعر تا تفنى الدني

هيك إرتجل عبد الجليل وهبي و عرّف عن نفسو قدّام الجمهور الغفير بحفلة (المدينه الرياضيّه) ببيروت 1970
.....................................................

و هون منشوف الصنعه و المهاره الشاعريّه اللي كان بيملكها شاعرنا الكبير الإستاذ عبد الجليل وهبي .. فهوّي الجامع للقوافي الجديده و المبدع في الصياغه ..
مرتجل القوافي بشهادة الكتار ..من شعراء الزجل .
هوّي واحد من كبار شعراء العرب بالعصر الحاضر . أبدع الكثير من القصائد المغنّاة , و إحترف هاللون من الشعر .. كما إنّو نظم الشعر باللهجات و اللغات التانيّه .. متل اللهجه العراقيه و الخليجيّه و اللغات الفرنسيه و التركيه .. و كمان نظم أناشيد وطنيّه لدولة الإمارات العربيه المتّحده .
.....................................................

منقول (بتصرّف)

[شفيق]

شكرا يا فاتح يا كبير أنت

اختيارك لعبد الجليل اختيار موفّق وممتاز ...عبد الجليل زرع كتير بالشعر وبالزجل وبالمنبر وكان حصادو أكبر ..بالرغم أنّو بالبداية ما أخد ربع حقّو ....

شكرا مرّة تانية

[عصام يوسف]

و رح نتابع كمان اليوم مع مسيرة الشاعر الكبير عبد الجليل وهبي .

عام 1943 تألفت في لبنان (الرابطه العامليه الزجليه) و كانت مؤلّفه من المرحوم علي الحاج البعلبكي و عبد الجليل وهبي و أسعد سعيد و السيّد محمد مصطفى .
هودي كانوا الروّاد في الشعر الزجلي بمنطقة جبل عامل .. بحيث فينا نعد كل واحد منهم مدرسه كبيره بهالميدان ..
أستمروا هالفحول الأربعه و تماشوا فتره طويله و أنتجوا قصائد بقيت خالده في التراث اللبناني ..
و شارك الشاعر وهبي بكتير من المهرجانات و الحفلات الزجليه و أثبت وجودو عا كل منبر من منابر الشعر و الأدب و بشكل خاص الشعر الإرتجالي .. اللي بيشهدلو فيه معظم شعراء الزجل .. حتى لقبوه بأمير الزجل الإرتجالي .
بس الشاعر عبد الجليل وهبي مع بداية التسعينات سافر و استقر في الإمارات العربيه المتّحده .. و بهالفتره انخفض نشاطه الأدبي و ابتعد عن الغزاره و التطوّر

15 نيسان 2005 كان الشاعر عبد الجليل وهبي على موعد مع الخلود , بعد أن كتب آخر أغنيه من أغانيه اللي تجاوزت الخمسة آلاف أغنيه .. هالأغنيه كانت آخر نتاجو في عالم الفن و الأدب بعد مسيره مع الشعر و الغناء استمرّت أكتر من نص قرن .. عبد الجليل اللي بدي معو الشعر من أول صباه .. ما راح قبل ما يترك آخر نتاجو الأدبي و هوّي بالعام التالت و التمانين .
هيك ألف الشاعر وهبي آخر أغنيه بتاريخ 26/12/2004 ليختم فيها مسيرتو الفنيّه و الأدبيه .. هيّ غنيّة .. بعدين بعدين .
و مطلع هالغنيّه :

بعدين منحكي بعدين *** و منشرح سر القلبين
هلّق ما منقدر نحكي *** عشره عشره علينا العين
بعدين منحكي بعدي

منقول بتصرّف

[عصام يوسف]

لمّا فكّــــــر بالعيشــــه *** باري الأكوان
جاب اللوحه و الريشه *** و صوّر لبنان

محلا شمس الصبحيّه *** بْجــــَـو الآمال
لمّا بتنشـــــر عَ الميّه *** من النور حْبال
وأجمل صـوره زيتيه *** مْصَب الشـلاّل
عَ الأنهـار الفضّــــيه *** بيـــن الوديــان

عبد الجليل وهبي

[عصام يوسف]

جزء من إفتتاحية الشاعر عبد الجليل وهبي في حفلة جرت بينو و بين الشاعر زين شعيب (أبو علي ) 1966 ..
بيقول فيها :

رْجـــعلك كَم ســـــني يا دهـــــــر فينا *** حاجـــــــي غبارك الأبيض يجينا
ابتدوا يشـــــيبوا العوارض و المفارق *** و نحنا لْحــــــد هلّــــــــق ما بْدينا
و يا ليلــــى لْ عم تصدّينا و مو فارق *** معــــــك تتدلّي و تــــلوّعـــــــــينا
حـــــــــملنا لوعة القلــــــــب المفارق *** و ما فينا نحــــــمل اللوعه ما فينا
اذكري عيونك شو سهرت عَ المفارق *** انكنّك صـــــــــاحبة مبدا و كرامه
و أصـــــــلك طــــيّـبه بتتــــــــذكّرينا

زين بوجمة الآســـــاد واجم *** و حصــــــــانو بلجـــام العز لاجم
هيئه مرتّبه و قامه رشــــيقه *** شـــــــــببلك متل عــــمّال المناجم
ظـريف الطول أفكارو دقيقه *** عجـــــزت عن معانيها التراجــــم
بيقطع ألف فرســــخ بالدقيقه *** و عا كتر الخوف مستقتل و هاجم
حيّرنا بأفـــــكارو الغــــميقه *** و لكلماتو حـــــــــملنالو المعاجـــم
معبّى الراس بالخمره العتيقه *** هاجــــــــم عالأعارب و الأعاجم
بس مصيبتو مصــيبه عريقه *** معوّد يرجــــــــــــع مفجّم و فاجم
لكن عند ما تحــــــق الحقيقه *** بيعرفني إذا ســــــــــــــلّيت سيفي
بحد الســيف قطّاع الجماجم


يا دلّو زيـــــــن هاللـــــيله يا دلّو *** على درب الهــــرب يا مين دلّو
بيعرفني إلي عَ الدهر ســـــطوي *** منها كل أخصـــــامي اضمحلّوا
يا زين شـــعيب دوّرلك عَ لطوي *** كفاك البدر تشـــــــمخ عا مطلّو
عيش و جانحك عَ الدرب مطوي *** و اشرب من عصير الكرم خلّو
و اللي بيسبقك عَ الدرب خطـوي *** مهما بعدها تشــــــــــد العزيمه
بيبقى ســـــــــابقك عَ الدرب كلّو

[شفيق]

الشاعر محسن محمد سلطان

_من مواليد قرية المولد منطقة القرداحة 1940
_توظف في الإدارة السياسية بقسم المسرح العسكري وبقي فيه 45 عاما
_من الشعراء النوادر الذين اتحفونا بتحف من أجمل بيوت الشعر الذي نعتز بتاريخها وحاضرها
ويعد أبو رامز من المناضلين في هذا المجال حتى النهاية

قدم إلى هذا الوطن

_برامج إذاعية سنة 1960
ثم تخصص في (ندوة الجندي) 1962 مقابل عشر ليرات سوريّة مقابل ..كلماته وألحانه وعزفه وغناءه

سمّاه (فؤاد الشايب) أمين وزارة الإعلام ب((بأمير الرباب ))

ثم تحوّل برنامج ندوة الجندي إلى سهرة العسكر
واستمر مطوّلا بتقديمه مع ابراهيم صقر ..وعمل أيضا بالإذاعة مع صالح العبدالله ومحمد الزرزوري وعبد الله الزرزوري

ورغم استعطاف ذاكرته إلّا أنه لا يستطع أن يحصي عدد حفلاته التي لا تعد ولا تحصى باستثناء السهرات والأعراس والمناسبات الوطنية

إضافة إلى حفلات قطع وفرق وألوية الجيش العربي السوري وأتذكر سهرة زجل له سنة 1990 بالفرقة الأولى حيث ألهب مشاعر الجنود حتّى الذين يبعدون كل البعد عن الفن الزجلي والعتابا..


ما زال رغم شعوره بالكبر إلا أنه يملك الهمة العنيفة لمجاراة أكبر شعراء العتابا

يعتز بكل ما غناه ولا يفرق بين ابن وأخيه


كل ما كتب أعلاه بقلم الشاعر حسان البسطاطي

لقد تشرّفنا أنا وحسان بزيارة الشاعر محسن سلطان في منزله مساء أمس في مساكن السومرية وتفاجأنا بهذا الشاعر الذي اختفا فجأة عن ساحة الشعر ليعيش في عزلة غريبة وحالة من نسيان الدولة له بالرغم من كل ما قدم لها من تضحيات
ويؤسفني أنه قد تعرّض لحادث كبير جدّا منذ سنتين أدّت إلى تراجع صحّته كثيرا وأحيّي
ابنته وزوجته التي تغمره بكل تشجيعها ومحبّتها بعد كل هذا العمر والعذاب..

ومن ما حفظته من مساء أمس بعد زيارة طالت أكثر من 3 ساعات اعتقدنا إنها لن تطول أكثر من 30 ساعة ..
أنّه خاض الكثير من جولات الزجل والعتابا الارتجالية
وأكثر الحفلات التي لها مكانة في قلبه

حفلة حماة مع محمد الزرزوري
وحفلة في الكيمة مع نسيم النبع


انشالله ..سأنزل صورته قريبا ...
وبعض قصائده وأبيات العتابا
وفيديو صور على الجوال ..
محسن على الربابة وأنا حسان نغنّي معه

[عصام يوسف]

آخ يا شفيق .. رديتني 29 سنه لورى وقت كان عمري اربع سنين .. لمّا كنت إسمع هالشعراء بالإذاعه السوريه عند عرّابتي يمنى ببيت الشل إيام البرد و الحوّاش معبّى حطب و عيوننا معبّايه محبّه و فرح و دخنه ..

إذا عندك شي مسجّل بالصوت يا ريت تسمّعنا .. بلكي منرجع لَ هالذكريات الحلوي
و شكرا إلك يا شفيق .. يا ذاكرة قلوبنا ..

عصاممعمحبّتي

[عدنان]

شكر لكل من يعمل ...



الأخوة الأحبة شكراً لكم من أعماق القلب لحفظكم تاريخ شعراء الزجل في هذا العمل ونرجو

منكم إتحافنا بكل ما هو حي من تاريخ الزجل وقممه الشامخة..