عيد العمّال

[slayman]

يا عيد اللي أجى يطعمي ولادو***ألك من منتدانا واعتقادو
هديّة صادقة و ومجلس أدارة***حفظ للعامل جميلة جهادو
وانا يا عيد مؤمن عن جدارة***بدورك بالوطن انتي عمادو
لأنو الماعطا بلادو خسارة***وجريمي شخص ما يخدم بلادو

بي عيدك كرجة الدمعة السخيّي***وخدودي تحمموا لقلبي استجابوا
لأنو تزكّرت ها العيد بيي***وحنيني شدّني اغمر ترابو
انا ما نسيت أفضالو عليي***ولا اللي عاملو برحلة عذابو
وب عيدو اليوم جايبلو هديّة***قصيدة حب تا تخلّد غيابو

وانا من منتدى الكلمة االزكيي***لأشرف عامل بقدّم هديّة
هديّة شاعر بعيد المعاني***قصيدة مطعّمي بروحو الغنيي

ولأني مسافر وعندي حصاني***قصدت اليوم أحكي بها القضيي
يا عامل ثور لا تحمل أهاني***وحقوقك ردّها ومنّها خطيي

ألك عشرين عام وعم تعاني***ومزلّة حامل هموم البقيي
الحقيقة سماع منّي وعن لساني***السكت عا الظلم ها شيطان أخرس
وجريمة بالوطن يحمل هويّي

[خليل فارس]

[poem=font="Arabic Transparent,6,#0000ff,normal,normal" bkcolor="" bkimage="" border="none,1," type=0 line=0 align=center use=ex num="0,"]
للناس كرّس كل أوقاتو=وشارك الاوطان بحياتو
وطين القصور الواصلي للغيم=معجون ومكحـّل بدياتو
**
زنودو الكبيره للبشر قربان=انسان كمـّل جوهر الانسان
زهر الحقول وفوحة المرجان=لهته من نقاقيط عرقاتو
**
كفوفو الشريفه بيدر الاسياد=بتبري الصخور بتعجن البولاد
عروق الحياة بجسم كل بلاد=وقلب البلاد عايش عا دماتو
**
عروش الملوك وكرسة الحكام=مرقت عصابيعو شقف ولمام
وعجايب التاريخ والايام=كلها فضلات تعباتو
**
حقوقو من أصول الوفا والدين=وكرامتو عنوان للتمدين
واكبر جريمه بحق هالمسكين=هللي عميأمن رغيف الناس
ما يكون متأمن عا خبزاتو[/poem]