المشاركات: 293
المواضيع: 27
تاريخ الانضمام: May 2007
السمعة:
0
سلام يا إخواني الشعرا
تعو ت ندوّن جولة معنّى ع الماشي بس لو سمحتو تكون لشخصين فقط
يعني انا واللي بيطل قبالي
والكو منّي أحلى تحيّه
يا شعر بالمشتى الحلو هـ المستوى = راقي كتير لكل جرح أوحى دوا
ومن فوق راياتك اذا مرّ الهوا = بجرد العجب بيضيع لهفو والهوى
اعذرني ان غبت عنّك ي غالي واستوى = قلب الوزن والقافيه احترقو سوى
وراجع لحضنك ترغل حروف القوى = بأجمل معاني وفكر ع القمّه نوى
وبدّي شي خصم كبير بالبدعه خبير = مش طفل للتدبير وليالي الغوى
المشاركات: 137
المواضيع: 11
تاريخ الانضمام: Jun 2008
السمعة:
0
سلام يا إخواني الشعرا
تعو ت ندوّن جولة معنّى ع الماشي بس لو سمحتو تكون لشخصين فقط
يعني انا واللي بيطل قبالي
والكو منّي أحلى تحيّه
يا شعر بالمشتى الحلو هـ المستوى = راقي كتير لكل جرح أوحى دوا
ومن فوق راياتك اذا مرّ الهوا = بجرد العجب بيضيع لهفو والهوى
اعذرني ان غبت عنّك ي غالي واستوى = قلب الوزن والقافيه احترقو سوى
وراجع لحضنك ترغل حروف القوى = بأجمل معاني وفكر ع القمّه نوى
وبدّي شي خصم كبير بالبدعه خبير = مش طفل للتدبير وليالي
الغوى
نحنا بالشعر ما عــــنا غــــوى..... نحنا بالقوافي منعطيك الــدوى
واذا بدك ترفع رايتك للــــهـوا..... لازم تكون اعلا من هالمستوى
كسرت القصيدة والشعرالتوى..... وضاعت قوافيك والوزن سوى
لازمك تتعلم العــــاب القــــوى..... وتـــــرك الشعر لا اهل الهـوى
لوكنت كبير وبالقوافي خـــبير...... كنت تواضعت وتــركت الغوى
اهلا فيك اخي عامرعلي
شكرا لك انشالله منضل مع بعض ومنتعرف عليك اكتر
مع حبي ابو الوفا
علي احمد الحرك مصياف
المشاركات: 293
المواضيع: 27
تاريخ الانضمام: May 2007
السمعة:
0
ما كنت حاسب هيك حظّي بلا ضمير = ت يجيب للعملاق فرخ الزرازير
ولـ شعر خمّار الدّهر يسكب عصير = ومكسور شعرو وجاهل معثر كثير
راية نبوغي فوق نسمات الأثير = متربّعه عا عرش أشعاري المثير
مينك إنت ي زغير قدّيشك ضرير = م قشعت وهجي خاسف البدر المنير
روح اختبي من وج نسر الموهبه = لو م التواضع ما قبل متلك زغير
يا هلا اخي ابو الوفا
المشاركات: 77
المواضيع: 13
تاريخ الانضمام: Dec 2007
السمعة:
0
[poem=font="Traditional Arabic,7,#4b0082,bold,normal" bkcolor="" bkimage="" border="none,1," type=1 line=0 align=center use=ex num="0,"]
كْروم المعنّى بلوزها وتفّاحها = بَسطَت لعشّاق المعَنّى راحها
نسماتها ال حَملَت عطر ضحضاحها = خْصوصي إجَت تِمسَح عرق فلاحها
ولمّا بلابلنا تعلّي صداحها = ضبضب يَ عامر رايتك ووشاحها
جايب فوارس تا تسنّ رماحها = و عنّا جيوش مدَجّجة بسلاحها
وكل شبّ فيكم قال ردّة وصَاحها = باب البحيرة .. طَيرها و تمساحها
بتقول عنّو صغير .. إنت بْساحها = متل البعوضة الطّايرة بمْراحها
ما بتكبَر عا نِسر فوق السّما = بتِكْبَر على حَشْرات تحت جْناحها [/poem]
المشاركات: 293
المواضيع: 27
تاريخ الانضمام: May 2007
السمعة:
0
شايف جهاد الغشمنه بكفر ودجل = راجع ت يتفدعر على ربّ الزجل
م تحلّ عنّا يا فرخ طير الحجل = من عفونة معانيك ما حلّ الوجل
إرحم جهل فكرك وقلبك والخجل = يا دود مايع بالحوار المرتجل
وأنفك لا تحشر بالمجال العنتري = بيني وبينو روح ولّي وبعجل
يا أخ جهاد
انت مش محامي عن الأخ ابو الوفا
وانا طلبت انّو الصفحه تكون لشخصين فقط
اذا بتحب تحاور بصفحه ثانيه ما في مشكله
ابدا بردّه ولعيونك
المشاركات: 293
المواضيع: 27
تاريخ الانضمام: May 2007
السمعة:
0
يا بو الوفا بمجال عملاق الوحي = أرحم لقلبك لو تكنّ وتستحي
وحاجه ي عفرتة القوافي تمزحي = وبعقل ولادي بيكفي تسرحي
شاعر انا عطر الطهاره مشلحي = وانت الكفر غطّاك كعبك للّحي
قبلتك معي تكتب لحتّى تنوحي = شاعر بطل لكن جنابك يا جحي
فتّ بشذوذ العجرفه رغم الغبا = ي فروخ ضلّك عا هوايي تشرشحي
طبعا الحكي بس بالشعر اخي ابو الوفا
مودّتي
المشاركات: 77
المواضيع: 13
تاريخ الانضمام: Dec 2007
السمعة:
0
طيب خدو راحتكم مع بعض
طبعا أنا ما كنت أحامي عنّه ..
اناحكيت شي .. ولازم انّك استوعبت منطقي بالحكي كيف كان
إجمالا تهنّو مبروكين عا بعض ...
انت صاحب الموضوع .. وبطلعلك تشرّط يا حبيبي عا خاطرك
بس بدعي ربّنا
إنّو يتكرر لقائنا ..
في منتديات البوريني
مثل ما كان المرة السابقة ...
سلام
المشاركات: 293
المواضيع: 27
تاريخ الانضمام: May 2007
السمعة:
0
ي جايي مخربط الأوزان قلّي = مين لـ عا دروب الزجل دلّك
كفري بالشعر مليون ملّه = حرّر من كل وهم بمطلّك
ويفضح دين عرض سنين قلّه = ل جابو جرم من عدوى بسجلّك
انا الشر لـ زرعت الحكم علّه = ت خلّي الحق يحمي ثقل جهلك
وعمى قلبي خيوطو حاك حلّه = ونوّر عتمة الشعر المرمّد
وعيّش أرضك جبالك وسهلك
المشاركات: 293
المواضيع: 27
تاريخ الانضمام: May 2007
السمعة:
0
يا بو الوفا ت تضل تكسب رحمتي = لا تجرّب تلوك المراره بلحمتي
بالشعر يا تلفان شفتك فحمتي = وموقد أنا لنور الثقافه زحمتي
وقلّك ضميري بطل مارد وحمتي = مش متل فضلك قزم بالفطره مريض
معليش باري مع موتوري وشحمتي
المشاركات: 293
المواضيع: 27
تاريخ الانضمام: May 2007
السمعة:
0
ما زال بعدك فوق عدّان الخبيص = شو ضل بدّي بحركشه من شواك نيص
لازم بشعري رص قلبك يا نقيص = وم تضل تحلم عا مراية حيص بيص
وظلم وتجنّي حلولك على الشعر كان = ت النار تبلع فلتّك والحواويص
المشاركات: 137
المواضيع: 11
تاريخ الانضمام: Jun 2008
السمعة:
0
يا صــبي روح هــــّذب ردودك....بلكي الناس بيهتموا بوجودك
حاجـتك بهورة ولتلتة وتعفيس....الأحســــــن انك تلزم حـدودك
شوف اشعارك كيف عم تخيس....بلا معنى ومبينعرف مقصودك
شو بـــدك من قلبي يا خســيس....ملجوم تمـك ومحترق عـودك
نارك مرمّدة وريحــــتك نسـيس....بأنفاس الكسل تعبـّـت خدودك
عيـــف الورود يا شـــوك ديـس....صار التطفل دينك ومعبـــودك
حاجي تجي من ورا الكــواليس..... صايركلامك بنـاقض عهودك
هربان مني ومشيـــتك تقبـــيس....لما انكسر قــــّدامي صمــودك
بــّدي اربطك وحـــطـّك بـكــيس....وابعتك علـــى بــــلاد الـمـنفى
................انت واشعارك التالفة وردودك
المشاركات: 293
المواضيع: 27
تاريخ الانضمام: May 2007
السمعة:
0
يا عيب الشوم
طلبت منّي اهذب ردودي
منشان تبخ سمومك
اوكي عا راحتك
يا كاسر الأوزان ي جعاري زغير = ي منمرد الفلتان ما عندك ضمير
وشحّاد ع بواب القوافي والبحور = حضرة جنابك يا ابليس الخنازير
يا بقوة الجرثوم لا يضيمك سرور = لسانك بسيفي بقص يا غبرة عفير
خراس انقبر احكي الصدق وتروك زور = فاضح عيوبك ع الهوا ووضع الخطير
وتلويث شعرك بالدني بنفحة فجور = يمكن قدر ينفي بطل شلّو وسطا
لكن على الأشعار م استرجى يشير
المشاركات: 731
المواضيع: 92
تاريخ الانضمام: Jun 2005
السمعة:
0
تحية تقدير واحترام ...
الأخوة الشعراء علي وأبو الوفا ...
شكراً لمشاركاتكم الجميلة , ولكن أتمنى أن نبقى ضمن حدود الكلمات المؤدبة وإلاّ سنضطر لشطب كل مشاركة فيها كلمة جارحة .
تقبلوا حبي وتقديري
أنهل دبس
لـَيتني أستطيعُ أن أجعَـلِ قلبي هَيكَـلاً , ونـَفسي مَـذبَحاً , وعَـقـلي كاهِـناً.
المشاركات: 137
المواضيع: 11
تاريخ الانضمام: Jun 2008
السمعة:
0
علـي لـــــيش ردّيــت بهـالكــــلام....وين أخلاق الشّـُــعَـرَا و الإحــتـــرام
شو نسيت لغة الشعر والتعـبــــير....يمّا زوقك صـابو فقـــر و انــعـــــدام
صفينا بنظرك كـــلاب وخــنازيــر....حشاك هادا اسلــــوب ولاد الـــحرام
والشـــاعر لمّـــا برد بالتشـهـــير....ولا بيحــــكي بالمـــــســتــوى العـام
بهستر بيكـــتب بــــــلا تــفــكــير....دليـل خســـــــارتو قدامنا والانهــزام
بالبداية افـــتكرتك شــــاعر كبـير....لـــّما خــــــاويتـــنا بلطــــيف الكـلام
لهيك عاملتك بإخـــلاص وتقـدير....وبعتلك رسالة تعارف أولهــا ســـلام
ولما نشرت غســـــيلك ي زغـير....وعرفنا اخـلاقك المــــريضة عالتمـام
ما ضل لوجـودنا معك أي تبرير....ولا منرضى نعيش معــــك عالأوهــام
عمي ولو بدنا نكتــــب بالتحـقير....كنت ببعــــتلك بالـــــرزيلة أخــــــتام
كنت بطيلعلك الخـمـــير والفطـير....وع شـــــرشحـتك بيعــطوني وســام
لكن نحـــــنا الـــــناس المشاهير....بقــــواعد الشعـــــر في عنـّــا التـزام
معليش علي عامر تابع مع غيري طالما تـّدنت مستوى كتاباتك
بألفاظ سوقية
يعطيك العافة
ارجو من الاخوة الشعراء عدم المواخذة وانا بعتذر اذا بدى مني
أي كلام
مع حبي ابو الوفا
