كرامة عين انهل الدبس

[slayman]

بزكر يا أنهل كان عنّا ستّ***واللي ما عندو كبير مالو يفتّ
وياما على صفحات مشتاوي***زرعنا الورود الزاهرة لم فت

مفروض صفحة تكون للهاوي***منشان ما الموقع يصير مرتّ
وحياة حبّك راجع وناوي***وشرّف عا موقع شعر برحليون
بتشوفني كلما فتحت النتّ

انهل يا شاعر بالوحي تجلّى ***وب عب غيمي شعر ما خلّى
لا تخاف عا الموقع ما زالك فيه***ريحة قداسي بشعرك وبخور
ومن بعد الله بالشعر الله
************
ريحة قداسة بشعرك وبخور***طالع ب مبخرة الصلا والنور
قرّب عا مذبح دير مشتاوي***ناول نضيف القلب والمقهور

عا الخير جايي وبعدني ناوي***افتح بواب الشر اهجي وثور
وخليك يا موقع قمر ضاوي***عا شرط ما بقبل شعر مكسور
ولا يفوت عا الصفحة شخص مغرور

*********
مبروك يا موقع على التجديد***قلنا ما رح ترجع تعبنا ضاع
وراجع انا ها اليوم بالتحديد***هنيّك عا التجديد والأبداع
يمكن يقولوا ليش للتأكيد***راجع تا حمّي النار طق سباع
وخلّي التحدي ايد تشبك ايد***وبحر القوافي ينتلي وما يساع
نبش القبور اليوم ما بيفيد***خلّو المحبة تعّم ...!!!بالأجماع
وحاجي حقد ورصاص وبواريد***خلو المواقع تلتقي وتقول
ويا بو علي بحياة الله رجاع

وانتي يا راجح ليش ما بترجع***وعصام يا مشرف بها الموقع
ويا حرف خلّي غيرتك متلي***ورماّح قرّب حاجتك ترجع

وزاهر يا مرج العاطفة المتلي***وشادي وشفيق حجارة المقلع
وبرهوم من ورد الوحي شتلة***وريحة قصيدو عا السما بتطلع

ومروان وينك حضّر العطلي***ويّنك يا ابن سجيم ما بتسمع
الموقع بيقلك عود وبعتلي***نسمة دفا من ريح ما بتركع

ويا بو علي بقصايدك اتلي***وحضّر حصان الشعر والمدفع
راجع خصوصي افقعك قتلي***تا فهّمك انو انا ملكوت
رب البيكتب بالشعر مطلع

[جهاد علاونة]

ي

ا منتدى مش عادْتَك لِغياب = ولا عادْتّك تِقْسى ع قلبي ال ذاب
ومْشاعري نَحْوَك مَ هي أفلام = وْلا سْطور مصفوفة ولا ألعاب
هيدا شعور بتِزْرَعو الأيّام = بينْحَسّ طيفو .. بَسّ مَ بْيِنْصَاب
وبرجوع نورَك فَتّحو لكمام = استَنّى تَنادي وبَشّر الأحباب
غيبة أكم من يوم عَنّك عام = منشوفها بالشّوق والسّرساب
والعام فيك بجَمْعة الأصحاب = بيمُرّ مِتْل نْهار في كانون
ونَسْمِة شِعِر بتبَرّد الأعصاب =

[pierre]

أحلى سليمان و أحلى طلّة

مليون وردة من أحلى جنينة بالمشتى ينفرشو قدامك و يرحبو برجعتك
و مليون وردة للخال أنهل يللي دعى للقاء الأحبة
طلتك يا سليمان الغالي ربيع جديد للموقع و فرحة للكل
منصلي معك تيرجعو الكبار
محبة كبيرة كتير

[حسن بنوت]

*****

عدنا يا مشتاوي وحنين الشعر عاد=أهلا وسهلا بالقراب وبالبعاد
هلق يا بن بنوت إعلا عالجواد=وشرقط بسيفك تالشمس تصبح رماد
أنهل دبس خليك واقف عا حياد=بساحة حسن ما في إلك غير الوداد
إنت وأنا للشعر علم واجتهاد=أنهل خــَلق دوله وحسن بنوت قاد
ويا فرحتي بعد العنا وبعد الجهاد=تكبر طفالا الشاعريه بهالبلاد
وترم الصبح أوعى وقبل ترم الفطور=يصيرو يجو ويزكزكوني هالولاد
*****

[انهل دبس]

أهلا وسهلا برجعتكُن ...

الشاعر الغالي سليمان ...
الشاعر الغالي حسن أبو علي ...
الشاعر الغالي جهاد ...
ألف ألف أهلا وسهلا برجعتكن عا بيتكن اللي ترك بوابو مفتوحة ...
وان شالله بيرجعوا بقية الحبايب حتى تكتمل الفرحة ...
بتمنى من الجميع ترك هالصفحة لأحلى شاعرين ( سليمان وأبو علي ) وأنا رح إحذف تعليقي بعد يوم أو يومين كأقصى حد ...
مرة تانية أهلا وسهلا برجعة الحبايب ...

بكل الحب
أنهل دبس

[pierre]

له يا خال انهل

الخال انهل
مع انك تجاهلت ورداتي و عملت حالك مو شايفن
انا لاني بحترمك رح احزف تعليقي هادا و القبلوو
بيير

[slayman]

زكزكت بالألهام بركي بتستحي***وبيصير عندك موهبة ونتفة وحي
ولو شفتني متل الولد عا مسرحي***بتضل يا بنّوت تحت جوانحي
تزكّر شو صار بشيخ قبلك ملتحي***مسّحت فيه الأرض نام وما صحي
زغر القلم بالدين قرآنك كتب***وتتّخين زندك ما قدر كلمة محي


الشيخ هوّي زاتو اللي عملنا عركي بنغم وهيدا الرابط ههههههههههه
http://slayman14.almountadayat.com/monta...c-t302.htm

[slayman]

اوووووف اوووووووف اوووووووف وبطريقة بو علي ههههههههه
يا مواقع الأبداع جنّي وفرفحي***راجع بو شربل دمعة الفرقة امسحي
زكزكت ........

[حسن بنوت]

*****
ي

ا ماسح رجال الشعر عا منبرك=ما بلومك بلوم للي حنّ وعبّرك
من قبل ما أغضب عليك وأقبرك=ميله بكسّر فيك ميله بجبّرك
ولك بالحبر يا شقفة قلم مين حبّرك=كبر العقل أفضل سآل الخبرك
وزند للي حامل ذو الفقار وما برك=هيدا علي أو بو علي منخبرك
وتا يصير قدّك قد زندي بالزجل=بدعي إلك وبقول الله يكبرك
*****

[slayman]

تركني شمع خجلان نوري ما اكتمل***وما كون متلك ديب ببطش بالحمل
زغر الحمامة غصن زيتوني حمل***وكبر الغراب الغاب عنوان الخمل
وحبة دوا يا بو علي من المحتمل***تعطيك قوّي ومرجلة ونتفة أمل
كبر الأسد ما قدر يقتل أرنبة***وابرة البنج بتقدر تنيّم جمل
************************
اوووف اووووووف اوففففف
حبة الضغط سآل عنها والحمل***زغيري متل هونيك حبة بالعمل

[حسن بنوت]

*****

حاجي يا إبن طراد لفّ وزعبرات=ميكرفون الشعر بدو مكبرات
ان كنت مش قد الحمل بالمباراة=رح بدعكك تا تصير قد البهورات
بالزغر لا تعمل عليي مناورات=ولا تقيس بحر الاطلسي بنهر الفرات
في مراقبه عنا وفي عنا مخابرات=عملو على اسمك بحث ومشاورات
وقالو لقطنا أزعر بكمشة حبوب=جايي عا مشتاوي يبيع مخدرات
*****

[حسن بنوت]

*****

وينك يا إبن طراد وين المقدرات=سرعة بديهه بدها لمحورات
مش رح منقبل عا غيابك معذرات=بيجوز عم تعمل علينا مؤامرات

[slayman]

[

تاجرت بالممنوع يا زبوني الكبير***وبعتك حبوب الهلوسي الفيها خبير
ومن بعدها يا بو علي صوت الضمير***قليّ بكلمي زغيرة إندم كتير
وبين الكبر والزغر جدّيت المسير***وكبرك شعر مجدول ومقصـّي خطير
وشمشون متلك كان زندو والمرا***قصـّت شعر شمشون بمقص الزغير
.

[حسن بنوت]

*****

مقص الدليله بالخيانه منهجو=عم تذكرو بالمدح يما بالهجو؟
يا ناس طلو وقشعو وتفرجو=عا بوعلي الما في جواب بيحرجو
لما فكاري عالمجره عرجو=كانو للي متلك بعدهن ما تخرجو
ومنشان همـّك يا زغيـّر افرجو=وإمنع دموعك عا خدودك يكرجو
رح جبلك على العيد كريجة ولاد=تا "شامخ"عليها وإنت تتكرجو
*****

[slayman]

كبر الطمع بالنفس من طبع الوحوش***وزغر التواضع عا الجرح متل الرشوش
كبرك تجنّي وعنجهة يا جورج بوش***وزغر المخدّة بيدفسك بعد الدغوش
اتطلّع على فلسطين يا وجه البشوش***وشوف الجريمي وكبرها وزغر النعوش
زغر الحجر بيقيم ثورة من الألم***وكبر العروش بينشرا بنتفة قروش

[slayman]

اوووووف اوووووف

تبللت يا بنوت روح عمول دوش***ولا تضل دابل متل زهر المردكوش
قد الملك بينام عا أضخم عروش***وزغر القيادة بيقدر يحرك جيوش



ما زال ذوقك ضخم جايبلك وونووش***فيها خمس نسوّان بووس ولا تحوش
المتلك ما ربّو عقول بيربّوا كروش***وعاشو حياتن عا السكر متل الهرووش

[حسن بنوت]

*****

فلسطين بعدك بالشرق أجمل عروس=عا قد ما يتغيرو عليكي الطقوس
مين البيقدر عا كرامتنا يدوس=وكبر الاراده حجـّم زغار النفوس
الباعو القضيه بالقروش وبالفلوس=هنـّي الزغار وإنت عاطيهن دروس
وبين الزغر والكبر يا وجه العبوس=بيـّك أنا بالشعر حنيتلي الرؤوس
ويا زغير لازم تحترم بي الكبير=أو بجبرك جيد وقفا إيدي تبوس
*****

ملاحظه: يمكن ما أقدر جاوبك لشي يومين بسبب انقطاع النت لبعد أول الشهر.

[slayman]

شديت نيع القافية انفكوا القطب***وحسيت برغي قصايدك صابو العطب
من دون ريشة زغيرة ما بينكتب***أجمل حروف مدهبي بدنيا الأدب
زغري جمر بردان بفراش اللهب***وحبة زمرد نايمة بخاتم دهب
إيد الكبيري مدها يا بو علي ***ب بوسا متل ما النار بتبوس الحطب

يا بو علي لا تغيب عنا بلا سبب***قالوا المحبة الصادقة قد العتب


ولا يهمك يا بو علي

[حسن بنوت]

*****
سليمان رب الشعر لا تهينو=سليمان اسأل خالقك مينو
نحنا كبار ورح منبقى كبار=شعار للمنبر سلاطينو
يا جمر حامي لا تقوي النار= وتحرق أصل زغرك وتكوينو
ياريت قبل الحرق والشحتار=شعرك بأبيات الوفا تزينو
زغرك اذا للكبر جاب العار=مواخذ ما ما فينا الاجدب ندينو
ومع بو علي الشعر القوي الجبار=الجمرات ما بتحرق براكينو
الكبر لرجال السلام وقار=والزغر فتنه من شياطينو
لما على فلسطين قامو حصار=وتمرد الانسان عا طينو
بكبر الفدا وبهمة الاحرار=شعب القدس ضلو على دينو
زغرك زغر ريشه على اوتار=وكبري كبر عازف وتلحينو
وزغرك زغر اربع وخمس متار=وكبري مدا هالكون وسنينو
زغرك زغر شمعه بهاك الدار=وكبري بدر ما بينحني جبينو
وزغرك زغر شي ملبك ومحتار=وكبري دبح جهلك بسكينو
واليوم مش رح طوّل المشوار=وتا الكبر بينلك براهينو
رح قول للمتلك ولاد زغار=جسمي احرقوه كرامة المشتى
=عا شرط ترجعلو محبينو
*****

[slayman]

يا ليل عمري ونور احلامي***تركني طفل بردان بحرامي
وعلّم كبير المرجلي بتلميح***يسأل عا نقشة زغيّرة بخامي

يا بو علي لم فتت للتوضيح***ما كان قصدي كبر ها القامي
كان السبب ترجع بلا تصاريح***عا موقع الأبداع ألزامي

وهلق بعدما شربت وجّي منيح***مجبور سل سيوف ألهامي
ولا تخاف شعري بيعشق التجريح***توقّى دروبي وزغر ألغامي

وفوق المنابر صرت متل الريح***بجرح خدود الورد بسهامي
وبغزل من دموع الندي مراجيح***تا يصير عب الزهر بكمامي

انتا سياسي كبير للتشليح***بالع حقوق الشعب وحرامي
يا كبار انتوا ووحوش وتماسيح***ونحنا شعب مظلوم مقدامي



زغري قمر سهران ما بيزيح***بيدلف سهر عا الزنبق الدامي
زغري مقص بغرفة التشريح***وكبرك مريض ووضعك درامي

وما زال نازل بالبشر تدبيح***وطبعك متل ما قلت أجرامي
جهّز سيبوف المرجلي تا نبيح***عمرك عا منبر شعرنا الحامي

انتي كبير وبس بالتشبيح***بتسرق دموعي ورشفة قلامي
كبرك قفولي وزغرنا مفاتيح***بتقفل الموت بتفتح قيامي

كبرك بوييك مصفحة تصفيح***بتوقاف بس بدعسة فرامي
كبرك غراب الراح متل الريح***وزغري غصن زيتون وحمامي


يا بو علي بلّش قبالي صيح***عنّك ما رح يقدر حدا يحامي
بيني وبين الموت حاطت زيح***يا زيح من دربي يا مجبر زيح
يا بتنقتل بالسيف قدّامي

للتنويه ها المحاورة الأرتجاليي بالوقت لأنو الأشغال كانت فوق الراس بالنسبة لألي والحسن بنوت بو علي هدفها انو ترجع الطيور المهاجرة متل عصام وراجح وكل الشباب ورماح وحرف
والكل تحياتي