حوار زجلي بين شفيق ديب والشاعر محمد حسن شريم

[شفيق]

نقلت هالحوار من مشاركة تانية

محمد::

شريم جدي بالزجل شاعر عتيق ............ وعمي علي شاعر أبن شاعر أجل
وكل شاعر متل فضلك يا شفبق ............. بيكون عم وخي إلنـــــــا بالــــزجل



شفيق::
محمود جدك ,,,,منبرو الشعري غلي,,,,,,,,,,,,,,,,,,,,,,,,,,عاطي بفكرو ابتكار الشعر دين

يعني متل أحمد بنفس المنزلي,,,,,,,,,,,,,,,,,,,,,,,,,,,,,,,لكن بقول الشعر فوق المنبرين

وعمك علي بالشعر فكرو منجلي,,,,,,,,,,,,,,,,,,,,,,,,,,,, و ثبت وجودو بمنبر السيد وزين

يعني متل حيدر إمام المرجلي,,,,,,,,,,,,,,,,,,,,,,, اللي كان حد المصطفى بالدين عين

ومن بعد منهن جيت وبشعرك ولي,,,,,,,,,,,,,,,,,,,,,,,,,,,وهلق بقلك قدرك المعروف وين

من بعد محمود وبعد عمك علي,,,,,,,,,,,,,,,,,,,,,,,,,,,,يما الحسن بتكون يا أما الحسين



محمد::

متل الحسن متل الإمام متل الحُسين ........ كلُن أيمّة طُهُر عين قبـــال عين
وهيك نحنا بالزجل عالحـــــــــــــــالتين ........ فينا الوحي للفكر قلو طـــل وين
محمد حسن إسمي كتبتو بــدمعتين ........ دمعه عاغُربهِ وتانيه عــــالوالدين
عمي الزجل غنّى إلــــــــــو عامنبـرين ........ وجدي بحر ما كان بالأشعار عين
وبعدُن أنا مش بس اسمُن حــــــاملـو ........ حامل بفكري شعر موهبة التنين


شفيق::

يا شريم بالعيلي الاسم ذاتو علي ******************** أهلا, وبماضيكم الشعر بينجلي

مرة مع السيد حكي عمك علي******************* بحفلة من الحفلات من ماضي خلي

بحومين ,,عمك بالبلاغة مختلي ******************ومن حيث بالمشتى القصيد بيمتلي

قطع بأشعار الفتوي مرحلي************************* وبين زند يقطع حديد المحدلي

تا قول هالكلمي اللي عمك قالها ********************((شريم سلطان الذكا والمرجلي))



محمد::

شريم عــاحصان الذكا شد المسير .......... أسرع من البرقه ونسور العم تطير
عمي عــامنبر مُصطفى مالــو نظير .......... ما كان في ردو على خصمـو يحير
واليوم في هــالمُنتدى وبدرو المُنير .......... ما جيت لا سلطان اعمـــل لا أمير
وإنت ال سألـت بجاوبك حيثي قدير ......... ظهري لسائل يوم مــــا تعودت دير
عاقول عمي قُول قولك مش عسير ......... ولو كان هيك بهيّنو عليكُـــــم كتير
تاتقول هالكلمه للي عمي قالهـــا .......... مـا احتجت إلا عقل ولسان وضمير
____________



شفيق::

أسرع من النسر بجوانح شلتها ,,,,,,,,,,,,,,,,,,,,,,,,,,,,,,,,,,,,,,,,, دروب الهريبي عا عيونك ملتها

عيلي عريقة بالشعر حللتها ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ولولا شوي بكلمتك بهدلتها

ونفسي على خوض الحرب خولتها ,,,,,,,,,,,,,,,,,,,,,,,,,,,,,,,,,,,,,,,, وعا ربح عركات الزجل حولتها

والأسئلة يللي بشعري سألتها ,,,,,,,,,,,,,,,,,,,,,,,,,,,,,,,,,,,,, هي أسئلة فحصي بيكفي ملتهى

وجملة علي شريم الكبير حملتها ,,,,,,,,,,,,,,,,,,,,,,,,,,,,,,,,,,,,,,,,, بقلبي ذخيرة وبالشعر فضلتها

وجوا ضميري واعترافي نلتها ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, بتقدير عمك بس فيك بدلتها

ومن حيث عندي عقل ولسان و ضمير ,,,,,,,,,,,,’’,,,,,,,,,,,,,,,,,,,,,,, عنك عكس عمك أنا ما قلتها

[محمد حسن شريم]

كــــــــــرمال تتحقق معي أُمنيتك ........ كبّر بنفسك لــــــــــو بعت هديتك
الكلمهِ مرايي عاكسهِ شخصيتك ........ بنهار مُمطر حرفهــــــا شمسيتك
الفكره براسك ولـــــــد من ذريتك ......... يعني حمل بــــــالتربيهِ نفسيتك
تقّل عيـــــــــار الوزن في نوعيتك ........ للكرم مــــــــــا بتكرمــــــو بوقيتك
خليك أصعب رقم داخــــــل ميتك ......... هيــدي أمانهِ والأمــــــانهِ وصيتك
خلي هوانا عليك تدخُل نسمتو .......... تبعُد غيــــــوم السرسبي عن نيتك

___________
تقديري

[شفيق]

بختم حواري وبالمعاني بكملو ******** ومحمد شريم اللي قلبي فضلو

لو راد يضربني بشفرات السيوف ******* إلا بصدري السيف ما بستقبلو

[محمد حسن شريم]

[align=center][B]

إنت وأنا جينـــــا عهالدنيــــــا ضيوف ............. في عُمُر فينا ضــــــل محكوم بظروف
قبالي أنا حطيت وجهك عـــــالرفوف ............. فيه إلا خي غالي مــــــــــــــا بشوف
ومن قبل ما سيفي بوجهك اشهرو .............. بحرّم عاإيدي تحمُل بعُمرها السيوف

[/B][/align]
________
تقديري

[شفيق]

[poem=font="Arial,5,darkred,normal,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا شريم فعلك و الطهر رفقات,,,,,,,,,,,,,,,,,,,,,,,,,,,,,أسمك بصفحات الوفا موجود

عاطي لذات الشعر منك ذات,,,,,,,,,,,,,,,,,,,,,,,,,,,,,,, وعاطي لأرواح الخلود خلود

لو عطر شعرك فاح بالأبيات,,,,,,,,,,,,,,,,,,,,,,,, بتوعى الشمس عا نغمة المرصود

ولو كنز شعرك عالمعاني فات,,,,,,,,,,,,,,,,,,,,,,,,,,,,,,,,, بيبطل الكنز الغني مرصود

ولما رحت عبلاد فيها بات ,,,,,,,,,,,,,,,,,,,,,,,,,,,,,,,,,, عطر لجمال البالحلا موعود

ببلادنا زهر البراءة مات ,,,,,,,,,,,,,,,,,,,,,,,,,,,,,,,,,,,,, هوي وعم يقلك لعندي عود

معليش سيفك خود بالإثبات ,,,,,,,,,,,,,,,,,,,,,,,,, وهلق بقلك ليش بنده "خود"

ولولا بتضربني أنا بالذات ,,,,,,,,,,,,,,,,,,,,,,,,, بشفى بدل ما انجرح من حيث

, ,,,,,,,, زندك طهارة والسيوف ورود[/poem]


و

[محمد حسن شريم]

زنودي طهــــاره والسيــــــوف ورود ............ والورم بسمهِ مش مرض عاخدود
والجُرُح حُبي والدمــــع تحنــــــــان ............ والضُحُك غدرو بالمتـــــــل موجود
يــــــــــا شفيق يا خي بــالوجدان ............ غير الحقيقه مـــــــــــا بقلك خود
هيـــــــدي عُهُـــود مميزي إخــوان ............ وشريم عمرو مــــــــا نقض بعهود
للشعر والأحســــــاس قلبي لان ............ فيه بدّع يــــــــــــا شفيق وجـــود
الشعر دمعه للفـرح عنـــــــــــــوان ............. أفـــــــــــرح تاالغي خارطه وحدود
والكنز يلي بشعرنـــــــــــــا متـلان ............ بحب العقيق الفيــه مش معدود
هيدا كنز فكره إجت عــــــــالسان ............. بتضــل كنز وليــــــك مش مرصود
ولما رحُت عـــــابلاد فيهـــــــا بان .............. بستان كلـــو أمـــل بالـــعنقـود
العنقود حُصرُم ضل بــــــالبستان .............. الفيه قضيــــت العُمـــر مــوعـــود
وبلادنا الفيها كــــــرم عــــــــربان ............... وبعـــــــد ألله ضيفهــــــــا معبـود
العُمُر فيها متل عاشق كــــــــان ............... عالقلب يمرق نغم فــوق العــود
وصُرت عُمري ذكّـــــــــرو وزعلان ............... منّـــــــو وقلــــو حن دخلك عــود
قلي أنا ما رُحُت يــــــــــا إنسان ............... وتاعود كلمهِ قولهــــــــــا مــردود
لا تقول هوني رُحُت أو بقيـــــان ............... ولا تحد يلي خلق مش محــدود
عُمرك أنـــــا وتاروح مش خلقـان ............... ولا كنت هون ولا رُحُت من هون

........................ ولا هون كنت من الأصل موجود ..............................

تقديري[/size]

[شفيق]

زنودك طهارة والسيوف ورود **************وقلبك محبي وروح قلبك جود

ونومك وعي ووعيك وحي منصان***********صوتك وتر من صوت حب العود

بسيوف شعرك مجد عنتر بان **************الشبه ثغر عبلاه بالمهنود

لكن بشعرك عاطفى وتحنان**********أرهف من السيف اللي صان حدود

شعرك أصيل من الصعب ينهان ***********من حيث عا إيدك مربي الجود

شي اكتساب وشي أنت ورثان *********من مجد جدك مع علي محمود

بكل شي بتبرع يا رفيع الشان ***************بالمعنى ونغمة المردود

وفي قصيدك منبرك ما لان ****************من حيث رافع للفتوة بنود

عندك خمر لكن خمر إيمان ***************أرفع من الكركات و العنقود

مأصل معتق في خوابي زمان **********أصلو من جنوب الوفي الممجود



قديش نيالو مهد جبران **************من حيث عندو جنوب فيه خلود

وعندو جنود مطوعة بإيمان *************في حزب الله اللي بيوفي وعود

وقديش يا جنوب الأبي بلبنان ************عندك صدق عندك إبا وصمود

ولو كان فيها عدل هالأكوان ***************لازم يصيروا بالحكم لجنود




يا شريم يا غالي بكل مكان ************جنبك إله الشعر ما لو زنود

بلش برداتك ,, ومش زعلان***********لولا خسرت حدك بأية ردود

المعنى عقل شكل الحرف إنسان ******والوزن خبرة و القوافي خدود

ابدا معي وارصف شعر منشان *******نكتب شعر يدلق عجسمو نبيد

************ونصادم البارود بالبارود************

[محمد حسن شريم]

يا شفيق شربم لـو بيسمع ندا .............. للحرب عمرو ما بيقعد عــــــاحدا
لكن معك بيروح عـــــالجبهه فدا .............. يفـدي الكرامي لو حدا عليها اعتدا
والأعتدا منا بعمرو ما بدا .............. ويلي بيريد جبال يصعد مش ودا
وعاصفحة التاريخ يتسمى بطل ............. ما وجّه البارود إلا عـــــــــــــاالعِدا

تقديري

[شفيق]

وما زال فاتح للبطولي بنودها ************** اسمع كلامي عالبطولي و جودها

بلادي الجميلي ولاد عقلي جنودها ************ومطوع فنوني لصون حدودها

بمنع زمان الغدر أنو يقودها *************** وبعصر حياتي دموع فوق ورودها

لكن إذا الغادر لفي عا جرودها ************** ما بقوس بناري تأوفي عهودها

بنزل لوحدي عالعدى عنك فدى************* من شان وحدي موت في بارودها

[محمد حسن شريم]

ضد العدا لو هجمت بـدي اصطفيك ............ دم الشهادي من عطش دنيـــــا رويك
وعاأرضنا وجود الأعادي الما رضيك ............ ومن نارها باسل بشخصك مـا حميك
إمك أنا هالأرض أكبــــر يـــا شريك ............ ومجبور عني ترد عن قلبي ال عُطيك
ألله يرضى عليك يـــــــا إبني بقول ............ ربيتك وما خاب ظني اليـــــــــوم فيك

تقديري

[شفيق]

يا أرض أشرف حب فيكي بينبدر **************** و منك سوى غدرك علينا ما بدر

بوقف بدافع وقت مجدك ينغدر **************** من حيث للموطن صدق حبي صدر

لكن يا أرضي وقت ما الدم انحدر *************** كنتي خلف مني وفزع قلبك هدر

ترابك على التحرير وحدو ما قدر****************** لولا من الدم الرفض كفر القدر

رح بسألك يا أرض شو قلبك ندر *************** حتى الوفا للناس في فعلك ندر

عليكي انقتل حيدر بعد عيسى المسيح ********ودم الحسين بكربلا عليكي انهدر

[محمد حسن شريم]

دم الحُسين بكربلا شتلـــــــو نما ............ بقلوبنــــا وللديـــن بالدنيــــا حما
ومتلو المسيح وحيدر بتاني حِما ............ من الظُلم هالإنسان موتهن ظما
إنسان قاتلهُــــن لا أرض ولا سما ............ افهم عليي لو حكيتك باالــــــوما
ويلي على التحرير بالأرض احتما ............ لوما يشوفها كتير أغلى مـا ارتما
وهالأرض يلي فعلها فيكم سمى ............ إحكي معاها مش عليهـــــا إنما
البقيت من تراباتها تعطي الحياة ............ وإنتو من الأموات تعطوهــــــا دِما

_______
تقديري

[شفيق]

الإنسان قاتلهن كلامك بقبلو***************** بس التواريخ القديمة بيزعلو

الشمر اللي قاتل سيدو روح اسألو *********** طامع "بأرض الري" تا تصبح إلو

وبيلاطس الوافق عصلب الكللو *********** بدو "الأرض" تبقى رهن مستقبلو

وبن ملجم اللي مش رح بعدو ملو ************ رادوا الخوارج تالتلاتي يرحلو

تا تفرغ الساحة لهن أو يعتلوا *************** معناتها أرضك بتسمح يختلو

ودخلك عند ما هالجرايم يحصلو ********* ليش الأرض ما تفك يللي تمشكلو

وبدل ما تشيل الشهيد وتنشلو ************* جوا غياهب شرها عم تاكلو

والأرض عم تعطي لنا حكيك حلو ************ بس الفرق واضح ما بدو تحللو

الإنسان عاطي الروح إلها والحلو *********** وهيي اللي عاطيتو بترجع تقتلو

معناتها أرضك جميلي بتحملو ************** وقلي أنت يا شريم شو بتفضلو

يللي عطاك بصدق أغلى ما ملك ************ يما اللي عاطيك الماعم يستعملو؟؟؟؟

[محمد حسن شريم]

انمديت إيدي ليك إيــــــــدك مـدها .................. وبعــدها لا تجعلني الأصــــابع عدها
مهما كبرت هالأرض منــــك قــدها ................. بتضــــــل إبنهــــا بمزحهــــا وبجدها
الإجرام يلي ذكرت حمّــــــر خـدها ................. هودي بشر كلن مــــا طلعــــو ندها
ولا تقول أرضي عُطيت المـا بــدها ................. طاقة حياتك لــــــــو غضبت بسدها
عطيتك عيوني تـــالطبيعه تــودها ................. عطيتك نفس حتى شهيـــدي تعدها
عطيتك الفكره وصُرت توعى حدها ................. ال من خيرها عايش وعايش ضدها
استعملت فيك ترابتي ومن كـدها ................. عم تُكبر ومعنــــــا العزيمي تشدها
حق الأرض إنتِ بجـزرها ومـــــدها ................. وعن أخذ حقها مــــــا حـــدا بيردها
نفسك أمانهِ من ترابي يـــا شفيق .................. ووقت اللي بــدي هالأمـــانهِ بردها

____________
تقديري

[PIER.t]

أرسل لي ألحبيب ألشاعر محمد حسن شريم أبلغني أنه يحاور في ألمشتى
وطلب مني متابعة ألحوار أستغربت ودخلت وفعلاً كان يحاور
ألأخ ألحبيب الشاعر شفيق وألله أنا مابعرفو لكن ألف تحية ألو أيضاً
حوار جميل محمد شريم من ألجنوب الحبيب أهلا وسهلا فيك في مشتى
ألحلو حاولت كتير أني ادخل على ألأسم ألقديم ماقدرت
وأقول لهم وأنا أتابع الحوار أناعضوقديم في أسم جديد

يا شعر هني شريم بالمشتى المُهيب <<<+>>> وخيو شفيق الــفاح بالأشعار طيب
المشتى حبيب وخـــينا محمد كــمان <<<+>>> صارو حبيب بلهفتو يصافح حبيب
بيار طنوس النبع

[شفيق]

حاجي يا أرضي كل ما الواقع دنا ********** بتقل الأماني بتدعي وهيدا جنا

الرب اللي خالق روح حاملها انضنا ******** يا أرض ما لك لا فضيلي ولا منى

البيأمنو بالرب قدرن ما انحنى ************* بيأكدو اًصل البشر رب السنا

بس البيكفر قال وبحقدو ا عنا ********** ألإنسان أصلو قرد من "أرض" الفنا

بتاني قضية طوف كل المنحنى ********** وطوف على موضوعنا أصفى قنا

رح بسألك يا شريم قول باعتنا ************ ادم وقت ما بحب خالقنا اغتنا

من "تمرة الأرض" اللي فاحت بالهنا *********** ادم خسر ربو و بلانا بهالدنا

برجع على حكيك تجاوب بالغنا ************ كل الفضل تا تشوف وين بينبا

هالأرض ورقة والقلم حبرو لنا************* والأرض حارة والبشر أجمل بنا

و الأرض شجرة والبشر فيها جنا********** والأرض خزني والبشر جوهر غنا

معناتها ياشريم لاحظ بيننا *************** وين الأرض بالللا نهايي وويننا

الله وضع هالأرض من صف الخدم **********للناس يعني الأرض خادمتي أنا

[محمد حسن شريم]

يا تراب يلي إبـــــــــن ضـــــالل بهدلك ............. إبن الأصل إبن الوفا مــــــــا بيجهلك
مالك فضيلي قـــــال عـالخلق السلك ............. درب الحياة وكلهُن مـــــــــن منهلك
أصل البشـــــر من ربنــــا وشو دخلك .............. بترابتي المنها خلـــــــق فــي أولك
ويلي كفــــر إنسان عـــاش بمشتلك .............. تاقال عنك قـــــــــرد مش آدام ملك
عقلــــك لتمـــــــــرة أرض آدام وصـلك .............. هيدي أرض جنه ال منهــــــــا نزلك
هوي العُصي ماعُصيت التمــره العلك .............. تاهيك بلش بالمعاصي مسلسلك
وعن هالأرض إمك أنــــــا مـــا بسألك .............. عن قلبها الغير العواطف مـــــا ملك
من ترابها عمّـــــــرت فيهــــا منــــزلك ............... من ترابها ضويت بالعلـــــــم الحلك
من ترابها صنّعت صـــــــــــاروخ الفلك ............... يعني الفضل لتـــراب وحــدو جللك
وهالأم يلي عطـــــف قلبهـــــــا دللك ............... وافيتها بشيطان قســـــــوهِ حملك
ونكرتها في طمع عقـــــــــل ال ذللك ............... عـاهالخيانه جنتي مـــــــــا بتقبلك
لو فيك ذرة شرف من إبـــــــن الوفي ............... مـــــــا نكرتهـــا ولا قلت خدامهِ إلك

_________
تقديري

[شفيق]

لا تعيد أفكارك بكلمي بتبتلي *********** التكرار ناتج عن شعر مانو طلي

ون كان بدك بالمراجل نختلي ***************** حكيي بيجرح رب رب المرجلي

رح غض طرفي عالإهاني المخجلي ************** من شان ما نزعل بأول مرحلي

القران قال تراب هالدنيا غلي ***************** حتى صنع انسان خالقنا العلي

راجع فلاسفة الزمان الأولي ***************** القران عبرة مش حقيقة و منزلي

ما قلت هالإنسان صادق منجلي *************** الإنسان عالمليار تعدادو علي

بس الأرض وحدي برقم حجمو بلي ************* مية عمية الشر في صغرو ولي

عالكافرين اقشاع هالمسترسلي ***************حق الكفر عا مغريات مشكلي

مصدر الشك برب عالي المنزلي ***************هيي الطبيعة والأرض و الزلزلي

وادم إذا طمعان منها مهزلي *****************هيدي غريزي بدمنا بتغلي غلي

الصاروخ ناتج عن معادن مهملي ************** نزلت من حدود الفضاء الما خلي

والضو ناتج عن كهارب معملي ************ من مي أو من شمس حاجي بهدلي

وأمي الحنوني اللي بترعى منزلي ********** من المستحيل تشارك بموتي إلي

رح بسألك يا بن الجنوب العاملي ************* نحنا سوى خلقنا بذات المتولي

قلي النفس عندك شو هيي مفضلي ***********لو ساوت بكبر الصفات مفاضلي

الأرض المختفيي اللي عملت مشكلي *********بالقدس وبلاد العروبي المفضلي

يما النبي مع فاطمة وزين وحسين************وخيو حسن مع بو الحسن حيدر علي

[محمد حسن شريم]

شعري بإعادة فكرنــــا مهمــــا إعتنا .......... بعــــدك بتخلُــط بالمعنـــــى الميجانا
انكنو الحقيقه جُــــرح عاأيـــــــــه بنا ........... هنت امــــــك يــــا إبن بعــــــــد العنا
لا تقول مصدر شك أرضي يـــــا ضنا ........... الشيطــان مصدر شككن فـــــي ربنا
وإنت الغريزه الشفت فيهــــــا مُنحنا ........... سيطر عليها في عقل مُعطـــــى لنا
ألله بحياة الناس والمـــــــــوت اعتنا ........... مش أرض وحدها حضنتك بعــد الفنا
والقدس يلـــــــي مختفيـــــي عننا ............ الإنســــــــان محتلا مــــــا محتلا أنا
وفاطمه وزينب عُطـو موســـــم جنا ............ وإبنا الحسن مــع حيدره مــن حزبنا
هودي بشر هودي عيــــوني والمُنا ............ مرقو عاأرضــي وما لقو منكُـــــم هنا
ومازال للإسلام انســــانــــــــك حنا ............ وقلت عتمه الأرض إنســــــــانك سنا
قرب عاأرضي لــــو العقل منـــك دنا ............ الإنسان في هالأرض بذنوبــــو اغتنا
وما بيرجع الإنسان مغسول الذنوب ............ تــــــــايزور أول بيت عــــــاترابي انبنا

_________
تقديري

[شفيق]

لو هنت أمي قبالها معقول توب *************** ولا هين بيي متل فضلك يا لعوب

لا لا أنت أكبر من حروب العيوب *************** حيثك أصيل ومعدنك ابن الجنوب

بالميجنا لو نطقت كلماتي طيوب ************هيدي جناس بعلم معجمنا الطروب

الشيطان قصة عن غريزتنا تنوب *************** والقلب نار موهجة بليل الغروب

قلي الغلط عا نار شعلت بالقلوب ************ يما على اللي حط بنزين الحروب؟؟؟

والأرض ما حضنت رفاتي بالغيوب ************** أكلت رفاتي وعزمت لأكلو "كروب"

والقدس غصبوها بماضي الكون جوب ********** بدن أرض ضاعت و كانت عم تدوب

وأيا أرض حضنت علي؟؟ ,شرف عروب ********* يا شريم جاوب واسكب جوابك بكوب

ويا ممنن الخالق من الساحة هروب ************* هوي أمر إنساننا يزرع حبوب

ودخلك بهالكعبي معي عبي الجيوب ************ كانت أرض قفرة وفيها المحل روب

ابراهيم عمرها بعمل شغلو الدؤوب *************** تا صار صوب الحج يكتظو الدروب

ولوما إجا محمد وبارك كعبتك**************** لا صارت محج ولا محينا الذنوب