حوار زجلي بين شفيق ديب والشاعر محمد حسن شريم

[محمد حسن شريم]

إبــن الجنوب البذكا وزع كتـــــــــــــاب ................. لا تغمـــــــز عليه الصبايـــا والشبــاب
هيدا بإرض الشاعريي سبع غـــــاب ................ يامـــــــا بعركات الوغى مكسّــــر نياب
لا تضيع بين الناس فرّق بالحســــاب ................ ما بين إنسان ونبي ســـــــد البـــواب
محمد نبي معصوم عالدُنيا انجـــــاب ................. وكل ال قبلو روح صلّــــــح هاالجـــواب
لوما تكون مقدسي كعبـــة حِـــــراب ................. ما طل فيها الصنم كسّر والــــــرقـــاب
وإنتو التليتو الأرض إجرام وعـــــــذاب .................. من يوم ما قايين للقتـــــــل استجاب
تاصار بالإنسان هالفعل إكتـــــسـاب .................. وعاأرض عقلي صـار فاقد للصــــــواب
وصار الجُرم عندو بلوايـــــح إنتســاب .................. مين للي بيقتل أكتر بيبقــــى مُهاب
وتارجعك عاأرض فـــــي بتــــرول راب .................. فيه حرقــــــت والحق يا إنسان ساب
بدل مــــــا تخليه ملقـــى للحبـــــاب .................. بيعدتهــن وألأرض رجعتهـــــا خــــراب
وأرضي العليكُم قلبها المحـروق داب .................. هيدي وفيي وفي وفاها الطفل شاب
وبقيت وفيي رغم كُبرك يــــــا مصاب ................. تعطيك شو ما زرعت فيها من عشاب
وحتى وفايا متــــــــــل أرضي ترجعو .................. يــــا ريت كنتو بترجعـــــو كمشة تراب

______________
تقديري

[شفيق]

بالله عم بتحكي؟؟ النبي منو بشر؟؟؟؟ ,,,,,,,,,,,,,,,,, ليكون متلك صخر بالوادي انهجر؟؟

هوي عطا للناس أخلاقو صور ,,,,,,,,,,,,,,,,,,,,,,,,,,,,, من حيث بيحب البشر بالمختصر

والحطم الأصنام بالكعبي وكسر ,,,,,,,,,,,,,,,,,,,,,,,,,,,,,,,, هيدا بشر متلي بإيمانو صبر

وهاك الصنم يللي بخلاقو كفر,,,,,,,,,,,,,,,,,,,,,,,,,,,, مصنوع من أرضك من صخور الضجر

وكل ما منحكي في نبينا الما غدر ,,,,,,,,,,,,,,,,,,,,,,,,,,,,,,,, بتروح تتحجج بأفعال الغجر

محمد بشر متل البشر حب السمر ,,,,,,,,,,,,,,,,,,,,,,,,,,,,, تزوج وخلف والعبادي بالسهر

وبترولك الأسود سبب كل الخطر ,,,,,,,,,,,,,,,,,,,,,,,,,,,,,هيدي جريمة مش فضل تا ينذكر

أرضك وفيي؟؟ شعرك الجملي ابتكر ,,,,,,,,,,,,,,,,,,,,,,,,,,,, لكن تسمع شو وفاها للحضر

فلاح في أرضو السبل وحدو نطر ,,,,,,,,,,,,,,,,,,,,,,,,,,, تا يطلع المحصول وقت اللي انبدر

أرضك بتعطي وقت ما بتاخد مطر ,,,,,,,,,,,,,,,,,,,,,, ومن بعد ما الحب البري تشوفو انتحر

أرضك بتعطي دفل أو شوك انحصر ,,,,,,,,,,,,,,,,,,,,,,,,,,,, أرضك بتعطي سم وبتعطي عجر

أرضك بتعطي من القصب ضعف انجبر,,,,,,,,,,,,,,,,,,,مش شرط تعطي جهد زارعها شجر

حاجي بقا يا أرض فكرك شو ضمر ,,,,,,,,,,,,,,,,,,,,,,,,,, لو كان بقدر بسكن بسطح القمر

وشريم قلبو راد إني انقبر ,,,,,,,,,,,,,,,,,,,,,,,,,,,,,,,,,,,,,,, تا صير متلو بالأرض عندي خبر

نحنا وصلنا البدر و فضحنا السحر ,,,,,,,,,,,,,,,,,,,,,,,,,,, وهوي بقي عالأرض رجمي بمنحدر

بقلو تعا وصفي متل عقلي ذكي ,,,,,,,,,,,,,,,,,,,,,,,,,,,,, ولا تضل حامل فوق كتفينك حجر

[محمد حسن شريم]

راسي حجــر مظبوط راكــــز في ثبات ............... مـــــن فوق كتفين الأصــــــــالهِ والزوات
راسي حجــر أسود وكلــــو مُكرمـــات ............... مـــــن أرض جنهِ نزل كفــــــى الواجبات
محمد نبينـــا مش بشـــر بالسيئــات ............... عنـــو تسمّع خــــود أصـــدق مُعطيــات
بعالم خلق قبـــل الحياة قبـل الممات ............... قبــــل السما قبـــل البشـــر والكائنــات
دشر صنم شيطـــان وابرُم عــالجهات ............... بتشــــوف أقصى وصخرتو عليها الصلاة
بتقشع حجر فـــي إيد صُبيان وبنــات ................ كسّر معــــو شـــــارون وعروش الطُغاة
وجنوبنا الما يـــوم تحت الظُلــــم بات ................ عمل الحجــــر متراس يوم التضحيـــات
والمطر يلي نــــزل كلـــــــــــو مُعجزات ................ مالك فضـــل فيه ولا عندك هالصفـــات
نوح عنو اسأل فــي يــــــوم الشتــات ................ نزل طهّـــر أرض مــــــــن متـلــك جُناة
أرضي بتعطي من القصب سُكر نبات ................. حلّي المروره فيك يــــا شيـــخ الرُعاة
وعالقمر لو بالحلم عقلك يـــــوم فات ................. عاهالحكي بعطيك مش رح قول هات
كل للي وصلو عاكواكـــب ساكنــــات ................. شافو الحقيقه تالحلم بــــالعيــن مات
انزرتو كواكــــب هـــــــالمجــــره كلها .................. إلا عاأرضي مــــــا انكتب الكُـــن حياة

____________
تقديري

[شفيق]

راسك حجر أسود ؟؟؟ يا عيني يا رجيح*************** من قلب أسود لا محب ولا سميح

يللي بيصلو عا الحجر قدام شيح******************** من دون ذكر الأنبيا فعلن قبيح

محمد بشر وسماع بالشرح الفصيح ****************لما انسأل عن معجزاتو عن صحيح

أكد بأنو من البشر عقلو الفصيح ******************* تيكون متل الناس في ذات المديح

ولولا يكون من البشر قدرو المليح *************** ما ودع الناس و نزل تحت الضريح

اصغي عليي ومن طريق الوهم زيح *************** وناقش بمثبت أثبتوا العلم المريح

أول المخلوقات يا محمد صريح ****************** هوي القلم حاجي خلق أحمد تبيح

الطفل الفلسطيني بحجر, فعلو شحيح ************** بس السلاح الرد صهيونك جريح

بجنوبك ان ضل المقاوم مستريح ****************في ظل صخرة ضل في فعلو كسيح

ما زال ذاكر نوح في شرح الصحيح***************** بقلك يا خيي هاد معنا عم يصيح

الإنسان شال منيح من صوت الفحيح ********* ومش صعب يطلع يسكن بمطرح فسيح

وبكرا بعد ما يمر سكين الدبيح **************** بيوم القيامي عالبشر والأرض زيح

نحنا البشر منصير بالخلد المسيح ************ البشر باسمو احمد وعيسى المسيح

والأرض بتصفي متل فضلك فراغ ************* ملعب فنا تروح وتجي بهبوب ريح

[محمد حسن شريم]

شربت الفــــراغ وللعطش بلّيت ريق ............. ركز معــــي لا تضيع موضوعك دقيق
قبــل الحياة وقبـــل بيك بن البــــريق ............. وقبل كــــون وقبل برقـــــــات الصعيق
كــان ألله لا وســـع لا كــــــــان ضيق ............. كان الفـــــراغ بوقتهــــــــا سيد عريق
هيدي البدايي وربنــــا كفى الطريق ............. قال للأكــــــــوان كــــوني عن حقيق
يعني فراغي أصــــل للدُنيـــــا رفيق .............. ما بتقشعو من كتر ما بعمقو عميق
وعجنوبنا منرجعــك حيثـــــك صديق .............. عاحجارنا الحدها رخص حب العقيق
فلو الأعادي بــارض حرقتهُــم حريق .............. وبقيو الجبال وصخــرنا ووادي سحيق
وطُفُـل الفلسطيني بشحو يــارفيق .............. بالحجر حرّم نوم شـــــــــارون الغريق
ومش هاد كل الأنبيا بماضي عتيق ............... إلا هدف ما كان عندن يــــــــــا رفيق
تطهير أرضــــــي والبحوره والمضيق ............... من شــر إنسان البقي إلهـــا مُعيق
وهلق عاأرضي بعود تاإجني رحيق ............... من زهرها وبالشعر تااشهق شهيق
فيها ومنها الجاذبيـي عـــــــم تفيق ................ بتثبتك بتطيــــــرك طيـــــــــر العقيق
معناتها مهما عملـت عـــــالحالتين ................. مرحــوم رح بتضل يــــــا سيد شفيق

______________
تقديري

[شفيق]

يا بو العدم شيل العدم يللي انرما******************** فترة تراخي الكون راحت,, إنما

انكنك مبلل بالشيوعية ظما ************************* لينين فاتحلك بوابو والحما

اسم العدم غير الفراغ بهالسمة ******************** المعدوم معدوم بإشارة وبوما

بس الفراغ بعين كن فيها دما ******************** وفجأة اتغطت أسود بتوب العما

سرك مكشف للشمس ياهالكمى******************لا تدخل بريطانيا بحمص وحما

وبجنوب غالي بالقلب حبو سما ***************** الإنسان حارب مش حجار بتنهما

وبتقول صخرك حارب ونحنا دمى ***************** لا تنقل من الواقع على السينما

والأنبيا نزلو وبحر فضلن طما ********************** تا يطورونا و تا نحافظ عالدما

الأزهارما بتطلع بلا عناية لما ********************والجمر ما بيحمى بلا نار الحما

يعني أنا اللي بشفع لأرضك كما *************بيشفع الطب لشخص عا سريرو انغما

لولا البشر مستاهلي الخالق ل ما************* ساوى الحقول ,ورحمتي بقلبو حما

لكن أنت مع أرضك بأسفل مقام*************وروحي أنا طلعت على سابع سما

[محمد حسن شريم]

مظبوط طلعت روحــك ومش اختيـــــار ............. طلعت غصيبي من وجع هالأنكســار
الأرواح وصلت عاسما سابــــع مــــدار .............. مش بس روحك كل روح بهالمســار
ويوم الحساب بيوقفو وقفـــة صغـــــار .............. قدام هيبــــــة ربنـــــا الكلــــو وقــــار
وبيصير يسألهُم شو جبتو من خبــــار .............. وبالأرض شو حفظتو ليوم الأختبـــار
في وقتها عالأرض يلـــــي جار جـــــار ............... متلك مصيـــــرو جهنـــم وللنــــار نار
هيدا طلوعك عالسما في اختصـــــار ............... وأرضي أنا للي قلت في أسفل ديار
مش كل أسفل قاع عنو أنقال بــــــار ............... الجوهر بقي بالقاع في أسفل عقار
يوسف بقاع البير عاش ونبي صـــــار ............... وبعدها شفي عينين بيو الإختيــــار
ويونس ببطن الحوت في أسفل بحار ............... عاش والعتمهِ إلـــــــو رجعــت نهـــار
هيك قاعي حُفــــــظ يلــــي ليـــه زار ................. وضل مُفضل بالصدف أو بالحجـــــار
وعنهن بشر لـــــو قلـت مــــالك إعتبار ................ ولولا إلي حسبتُن بيموتو هـــالزرار
عالحالتين بيلحقك حشمـــهِ وعـــــار ................ قوم يا إنسان عـــــاهالنفس غــــار
شيعي أنـــــا مني يميــن ولا يســار ................ من أرض فيهـــا ولاد قــــد الإنتصـــار
وإنت لل مت وشفت موتك إفتخـــــار ................ معليش وحدي رح بكفي هـــالحوار
يلـي متــــــــل فضلك بهالدنيــــا كتار ................ من ضُعُفهن مضيو على موتُن قــرار
معناتها عالأرض مــــــــا كنتـــو كبــار ................ ومنها انزعبتو عاجهنـــــم عـــــالفنار
ومتل الأرض سابع سمــــا رح تزعبو ................ يلي متل فضلك وصـــــــل بـــالأنتحار

____________
تقديري

[شفيق]

الروح اللي طلعت عا فضا واسع رحيب **************** طلعت لعند الرب بالفخر المصيب

والروح يللي بتنزل لأرض النحيب ***************** هيدي على جهنم ما الها فوق طيب

يعني الرواح الكافرة بقلب اللهيب ***************** هودي شواذ من البشر فكرن عصيب

نزلو عند أرضك على القاع الرهيب **************** من حيث عندن من وطا فعلك نصيب

و لو قلت أنو الروح مرعاها خصيب ***************** في كل جسم بقول هلق روح غيب

هيدي تناسخ مش حكي الشرع المهيب***************ضيعت في موضوعنا يا عندليب

يوسف نجي من القاع تفكيرك أديب ******************** لكن تسمع رد بيرد المغيب

قاعك بقتلو شارك بمنظر كئيب ****************** بس المكاري أنقذوا بموقف عجيب

ويونس شو خصو بقاع بحرك تا تصيب ************ راجع الجملي وشوف خلطك يا لبيب

ما متت هربان بقتل عمري السليب ************* موتي انفجار على أرض ملك الغريب

وأرضك حقودي والحقد فيها رتيب**************و أصل الخشب هالأرض يا صانع قضيب

ومنبع الفضة بمعدن الأرض المعيب ************** والجلجلي مطرح عزم أرضو صليب

ومن البشر عيسى العطا علم الطبيب *************فسر كلامي وللبشر صفي ربيب

وما بين عيسى وصلب عيسى الما يخيب********* منا المسيح ومنك خشاب الصليب

شيعي أنت ؟؟وينو محمدنا الحبيب ************* يشوفك عم بتعبد حجر حدك قريب

وقضيت عمرك عالحجر حتى تشيب ***************ومقدس الصخرة وبإيمانك مريب

ويقول عندك جرح مش ممكن يطيب *********** ما بينفعو شيخ ولا خوري ولا خطيب

ويجهز بإيدو من جهنم حطب ***************** ويصرخ يا ريتك يا محمد متل ديب

[محمد حسن شريم]

يــــــا ريتني متلـــــــــك أنــــــا خلقان ديب ............. اخجل أنـا سبع المنابر يــــا بن ديب
إنكنـــــــــك إنت محتـال وسلوكـــــك مُعيب ............. نحنا الشجاعـه والبُطولي يــــا لبيب
ويلــــي عبــد للحجــــر مش شيعي نجيب ............. ولا من أرض بـو ذر غفـــــاري الأديب
نحنا الحجر عنـــــا مقـــــــــدس مش ربيب ............. بالقدس والكعبهِ ركع باسـو الحبيب
ألله أمرنــــا هيـــــــــــك فـــي صُبـح ومغيب ............. عاكعبتو نوجّه نظرنا هــــــــالسليب
وبين التناسُـــــــــخ والخلق هالـــروح جيب ............. لوما ترابي بسكن مــــا إلهــا نصيب
ضميتهـــــــــا تــــــــاجُرحهــــا فيـــي يطيب ............. وغذيتها في شعر غالي نفــح طيب
وأرضـــــــــي حقودي قلت بتصنّــــع قضيـب ............. هيدا خصوصي إلــك بالوقت العصيب
وهـالخشبة البهدلتهـــا وأمرهـــــــا مُـــريب ............. هيدي سريرك يا طُفل حاجي نحيب
وإنــــت خشـــب مُنجيرتـــــــي لا لا تعــيب ............ من دونها بيخرس صــــــداح العندليب
هيـــــدي منـــابـر للزجــــــل حملت خطيب ............ هيدي بنعشك حملتـك بعد المشيب
ويـــا ناكــر جميــل الخشــب والأرض غيــب ............ مره متـت مره رجعــــت أمــــرك غريب
عيسى استرزق من خشب غصن الرطيب ............ وإنت ال جايي تعـايرو هالعــــار سيب
عيسى المسيح انصلب في منظـــر كئيب ............ حتى اللي ظنو فيه ظنن مــــا يخيب
ومـــن بعـــد مـــــا اجرمـــت ببعيــــد وقريب ............ وشركت في ألله وصُغر كـــون الرحيب
تعلق على خشابي انصلب رأيك مُصيـــب ............. حتى غسل بالدم هالجُرُم الـــرهيب
ومن بعدها سمّـــــو الصليب وعــــالصليب ............. وصار عنّو بعنق كــــــل مؤمــن مُنيب
وما كان إسمو صار فـــــــــــادي هـــالنبـي ............ لوما فدا العالــــــــم بدمـــــو عـالصليب

______________
تقديري

[شفيق]

يا سبع ديب الشعر بالأشعار صار ,,,,,,,,,,,,,,,,,,,,,,,,,,,,,,, كاسر خصامو كلها بفن الحوار

دمي أنا مايل لدم الانتصار ,,,,,,,,,,,,,,,,,,,,,,,,,,,,,,,,,, ودمك أنت مايل على دجاج الديار

برجع بقلك هالحجر مش افتخار ,,,,,,,,,,,,,,,,,,,,,,,,,,,,,,,,,, هيدا وضيع بدون أديان الكبار

ولما علي صلى على القرص المدار ,,,,,,,,,,,,,,,,,,,,,,,,,,,, قرصك تواضع بس حيدرنا وقار

وبو ذر يللي كان للأمة شعار ,,,,,,,,,,,,,,,,,,,,,,,,,,,,,,,,من بعد موتو بالبراري وبالقفار

دفنوه في مطرح صغير الاعتبار ,,,,,,,,,,,,,,,,,,,,,,,,,,,في أرض رخصت عا فقيدي الاختيار

واسأال جبران النبي المتل المنار ,,,,,,,,,,,,,,,,,,,,,,,, اللي كان يحكي عن تقمصنا خبار

الإنسان وحدو الكان يتقمص دوار ,,,,,,,,,,,,,,,,,,,,,,,,,,,, من حيث هالإنسان بدو اختبار

وحاجي يا منجيرة تكبر عالوتار ,,,,,,,,,,,,,,,,,,,,,,,,,,,,,,,,الإنسان عازف تا رفع فيكي عيار

وشريم بدو تخت أطفال الزغار ,,,,,,,,,,,,,,,,,,,,,,,,,,,,,,,,,,وبدو يكب الطفل,,,قلبو شو بغار

ومنبر زجلنا صار حاسوب بقرار ,,,,,,,,,,,,,,,,,,,,,,,,,, ولو كان خشبي,,الشاعر بيرصف فكار

تذكر عند ما مات زين الحزن فار ,,,,,,,,,,,,,,,,,,,,,,,,,,,,,,,,,,بكيو عزين وما بكو عا أرض دار

وحتى عن الفادي إذا هالبحث دار ,,,,,,,,,,,,,,,,,,,,,,,,,,,, بعد الصلب عا أرضك الفيها عمار

دفنوه بالأرض الشقية والدمار ,,,,,,,,,,,,,,,,,,,,,,,,,,,,,,,,,,, وهوي بضريحو ضل فترة يا كنار

لكن عند ما شاف أرضك احتقار ,,,,,,,,,,,,,,,,,,,,,,,,,,,,,,,شق الضريح ودركب عليك الحجار

ولو كان فيها خير أرضك للمسيح ,,,,,,,,,,,,,,,,,,,,,,,,,,,,,ما قام فادي الكون في تالت نهار

[محمد حسن شريم]

يـــــا شريم فكرك بعد مــــا صام ونطــر ................... عاشعر مالو طعم بــــالمشتى فطر
حُب الزجـــــل حُب المعنـــــى والسمر ................... يــــــا ريت خليتو عــاصفحــاتك صور
أفضل عاأرضك كنت مـــــا تشوف الثمر ................... في تم لمــا شبع لغصــونــــك كسر
هي عادتك يا أرض مع إبـــــن ال حضر ................... تعطي سلام وخير يعطيكــي الخطر
معليش تـوبــــي واغفـــــــري ألله غفر ................... كرمال خاطر كلمة الحُـــــــــــره نشر
ويــا إبن ديب الشعـــر لا دجـــــاج وبقر ................... مش هيك معنا مضيت صك المؤتمر
الشعر روح الشعـــــــــر نغمــهِ عــــاوتر ................... الشعر ليل وسهر عاشق مــــع قمر
الشعر أرض الشعــــر معـزوفـــــــة مطر ................... الشعر إحساس القلب فيـه انشـطر
وتانرجع لموضـــوع في بـالـــــي خطـر ................... تانصلّح الأعــــــــداد مـــــا نزّت النُمر
مش رح منـــرجع للسـواد البــــالحجر ................... وعن دين ما بسأل نبي أعــــور كفر
الإنســـان عاهالأرض جايي في سفر ................... فيها خليفه يكون هالخالــــــــق أمر
ومـــن يوم ما آدام عصى بــــالمختصر ................... نهر المعاصي بالبشر نبعـــــو انفجر
وتــــالأرض تبقى بخير مرسالـــــو خبر ................... نزّل رُسُل تايبلغوكُـــــــم هــــــالخبر
فيهــــم كفرتـــــــو بين فرعــــون وعُمر ................... وباأرض مكهِ بو لهـــــب قبـــــرو حفر
ومـــن كلمة الحاسوب منبرنــــا انقهر ................... والخشبة ال بالدف حاسوبـــك غدر
لمــــا عـــــادبكــــة أوف منبرنــــــا قطر ................... لا المبتدا الحاسوب كـان ولا الخبــر
وعــــالزين بكيـــــو قلوبنــا لمـــا هجر ................... مظبوط حكيك بس فكري ما انحشر
يلي عاأرضــــو دمعتو مـــــــــالهـــا أثر ................... هيدا بلا عُرض الشرف عنـــــدو اندثر
وبرجع لفــــادي أرض في دمـــــو غمر ................... تاشوّفك كفتى عاأرضي مـــــــا صبر
من ظُلــــم نسل المعتدي المنو النور .................. بالأنبيا شكو بــــــــــــآيـــات وســــور
وعيسى خلق نصين في حكمه وعبر ................... ما مات فيه انمات بيمــــــوت البشر
غاب عن هالأرض مـــــــن كفـــرك نفر ................... متلو متل مهدي رقم تـــــاني عشر
وبكرا عاأرضي الكفر لو شفتـو أنتشر ................... ومن كتر ما أرضي شرفهــــــا مُعتبر
تايطهروها بيرجعو الغــــــــابو ســـــوى ................... عيسى النبي وحضرة إمام المُنتظر

___________________
تقديري

[شفيق]

يا مشتى رد لمعنى قطعنا ,,,,,,,,,,,,,,,,,, كرامي للإجا يحرك قطعنا

وأنا بقلو بكلمي واقعيي ,,,,,,,,,,,,,, بحواري الفلسفي راسو قطعنا

بفكرو بالحيل يربح عليي ,,,,,,,,,,,,,,,,,, نزع حالو ونزع شعرو ونزعنا

لا تدخل مع مدافع حربجيي ,,,,,,,,,,,,,,,,ما فيك تفوز بالأشعار معنا

يا صخرة بقلب رجمي هامشيي,,,,,,,,,,,,,نحنا الفكر طور مجتمعنا

وبعد ما غربلت جولي قويي ,,,,,,,,,,,,,,,,عقبرك نعوة المقتول ذعنا

وبقول الشعر والفكرة الذكيي ,,,,,,,,,,,,حكي عدجاج تيطفي طمعنا

أنت يللي ذكرت سبع الحميي ,,,,,,,,,,,,,يعني شعرك العلة بوجعنا

وتنرجع للأرض بمعلميي ,,,,,,,,,,,,,,,,,,,,بأعور نام عندك ما قشعنا

هيدا بيطلع بنفسو الدنيي,,,,,,,,,,,,,,,,,,,,باسرائيل تا حكمو قمعنا

ومهدي المنتظر نفسو الأبيي ,,,,,,,,,,,,,,هيدا منزل وصوتو سمعنا

ومسيح الكون وجروحو التقيي ,,,,,,,,,,منزل ما طلع يا شريم دعنا

وحكينا بادم وشفنا الهويي ,,,,,,,,,,,,,,,,,,بردة ماضيي ردك صفعنا

إذا الافكار بتكرر يا خيي ,,,,,,,,,,,,,,,,,,,,,,هيدا خلط وحياة الصنعنا

وانا رح برحمك نفسي عليي ,,,,,,,,,,,,,إذا بتقول شعر بدون معنى

رح بعدد أسامي عبقريي,,,,,,,,,,,,,,,,,بصفي بتنعرف, منها شبعنا

بودا وزاراشت بحسن نيي,,,,,,,,,,,,,,,وكونفشيوس بأخلاقو ودعنا

وتاليس على تفكيرك مفيي ,,,,,,,,,,,,,,,,حدد أصل أرضك تا قنعنا

وفيثاغورس من نخبي وفيي ,,,,,,,,,,,لفلسفتو ولعلمو كتير جعنا

شخص سقراط علا المعنويي ,,,,,,,,,,,,بااتينا وجهل أرضك فقعنا

وافلاطون ومديني غنيي ,,,,,,,,,,,وأرسطو بفلسفي حرك سمعنا

وأرض المانيا الكانت صبيي,,,,,,,,,,,,,إجا نتشي ورفع أرضو ورفعنا

وفختي ,,الكان في عندو رعيي ,,,,,,,وبيتهوفن لحن مجدو جمعنا

وتا انقل عالاسامي اليعربيي,,,,,,,,,,,,,,,لحتى بضعك زينة سلعنا

عبد الناصر بثورة مضيي ,,,,,,,,,,,,,,بمصر اللي بتلبس من خلعنا

وحافظ في حرب حرة جليي ,,,,,,,,,,,بتشرين, الأسد وحدو نفعنا

وحسن أطهر زعامة عامليي ,,,,,,,,,,,,,,,حرر فكرنا وقدس جمعنا

وموسى الصدر أكبر مرجعيي ,,,,,,,,,,بأرضك ضاع تا بالشك ضعنا

هودي أرضهن بقيت غبيي ,,,,,,,,,,,,,,بلا أشخاص يكفونا بولعنا

هودي ناس معروفين فيي ,,,,,,,,,,,,,,بقلب المجد يا محمد رتعنا

وبأرضك روح ضب الجاذبيي ,,,,,,,,,,,,,,نحنا لعقلنا الأذكى خضعنا

هلق رح بنادي الأشبهيي ,,,,,,,,,,,,أهل حومين يا شريم وجبعنا

يقولوا نحن ميي فوق ميي ,,,,,,,,,,,,,,,وينك نحن عا قتلك رجعنا

لأنك مش عم تحب البقيي ,,,,,,,,,,,,ومغرم في أرض فيها متعنا

وإذا بتحب صخرة جانبيي ,,,,,,,,,,,,,,,عليها نزال والمدخل خلعنا

بعد أنت والصخرة سوية ,,,,,,,,,,,,,,,,,نحنا لهيك ملحد ما شفعنا

بمجال المرتجل و الشاعريي ,,,,,,,, خلعنا الدهر لكن ما خلعنا

قلعنا الشوك يا شوكي شقيي ,,,,,,,,,,وعينك في قضايانا قلعنا

رح بقلك هروب بهالقضيي ,,,,,,,,,,,,,,,,,أنت وقعت لكن ما وقعنا

تعا يا شريم فيي المجد حيي ,,,,,,,,,النصر نبعو طلع منا ونبعنا

وبجولتنا القويي المنبريي ,,,,,,,,,,,طبعنا ملحمي بالشعر لكن

,,,,,,,,,,,,حد السيف عا عنقك طبعنا,,,,,,,,,,,,,,,,

[محمد حسن شريم]

تعو يــــا انبيـــــا الكلمه اسمعوها ............................... وبعد ختمي عليهـــــا صـــــدقــوها
بحد السيف عنقي قـــــــال كسّر ............................... إبن ملجم لإيدو يكســـــــــــــــروها
يا هاجي هالأرض بلســـــان ثرثر ............................... روح الأرض صعبي تـــــــــــــاخدوها
وتانحسبها نفقدت فـــــــي مُقدر ............................... معاها الروح إنتـــــــــــو بتفقـــدوها
أنا أرضي لِكم للخلـــــــــــد معــبر ............................... عليه انمـــــــا تعبتــــــو بتتعبـــوها
تركوها متل ما هالـــــــــــرب عمّر ............................... جنة عـــــــدن لا لا تدمــــــــــــروها
من أرضي ســـــرقتو كل جــــوهر ............................... بعتمهِ من قبل مــــــا تسألــــــوها
ومن أرزه وسنديـــــاني وصنــــوبر ............................... لعرش ملـوك عـــــار بتقطعــــــوها
وبترول الأمانــــــــــي للي تكـــــرر ............................... لبوش العرب راحــــــو سلمـــــوها
أنا الأرض لل عُمــري كتيـــر أكتـــر ............................... من أرقام إنتــــــــــــو بتجهـــــلوها
بلاكُم عشت عُمري مـــــــا تــــأثر ............................... حقيقه الحاســــــــدين تجاهلــــوها
ومني ومــن ينـــــابيعــــي تفجــر ............................... زمزم ميه شـــــافي بتشـــــربوها
الحياة وأصلهـــــــــــا ميـــي تـذكر ............................... نعمـــــــــــة أرض لازم تـحمــــدوها
وبيكفّي تقول أرضي ليــــك سخّر ............................... ألله كلمتـــــــــــــو لا تـقولـــــــــوها
عليها مش لوحدك يــــــــا معتـــر ............................... إذا فهمتــــو الـكلمـهِ فســـــــــروها
وعلى طينة تواضُعنـــــــــا تمنظـر ............................... حد النـــــــــــار قصـه بتعــــرفــــوها
نارك بالشمـــــــــوخ بليس كفّـــر ................................ لكـــــن طينتي بتحني لأبـــــــوها
وعن بعض ال ذكرتن يـــــا مغنـدر ................................ من ترابي اللقمــــهِ بيشـحـــدوها
أسامي سطّرت عـــاورق هـرهـر ................................ هيدي ورقتـــــــــــك لا تفحصــوها
منهم كان للإيمـــــــــــان مصــدر ................................ صلـو عـــــــــــــاأرض بيقدســــوها
هودي طينتي وفيهـــــــم بتكبــر ................................ لإنو في وفاهــــــــم عــــاملــــوها
ومنهُم بالكُفر دجــــــــــال أعـــور ................................ لا خرج الفلسفي والخلفــــــــوها
هودي نار من شيطـــــان أزغـــر ................................ بصُغــــــر العقل نـــاسك كفــــروها
وزرت المانيــــــــا ونسيت هتلــر ................................ هيك الحرب متلــــــو بتربحـــــوها
واثينا متلهـــــــــــا نيــــرون دمــر ................................ رومـا حــــــرق للأرض اسألــــــوها
وبيتهوفن شو فضلـــــو يـــا مكبر ................................ عـادين وجنتي لل بتعشقــــــوها
وعبد الناصر وحافــــــــظ الأشهـر ................................ وشـخصية صدر يلـــــــي خفــوها
ومتلن حسن بو هـــادي الأطهـر ............................... مـن ملايــك سمـــــــا ول نــــوروها
هودي هــــالوطن فيهــــــم تحرر ............................... مــا بــــاعو ألأرض لكـــــن بايعــــوها
يعني في مصيرُن ميـــــــن قــــرر .............................. غيــــــر الأرض يلـــــــي حـــــرروها
وأهل حومين وشريـــــــم المُـوقر ............................... وصيفية جبــــــــــاع ال صيفــــوها
علي محممود فيها ضـــل أشعــر ............................... وبكلماتــــــــو النـــــدوهِ خلــــدوها
وأنا عاندوتو رح زيـــــــــــد محضــر ............................... بكلمهِ أهل مشتــــــى قـــــدروها
وألله بجنتو عـــــــــــالأرض بشـــر .............................. بكلمهِ الرُسل إلكُـــــــم وصّلــــوها
وعن الجنهِ ومكانــــــا مـــــا تخبر ............................... شي عالأرض قالو وشي نفــــوها
وبالقرأن أقرى عـــــــالمســـــوكر ............................... أرضي بكل صفحه بتقشعـــــــوها
بدورتها إلخلقهـــــــــا بس أخبــر ............................... هيي عم تـــــــدور ومــــــــا بتوقف

....................... إنتــــــــــو لــــــــو قــــوايـــــــــــا وقفـــــــــوها ...................................

مع تقديري لجميع شُعراء هذا الموقع والقيمين عليه كذلك إحترامي الشديد لجميع الأراء
التي كُتبت وعن التي لم تُكتب , أيضاً تحيه مني لمشتى الحلو ولعُشاق الكلمهِ فيها
كذلك انتهز الفرصه لإوجه تحياتي الحاره لمرمريتا الضبعه والموقع وأيضاً لجميع من تابعنا من هُناك ..

_________________
تقديري

[شفيق]

شكرا كتير لالكن وشكرا لمحمد حسن شريم على هالقصيدة الحلوة,,,,,,


يا شريم بالأشعار فكرك لو نوى ,,,,,,,,,,,,,,,,,,,,,,,,بتنيم الموجات عا تخت الهوا

بأرض وبشر موضوع عالي المستوى ,,,,,,,,,,,,,,,,,,,رداتنا كانت رماح من القوى

انشالله بشخصك عن قريب منلتقي,,,,,,,,, ونقيم حفلة شعر بالمشتى سوى

[حسن بنوت]

باًرض وبشر موضوع فيه تشاركو
بالشعر والكلمة الاًديبة تعاركو
محمد شريم دوخ الاًرض واًهلها
وشفيق ديب منقول اًلله يباركو

[شفيق]

يا شعر جوا الحرف ابقى موت ********* ان ما كان في تقدير يعطي قوت

أول شهادي منفتخر فيها************** من حيث كاتبها حسن بنوت

[محمد حسن شريم]

شكرا كتير لالكن وشكرا لمحمد حسن شريم على هالقصيدة الحلوة,,,,,,


يا شريم بالأشعار فكرك لو نوى ,,,,,,,,,,,,,,,,,,,,,,,,بتنيم الموجات عا تخت الهوا

بأرض وبشر موضوع عالي المستوى ,,,,,,,,,,,,,,,,,,,رداتنا كانت رماح من القوى

انشالله بشخصك عن قريب منلتقي,,,,,,,,, ونقيم حفلة شعر بالمشتى سوى

______________________________________

أبيات شعري ربنا العالي أتقو ................ وبشعر ديب زهور هالمشتى انسقو
مـوضوع غنّو وبخيالـــن حلقـو ................ وأعلى مراتب من بعد منهـــــــا أرتقو
متفرقين وقال عملو مُعجـــزي ................ شـــو بيعملـــو لمـــــا ببعــض بيلتقو .

___________
تقديري

[شفيق]

يا محمد شريم اللي قلبي فضلك************حيثك بدنيا المرتجل متل الملك

وأخلاقك البيضا الجميلي بتحملك ***********حتى على قلوب الجميع توصلك

ولما بمشتى منلتقى بليل الحلك ***********بدو الفلك ما يضل عا حالو فلك

وأكبر جبل بدو بنفسو يسألك ************عالمنبر ويسأل طموحي ما انهلك

ونحنا التلاتي نبلش بحفلة سوى*****************ردة ألو ردة إلي ردة إلك

[محمد حسن شريم]

يا ديب فعلو عكس إسمو بينقبل ............ ألله البسالـــي فــي تراباتــك جبل
شعرك بيادر قمح والمعنى سبـل ............ صيتو بمشتى وغبرها العالم طبل
وكفي إذا بكفك بحفلـي بينسبل ............ وكان الجبل .. وللي عاحفلتنا قبل
بدهُن يقولو كــوكبين وعــــاليين ............. وشو قيمتو حد الكواكب هـــالجبل

____________
تقديري

[شفيق]

علم الفلك بيقول يا عالي السمة,,,,,,,,,,,,,,,,,,,,,,,,,,,,,, نقطة عليها بيرتكز أكبر حما

الكوكب كبير وبالمجرة بينسما ,,,,,,,,,,,,,,,,,,,,,,,,,,,,,,,,,,واقف عنقطة صغرها بعالم طما

نقطة بحجم نقطة ارتكازو إنما ,,,,,,,,,,,,,,,,,,,,,,,,,,,,,,,,,,نحنا عمنبرنا الروى اسم الظما

نقطة توازنا بحجم أكبر جبل,,,,,,,,,,,,,,,,,,,,,,,,,,,,,,,,,,,, ,,حتى إذا وقعنا ما تنهد السما