لَ حملتوا سيوف بْتِنْسَل = و لا شاعر فيكن قنّاص
إنتوا قناني خَل و غِل = من النوع لْ عِنباتو رْخاص
و حتّى إسحب روح الخَل = لا بدّي فرد و لَ رصاص
بْطِق السَدّه قبال الكل = و بِسْحَب منها الفـَلـّيني

حسن بنوت · 27-02-09, 08:44 AM

*****
بخَل وغِل قبال الكِل=مش مظبوطه يا خِلـِّي
عا قوافيك العم بتعِل=مأكد رح تشرب خَلـِّي
الليله تيابك رح بتبِل=وتهرب والساحه تخَلـِّي
بسحب الفليني بيطِل=العفريت من القنيني
*****

**عصام يوسف** · 27-02-09, 09:27 AM

شاعر إحساسي بيغِف = عا وادي عبقر .. شو نْسيت
فيها دْرست تـْنعشر صَف = و شْياطيني أخدت صيت
بدّ ي عَ قنانيكن حِف = تا يطلع منها عْفاريت
ووقّفهن كلّن بالصف = يْصلّوا خلف شْياطيني

سمير هلال · 27-02-09, 10:10 AM

[COLOR="RoyalBlue"][SIZE="5"]من ميل السيف البتار 0000 ما عاش البدّو يهينك

بيتخاوو عاخط النار 0000 شرايينـي وشرايينك

لكن بمحّك الأشعار 0000 يا يوسف الله يعينك

أفكار بتقطع أفكار 0000 لا سيف ولا سكيّني [/SIZE][/COLOR]

**عصام يوسف** · 27-02-09, 10:26 AM

لو إنّو فكرك مصقول = بتقطع بالمي و بالنار
لكن بعدك مش مسؤول = و عقلاتك بالبيت صغار
لو قلتلّك مَشّي نْجول = و نِقطع عا درب الأفكار
بْترخي الشَفتوره و بـِتقول = الماما ما بـِتخلّيني

سمير هلال · 27-02-09, 04:21 PM

[COLOR="RoyalBlue"][SIZE="6"]كيـف بترضى يا موهوب 000 تقوّلني شي ما قلتو

يلّـي بيفهم بل مقلوب 000 شو بعملّو مشكلتو

مـا بيفيدك هل أسلوب 000 بالجوله من أولّتو

ستوعب شوهوّي المطلوب 000 تـا أعطيك وتعطيني [/SIZE][/COLOR]

**عصام يوسف** · 27-02-09, 06:41 PM

بتقلّي مانك فهمان = عْذرني فهمي عا قدّي
فهم العالِم بالأوزان = لْ بتخلّي الأرض تهدّي
خود و هات بْهالميدان = عم تلعب طابه ضدّي ..
شو مفكّر حالك "زيدان" = أوعصام "بلاتيني" ؟!

حسن بنوت · 28-02-09, 05:57 AM

عصام يوسف, post: 43494 كتب:نادوا عَ الشعّار صفوف = في "مشتاوي" تلاقيني
و لولا حملوا بْوجّي سيوف = بْحاربهن بـِشْراييني

يا بن هلال بخود وهات=منعرف يوسف عقلو سميك
عم بدعي إلكن دعوات=الله يشفيه ويشفيك
جايي وطاحش عالساحات=أهلا ومية سهلا فيك
انكنك مش قد الحملات=عرض كتافك فرجيني

سمير هلال · 28-02-09, 04:45 PM

[COLOR="SeaGreen"][SIZE="6"] غيمت فهمك بالتقدير 000 طلعت غيمه كذابه

عندك حوض زريعه زغير 000 متصوّر عندك غابه

ضمن المنطق والتفكير 000 من بالك شيل الطابه

حتى خود وهات تصير 000 ديوجيني و أوغسطيني[/SIZE][/COLOR]

**عصام يوسف** · 28-02-09, 09:01 PM

سمير هلال, post: 43504 كتب:[COLOR="SeaGreen"][SIZE="6"] غيمت فهمك بالتقدير 000 طلعت غيمه كذابه

عندك حوض زريعه زغير 000 متصوّر عندك غابه

ضمن المنطق والتفكير 000 من بالك شيل الطابه

حتى خود وهات تصير 000 ديوجيني و أوغسطيني[/SIZE][/COLOR]

شو القصّه طْفيت هْلالك = وحامل مِصباح ديوجين
و ماشي بالوهم خْيالك = مْضيّع حكمة أوغسطين
خايف مَ تسوء ْحْوالك = و يضرب مخّك يا مسكين
و تروح تفكّر حالك = إنّك توما الإكويني

سمير هلال · 28-02-09, 09:21 PM

[COLOR="RoyalBlue"][SIZE="5"] روح تعلّم يا بنوت 000 كيف تصاحب وتجافي

عم توزن بالشعر بيوت 000 هاد ا وحدو مش كافي

لا تحلم عالجنه تفوت 000 ان فرجيتك عرض كتافي

الداعي عاباب الملكوت 000 بنقّي الخرده من الزيني [/SIZE][/COLOR]

**عصام يوسف** · 01-03-09, 04:31 AM

حسن بنوت, post: 43503 كتب:يا بن هلال بخود وهات=منعرف يوسف عقلو سميك
عم بدعي إلكن دعوات=الله يشفيه ويشفيك
جايي وطاحش عالساحات=أهلا ومية سهلا فيك
انكنك مش قد الحملات=عرض كتافك فرجيني

عَقلاتي مْن التِـقـْل سْماك = و هْلال التقل بْظلّو
عا عَرْض كتافو فرجاك = راح و الله سهّلو
لكن إنت من الشبّاك = فت ووقّفت محلّو
يسلملي طولك مَحْلاك = مْضحّكني و مْسلّيني

سمير هلال · 01-03-09, 11:02 AM

عصام يوسف, post: 43505 كتب:شو القصّه طْفيت هْلالك = وحامل مِصباح ديوجين
و ماشي بالوهم خْيالك = مْضيّع حكمة أوغسطين
خايف مَ تسوء ْحْوالك = و يضرب مخّك يا مسكين
و تروح تفكّر حالك = إنّك توما الإكويني

[COLOR="RoyalBlue"][SIZE="6"]شو هل كلمه يا أخوان 000 البتقولوها قطع ووصل

خايف وبخاف وخيفان 000 علّقتوها متل المصل

الإكويني لاتيني كان 000 ولهلالي آرامي الأصل

والمتلك مانو بحسبان 000 الآرامي واللاتيني [/SIZE][/COLOR]

خالد هلالة · 01-03-09, 03:46 PM

عصام يوسف, post: 43494 كتب:
نادوا عَ الشعّار صفوف = في "مشتاوي" تلاقيني
و لولا حملوا بْوجّي سيوف = بْحاربهن بـِشْراييني

[SIZE="6"]

[COLOR="Red"]بو سمرة متلك شو قـــْلال ............... لــمّــا بـتـنـزل عالعَركِة

لــَوْ شي مرّة واحد مـــال ............... مــِن دمّو بْـتعـمل بُركِة

ابـن هـلالـه وْ ابـن هـلال ............... بالساحة صاروا شِركِة

يا بــِن يوسف روح سآل ............... مـتـلـك بـَــدنـــا دزيـنـة

مع احترامي للزعيم عصام يوسف .

خالد هلاله[/COLOR]

[/SIZE]

حسن بنوت · 01-03-09, 04:16 PM

سمير هلال, post: 43506 كتب:[COLOR="RoyalBlue"][SIZE="5"] روح تعلّم يا بنوت 000 كيف تصاحب وتجافي

عم توزن بالشعر بيوت 000 هاد ا وحدو مش كافي

لا تحلم عالجنه تفوت 000 ان فرجيتك عرض كتافي

الداعي عاباب الملكوت 000 بنقّي الخرده من الزيني [/SIZE][/COLOR]

انت ال عن حالك مسؤول=يا عامل حالك بوّاب
قلنالك عالبيت دخول=ضليتك واقف عالباب
واقف ناتع عرض وطول=متل البرميل القلاب
وراسك عا كتافك محمول=متل الحامل لقطينه

حسن بنوت · 01-03-09, 04:47 PM

عصام يوسف, post: 43507 كتب:عَقلاتي مْن التِـقـْل سْماك = و هْلال التقل بْظلّو
عا عَرْض كتافو فرجاك = راح و الله سهّلو
لكن إنت من الشبّاك = فت ووقّفت محلّو
يسلملي طولك مَحْلاك = مْضحّكني و مْسلّيني

ابن هلال القد وشد=واقف عالباب مكيـِّف
ناتع لقطينه هالقد=فيها للريح مكيـِّف
ويوسف جمعه وسبت وحد=لابس كنزه ومصيـِّف
وترم الشتويه والبرد=بيطلع لابس بيكيني

slayman · 01-03-09, 05:19 PM

[SIZE="6"][COLOR="Navy"]صارو [COLOR="Red"]يمكن[/COLOR] عشر بيوت***وبالصفحة كتروا الشعّار
ولو ها اللعبة[COLOR="Red"] بيبي [/COLOR][COLOR="Green"]فوت[/COLOR]***ما دخّلتو عليها زغار
كنت العركة [COLOR="DarkRed"]حابب[/COLOR] فوت***ورح خبّركن [COLOR="Sienna"]شولي[/COLOR] صار

[COLOR="DarkRed"]يوسف[/COLOR][COLOR="Green"] وهلال [/COLOR][COLOR="Black"]وبنّوت[/COLOR]***[COLOR="Purple"]وخالد [/COLOR]بالصفحة عم شوف
خلطة [COLOR="DarkRed"] دبسي [/COLOR]بطحيني

[COLOR="Red"]هههههههه[/COLOR]

[/COLOR][/SIZE]

علي عامر · 01-03-09, 06:10 PM

[SIZE="6"][COLOR="DarkSlateBlue"]نادوا عَ الشعّار صفـوف = في "مشتـاوي" تلاقينـي

و لولا حملوا بْوجّي سيوف = بْحاربـهـن بِشْراييـنـي

لا تتمغمط ع المليان = نعمة شعري بتكفي ألوف

من دوني تفكيرك كان = عا قدّ عروق الملفوف

ولمّا توجّت الميدان = وطيّرت من الحرب سيوف

تعصّمت غراب الشيطان = الدشّر نوحو بسفينه[/COLOR][/SIZE]

تسجيل الدخول
اسم العضو:
كلمة المرور:	نسيت كلمة المرور؟
	تذكرني