قصيدة لبيت ضيعتنا\\\شفيق ديب

[شفيق]

طلبو أحد أصدقائي الشعراء تنزيل قصيدة إلي غير المحاورات والتحدي ...

اخر قصيدة كتبتها كانت لضيعتي عين العروس لبيتها القديم اللي رجعنالو بعد ما تغيّرت فيه كتير أشياء:





[SIZE="6"][COLOR="DarkGreen"]متل القصيدة الدايبة بالهمس...... اللي بتنخلق من روح قايلها
حلوة وجدايلها جدايل شمس....... وما شفت أجمل من جدايلها

هي مش صبيّة كــحال عينيها ....... ولو يسألوني بدلّن عليها
هي اسمها عين العــروس ومين...... (روحن) سنيني غير أيديها

بذكر قبل ما يصير عمري شهر..... تالشعر يــشرق من تعابيري
من غصونها جابت تياب الزهر ...... وصارت تفرفطهن على سريري


والبيت يللي فيه كنا صغار...... تركناه مدة....! وبعد هالمدة
رجعنا لحتى نفيّق التذكار ....... بالبــيت يللي عمرو جدّي

طلعنا على دراجو اللي كانو سمر .... شفتن صغار وجهد ما احتاجو
مدري أنا عم اكبر بهالعمر......... مدري الصخر عم يصغرو دراجو


والجو صقّع عا شفاف الورد ....... وسقف البرد يدلف على الأحلام
لكن بهالضيعة صقيع البرد ....... بيضل أدفى من الشمس بالشام

وينو شفيق الكان عمرو صغير ...... هلق بشوفو بعين امالي
بيجوز عم يلـــــعب قبال البير ...... ما زال مش عم يلعب قبالي
عا كل حالة لا تـــــخافو كتير ...... هلق بحالي بروح للدالي
تا احضن البيت الحضني وصير ........ بمداخلو دوّر على حالي[/COLOR][/SIZE]



بتمنى النقد من الجميع ...وبالذات من بيدق

[سمير هلال]

[COLOR="Blue"][SIZE="6"]قصيده شاعريه بإمتياز , فكره حلوه , ملانه صور , وصيغه قريبه للقلب وبعيده عن النقد

صديقي المبدع شفيق , بتشكّرك على أستجابتك لطلبي وبتمنى عطول تتحفنا بقصائدك الحلوه

لأنو حلو التنويع بكل شي حلو فكيف أذا كان شعر

عين العروس انت البؤبؤ فيها وبقصيدتك شفنا شي منا واللي شفنا حلو فيها وفيك

أنا ضدّالنقد ولكن مع التقييم وعلى طلبك حبيت قلك شو أول إحساس حسّيتو وشو كان بعد ما قريت القصيده


تمنيت الشطر البتقول فيه ( لكن بهاضيعه صقيع البرد ....... بيضل أدفى من الشمس بالشام )

لو كان خاتمة القصيده وهادا إحساسي مو أكتر لا نقد ولانقد وبتمنى تتقبل مروري ,,,,,,,,[/SIZE][/COLOR]

[بسطاطي]

[SIZE="6"][COLOR="Red"]

بهالجرد بيتك روحن التصوير
عَ مطل سايع هالدني وأكتر
بعب السما عيونو بتجي مشاوير
وبتروح عَ سطوح المدى بتسهر
من حجار " جبلة " تقصّب وتايصير
بيت شاعر . عَ الوفا تعمّر
بجنينتو وقت لّي فتحو بير
صار الشعر عَ الكون يتفجّر
ولمّا الزهور تفصّلو تنانير
وصارت على ركاب الحلا تقصر
من غيرتو جن السرو بكير
وحتّى ما غيرو يقشع المرمر
راح ووقف حارس عَ كتف الشير
وطعّم غصونو الشامخة صنوبر
وعين العروس برقّة التعبير
لمن سحر عينيها الحلا تصدّر
متلها بالسحر مابيصير
أحلا من لّي أبدع وصوّر
فيها أبن شهر الوعي بسرير
ومن قبل مايفتّح عَ هالمنظر
جابت ألو من زهرها قناطير
أبيض وزهري وأصفر وأحمر
وصارالزهر منّو لحالو يطير
حتّى سرير الطفل يتعطّر
***
الشاعر بيخلق متل طفل زغير
بيطلع دراج العمر تايكبر
لكن بعين الفكر والتقدير
أنت الوحيد لما بتخلق طفل
" خلقت شاعر مستوي مختير "

ـــــــــــــــــــــــــــــــ حسّــــان

[/COLOR][/SIZE]

[رمّاح]

[SIZE="5"]لمّا الصخرّ بيدوِّبو الإحساسْ.........وبيصير مثل الخمر يملى الكاسْ

لـَكْ مينْ رحْ يقدر عـْـليهْ يمِرْ ...................إلاّ اذا بشفافْ عَمْ ينباسْ

====================================

[COLOR="Teal"]

أكتر ماعجبني هالبيتين اللي شفتنْ بيكسرو الظهر :

طلعنا على دراجو اللي كانو سُمر .... شفتن ز غار وجهد مَ احتاجو

مدري أنا عم اكبر بهالعمر............ مدري الصخر عم يزغرو دراجو

==================================[/COLOR][/SIZE]

أرجو تتقبّل تواضع كلماتي و رأيي ..

[asyan]

[SIZE="5"][COLOR="DarkRed"]

يا بيتنا اللي بالهمس دايب

ع مصطبتك وذكريات الحبايب

وحاكورتك يمرتع للعندليب

ينقور لعصفور تينها لدايب

وريحة ترابك بعدها بلقلوب

ريحة ارض عطشى للمطر شارب

وطعم مية بير مهدم الجوانب

وسطحك يلي كترت فيه لثقوب

وصار الدلف منو اليف وغالب

يابيتنا صرت للذكرى وغايب




مع حبي
اسيان

[/COLOR][/SIZE]

[شفيق]

الشعراء الكبار أصدقائي ((سمير وحسان ورماح))
شكرا جزيلا على مروركم الغالي..
ونحنا من بعدكم دائما
بس والله يا حسان يا ريت قصيدتي نزلت بعد قصيدتك لأنو قصيدتك الرائعة غطت عقصيدتي

وشكرا للحبيب اسيان على مشاركته اللطيفة

انشالله دائما منضل عند حسن ظنكن

[بيدق]

[SIZE="6"]

قال الأخ الحبيب الغالي شفيق الذيب في وصف ضيعته عين العروس :

[/SIZE]
[poem=font="Times New Roman,7,blue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
========================


متل القصيدة الدايبة بالهمس= اللي بتنخلق من روح قايلها
حلوة وجدايلها جدايل شمس= وما شفت أجمل من جدايلها
========================
هي مش صبيّة كــحال عينيها=ولو يسألوني بدلّن عليها
هي اسمها عين العــروس ومين= (روحن) سنيني غير أيديها
========================

بذكر قبل ما يصير عمري شهر= تالشعر يــشرق من تعابيري
من غصونها جابت تياب الزهر = وصارت تفرفطهن على سريري

========================

والبيت يللي فيه كنا صغار= تركناه مدة....! وبعد هالمدة
رجعنا لحتى نفيّق التذكار = بالبــيت يللي عمرو جدّي
========================

طلعنا على دراجو اللي كانو سمر= شفتن صغار وجهد ما احتاجو
مدري أنا عم اكبر بهالعمر= مدري الصخر عم يصغرو دراجو

========================

والجو صقّع عا شفاف الورد=وسقف البرد يدلف على الأحلام
لكن بهالضيعة صقيع البرد=بيضل أدفى من الشمس بالشام
========================

وينو شفيق الكان عمرو صغير =هلق بشوفو بعين امالي
بيجوز عم يلـــــعب قبال البير = ما زال مش عم يلعب قبالي
عا كل حالة لا تـــــخافو كتير = هلق بحالي بروح للدالي
تا احضن البيت الحضني وصير = بمداخلو دوّر على حالي[/poem]


[SIZE="5"]وفيما يلي تشريح للقصيده وبيان ما فيها من مزايا :

1- القصيده على نظام الثنائيات [COLOR="Blue"]متوازية القوافي [/COLOR]...........عدا الرباعيه متوازية القوافي التي ختم بها الشاعر القصيده هذا التنويبع مقبول بتحفظ .

2- القصيده على البحر السريع [COLOR="blue"]( مستفعلن مستفعلن فاعلن )[/COLOR] وبعض الأبيات معلوله بزياده ساكن .

3- في الشطره التاليه [COLOR="Red"](اللي بتنخلق من روح قايلها ) [/COLOR] ...قام الشاعر بزياده سبب خفيف في بدايتها ....وهذه الزياده مشروعه بالزجل....... وحسب مأأفادنا الأخ الدكتور سلوم إلياس سلوم والأخ الدكتور محمود الفخوري مشكورين .....أن هذه الزياده أيضاُ مشروعه بالفصيح ......... ولو كانت الشطره بدون تلك الزياده لكانت أجود من حيث السبك .......
[COLOR="blue"]( ل ِ بْـتنخلق من روح قايلها ) [/COLOR].

4- ( بذكر قبل ما يصير عمري شهر= [COLOR="red"]ت[/COLOR]الشعر يــشرق من تعابيري ) ............ في هذا البيت لو أستهل الأخ الحبيب شفيق العجز بحرف [COLOR="red"]( و )[/COLOR] بدل [COLOR="red"]( ت )[/COLOR] ليصبح البيت كالتالي
( بذكر قبل ما يصير عمري شهر= [COLOR="Blue"]و [/COLOR]ِ الشعر يــشرق من تعابيري )

لكان أفضل ليستقيم المعنى المراد أي كأنه يقول نثراً [COLOR="blue"]( بذكر قبل ما يصير عمري شهر وقبل الشعر يــشرق من تعابيري ) [/COLOR]
[/SIZE]

5- لدي أحساس قوي جداً بأن القصيده المنشوره هنا تم حذف أبيات منها من قبل الشاعر نفسه ............... لا أدري ما السبب ......... هناك فجوه في الفكره بين الثنائيتين التاليتين :

طلعنا على دراجو اللي كانو سمر .... شفتن صغار وجهد ما احتاجو
مدري أنا عم اكبر بهالعمر......... مدري الصخر عم يصغرو دراجو
[COLOR="Red"]
,,,,,,,,,,,,,,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,
.......,,,,,,,,,,,,,,,,,,,,,,,,,,,,,,,,,,,,,,,, [/COLOR]

والجو صقّع عا شفاف الورد ....... وسقف البرد يدلف على الأحلام
لكن بهالضيعة صقيع البرد ....... بيضل أدفى من الشمس بالشام

لماذا لم تكمل وصف بيت الجد أيها الحبيب شفيق ............

6 - الصدق والأحساس المرهف ........والسلاسه ....سمات غالبه على القصيده .

7- القصيده في مجملها زاخره بالصور الرقيقه الأنيقه عاليه الشفافيه المعبره عن حنين الشاعر وما يدور في خلجات وجدانه تجاه ضيعته الأم .

8- في الرباعيه الأخيره تجلى الشاعر ............. في حوارية مع نفسه .......... فهو يبحث عن ذكرياته في ثنايا بيت جده .......... وتتزاحم الذكريات في خياله ليدخل في حالة من الآ وعي ....... وهو في حالته هذه تائه ........يبحث عن ذاته الوجدانيه .......... وفي النهايه لا يجد ما يبحث عنه ....... وأعتقد أنه لا يحبذ أن يجد ضالته ........ مع سبق الأصرار والترصد .......لتبقى تلك الذكريات التي هي جزء من وجدان الشاعر ........... ساكنه في ثنايا بيت جده بدلاً عن الشاعر نفسه


9 - متانة السبك والأعتماد على تصوير الموقف وخلو القصيده من التشبيهات المباشره ....... من أيحابيات هذه القصيده

10 - من خلال متابعتي لباقي نتاج الأخ شفيق الشعري ........ أستطيع القول وبمصداقيه عاليه أن الأخ شفيق الذيب أستطاع بناء شخصيه شعريه مستقله ويمتلك أسلوبه الخاص به ........ بأختصار [COLOR="red"]( الأخ شفيق وصل الى مرحلة النضج الشعري ) [/COLOR] رغم صغر سنه ............ [COLOR="Blue"]

وبتذكر هون قول ......................فاتح

يا شـــــــــــفيق الحبر عم بيغار *** من حروفك لْ بالريــح مفلوتين
حـرف بيقطّف وهــــــــــــج آذار *** و حـرف بيلوّن هـــــمس تشرين
من كتر ما شـرقط خيالك .. صار *** قواس القدح مع دَيْك مشبوكين
بالتســــــعتعش .. مْكيّع الشعّار *** كيــــــــف لو بـِتـْدِق بالعشرين !!


[/COLOR] [/SIZE]

[بيدق]

[SIZE="6"]

قال الأخ الحبيب الغالي شفيق الذيب في وصف ضيعته عين العروس :

[/SIZE]
[poem=font="Times New Roman,7,blue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
========================


متل القصيدة الدايبة بالهمس= اللي بتنخلق من روح قايلها
حلوة وجدايلها جدايل شمس= وما شفت أجمل من جدايلها
========================
هي مش صبيّة كــحال عينيها=ولو يسألوني بدلّن عليها
هي اسمها عين العــروس ومين= (روحن) سنيني غير أيديها
========================

بذكر قبل ما يصير عمري شهر= تالشعر يــشرق من تعابيري
من غصونها جابت تياب الزهر = وصارت تفرفطهن على سريري

========================

والبيت يللي فيه كنا صغار= تركناه مدة....! وبعد هالمدة
رجعنا لحتى نفيّق التذكار = بالبــيت يللي عمرو جدّي
========================

طلعنا على دراجو اللي كانو سمر= شفتن صغار وجهد ما احتاجو
مدري أنا عم اكبر بهالعمر= مدري الصخر عم يصغرو دراجو

========================

والجو صقّع عا شفاف الورد=وسقف البرد يدلف على الأحلام
لكن بهالضيعة صقيع البرد=بيضل أدفى من الشمس بالشام
========================

وينو شفيق الكان عمرو صغير =هلق بشوفو بعين امالي
بيجوز عم يلـــــعب قبال البير = ما زال مش عم يلعب قبالي
عا كل حالة لا تـــــخافو كتير = هلق بحالي بروح للدالي
تا احضن البيت الحضني وصير = بمداخلو دوّر على حالي[/poem]


[SIZE="4"]وفيما يلي تشريح للقصيده وبيان ما فيها من مزايا :

1[SIZE="4"][B]- القصيده على نظام الثنائيات [COLOR="Blue"]متوازية القوافي [/COLOR]...........عدا الرباعيه متوازية القوافي التي ختم بها الشاعر القصيده هذا التنويبع مقبول بتحفظ .

2- القصيده على البحر السريع [COLOR="blue"]( مستفعلن مستفعلن فاعلن )[/COLOR] وبعض الأبيات معلوله بزياده ساكن .

3- في الشطره التاليه [COLOR="Red"](اللي بتنخلق من روح قايلها ) [/COLOR] ...قام الشاعر بزياده سبب خفيف في بدايتها ....وهذه الزياده مشروعه بالزجل....... وحسب مأأفادنا الأخ الدكتور سلوم إلياس سلوم والأخ الدكتور محمود الفخوري مشكورين .....أن هذه الزياده أيضاُ مشروعه بالفصيح ......... ولو كانت الشطره بدون تلك الزياده لكانت أجود من حيث السبك .......
[COLOR="blue"]( ل ِ بْـتنخلق من روح قايلها ) [/COLOR].

4- ( بذكر قبل ما يصير عمري شهر= [COLOR="red"]ت[/COLOR]الشعر يــشرق من تعابيري ) ............ في هذا البيت لو أستهل الأخ الحبيب شفيق العجز بحرف [COLOR="red"]( و )[/COLOR] بدل [COLOR="red"]( ت )[/COLOR] ليصبح البيت كالتالي
( بذكر قبل ما يصير عمري شهر= [COLOR="Blue"]و [/COLOR]ِ الشعر يــشرق من تعابيري )

لكان أفضل ليستقيم المعنى المراد أي كأنه يقول نثراً [COLOR="blue"]( بذكر قبل ما يصير عمري شهر وقبل الشعر يــشرق من تعابيري ) [/COLOR]
[/SIZE]

5- لدي أحساس قوي جداً بأن القصيده المنشوره هنا تم حذف أبيات منها من قبل الشاعر نفسه ............... لا أدري ما السبب ......... هناك فجوه في الفكره بين الثنائيتين التاليتين :

طلعنا على دراجو اللي كانو سمر .... شفتن صغار وجهد ما احتاجو
مدري أنا عم اكبر بهالعمر......... مدري الصخر عم يصغرو دراجو
[COLOR="Red"]
,,,,,,,,,,,,,,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,
.......,,,,,,,,,,,,,,,,,,,,,,,,,,,,,,,,,,,,,,,, [/COLOR]

والجو صقّع عا شفاف الورد ....... وسقف البرد يدلف على الأحلام
لكن بهالضيعة صقيع البرد ....... بيضل أدفى من الشمس بالشام

[COLOR="Red"]لماذا لم تكمل وصف بيت الجد أيها الحبيب شفيق ............ المدخل والداليه والبير أين الباقي ................ ما دام الضيعه كلها تمثلت بيت الجد .............. ووضفتو كرمز للضيعه ........برأيي كان لازم تتوسع بوصف البيت أكثر ............. مع أنو المهم في ذكرياتك أيام طفولتك ساحات البيت ومحيطه ......... أماكن اللهو واللعب [/COLOR]

6 - الصدق والأحساس المرهف ........والسلاسه ....سمات غالبه على القصيده .

7- القصيده في مجملها زاخره بالصور الرقيقه الأنيقه عاليه الشفافيه المعبره عن حنين الشاعر وما يدور في خلجات وجدانه تجاه ضيعته الأم .

8- في الرباعيه الأخيره تجلى الشاعر ............. في حوارية مع نفسه .......... فهو يبحث عن ذكرياته في ثنايا بيت جده .......... وتتزاحم الذكريات في خياله ليدخل في حالة من الآ وعي ....... وهو في حالته هذه تائه ........يبحث عن ذاته الوجدانيه .......... وفي النهايه لا يجد ما يبحث عنه ....... وأعتقد أنه لا يحبذ أن يجد ضالته ........ مع سبق الأصرار والترصد .......لتبقى تلك الذكريات التي هي جزء من وجدان الشاعر ........... ساكنه في ثنايا بيت جده بدلاً عن الشاعر نفسه ................. القصيده في مجملها جميله .........لكن هذه الرباعيه برأيي ..........أجمل ما في القصيده ..........


9 - متانة السبك والأعتماد على تصوير الموقف وخلو القصيده من التشبيهات المباشره ....... من أيحابيات هذه القصيده

10 - من خلال متابعتي لباقي نتاج الأخ شفيق الشعري ........ أستطيع القول وبمصداقيه عاليه أن الأخ شفيق الذيب أستطاع بناء شخصيه شعريه مستقله ويمتلك أسلوبه الخاص به ........ بأختصار [COLOR="red"]( الأخ شفيق وصل الى مرحلة النضج الشعري ) [/COLOR] رغم صغر سنه ...... الله يطول عمرو ...... [COLOR="Blue"]

وبتذكر هون قول ......................فاتح

يا شـــــــــــفيق الحبر عم بيغار *** من حروفك لْ بالريــح مفلوتين
حـرف بيقطّف وهــــــــــــج آذار *** و حـرف بيلوّن هـــــمس تشرين
من كتر ما شـرقط خيالك .. صار *** قواس القدح مع دَيْك مشبوكين
بالتســــــعتعش .. مْكيّع الشعّار *** كيــــــــف لو بـِتـْدِق بالعشرين !!


[/COLOR][/B][/SIZE]



[COLOR="Red"][SIZE="6"]............... مع كل الحب ومثله معه .................. بيدق .[/SIZE][/COLOR]

[شفيق]

عا راسي خيي بيدق

بخصوص
بذكر قبل ما يصير عمري شهر=تالشعر يشرق من تعابيري

لاحظ ارتباط
تالشعر يشرق من تعابيري=من غصونها جابت تياب الزهر

التاء مرتبطة بالبيت اللي بعدو ولهيك ما استخدمت الواو

شكرا كتير لتقييمك الغالي عليي
أمانة حاول تنزل بكرا عالحفلة

شكرا

[بيدق]

[SIZE="6"]جميل جداً أخي الحبيب شفيق كلامك دقيق الصوره وضحت والمعنى متكامل ........... بعتذر وبرجع عن كلامي بخصوص النقطه إلي ذكرتها ...... التاء بمعنى[COLOR="Red"] ( حتى ) [/COLOR] أو [COLOR="red"]( كرمال )[/COLOR]

=======================

بذكر قبل ما يصيـر عمـري شهـر [COLOR="red"]....( حتى) (كرمال) [/COLOR]....الشـعـر يـشـرق مـــن تعـابـيـري ...... من غصونها جابـت تيـاب الزهـر......وصارت تفرفطهن علـى سريـري

حلوه ............... أخوك بيدق
======================= [/SIZE]