عركة معنّى قصير بين بشار ابراهيم ومحمد شريم وشفيق ديب
|
عركة معنّى قصير بين بشار ابراهيم ومحمد شريم وشفيق ديب
|
22-05-05, 04:49 PM
يلا شباب
حتى بعركــــــات المعنّى نبـــّل ريق..............يا محمد ونفرق الفحم من العقيق مش راح إروي غل طق من العطش...............تا تنزلو عـا سـاحتي انت وشفيق
22-05-05, 05:34 PM
محمد وديب بحور بالشعر الحنون ............. رويو عطش كلمن عاشاطيهُم لفا
منرويك يا بشار من دمع العيـــون ............. عاشرط تدمع عين أشعــــارك وفا __________ تقديري
23-05-05, 05:50 AM
يا فاتح ببيت المعنى راحتك ************* عا حد سيفي ما بتقشع راحتك
قدام أنهاري لا تعرض واحتك **************من حيث أنهاري الغزيري زاحتك في وهم أفكارك مكبر باحتك********** وعا ساحتك طلعت صغيري مساحتك ولو حجمك بيكبر ألف مرة كمان ********** لا بشوفك و لا بنزل على ساحتك
23-05-05, 06:35 AM
هلا بالشباب
[size=9][size=6]هاي الك محمد يا بحر حظّك ما الو عندي نصيب................عرفت الغدر من طبعك وطعمك غريب ما جيت شقّك بالعصا لوما أنا....................ارضع وفا من قبل ما ارضع حليب[/size][/size]
23-05-05, 06:38 AM
وهاي للشيخ شفيق
[size=9][size=9]بيتين غنّي ولبّس الفكرة حرير...............ومتلي أنا دوّخ عقول الالهه لكن اذا مش قد المعنّى القصير..............بتقدر تسيب المعركة لرجالها وهادا الرد : طيلق جناح الموهبي وحاجي غرور................وخلي ضميرك يا شفيق مرايتك ال بيموّن نجوم الفلك خيطان نور..................صعبي يشوفو شخص متل حكايتك[/size][/size]
23-05-05, 06:51 AM
لو كنت ما بتشوفني ,,,حكيي اسمعو,,,,,,,,,,,,,,, ومش كل من ما انشاف قادر تنزعو
الله الكبير سمعت في اسمو سمع ,,,,,,,,,,,,,,,,,,, وما فيك في نظرة عيونك تقشعو معليش يا بشار لا تكتر حكي ********* ولا تخلق بقصر المعنى فذلكي مش معركي لولا نزلت غني معك ******من حيثك بتهرب بنص المعركي
23-05-05, 07:20 AM
بشار كتب:[size=9][size=6]هاي الك محمد
لا إنت موسى ولا أنا فرعون سيب ............ حكي الطفل للشيخ مـا بيناسبو
البيكون عم يرضع وفا يمــــا حليب ............ بيكون بعدو طفل صعبي إنحاسبو _________ تقديري
23-05-05, 07:42 AM
بس لو سمحتو ,,,,,,لازم نساوي الحوار جماعي ,,,,يعني ردة وحدة من كل واحد تلات أبيات أقصى حد ,,,,,,,لأنو إذا استمرينا نحنا التنين عبشار بيصير الحمل تقيل عليه ,,,,
ما هيك بشار؟؟؟؟؟؟؟؟ حبيبي أنت
23-05-05, 07:42 AM
معك شفيق
عا هالحكي صاروا عيوني يدمعو............دمعة حزن عا شخص جهلو ضيعّو قلنا انت بالارض نحنا بالسما.................رب السما ورب الشعر ما بتقشعو دبدب على درب الحقيقة دبدبي............وركّز معي تا تشوف سر الموهبة دشرت معركة الكرامة بأوجها................تا شوفك بأيا مغارة مختبي
23-05-05, 07:53 AM
رب السما بعيوننا ما منقشعو ,,,,,,,,,,,,,,,,,,, ورب الشعر لو ما انشاف بموقعو
بيكون ميت متل فضل حكايتك ,,,,,,,,,,,,,,,,,,,,,,,,وقيمة وجودو انحرقت وماتت معو لولا بمغارة شفتني بجهل انحظر ,,,,,,,,,,,,,,,,,,,,,,,,,,,هلق بقلك وين بيتم النظر هيدي المغارة الحضنت الفادي الحبيب,,,,,,,,,,,,,,يما اللفي عليها الإمام المنتظر
23-05-05, 07:58 AM
يا شفيق أخلق من الفج الغميق ................ حجه بدل حجة آلـــــه المُقتدر وأنت يا بشار تــــــــاتلمح شفيق ................. بدك عيون مميزي ببعـد النظر ___________ تقديري
23-05-05, 09:20 AM
محمد
بكلمة طفل ما فيك عقلي تحرجو ...........طفل المغارة الرب ذاتو توجّو وما زال صعبة تحاسبو رح بسألك............ليش الخليقة ماشية عا منهجو
23-05-05, 09:38 AM
عامنهجو مشيو بعد ســن الكبر ............ لما شفي الأعمى ومشي حدو الكسيح
وانت لو عامنهجك مشيو البشر ............. كان انقرض ديـــن النبي وديـــن المسيح _______ تقديري
23-05-05, 10:06 AM
شفيق
رب الزجل لو غاب تا تشوف العبر..........بتضل عينو عليك من كتر الوفا وحتى اذا بتنكر جميلو المعتبر...........بيسهر تحتى تشبع عيونك غفا يا ارنب العامل زعيم بغابتك..........من هالحكي عين السخافة صابتك هيدي المغارة الكنت فيها يا شفيق.......شفت فيها حضرتك وعصابتك
23-05-05, 10:41 AM
انحكيت يا بشّار أحكي عـاأصول ............عُصبهِ حسبنا مش عصــابي بيقتلو
وما زال رأيك هيك فينا عم تقول ............ شو مقعدك معنا بهالمشتى الحلو __________ تقديري
23-05-05, 02:26 PM
محمد
[size=9]كان انقرض دين النبي لا تعيدها.........تعبت الفكرة من كتر ترديدها شو ذنبك ان بالفلسفة طالع نبي......وتوب الوجاهة لبستني بايدها[/size]
23-05-05, 03:26 PM
مرحبا للجميع
الأخ محمد شريم وشفيق أنا آسف على التدخل ولكن أنا شايف إنو تنين على واحد تقيلة نوعاً ما مشان هيك أنا برأيي تكون تنين على تنين إذا ما عندكن مانع طبعاً في حال الموافقة ردولي على هالردة يا ديب وشريم لي جيتو تدعو 000000000 وتتمرجلو وتطاولو ما بتخدعو شاعر متل بشار سيد موقعو 000000000 بيقدر يذل المعتدي في مطلعو هلأ أنا جيت وعم بقلكن تعو 0000000 00 لجاي عا بالو يموت مش رح بمنعو بشار وحدو بينسمى جوقة زجل0000000 كيف هلأ صار بو عمرة معو طبعاً كل مزح ومنبقا أحباب وأنا جاهز لأي قرار بتتخذوه باي
23-05-05, 03:29 PM
إلى بشار
لو كنت ساهر عا غيوم ملبدي ,,,,,,,,,,,,,,,,,,يا محل,, نفسك بالهزيمي مكبدي وموضوع صحوة ونوم لما بينذكر,,,,,,,,,,,,,,,,,,,,,,,,,,,,بتنام يا بشار نومي مأبدي لو شفتني عا جنب ناس بمنزلي,,,,,,,,,,,,,,,,,,,,,,هو مش عصابي جانيي يا مبتلي هودي البقلب مغارتي اتخبوا كتير,,,,,,,,,,,,,,,,,,,,,سلطان باشا الأطرش وصالح علي
23-05-05, 03:37 PM
إلى محمد
جوقة زجل بشار,,,,سامع شو انقال؟؟؟,,,,,,,,’’’’’’’,,,,,,,يا محمد "بعركة قويي بالقتال" بشار هيدا الناقصو يشرف عمر ,,,,,,,,,,,,,,,,,,,,,,,تا نقول "يا ماحلى الرجولي والرجال"
23-05-05, 04:12 PM
بشار كتب:[size=9]كان انقرض دين النبي لا تعيدها.........تعبت الفكرة من كتر ترديدها طالع نبي يا بو الوهم والسرسبي ............. دجال متلك والفرق رح قول وين هوي بفرد عين ادعى إنـــــــو نبي ............. وإنت بالكذبه مفنجـــــر عينتين __________ تقديري |
|
« الأقدم التالي | الأحدث التالي »
|
