عركة معنّى قصير بين بشار ابراهيم ومحمد شريم وشفيق ديب

[محمد حسن شريم]

مرحبا للجميع
الأخ محمد شريم وشفيق أنا آسف على التدخل ولكن أنا شايف إنو تنين على واحد تقيلة نوعاً ما مشان هيك أنا برأيي تكون تنين على تنين إذا ما عندكن مانع طبعاً
في حال الموافقة ردولي على هالردة
شفيق وشريم لي جيتو تدعو 000000000 وتتمرجلو وتطاولو ما بتخدعو
شاعر متل بشار سيد موقعو 000000000 قادر يذل العدو بمطلعو
هلأ أنا جيت وعم بقلكن تعو 0000000 00 لجاي عا بالو يموت مش رح بمنعو
بشار وحدو بينسمى جوقة زجل0000000 كيف هلأ صار بو عمرة معو

طبعاً كل مزح ومنبقا أحباب وأنا جاهز لأي قرار بتتخذوه
باي
ولهان الزجل جــــــــــــــــبــــــــــــــيـــــــــــــــــل

بشار في جوقة زجل جايي تقيّس ............ كلمهِ لاقنعت لا حليـــــف ولا عدا
لا في عرس شفناه هنالــو عريس ............ ولا ندب ندبة حزن في مأتم حدا

___________
تقديري

[شفيق]

بشار يا محمد مغني عا أصول,,,,,,,,,,,,,,,,,,,لكن مافي عندو لا فخر ولا قيم

عامل رئيس بجوق بيدق الطبول,,,,,,,,,,,,,,,,,,,وبيرقص وبيزمر بقلب الخيم

[محمد حسن شريم]

جبيل مع بشار ردو عاأصــــول ............. من بعدنا الرده بتلحين وأمل
معليش لو غنو ودقو عالطبول ............. لكــــــن ورانا تالحفلهِ تكتمل

__________
تقديري

[بشار]

الك يا شفيق ,

شفيق انت ومحمد من فضلكن خلونا بالموضوع وردوا على جبيل بس يكتب معنّى لأنو رديتو عليه اكتر من مرة.

لولا حياتي بينتهي مشوارها...................بتنقز دموع الخمر في فخّارها
ولولا اندفن جسمي بارضك يا شفيق.......بزرع حنين العاطفة بحجارها



رجال البطولي يا حبيبي صونها.......ما فيك توفي نذورها وديونها
فيهن وطنّا شاف حالو وحضرتك......مطلوب للدولة بحكم قانونها

[شفيق]

بشار,,,,,

بشار عامل جسمك لأرضي غدا ,,,,,,,,,,,,,,,,,,,,,,ولولا قبرتك بالجبال وبالودى

روحك لحتى تحصد اللي زارعو ,,,,,,,,,,,,,,,,,,,,,بتروح عا مطرح ما بيحبو حدى




صالح علي وسلطان بالمجد الأصيل ,,,,,,,,,,,,,,,,,,,,,,,,,, فرنسا بتطلبهن لشنقن يا زميل

وهيكي لشنقي يا رفيقي طلبتني,,,,,,,,,,,,,,,,,,,,,,,,,,,ما كنت حاسب يطلع رفيقي عميل

[بشار]

محمد

دجال لولا قلتها بعدّك غبي.....لشاعر معاني فكرتو بتسبي سبي
من قبل ما تغلط بحقي بالكلام............ قولها قبلي لجبران النبي

[بشار]

شفيق

[size=9]جسمي زرع ارض البطولة مفاخرة...عا مسرح الدنيا بعقيدة زاخرة
وروحي اذا بتطلع على الجنة كمان.....بتعرف تصون حقوقها بالاخرة


[B][size=9]بكلمة عميل الغدر في عينيك بان...وما زال غدرك صار ظاهر للعيان
مش بس وحدي كل حر بهالوجود....بيكبر اذا بيسمع مذمة من جبان[/size][/size][/B]

[بشار]

شفيق

عفوا بكلمة عميل

[محمد حسن شريم]

دجال لولا قلتها بعدّك غبي.....لشاعر معاني فكرتو بتسبي سبي
من قبل ما تغلط بحقي بالكلام............ قولها قبلي لجبران النبي

بجبران صابك متل قرعه بالسؤال .............. عن شعرها والمتـــــل حكيــــوه الجدود
قالتلهُن بالشعر عندي بنت خال .............. شعرها عبي وخمسه بعينين الحسود

__________
تقديري

[بشار]

محمد

بالفكرة ال فيها نبوغ وابتكار...........فكرك لوحي محمد السيّد اعتاز
قال المتل لا يزت عالعالم حجار.......البيكون عندو بيت حيطانو قزاز

[محمد حسن شريم]

فكري فطين وما احتجت فكر الفطين ............... مش متل فضلك من الجوع تحسّرو
بيتي قـــزازو قــــزاز المـــاس الثمين ............... بتكسّر سنانك قبــــــل مــــا تكسرو

____________
تقديري

[شفيق]

للمعلم بشار..............

من هيك ردة بالضعف متحمصة ,,,,,,,,,,,,,,,,,,,,,,,عا قمح أشعارك ما أحلى الحمصة

روحك بدار الاخرة بتنزل نزول,,,,,,,,,,,,,,,,,,,,,,,,,,,من حيثها بجسم الغبي متقمصة





ما شاالله بتحب أنو يبهدلوك ,,,,,,,,,,,,,,,,,, مش صعب بعد شوي أنن يركبوك

ما زالك بتكبر بسبسبة البشر ,,,,,,,,,,,,,,,,,رح جبلك القراء حتى يسبسبوك

[بشار]

محمد


كنّا افتكرنا بيتك الشامخ عنيد..........ومصنوع من الماس هارون الرشيد
ولما شمس اشعارنا شرقت عليك ......عرفنا الحقيقة بعد ما ذاب الجليد

[بشار]

شفيق

شعر الضعف ما بغزلو عا مغازلي.........عينك على سر التجلي سوقها
مش هم كنها طالعة او نازلة.............بيهمني بتعرف تصون حقوقها


شعر الاهانة بالقلب لا تحجرّو..............ضلك معي تا اكشف السر الاخير
من خلقتو يلّي ضميرو مأجرو..............بيظن كل الناس ما عندن ضمير

[محمد حسن شريم]

كنّا افتكرنا بيتك الشامخ عنيد..........ومصنوع من الماس هارون الرشيد
ولما شمس اشعارنا شرقت عليك ......عرفنا الحقيقة بعد ما ذاب الجليد

جليدي نهور الأرض عُمرو ما حرم ............ مظبوط ذاب ومعـــك كفــى الواجـبــــات
ولوما يدوب جليدنـــــا ال كلو كرم ............ بتموت حسره وعطش مستني الحياة

___________
تقديري

[شفيق]

لبشار

قضيت عمرك بالجنا مش بالجنا ,,,,,,,,,,,,,,,,,,,,,,, وعالحالتين مسوكرة القصة لنا

لو طلعت رب الكون بدو يحرقك ,,,,,,,,,,,,,,,,,,,,,,,,,,, ولولا نزلت رح بقلع عيونك أنا





حاجي تنقل بالحكي تا نقشعك ,,,,,,,,,,,,,,,,ذكرت الجهل قبل الجبن ,ما منسمعك

ذكرت الأرانب وذكرت نقص الضمير ,,,,,,,,,,,,,,,,,,,,,,,,اثبت وصفي شاعر,,بغني معك

[عمر]

يا جبيل صوتك وين تايشق الفلك 000000000 طيلقو من الصومعة وضوي الحلك
ورجف محمد مع شفيق بعركتك 000000000000 رجفة عبد ساعة ما يتنحنح ملك

[بشار]

محمد

كتف يمينك في شمالك واكتفي.........نهورك انت سر الحياة بهالوجود
بس اللي بيشرب من نهور المعرفة......بيسجلو التاريخ عا جبين الخلود

[بشار]

يا جبيل كلك زوق بالظرف الدقيق.............و بالشعر ماعمرك تركت عليك دين
بدك تخبط في محمد او شفيق ؟.......................من جهتي مقرّص عجينات التنين

[شفيق]

بشار

بشار بتقرص عجينات الشباب ,,,,,,,,,,,,,,,,,,,,,, لكن بتركع حدنا كواع و ركاب

ضلك عم تقرص بكفينك عجين,,,,,,,,,,,,,,,وخلي الرقاب لناس بتفكفك رقاب