المشاركات: 631
المواضيع: 184
تاريخ الانضمام: Jul 2004
السمعة:
0
[SIZE="6"][COLOR="Red"]
طبعاً شو ما حكي الواحد عن اللي صار مبارح قدام اللي نحكى من قبل هل الشعراء الكبار بدو يطلع بسيط , مشان هيك رح خلي الصور تحكي شوي بركي بتنقل جزء من أجواء هل الأمسية الرائعة , وأكيد التواجد والسمع غير الصور . وخلال اليوم رح نحط مقتطفات من أهم الكلمات اللي نقالت خلال الأمسية .
كانت قاعة كنيسة السيدة مع غيبة الشمس بالمشتى بتغص بالحضور من قبل ساعة من التوقيع , الحضور اللي تواجد خارج القاعة كان اكتر من بالداخل ...أخوية مار الياس قامت بالترحب بالضيوف وتنظيم الحفل وبيع الديوان ..ع المنصة الشعراء محاطين باقات ورود من المحبين , مع خلفية كبيرة لعنوان الديوان .وصورة للشاعر الكبير سعيد عقل مع عبارة ترحيب بممثل الشاعر .
الآنسة فرات جرجس عم بتقدم الشعرا والمتكلمين بأبيات شعرية مميزة وأداء لطيف وجذاب .
الكلمة الافتتاحية والترحيبة كانت للأب مروان الحلو . ومن ثم الأستاذ عدنان بدري الحلو ثم الشاعر رفيق روحانا تلاه الشاعر وليم الحسواني وبعدن الشاعر ألبير حرب ثم الشاعر موسى زغيب وفي الختام كلمة صاحب الديوان الشاعر حسان بسطاطي .
ثم بعض الكلمات الشعرية من المحبين والضيوف وفقرة غنائية للفنان عبد الله مريش .
تلى الأمسية حفل كوكتيل في دار كنيسة السيدة تم قطع قالب الكاتو على شكل الديوان وشرب الحاضرين والمحبين نخب الشاعر والشعر .
ثم دٌعي بعض من الضيوف والمحبين للعشاء في مطعم الكرم .
من إدارة موقع مشتاوي نتقدم بالتهنئة للشاعر الكبير حسان بسطاطي ابن المشتى الغيور مع تمنياتنا له بدوام التوفيق والتميز وع قبال التواقيع القادمة لدواوين بتشه اخوها البكر وأحلى أن شاء الله .[/COLOR][/SIZE]
[SIZE="6"][COLOR="Blue"]لمشاهدة بقية الصور الرجاء الضغط على الوصلة التالية : [/COLOR][/SIZE]
[URL="http://photos.mshtawy.com/thumbnails.php?album=14"]http://photos.mshtawy.com/thumbnails.php?album=14[/URL]
رامي خوري - مشتى الحلو
16/10/2009
أنـــــــــــا مشتــــــــــاوي
المشاركات: 631
المواضيع: 184
تاريخ الانضمام: Jul 2004
السمعة:
0
كلمــــــــة الشــــــاعر ألبيـــر حـــرب
[SIZE="6"]كلمــــــــة الشــــــاعر ألبيـــر حـــرب [/SIZE]
[COLOR="Blue"][SIZE="6"]
![[صورة: normal_hassan_%288%29%7E0.JPG]](http://photos.mshtawy.com/albums/userpics/10002/normal_hassan_%288%29%7E0.JPG)
بين الحلا و دمعة مرا
لما الوحي صوتو مرق
هر الحكي من المحبرة
و صار الزمن كمشة ورق
*******
حسان بسطاطي ... بيعيش بالكلمة الحلوة.. و بيموت بعيون الحلوين
بينزعج من طلوع الشمس.. لأنا بترسم طلوع التراب.. و هو خلق تيعيش فوق
هوي الساحر اللي بيدلق عالسهرة شوية نبيد .. بيبنج الجمر.. و بيشعل شفافا
كلما كمش قلم ت يكتب قصيدة.. بتتجعلك الورقة تحت صابيعو... لأنو
بيكون عم يفرفك عيون الشعر... ت يوعي الحلم الما بيغفى إلا ع الورقة..
*****
حوالى بيتو... ما في جنينة زهور... من دعسة الطفل العرياني... بيزرع زنبق .. و من بسمات الحلوين بيجمع زرار ورد... و بيقلن بعد ناقص زرين. ت يصيرو
ع عدد حبات المسبحة البيصلي عليها بيوت الشعر ... و لا تسألني وين بيصلي ... فتاح كتابو.. ع كل صفحة في باب كنيسة..
بيوت العبادة .. للصلا و الصوم
شو هم ... كترو الناس أو قلو
حروفك بجيرة هالكنيسة اليوم
أكتر من الانسان بيصلو
*******
الابداع عندك ... حب بعناقيد
تخمر بغفوة جرح عنابي
ع مرقدي... حجرانها ضبابي
و حتى الفضا ينقط جمر و نبيد
عصرت السما و نسيت الخوابي
******
نصبت القوافي بهالمدا... خيمة
و تالشعر يلبس شي عبا رقيقة
متل العمر... ال بيلبس دقيقة
بتنشر تياب الحرف عالغيمة
و قوس القدح ... بيصير تعليقة
******
كتابك رسم بالدمع و المشاوير
و لم الورق كلمات محترقة
فيها جمر بردان عالفرقة
و لما وجع الحرف طلع زغير
نقط جرح يسوع عالورقة
********
شو بنشبهك يا رب بالتكوين
انت بسما و ايمان و محبي
و نحنا بشعر... هالكون منعبي
انت بتخلق انبيا للدين
و نحنا منخلق ألف متنبي
******
قبعت الوحي من كون بالطين انجبل
حبست البحر بالغيم ... بلش بالبكي
قرصت التراب بغفوتو ورّم جبل
عصرت الزمن فوق الورق .. نقط حكي
*******
الحلوة اللي صوتها غص و سكوتا حكي
لما رموشا بدمع عينا تبللو
استأجرت لون عيونها بلحظة بكي
استحليت اسكن يوم هالمشتى الحلو[/SIZE][/COLOR]
[/align]
أنـــــــــــا مشتــــــــــاوي
المشاركات: 631
المواضيع: 184
تاريخ الانضمام: Jul 2004
السمعة:
0
[SIZE="6"]
[COLOR="Blue"]من كلمة الشاعر رفيق روحانا
صاحب ملكوت الشعر
![[صورة: normal_hassan_%281%29%7E0.JPG]](http://photos.mshtawy.com/albums/userpics/10002/normal_hassan_%281%29%7E0.JPG)
مشتى الحلو مشتى و بس!؟ مين قال! ............. ل فصول كلا هون. هون الصيف
معرّم بساحاتا برود جبال ............. مش بس نسمات... و ليالي كيف
و الخريف بيادر بتنشال ............. عكفوفها مواسم كرم للضيف
و الربيع طيور... زهر غلال ............. طبعت عيون العطر لون و طيف
و بالشتي مشتى حلو... و نيال ............. قلبن نبيد و جمر و شفاف
و شعر... و بيوقف ع حدو السيف
****************
نبيد و جمر و شفاف !.. ون كان فيك ............. هدّي... و شوف لوين بتوديك
نبيد!... ع الكهف اللي كلو جرار............. مطرح ما دمع الكاس بينسيك
دمع التعب.... و بيتعب الخمار ............. ل همّو مع الحلم الحلو يخلّيط
و جمر! بيوديك صوب النار ............. ل ما بتحرق حفافيك... بتدفيك
رقص اللهب يكتب بلا شحتار ............. أروع من اللي بتحلمو قوافيك
و شفاف!ّ... الله ... الجمر بيغار ............. و نبيد قلبو يطق تا يسقيك!
ما عاد هوّي اللي بيقول: سكار ............. شفاف! النبيد كّو... الجمر كلّو...
من نوم بارد بوستا توعيك
***************
حسان جايبلك معي الملكوت ............. و لو كنت بقدر جبت عشقوت
و بيروت يلي تاجن الانسان............. لا شارع... و لا حجار صارو بيوت
لبنان بيحييك يا حسان ............. ع قلوب شعّارو تفضل فوت
بتستقبلك خفقة وفا و وجدان ............. و شعر... هون بيكمل التالوت
لبنان... شعارو إلك إخوان ............. كرمالك بيبنو القوافي بيوت
و ما بينسو مواقفك كف كان ............. شعرك يزهّر الضجي سكوت
حسان. إسمك للوفا عنوان ............. خيالك ع حنوات الصخر منحوت
و الصخر هوّي قلب لبنان ............. و انت يا حسّان كلك قلب
ينبض شعر... و الشعر ما بيموت [/COLOR]
[/SIZE]
أنـــــــــــا مشتــــــــــاوي
المشاركات: 631
المواضيع: 184
تاريخ الانضمام: Jul 2004
السمعة:
0
كلمة الأستاذ عدنان بدري الحلو
[SIZE="6"][COLOR="Blue"]كلمة الأستاذ عدنان بدري الحلو
![[صورة: normal_hassan_%2812%29%7E0.JPG]](http://photos.mshtawy.com/albums/userpics/10002/normal_hassan_%2812%29%7E0.JPG)
بحضور شعراءنا الكبار بيستحي الحكي.. بس لا بد من كلمة صغيرة.. والكلمة الصغيرة بتكبر بحسان.
حسان اللي ولد ببيت عتيق قدامو مصطبة وديلة وكام شتلة حبق.. وربي بين مغارة الضوايات وجبل المشتى والشقفان الكبار.. بين نبع العروس وغبيط القرمة.. بين الطريق الغربي وتلة الزعتر وجبل السيدة.
حسان اللي كان يتسابق مع رفقاتو بفرصة المدرسة عالشرب من الأنبوب تحت الدلبة.
حسان اللي كان ينام ويفيق عصوت جرس الكنيسة... الحامل بذاكرته المرفع والشعنينة وصلاة الختم والجناز والهجمة ... وبعدون رهموجة عيد الصليب.
حسان اللي انصلب من بيت أهلو مسيحان..
حسان هادا ماممكن يكون إلا شاعر ..
شاعر بيحمل صليب الشعر:
حامل صليب الشعر عاجلجلة هالكون
غنى الدني كلا
ووصل عند ألله
فوق التقى بعبقر
عا منبع الكوثر
جابو معو لاهون
قلو: تعا نسكر
صب القصايد عطر
شفاف ونبيذ وجمر
من ألف لون ولون
******
قالوا شفاف وخمر
بيكفي..
لشو النيران!
بيبقى شقي حسان!
ما علمو هالدهر
إنو يدفي لسان؟
*****
قلن: شو نفعو الشعر
الشعر لي مانو سلاح
لمانو سيوف مشرعه ورماح
تدافع عن الإنسان ضد الظلم والقهر..
متل للي عندو نسر
وهالنسر مالو جناح
*****
حسان المغرد
عمرك لا تتردد
خليك متمرد
خليك متل النمر
متل النمر بتفز
وقول للي مابينقال
هالوطن بدو رجال
والعمر وقفة عز
[/COLOR][/SIZE]
أنـــــــــــا مشتــــــــــاوي
المشاركات: 98
المواضيع: 15
تاريخ الانضمام: Mar 2006
السمعة:
0
[SIZE="5"][COLOR="Blue"]يا حسان بعـــد إذنـك سمـحـلي
بيت قصـايدك اسكـــن شو مستحلي
بكتاب اختصر ابجـــدية عــصور
لعيوني بسرق من حرفك الكحـلة
هيدا قرص شهد من أزكى عطور
تعبت فيه اكتــــــر ما تعبت النحلة
اللي تنقلت بين الروابي و الزهور
والفرق بيناتكن بمســــيرة الرحلة
النحلة راحت تجمع ورد معصور
وانت قرصت شهــدك من ارض محلي[/COLOR][/SIZE]
المشاركات: 731
المواضيع: 92
تاريخ الانضمام: Jun 2005
السمعة:
0
ألف مبروك ...
[SIZE="7"]
[COLOR="Red"]يا أبو روكز
عالزجل لا تخاف ...
ولا تقول
من بَعـدَك مَقامو زاف ...
مازال
أوَّل وَلـَد لَ حسّـان ...
مَعْـمود بِ
( نبيد وجمر وشفاف ) !!![/COLOR]
[/SIZE]
[SIZE="6"]
ألف ألف مبروك يا شاعرنا الغالي ...
انشالله بتتعَبَّى مكاتبنا بدواوينك ...
بكل الحـب
أنهل دبس
[/SIZE]
لـَيتني أستطيعُ أن أجعَـلِ قلبي هَيكَـلاً , ونـَفسي مَـذبَحاً , وعَـقـلي كاهِـناً.
المشاركات: 631
المواضيع: 184
تاريخ الانضمام: Jul 2004
السمعة:
0
[SIZE="6"][COLOR="Red"]كلمة الأب مروان الحلو
في البدء كان الكلمة والكلمة كان عند الله وإلهاً كان الكلمة . ويسوع الكلمة المتجسدة التي غلبت الموت ، والتي طلبها قائد المئة " قل كلمة فيشفى ابني " .
والكلمة سقطت على شاول وغيَّرت حياته وجعلته رسول الأمم وصارت الكلمة التي يرسلها بولس يؤمن بواستطها كثيرون ، وهذه حُمِلت إلى العالم فكانت قوتها تجذب الجميع إلى حظيرة الرب .
والكلمة الآن بجمالها ، بمعانيها ، وإبداعها تدخل عبر الأذنين فتفعل وتحرّك وتوقظ ، وتلهب المشاعر ، تغني وتنشد مجالات الكون المخلوق ، وبقدر ما تكون صادقة المصدر والتعبير بقدر ما هي مؤثرة .
كم من شعر حرّك المشاعر وأيقظ النفوس الراقدة في شغف العيش ولهو الحياة ، والزجل الذي يمس بصدقه مسيرة الكون ويترجم أحاسيس الجميع وصفاً ونقداً ومدحاً وذماً ، سنراه في ديوان الشاعر حسّان بسطاطي ، ونسمع من حوله ، من مهندسين الكلمة ، من لبنان ، من بلد الإبداع والإيحاء .
وأقول لسيادة المطران جورج خضر عجّان الكلمة وخبّازها ، الذي قال في مقاله " لبنان الإلهي " إن لبنان الأرض أجمل من اللبنانيين وأشتهي أن يكون اللبنانيون أجمل من طبيعته . أجيبك بتواضع عبر الأثير . قرّ عيناً فإن الآن في مشتى الحلو في القاعة التي أحببت وسمعنا منك كلمة الحياة لأن الراهب الصغير يقول للراهب الكبير أعطني كلمة لأحيا .
ففي مناسبة توثيق ديوان حسّان بسطاطي ، سيبزغ فجر جمال الإنسان على جمال الطبيعة ، بما نسمع من نخبة من شعب لبنان من شعراء أهمّ المنابر ، سيعرض على مسامعنا على شاشة الزجل ، جمال الإنسان وألقه في سورية الأسد ، ولبنان الحبيب بالكلمة التي كانت منذ البدء ولا تزال تعمل في خلق الله .
وأنت يا حسان يا مجمّل المناسبات ومحرك المشاعر فيها ، بالكلمة المعبّرة ، أقدّم لك محبتي ومحبة مجلس رعية مشتى الحلو ودعاؤنا إلى الله أن يعطيك نعمة فوق نعمة لتقول الكلمة وتحرّك فيها كل سكون وفكر نائم ، والله معك .
وأهلاً بكم جميعاً حضوراً أو مستمعين
في صالة كنيسة مشتى الحلو
كاهن رعيّة مشتى الحلو
الأب مروان الحلو[/COLOR][/SIZE]
أنـــــــــــا مشتــــــــــاوي
المشاركات: 3
المواضيع: 0
تاريخ الانضمام: Feb 2009
السمعة:
0
اول مشاركة ..... فاعذروني على التقصير
[SIZE="6"][COLOR="Blue"]الاخوة الافاضل والزملاء الاعزاء في هذا الموقع الرائع والجميل
كنت و لاازال من المعجبين جدا بهذا الموقع ولادارته واعضائه وشعراءه
وكنت متابعا شغوفا وقارئا جيدا لنصوص وقصائد شعراء موقعكم الاعزاء
وقد وجدت بينكم اسماء اعتز بهم كثيرا ولي ذكرى عزيزة على قلبي معهم
وتوطدت علاقتي بالمشتى بعد ان زرتها بحفلة الشعراء الاساتذة ( شادي وحسان ومعن وشفيق )
واستمتعنا كثيرا بالحفل وبالمشتى واهاليه الكرام واشكرهم على حسن الضيافة والاستقبال واخص السادة ( رامي مدير الموقع والعزيز انهل وكابي وحسان ووالدته الغالية وبسام البسطاطي وغيرهم مما لم تسعفني الذاكرة باسمائهم
وقد وجدت الفرصة المناسبة لاشارككم هذا الفرح الجميل وبأول مشاركة لي لابارك لاخي وصديقي الشاعر حسان بكتابه الجديد وحقا استمتعت كثيرا بالكلمات التي القيت بالحفل وسعدت جدا لهذا الحفل الرائع
فاسمحوا لي بهذه الكلمات المتواضعة بين هذا البحر العارم والمليء بالكبار
*********************************************
[/COLOR][/SIZE]
[poem=font="Arial,7,darkred,bold,normal" bkcolor="transparent" bkimage="" border="none,4," type=0 line=1 align=center use=ex num="0,black""]
كان الوحي عن قصد بكتابي=يرسم بقوس القزح بوّابة
مرة هرب منها وانا غفيان=وبكْيت قوافي الشعر بالخابي
لوّنت قوس القزح بالأحزان=مشْحات سودا وشالها حْجابي
مدري الوحي عا غيبتو زعلان=مدري ماضلّ سْطور بحسابي
=*************
و راح الوحي تا يقسّم الأكوان=( نْبيد و جمر و شْفاف ) بغيابي
و من وقتها عا غيبتو سهران=ناطر طلوع الضوّ سرسابي
و قدّيش متمني على حسّان=يقدف شي موجة تْحرّك عْبابي
كلما الوحي يرسم على الشطآن=( نبيد وجمر وشْفاف ) بكتابو
=بْتعْلَق حروف الشعر ع كْتابي [/poem]
المشاركات: 3
المواضيع: 0
تاريخ الانضمام: Feb 2009
السمعة:
0
[poem=font="Arial,7,blue,bold,normal" bkcolor="transparent" bkimage="" border="none,4," type=0 line=1 align=center use=ex num="0,black""]
ع المشتى ألله تخمين = إسْمو الفعلي مش عاطي !!
بتْقولوا مشتى الحلوين= و هوّي مشتى البسطاطي
=******[/poem]
[poem=font="Arial,7,darkred,bold,normal" bkcolor="transparent" bkimage="" border="none,4," type=0 line=1 align=center use=ex num="0,black""]
كلْما ع الموقع عم فوت = يا ألله شو بتْذكّر ؟؟!
لمّن كنّا بالياقوت = وبالالماس وبالجوهر ...
نبني للشّعّار بْيوت= و معهن كل ليلة نسْكر
وعا درب الشام و بيروت =نزرع خشْبات المنبر
=***
اسْقالله ع (شريم ونبّوت)=اسقالله ع( جعفر حيدر)
اسقالله ع ذكرى بتْموت =بتبكي علينا و تتْحسّر
و ب تْئنّ بقلب التابوت = بتنْده( فاتح) تايظهر..
و(راجح)من غيب اللاهوت=يرجع وبْإيدو (ساطي)[/poem]
[poem=font="Arial,7,blue,bold,normal" bkcolor="transparent" bkimage="" border="none,4," type=0 line=1 align=center use=ex num="0,black""]
ع المشتى ألله تخمين = إسْمو الفعلي مش عاطي !!
بتْقولوا مشتى الحلوين= و هوّي مشتى البسطاطي
=******[/poem]
[poem=font="Arial,7,green,bold,normal" bkcolor="transparent" bkimage="" border="none,4," type=0 line=1 align=center use=ex num="0,black""]
كْتابك ع الدلبة مرسوم = صورة عن روح الانسان
بجمرة وخمرة عم بتْحوم= و شفّة بتْغبّ القصدان
وصاروا تْنين بْوجه عْموم= الدّلبة و كْتابك حسان:
متل الْ خلّد أمّ كلتوم= بلحن رياض السنباطي!![/poem]
[poem=font="Arial,7,black,bold,normal" bkcolor="transparent" bkimage="" border="none,4," type=0 line=1 align=center use=ex num="0,black""]
كان الانسان الشيطان=خاطي بْأفكارو الشتّى
و خلّى هالمشتى غضبان = 12 دهر و ما شتّى
و تايرجع يبقى انسان =استنّى بالمشتى حتّى:
كْتاب البسطاطي حسّان=يشتّي ع ذنوب الخاطي[/poem]
[poem=font="Arial,7,blue,bold,normal" bkcolor="transparent" bkimage="" border="none,4," type=0 line=1 align=center use=ex num="0,black""]
ع المشتى ألله تخمين = إسْمو الفعلي مش عاطي !!
بتْقولوا مشتى الحلوين= و هوّي مشتى البسطاطي
=******[/poem]
![[صورة: normal_hassan_%2816%29%7E0.JPG]](http://photos.mshtawy.com/albums/userpics/10002/normal_hassan_%2816%29%7E0.JPG)
![[صورة: hassan_%289%29%7E0.JPG]](http://photos.mshtawy.com/albums/userpics/10002/hassan_%289%29%7E0.JPG)
![[صورة: hassan_%283%29%7E0.JPG]](http://photos.mshtawy.com/albums/userpics/10002/hassan_%283%29%7E0.JPG)
![[صورة: 93t51386.gif]](http://up.7cc.com/upfiles/93t51386.gif)
![[صورة: 42351386.jpg]](http://up.7cc.com/upfiles/42351386.jpg)