البرباره

[سمير هلال]

[COLOR="Blue"][SIZE="5"]كنا ولاد وننتظر هالعيد ..... تندور من حاره على حاره

ونشحد حسب ما حلّل التقليد ..... والليل كلّّو يمرق دواره

نلبس مصاخر متل ما منريد ..... وبساحت التهريج نتبارى

نتنكّر ومع مظهر التشريد ...... نظهر وقاحت عين بصّاره

بيت الكريم نشبّعو تمجيد ...... ونغافلو بأكتر من زياره

وبيت البخيل نحمّلو تهديد ...... ونراشقو مسبّات وحجاره

نغنّي لبرباره سوى ونعيد ...... ونقول قدّيسي يامختاره

طالع أبوكي عالجبل لبعيد ....... منشان فيكي يشعّل الناره

كبرنا مع العمر بزمان جديد ...... وعينا وصرنا نشوف يخساره

شكل التنكّر كيف عم بيزيد ...... والأقنعه عوجوه بعض الناس

كل يوم ألها عيد برباره [/SIZE][/COLOR]