وينو سمير هلال

[الموعي]

[size="5"]قبلك شفيق الديب عا دراج الخيال............................................غربل رمالو والقمح شافو رمال.

صرلو عشر تيام غايب بالكمال ..............................................وهلق إذا بتغيب متلو يا غزال

بجيبك سمير هلال عا هالمنتدى ......................................... بردك عمعلولا سمير بلا هلال[/size]

[سمير هلال]

[COLOR="Blue"][SIZE="5"]
بالمنتدى قبلك أنا حظي كبير ........... تتجيبني جايه لعندي بالأخير

مش همّ لو أرجع سمير بلا هلال .......... البيهّم ما يبقى الهلال بلا سمير


يا هلا بالموعي يا ماسح دموعي عذرا عالتأخير . تحمّلني [/SIZE][/COLOR]

[الموعي]

[size="5"] بهدي هلالك للخورنق والسدير.............................................وبشطب الهاء الأولي ولام الأخير

وبرجع بضيفن عا سمير وعاهلال ........................................بيصير اسمك لا هلال و لا سمير[/size]

[سمير هلال]

[COLOR="Blue"][SIZE="5"] منشان تحصل عانتيجه تنفعك ....... خلّي صدى أسمي صحيح بمسمعك

طلّعت أسمي لا سمير و لا هلال ....... و لا أسم الله بعتقد يطلع معــــك [/SIZE][/COLOR]

[الموعي]

بيطلع أسم الله بروحي المخصبي ................................بعطر الصلا بشهقات نجمة مدهبي

وطلَََعت اسمك لا سمير ولا هلال .................................وساعة مبدَّي عالدني بنزّل نبي

[سمير هلال]

[COLOR="Blue"][SIZE="5"]منحروف أسمي أسم الله طلّعو .......... وطفل القناعه عاكتافك طلّعو

ساعة ما بدّك عالدني تنزّل نبي .......... صوب السمى بعدين شو بيطلّعو [/SIZE][/COLOR]

[الموعي]

طفل القناعة برضّعو تا شبّعو.....................................وقبلي أنا ماشبّعو لي رضّعو

بنزّل نبي يدهب قصايد مرجعو ................................وعا هالدني لي نزّلو بيطلّعو

لكن إنت بطلوعك نزول النبي.................................بينزل عليك وروحك بتطلع معو

[فؤاد يوسف]

[size="6"]الـله الـله شو هاد ياشباب الله يعطيكن العافي
يزيدكن الـله ويديمكن للشعر والزجل [/size]

[سمير هلال]

[COLOR="Blue"][SIZE="5"]كان النبي أيوب عايش متل بيك ......... حتى وقع للتجربي ما بن يديك

روحي متل روحو م فيك تمسّها........... ن مسيّتها بينزل غضب الله عليك [/SIZE][/COLOR]

[الموعي]

يأيوب للي عم تعزف ربابي ................................................................الوعي المفرط مرادف لارتيابي

إذا روحك أخدها جنون معدم ............................................................وشفت حالك نبي عالنور رابي

أنا بقلّك صباح الخير تسلم ..............................................................مبدّي بقفّتك ضيّع جوابي

وعلى نزول وطلوع اليوم افهم .....................................................أنا نزولي دهب أيلول جابي

أنا الغيم وإذا المشوار غيّم ......................................................نزولي حرّ عاشرشف ترابي

وتأسقي قمحك بإحساس مفعم ..........................................من دموع الشتي فضيت جيابي

أنا ضو الشمس بنزل تأحلم ..............................................بحرية الشعاع الإنسيابي

وإنت متل الكهف مهجور معتم.....................................رفضت اعزم حضورك عاغيابي

إنت عنقود عالدالي ملتّم ...........................................بطقم جديد انزل عالخوابي

وعند ماتكبر وتعتق وتهرم ....................................أنا من شيبتك بسقي شبابي

وعذابك صار ياأيوب موسم ..................................يباس الإرتجالي والكتابي

وبمشتاوي من المفروض تعلم

بمعلولا مع النعناع غنّي
وعند متصير أخضر دقّ بابي