12-01-10, 06:20 AM
[SIZE="6"][COLOR="Navy"]رامي نعيم :
-1-
...
خيّك يا طوني ، شلهَبو فكارو
وبجهَل حديثك شو حَمَل
والخَيّْ واحة من الأمَل
لا تفضَحْ بليل القسا سرارو ...
طوني شلهوب :
-2-
لا يْشلِهبو فكارو ، أنا ما بْريد
ذات الجَريمة الرَّب فينا يْعيد
بتِمشي بِصحرا ... بتِندَه وما في جواب
بتعْطش ... بترْكُض وَرا وَهْم وسَراب
والرَّمل ، هِبّْ وْقيد ...
رامي نعيم :
-3-
تَشرَن صِبا تفكيرَك ... وصار المَشيب
ينَهْنِه الرَّدِّة ، ويشهقو حْروف الوَحي
وصَحْرا ظنونك ، ودَّعِت شمس المَغيب
وعُطشان بين سْطور جرَّحْها المَحي
وخايِف عَ مؤمِن ، حَرْقصُو وهْج اللهيب
وجِفن المَجد عا نور كِلماتو صحِي
يا كون شاعِر ... واشْتِهي حَمْل الصَّليب
يا خَزِّق وْراق السَّخافِة ... واسْتِحِي ...
طوني شلهوب :
-4-
مين هِنِّي الخَزَّقوني وما اسْتحُوا ؟
يا رَيْت طيْفُن كِنت بُقدَر إلمَحو ...
هِنِّي الحَدا ؟
ما عْرفت !
هِنِّي الما حَدا ؟
تا يسِرْقوني صَوْت يِرْمُوني صَدَى
وبَعدهُن بيجَرّحو
وبيِشهَدو عَ طلوعْ روحي عالهَدا ...
فَصَّلت روحي تَوْب
لِلكِلمات
وعَلمتهُن عالسَّطر
توْبُن يِشلحُو
ويتشمَّسو تـَ يْنفضو الدَّمْعات ...
يا رَيْت لوْ عا طيْفهُن حِقدي اهْتدَى
هاك الحَدا ...
أوْ ما حَدا ...
هاك العِدا
تا إشنِقن ، تا يِنتِقِم كِبْش الفِدا ...
لكَن إنت ، يا عاشِق الآيات
عْشاق الجَريمة ، الكِلّْ عُمْري مَوْعَدا
هَالعَلقِتني حَيّْ عالخَشبات
انـشفتا قبالي عَم بْـتصْلب غيْر ذات
بْصِير مِتلَك ، جِنّْ فيها وإعْبَدا ...
رامي نعيم :
-5-
لوِّن صَدَى إحْساسَك غناني
وحاجي بَقا تِشلحْ قوافي عار
الشاعِر إذا ما كان إنْساني
جِسم القصيدة الشَّامِخ ، بْينهار ...
لازِم تعاني ... تموت ... تِتخزَّق ...
مِتل وَرْقة مبَهْدلة بِكْتاب
وتشوف دَمْعَك عَالجفن لزَّق
صورة تجَسِّد رَوْعة السِّرساب ...
لازِم تزَيزِق مِتل شي مِفتاح
كِل ما فتحِت صورة
يا عيف دَرْب الجِلجلة وارْتاح
يا كون أسْطورة ...
طوني شلهوب :
-6-
يا رَيت في مَهْرب ...
في شي انكتب بِ حْروف مَحْفورة
واللي انكتبْ
بالغصْب عَنِّي هالدِّني زورا ...
وهَيك دستورا :
تا يْصير حَبّْ الدَّالية بْأيْلولها
خمْرَة وَلا أطيَب
مِن واجْبو بالعَصْر يتعَذب
وفي آخ بدُّو يقولها ...
وهَيكي أنا ، تا تِخلق الصُّورة
وتِخلد مَعي للشِّعر أسطورة
عَ فراش كِلو سْياخ
مجْبور إتقلب
وفي آخ مَخْنوقة ... وما تِعْتب
كِل ما طوَشت الدِّني بْ هَال آخ ...
****
رامي نعيم :
-1-
ضايع أنا ... وشو بحِبّْ هالضَّيعَة
مِتل وَرْقة مْهَوشلة بالرِّيح ...
وأوعَى على ورْدة ، بمَرج ضيْعة
وأنصُب ل نسْمات الوَحي مْراجيح ...
طوني شلهوب :
-2-
ضايع أنا ... ضايع أنا ... صَرْلي
عُمر ، أكْبر مِن عُمُر أهْلي ...
ومِش هَمّْ ، غير العُمر ، عِندي عُمر
تا إلتِقي بْحالي ، عَلى مَهْلي [/COLOR][/SIZE]
-1-
...
خيّك يا طوني ، شلهَبو فكارو
وبجهَل حديثك شو حَمَل
والخَيّْ واحة من الأمَل
لا تفضَحْ بليل القسا سرارو ...
طوني شلهوب :
-2-
لا يْشلِهبو فكارو ، أنا ما بْريد
ذات الجَريمة الرَّب فينا يْعيد
بتِمشي بِصحرا ... بتِندَه وما في جواب
بتعْطش ... بترْكُض وَرا وَهْم وسَراب
والرَّمل ، هِبّْ وْقيد ...
رامي نعيم :
-3-
تَشرَن صِبا تفكيرَك ... وصار المَشيب
ينَهْنِه الرَّدِّة ، ويشهقو حْروف الوَحي
وصَحْرا ظنونك ، ودَّعِت شمس المَغيب
وعُطشان بين سْطور جرَّحْها المَحي
وخايِف عَ مؤمِن ، حَرْقصُو وهْج اللهيب
وجِفن المَجد عا نور كِلماتو صحِي
يا كون شاعِر ... واشْتِهي حَمْل الصَّليب
يا خَزِّق وْراق السَّخافِة ... واسْتِحِي ...
طوني شلهوب :
-4-
مين هِنِّي الخَزَّقوني وما اسْتحُوا ؟
يا رَيْت طيْفُن كِنت بُقدَر إلمَحو ...
هِنِّي الحَدا ؟
ما عْرفت !
هِنِّي الما حَدا ؟
تا يسِرْقوني صَوْت يِرْمُوني صَدَى
وبَعدهُن بيجَرّحو
وبيِشهَدو عَ طلوعْ روحي عالهَدا ...
فَصَّلت روحي تَوْب
لِلكِلمات
وعَلمتهُن عالسَّطر
توْبُن يِشلحُو
ويتشمَّسو تـَ يْنفضو الدَّمْعات ...
يا رَيْت لوْ عا طيْفهُن حِقدي اهْتدَى
هاك الحَدا ...
أوْ ما حَدا ...
هاك العِدا
تا إشنِقن ، تا يِنتِقِم كِبْش الفِدا ...
لكَن إنت ، يا عاشِق الآيات
عْشاق الجَريمة ، الكِلّْ عُمْري مَوْعَدا
هَالعَلقِتني حَيّْ عالخَشبات
انـشفتا قبالي عَم بْـتصْلب غيْر ذات
بْصِير مِتلَك ، جِنّْ فيها وإعْبَدا ...
رامي نعيم :
-5-
لوِّن صَدَى إحْساسَك غناني
وحاجي بَقا تِشلحْ قوافي عار
الشاعِر إذا ما كان إنْساني
جِسم القصيدة الشَّامِخ ، بْينهار ...
لازِم تعاني ... تموت ... تِتخزَّق ...
مِتل وَرْقة مبَهْدلة بِكْتاب
وتشوف دَمْعَك عَالجفن لزَّق
صورة تجَسِّد رَوْعة السِّرساب ...
لازِم تزَيزِق مِتل شي مِفتاح
كِل ما فتحِت صورة
يا عيف دَرْب الجِلجلة وارْتاح
يا كون أسْطورة ...
طوني شلهوب :
-6-
يا رَيت في مَهْرب ...
في شي انكتب بِ حْروف مَحْفورة
واللي انكتبْ
بالغصْب عَنِّي هالدِّني زورا ...
وهَيك دستورا :
تا يْصير حَبّْ الدَّالية بْأيْلولها
خمْرَة وَلا أطيَب
مِن واجْبو بالعَصْر يتعَذب
وفي آخ بدُّو يقولها ...
وهَيكي أنا ، تا تِخلق الصُّورة
وتِخلد مَعي للشِّعر أسطورة
عَ فراش كِلو سْياخ
مجْبور إتقلب
وفي آخ مَخْنوقة ... وما تِعْتب
كِل ما طوَشت الدِّني بْ هَال آخ ...
****
رامي نعيم :
-1-
ضايع أنا ... وشو بحِبّْ هالضَّيعَة
مِتل وَرْقة مْهَوشلة بالرِّيح ...
وأوعَى على ورْدة ، بمَرج ضيْعة
وأنصُب ل نسْمات الوَحي مْراجيح ...
طوني شلهوب :
-2-
ضايع أنا ... ضايع أنا ... صَرْلي
عُمر ، أكْبر مِن عُمُر أهْلي ...
ومِش هَمّْ ، غير العُمر ، عِندي عُمر
تا إلتِقي بْحالي ، عَلى مَهْلي [/COLOR][/SIZE]