قبلوا منا هالنقروشي عا قولت عمي امطانيوس

[hany nassif]

[SIZE="7"][COLOR="Red"]انا و الحب

انا و الحب بمراحل عذابي
ما عنا لا نسابي و لا قرابي
كلما بطلبو عني بيبعد
كأنو حالف يرافق جنابي

كلما بطلبو عني بيبعد
كأنو محرم عليي الموعد
يمكن بالعمر ما خلقت اسعد
خلقت و القهر لبسني تيابي

يمكن بالعمر حبيت اكتر
ما حب النحل هالورد المزهر
كلما جربت بالحب اسكر
بسكين الغدر باكل اصابي

دخلك يا اله الكون قلّي
الخيانة ليش بالدنيا مخلّي
عطيني للوضع لنو شي حلّي
قبل ما تانطوي صفحة كتابي

[/COLOR][/SIZE]

[slayman]

[SIZE="6"][COLOR="Navy"]ريحة قصيدك عطّرت صفحة حلا

فيها الربيع أخضر والمرج انتلى

ورود ومعاني طيّبي يا بو علي

عا موقع الأبداع يا ميّة هلا


أهلا بعميد المراجل بو علي


بحر الزجل

بو شربل[/COLOR][/SIZE]

[hany nassif]

[SIZE="7"][COLOR="Red"]يا رفيق شعري انت قمة للادب
وشعرك متل سبك التبر عم ينسكب
ولو شبهوك بكل تبرات الدني
بتضل يا سلمون اغلى من الدهب[/COLOR][/SIZE]

[slayman]

[SIZE="6"][COLOR="Navy"]بتعرف يا هاني دخولك الموقع دليل

أنّو الأدب بيشّر منّك يا زميل

عندك شجاعة ظاهرة يا بو علي

وخايف انا ما تصير يا هاني قتيل

بحر الزجل[/COLOR][/SIZE]

[hany nassif]

[SIZE="7"][COLOR="Red"]سليمان يا سليمان هاني عالدوام
مصدر وحي و الهام للناس الكرام
لو مات تاني بو علي بدك تقول
راحوا المنابر صار عالشعر السلام


بو علي[/COLOR][/SIZE]

[hany nassif]

[COLOR="Red"][SIZE="7"]

[COLOR="Red"][SIZE="6"]ما اطولك يا قهر بكتابي
مش هيك حاسبلك انا حسابي
حسبتك يا عمري بالفرح مجبول
تاري الفرح احلام كذابي

حسبتك يا عمري بالامل مصقول
تاري الامل اوهام خلابي
بتعيش الانسان بالمعقول
و بتحرقو بنيران لهابي

بيكفي يا عمر تزتني بمجهول
يا عمر صرت و راق بجيابي
و هلق على درب النهاية بقول
يا ريتني ما خلقت عندي قلب
يمكن ما كنت حملت اتعابي
[/SIZE][/COLOR]

[/SIZE][/COLOR]

[COLOR="Blue"][SIZE="6"]

بو علي

[/SIZE][/COLOR]