الشاعر نعمة الديّوب

[جوزيف عطية]

[size="5"]الشاعر نعمة الديّوب


هو الشاعر ( نعمة ديوب جرجس ) , ولِد في قرية المهيري عام ( 1924 ) ودَرس المرحلة الإعدادية في مدرسة خاصة ( داخلية ) للسيد يوسف الباني في بانياس وبعد أن حصل على شهادة المرحلة الإعدادية عمل مدرّساً في المدرسة الإبتدائية من عام 1947 حتى عام 1984 حيث كان يقوم بتدريس خمسة صفوف معاً والكثير من طلابه درسوا الطب والمحاماة والهندسة والأدب العربي .
كتب لنبع الفوار ( وهو نبع بالقرب من قريته المهيري كان ملتقى للشباب والصبايا في المساء حيث يتبادلون النظرات وكلمات الشوق والغزل ) قال:
يا رايح خدني مشوار ** معك عا نبع الفوّار
هونيك منلاقي الزينات ** ومنحكي معهن أسرار
***
ماحلى القعدة عالصيوان ** تحت جوزة بو سليمان
كل وحدة عليها سيقان ** أنقى من لوح البللور
***
طـَلـِّع بِ عينيك وشوف ** كل شي قدّامك مكشوف
بالحقل متل الخروف ** وأبيض من تلج عكار
***
كل الشباب والبنات ** رجعوا الغيبة على البيت
وغنـّوا أحلى غنيات ** وقضّوا نهارُن أحلى نهار
*******************************

وهذه إحدى قصائده
بعدك يا حلوة بتتذكري زمان الصبا ** وأيام مرقت بالعشق ما أطيبا
واليوم صرنا عن بعضنا مفرَّقيــــن ** ما عاد في بيناتنا غير مرحبا
قدَّيش كنا نلتقي بعد الغيـــــــاب ** إنتي وأنا والقمر ناطرنا ما غاب
مصة من شفافك أحلى من الشراب ** وقبلات خدّك طعمتا ما أطيبا
كلمة وداع بقولها ... ألله معك ** صرتي بعيدة , العين ماعاد تقشعك
مهما اغتنيتي بهالدني شو بينفعك ** ها العَـذ َّبتني ’ يا إلهي عَذ ِّبا
******************************************

وهذه بعض أبيات العتابا
حاجي تركضي وأركض وراكي ** من كتر الركض تعبت وراكي
ايمَت شوفك بعيني و راكـــــــي ** قبل ما لحظ شمسي عالغيـاب
****************************************
إنتي وردة لْ فايــــــــــح عَبيرا ** كل عطشان يتوارد عَ بيـــرا
ريقك عَنبري وممزوج عَ بيرة ** إذا شربو مريض السل طاب
***************************************

جوزيف عطية[/size]