صوت الضمير

[فؤاد يوسف]

[SIZE="5"][COLOR="Teal"]سألت الضمير وقـلت شو القصة نسـوك ... أغـلب الـناس وبعض منهن موتوك

تـْـنهّـد ؟ ولما قـلت بحـيات الـقـديـر ..... شو السر جاوبني ؟ حواسي بـيـنطروك

قـَلي الـدني فـيها من العـالم كـتـير ..... فـيها الوفي فيها الأبي فـيها الضحوك

فـيها العـبـد المعـتر وفـيها الأمـير ..... فـيها الخـِلِـق مـتْـّلعِّـب ومرمى شُكْوك

فـيها كـبـير مولـدن وفـيها صغـير ..... أكـبر بـعـقـلـو مـن فـلاسفـة الـغـنـوك

فـيها وفـيها وبعــد فـيها لـلأخــير ..... أكـتر ما بـدك ، في فـراخ وفي ديـوك

طـيب شو رأيـك في غـني عم يستجـير ... بقـرش الفـقـير العـاجـز الخـبزة يلوك

وهـوي مـرفـّه مُنعم وفرشو حرير ..... وما بـيـنـفـرق بـيـتـو عن قصور الملوك

بـيصاحب صحاب الوفا وبـيستعـير ..... منها الصفة وبـيسجـّل بإسمو الصكوك

وبـ هالسلوك كـتار مشيوا ؟ والمرير .... إنو الوفي صدّق المشيوا بهالسلوك

وعِطـين أمـانـة يوصلوها للضـرير .... وكانت مبالغ هالأمـانـة مش شكوك

وبـدال ما يـودّوا الأمـانـة للـفـقـير ..... أوللضرير ؟ عْلا الـبـنـوك تـوجّهـوا

تا يـْكَـبِّرو فـيها رصـيـدن بالـبـنـوك[/COLOR][/SIZE]

[امطانيوس الزحلاو]

[SIZE="6"][COLOR="DarkGreen"]

عندك بشر ما بيعرفوا طعم
الوفا
وما بيستحوا مننك
وبيغدروك بسيف جهدك
بالقفا
ما بيسألوا عننك

كبير يا فؤاد قبال تاني نقروشي

عممك امطانيوس

[/COLOR][/SIZE]

[جابر بيهس]

[SIZE="5"][COLOR="Blue"]سلمت يمناك استاذي الشاعر

فؤاد يوسف

اسجّل اعجابي برائعتك - صوت الضمير[/COLOR][/SIZE]