اشقتلك وغيابك طال

[شفيق]

أهلا بأخي أمين .....

بخصوص القافية ...برجع بقول ..في شي بيجوز ..وفي شي للاحتراف ...وهي بتجوز ومانها غلط أبدا ..

مثلا كتير من شعراء الزجل عالمنبر بيتقيدو بالقافية ...وبالدفتر بتلاقي ..بيحسبو ...الزهر على قافية البدر ..

وحتى جبران خليل جبران بذاتو ..عندو ردة أبو الزلف ...يمكن كلمة شبيه بالقمر بيحسبها على قافية الجسر ...

وسعيد عقل كتير بيكتب من هالنوع ...

يعني مو غلط ...

والشعر أولا معاني ...وثانيا وزن وقافية.....بس اللي بدو يتقيد بالتانية ..فرض عليه يتقيد بالاولى ....

شفيق

[ree7-zzajal]

بتشكر للي راسلوني عالبريد //الخاص وامتدحو الحكي" الدر الفريد"
ومازال رأيي دوب جبال الجليد // وفي ناس حملت راية الشعر المجيد
المفروض بيعد بعد مااندق الحديد // وافسح مجال الشعر للجيل الجديد
وما كان همي الاسم يضوي عن بعيد //همي الزجل والرب عاقولي شهيد
ونحمي المعنى بايد مشكوله بايد//وبيوت فوق بيوت بالساحة نشيد
خلوا الشعر الهام وخوابي نبيد //و آيات لولو وطيف ع دروبو شريد
ولولا اذا بطرابلس شاعر سعيد //غنى يدقولو بمينا بورسعيد
ريح الزجل راجح صفي أول عميد // للمنبر بيوقاع عن خيل الرعيد
وكنلي خصوم وكنت بالساحه وحيد// وكرباج شعري شلفط رقاب العبيد
بس الدهر مابيرحم وصرت بنهيد // عمري مابقدر بس ساعه فيه زيد
ومن هيك صار الوقت والظرف الأكيد // حتم عليي عود عاجرحي العنيد
واسهر معو مابين عيد وبين عيد // وعد الدقايق ناطر قدوم الوعيد
يعني بخاطركم أنا المفروض روح // وتذكروني كل ما قريتو قصيد

عندي أمل أن يقدم السيد شفيق خدمة الاشراف على منتدى الزجل للشاعر بشار ..أو الشاعر بنوت
مع محبتي لشفيق وشكري الخاص لخدماته والرأي طبعا ليس لي

[شفيق]

تا نذكرك يا شب فطّنّا .............................بأية اسم بتريد تتكنا؟؟؟؟

بريحك؟؟يا أما براجح المدبوح..................يما بربيع اللي بيتجنّا

يما بجحا اللي قصتو بتلوح..................لش تالذكي هالاسم يتبنّا؟؟؟

يمّا بسامي...؟؟حاج معنا تنوح............ما منذكرك وحياة موطنّا

يمّا بفريد الشاعر المجروح...................يللي انفضح تا صار يتدنّا

يعني العمل عاهالأسامي نوح...................كن لازم بهالشرح يتأنّا

وشريم يللي شاد أعلى صروح................روحو الرقيقة عم بتحضنّا

ما رضي أنّي بسّرك بوح ..................بحيثو وفي..ومنّو الوفا حنّا

يا حاقد عليي,, الحقد مسموح.............حقد الضعف ..عالسيد وحنا

لما كويتك (((بالجسد والروح))) ..........قلبك بضعفك صار يتعنّا

عا كل حالة,,ان ردت يا مفضوح.................أنك الليلة تحل من عنا

من شان الله روح بالله روح ....................غشّيتنا أنت ومحمّد قال

..............................(((اللي غشّنا ما منحسبو منّا)))...................

[نسر]

للشباب و أحلى شباب
لشفيق و راجح و محمد( نتمنى له الشفاء و ندعوا له بالسلامة) و أحلى شعراء و قلوب مليانة و صافية
شو هل الحكي يا خي شفيق
هيدا راجح مو ولد... هيدا راجح ريح الزجل... و قلبه بركان رح ينفجر ... شعر و زجل و كرامة و حق و احساس و كلام عالراس

نحنا ربينا بهمواقع و الكل أخوة و نكد و... مواجع
خلينا سوا تالحب يجمعنا
و لا تخلي الحقد و الدنية ...تفرقنا
أنت يا شفيق... شو يلي يخليك يا راكب الأبجر تنزل ... عن صهوته تيهرب من قدام الريح القوية
هيدا راجح... و مين ماكان... ريح الزجل تعصف بالحق على أعلى هوية
صوت الحقيقة ينادي
لا تجرحو و تهمشو و تتغاضى.... و هوي مجروح
و خليك عقد الفروسية مطروح

وخلينا سوى بالمشتى نصدح
بالكرامة و الحق و الحرية و المنادي... كلها ما كانت تشويه ... و الشمس لازم تسطع
و كرمال ديب هالغابة جقلنا ... ترجع المودة على منتدى زجل هالغابة ...عشي مطرح
حتى ما نقول كان في شعرا ... بهل الوادي

[امين القضماني]

يلا شباب خلصنا مزح وغزل ودلع وإجا دور التصفيي هلي بحس حالو قد المعركي يشمر وينزل وهلي بحس مش قد هالعركي يوقّف عجنب احسنلو
اوووووووووووووف أوف

شعـــري نسر وبالتقدير
-- ظـلــّــــو أنتو يا عْصافير
عالموقع عصفور يغط
-- من الموقع عصفور يطير

يا ماشين بدربي الوعر
---- وما حسبتو خط الرجعه
ما عرفتو دربي مستعر
---- جبــــــال وألغام وطلعه
وتتحسّو بدفعات السعر
---- وتـــــــذوقو منّي جرعه
بدّي ولّع حرب الشـعر
---- ولّـــــي بدّو يصير يصير

شباب أنا مصمم عالتحدي ولو كنتو مشغولين ..
وديرو بالكن كل ما تأخرتو بقوّي العيار يعني مو من مصلحتكن

[شفيق]

يا نسر قبال عصافير..............الشعر الفاضت بالتفكير

عالموقع بتغطّ براس..............بدونو من الموقع بتطير



ولّعت الليلة النيران............وجايي تحرقنا فيها

ومتناسي حرب الجولان...........يمّا خلقة ناسيها

وغافل عن حب الأخوان..........ببلادي ومعاليها

واللي بيهجم عالأوطان........تا يحرق خيّو بيكون

...............موالي شارون وشامير...........!!!!!!!!!!!

أهلا بأمين والله.....