تحدي ع الموقع كلو ويا أنا يا إنت يا فاتح

[mohamad kh]

يا فاتح اليوم يومك إثبت للجميع بإنك شاعر زَجَّال وكمل هالعتابات!
ورجاء خاص من جميع شعار الزجل ما حدا يجاوب غير فاتح! رجاااااااااااء خاص!الاول:

إذا بيزور خيّك امستردام = جبلي عزّ دايم أم ستر دام

والثاني:

إذا مرّة عوزني تمن يكيلو = ضعفت وصار وزني تمانية كيلو

والثالث:

بدّي لم رمّانك ولم خوخ = وكسّر راسك وصدرك والمخوخ
والرابع:

وإجا فاتح مع السراق ولصوص = وسرقو الديك والجاجات والصوص

[عصام يوسف]

نصحتك من معارك أمس تردم ****** برجـــك قبل ما تــنول العقاب


و إذا بدّك بروحي تَ مِنْ يا كيلو ****** فدا ميـــشال كيلو و الحبــاب


جمّع كل شي بدّك و لِمْ خُو... خَ ******* سارة رد عا المــتلك جواب


و بلا ملح و بلا تتبيل والصُوص ****** انشالله بيطبخوك عْلا الحطاب

[mohamad kh]

لا والله ذكي!!! طيب على كل حال الحساب بالاخر؛ كفي لنشوفك!!

إذا بدّك على الموقع بقا تدوم = بدّي اكسر جبينك بقدّوم

***

احمل هالشعر وحليق وارجاع = إذا جعت بشكل مالغير ور جاع

***

ناوي اليوم يا فاتح عكسفك = إذا كفّي على حناكك عكس فك

***

الصدق اعطى مسيحك عزر إيلي = وع روحك جيت سلّط عزرئيلي

[عصام يوسف]

و إذا بِ عنقك بسيفي بَ قِدْ ... دُومْ ******** طجّة صوت مخك عالــتراب

حَبِك شعرك لكل الناس وَرْجَا....عْ ******** لا ضعفك في مـــيادين العتاب

و إذا كنت الشمس ناوي عَ كـسفك ********* وإذا كنت القمر خـسفك وَجَبْ

المجد رأوة مشــــايخ عِزْ رِئيــلي ********* عِملّي الدهر يا محمد حــجاب

[شفيق]

ان كنّو عقلك مواسم فقه ضبّ=رصاصي نسور بتصيدك فوق هضاب

[شفيق]

قبل ما عجزك يبان عن تتليت القافية السابقة

فيك تفسّرلي

شو بقد ..دوم
دوم ..يعني ..ايقاع الطبل؟؟

ورجا....ع ول خو....خ
العين ما بتصير ولا الخاء ..لأنّو حتّى بنوع السبك هي ضعف وغير جائزة

رأوة مشايخ ؟؟؟؟قصدك رقية؟؟؟

ت من يا كيلو

تمنّ نفس الأولانية ,,,ويعني إذا ما كان في اسم ميشيل كيلو ..كنت شو بتحطّها؟؟



عفكرة ..أنا ما بدّعي أني فيي تلّت هالأبيات السابقة ...لأني ما بلّم أبخس الأساليب وبعمل قوافي





ان كنّو عقلك مواسم فقه ضبّ=رصاصي نسور بتصيدك فوق هضاب[/poem]

بسرعة تلّتها أنا ناطر وعند تتليتتها .
لا تغيب كتير

[شفيق]

قبل ما عجزك يبان عن تتليت القافية السابقة

فيك تفسّرلي

شو بقد ..دوم
دوم ..يعني ..ايقاع الطبل؟؟

ورجا....ع ول خو....خ
العين ما بتصير ولا الخاء ..لأنّو حتّى بنوع السبك هي ضعف وغير جائزة

رأوة مشايخ ؟؟؟؟قصدك رقية؟؟؟

ت من يا كيلو

تمنّ نفس الأولانية ,,,ويعني إذا ما كان في اسم ميشيل كيلو ..كنت شو بتحطّها؟؟



عفكرة ..أنا ما بدّعي أني فيي تلّت هالأبيات السابقة ...لأني ما بلّم أبخس الأساليب وبعمل قوافي


[color=#940306]


ان كنّو عقلك مواسم فقه ضبّ=رصاصي نسور بتصيدك فوق هضاب[/p [/color

بسرعة تلّتها أنا ناطر وعندي تتليتتها .
لا تغيب كتير

[mohamad kh]

[SIZE="4"]ميستر فاتح!! بس ترد على بيت شفيق بكملك انا البيوت اللي عندي[/SIZE]

[جعفر حيدر]

يا شباب ياغاليين عليي كلكن
التحدي حلو
والشعر عذب

بس ما بعرف إذا بتسمحولنا نكمل العتابا كمان ؟؟
او بتحبو تخلو الأمر بيناتكن !!

وأنا بقترح / منشان نغني الكل /
انو اللي بيكمل الأبيات ... بيحط غيرها منشان غيرو يكمل كمان

وهيك التحدي بيكون أحلى

وانا بقترح لمراقبة هلموضوع احد شيوخ العتابا: أنهل الدبس

نعم انهل
شيخ من شيوخ العتابا والله

وبعتذر عالتدخل
بس خبرونا إذا بتريدو !!!!!!!!!!!!!!!!

بكل الحب
جعفر

[عصام يوسف]

هوّي بالفعل معك حق هالبيت ما بيتلّت لأنّو مستحيل يكون فقه ضب بتعادل فوق هضاب .
طبعا إذا بتشيل ألف من هضاب , واو من فوق و بتحط هون كسرة و هون ضمّة بتصير متل ما بدّك, متلك متل محمد خطيب , هوّي أنا الحق عليّي تلّت بيوت ما بتتلّت لأنّي نزّلت من مستواي , لأنّو ممكن تكون بيوت شل أو بيوت بلاستيك أو بيوت ..... و أبعد ما تكون عن بيوت العتابا.
وعا كل حال رح تلتو متل ما تلّت غيرو :

ولمّا بالشعر متلك فِقِه ضَبْ ****** علينا استكتروا أصول الأدب

وإذا بدّك عتابا محبوكي فيك تشوف البيوت السابقة ما عدا بيوت محمد خطيب أو :

[size=6]من يوم يا شاعر ما تفكيرك كسد ***** وقّف المحل بوجه إبداعك كسد

شوف التقنية الشعرية اللي فيه من حيث الترابط و الإنسجام بالمعنا و الإلتزام بالكلمة الأخيرة قدر الإمكان بدون تحريف بالتشكيل وموسيقى الأحرف قدر الإمكان و كل ما كان بيت العتابا هيك كل ما كان أقوى.
و هي أمثلة لَ شعراء بيتقنوا اللعبة الشعرية و شوف كيف العتابا و الميجنا .

بركان ما بيقذف حمم نار و كنار
بركان مرمر عامل الأطلس كنار
ساعة بيتفجّر حمم ســــــاعة كنار
تَ نمسكو صلينا الدبق عا كفوفنا


زوريني ببـــــــــيتي بستقبلك
انطريني بس لحظة بس تقبلك
بزماني ألف وحدة بست قبلك
و لا وحدة مْعَزبتني هالعذاب

شوف كيف تقطيع الحروف بدون تغيير أي شئ بالكلمة ما عدا توزيع الحروف.

لازم تعرف يا خيّ شفيق إني بحبك وبحس عندك مستقبل لأنك من النوع اللي بيقدر يفهم و يترقّى إذا تعلّم يفهم و يترقّى و لو تعرف قدّيش بحب صالح رمضان و بتحداك إذا عندك إلو حفلات قد ما عندي و بسمعو كل يوم لأنّي بشم منّو ريحة الأرض و العفويّة الصادقة بس لمّا بدّك تترقّى بتقنية الشعر لازم تعرف لَ مين تسمع.

فاتح [/size]

[جعفر حيدر]

حاجي تضربو أمثال حاجي
إلي عندك ... وعندي الك حاجة

مرة نويت للشعار حاجي
رجعت مع حجتي فاضي القراب

[شفيق]

يعني فاتح .
بلا معلّميّة عليك ,,,هي هيّة قواعد العتابا ولمّا يغنّو العتابا بلبنان رامح مدلج ورفعت مبارك ومهدي زعرور ويستخدمو هالقوافي هي ولا شاعر معنّى وقصيد بيلحقهن
وهي قواعد العتابا ..

ورفعت مبارك كان يحسب فجّر عقافية فجّار
وطابت وطابات
هي هيي العتابا وقواعدها

وبخصوص فقهضب ..بتصير ونصّ وتتليتتها

لا تركض تهاجمني في قهضب=قبلّ ما ذرّتي تردّك سراب

القهضب : السيف


عا كل حال ..بدي اسألك

مين قلّك أنا بسمع لصالح رمضان؟؟؟
وعا كلّن صفوة شعر صالح من أرقى الصفوات

وبيت
بستقبلك
هاد لابراهيم صقر غنّاه بأوائل التمانينات

وإذا حدى ذاكرو هون اعذروني

استاذ جعفر ..أنا جاهز اللي بدّو يفتح موضوع تتليت وحطّو مين ما بدكن

[عصام يوسف]

لمّا بتنبش من القاموس كلمة ميتي ما حدا بيستخدمها بتكون حكمت عالقصيدة بالموت و لازم تعرف إنو الشعر إبن الحياة ومو شطارة تفتش بالقاموس عا كلمات ما حدا بيفهما و شو قيمة الشعر إذا ما فات عا قلوب الناس بلا شرح مفردات . أفضل للشاعر و الأديب بدل ما يفتش عن( الجثث المحنطة ) _هيك بيقول عنن جبران خليل جبران_
يتعلم لغة جديدة ويستفيد من تجارب بقية الشعوب.
عا فكرا عندي القاموس و كان فيّي لَ أي كلمة لاقي معنى مازال في بس للسيف والخيل و الجمل ألوف المرادفات
بس ما بحب إزعج مخّي و لا شوّه مخيّلتي بِ :

و لي دونكم أهلون سيد عملّس***** و أرقط زهلول و عرفاء جيقل

[شفيق]

الله يرضى عليك لا تقلّنا جثث محنّطة وابن الحياة وكذا
كلنا منعرف هالشي وهاللي قلتو مو شي جديد طفل الشعر بيعرفو .وتذكّر حالك لمّا صرت تترجم معاني كلمات عتابا ..حيرام وعواصف ..وبالرغم أنّو أكثر شيوع من كلمتي
بس المهم قصدي وصل ووصلت لغايتي ..
وعند ما تلّتت قوافي العتابا..عطيتك بيت ما قدرت تتلتّو إلا بنفس الكلمة ..بس حولت الاسم لفعل

ومعليشي لا تجرّب تخجّلنا بمحاضرة عن الشعر بسبب بيت عتابا

صرت متل شيوخ الدين ..لما بينحرجو بيحوّرو مكان الاية


عا كل حال أنا ما بحبّ كترة الحكي بالمشاركات ...بسّ كل قفل وألو مفتاح

[عصام يوسف]

بكرا رح تلاقـــــــــــي بـــعد مِدّي
بتتـــــــــــــــجاوز فيا شَدّي ومَدّي
و حروف غمرتها من طوف مدّي
و شعر منـــــقاس بدراعي و مدّي
فاتح عاَالمـــــــــــــــجرّة مَد مدّي
و شــــــــــفيق انمد مَدّي بالتراب

[عصام يوسف]

عيبي عَ هيكي مــــستوى عيبي **** يحكي شفيق و هِيــن هالشيبي
مهما يطرطش حبر هون وهون **** عا دفترو ما بــتزبط الصيبي
يا قمر قلــــــــّي يا عطر يا لون **** مين عــندو بالشــــــعر هيبي
شاعر حمل إحـــساس قد الكون **** وشاعر حمل قاموس بالجيبي

[شفيق]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

مو أنت بتقلّي حسب علمي = شو اكتب على المنهج العلمي
ما بكتب المن الف عام انداس = تا صير بعيون الشمس ظلمي
سألت القمر نادى أبو النوّاس= وقلّي تمعّن عا قصد حلمي
يللي حمل قدّ الدني إحساس = ما بعتقد بيتوه عن كلمة[/poem]

[شفيق]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
على شدّة ومدّة ومْض حدّي=بحدود الشعر لا تجتاز حدّي
على قطع السبت ما دخلت حدّي=إلّا عالأرض تيطيب حدّي
ويا فاتح حدحدت عالحد حدّي=لهيكي طلعت منفي للسحاب[/poem]

[شفيق]

عفوا أخّ فاتح
نظرا لشاعر متلك حبّيت نبّهك

أنّو لمّا تقول

يا قمر قلّي يا عطر يا لون

هي مكسورة عند كلمة قمر ..لأنّو الميم مفتوحة ولازم تكون ساكنة
كان فيك تقول

يا عطر قلّي يا قمر يا لون ..
بيركز الوزن

وكمان قاعدة الواو بالعتابا ..
ما بيصير تعتبر قافية
ومدّي ..متل مدّي

للتنويه مو أكتر

[عصام يوسف]

يلــّي ما فــــــــيه نهار يتـــــطوّر**** و حالو أبو تـــــــــمام متصوّر
مزوّر خيالو بالكــــــذب و البَلف **** مــتل ما تاريــــــــــخنا مزوّر
بوقّف و بيصير يشـــــــلف شلف **** بنصــــــــــــــحوا إيّاك تتهوّر
و مع رفاقو تــــــنين عامل حلف **** واحــد متلّت واحــــــــد مدوّر
بيطلع بســـــــــيّاره ما فيـها بِلف **** بيقــــطع طريق مجعلك مجوّر
رومل عا جنبو محمّد من الـخلف **** وَ نْ ما يروح بــــيرجع مهوّر
بقلّو متـــــــــل قول الولف للولف **** هالمنـــــــــتدى بوجودَك منوّر
بيجمّع بْبَرمــــــــــيل زوم الدلف **** بيوقف مع البرمــــــيل يتصوّر
بيتفاخر اســـــــــمالله متل آدولف **** هتلر ودمّـــــو عا الهوى مفوّر
جاهل و يمكن فيه متــــــــلو ألف **** بهبّطوا بــيوت الشعر من هيك
لازم نخلّي المـــــــــــنتدى مسوّر