كيف لو بتدق بالعشرين يا شفيق

[عصام يوسف]

يا شـــــــــــفيق الحبر عم بيغار *** من حروفك لْ بالريــح مفلوتين
حـرف بيقطّف وهــــــــــــج آذار *** و حـرف بيلوّن هـــــمس تشرين
من كتر ما شـرقط خيالك .. صار *** قواس القدح مع دَيْك مشبوكين
بالتســــــعتعش .. مْكيّع الشعّار *** كيــــــــف لو بـِتـْدِق بالعشرين !!

[Ghaithj]

كل عام وانت بخير
وعقبال المية...لأ
عقبال الميتين ...لآ
عقبال المليون سنة . . .

[شفيق]

رد على قصيدة عصام يوسف

يا عصام العمر مش تلحين***وسحبة عتابا عم بغنّيها
العمر موقف بين دنيا ودين***العمر بالكلمة ومعانيها
العمر تسقي العذر والشربين***ومن دمّ ناقي الأرض تسقيها
العمر مش تفخر ببيت الدين***و((الدير)) جاهل شو ضواحيها

شاعر أنا وأنت البتعرف مين***حطّ النجوم على نواحيها
الكلمة اللي بحكيها أنا من سنين***مش متل غيري بستحي فيها

لا بغدر ولا بغيّر ولا بلين***ومواقفي بالروح بفديها
ومن هيك لولا بدق بالعشرين***وحياة عينك رح بكعّيها