خبروني شفيق الديب شاعر

[أمير الزجل]

[size="6"]

جايي عا مشتاوي على موقع عريق ---- منبع ثقافي ...وبالزجل ما بل ريق
شايف أسامي كتار ما إلها بريق ---- زهر اصطناعي ما إلو عطر ورحيق
مع مين بدي إسكب الخمر العتيق --- سألت المنابر عن نسر جنحو طليق
قالت شفيق الديب أوّل طلعتو --- تا نشوف شو بيطلع من السيد شفيق

[/size]

[شفيق]

حلو

[COLOR="DarkGreen"]

[size="6"]يللي قصدت تقشع شفيق ويقشعك....بكحل العتم عالشمس حبّر مطلعك
بدّك حلا؟؟؟ الداعي الحلا فيه اندعك....بدّك سكر؟؟للعزف شنف مسمعك
دلق المطر واقف عجوعة منبعك.....ومن شان هيك بقلك وما بخدعك
لو ردت أنّو تشوف شو بيطلع معي.....المفروض أني شوف شو بيطلع معك[/size]

[/COLOR]

[أمير الزجل]

[size="6"]

يا بو حلا رح طعمك مني وقار ---- تا تصير تعقد متل زهر الجلنار
سألت شو بيطلع معي والبحث دار ---- وكونك بتجهلني بقول بإختصار
بيطلع معي قواميس لملوك الحوار ----- وشوية حكايات لولاد الزغار
خايف عليك ان شفت شو طالع معي --- يطلع معك إحباط آخرة النهار

[/size]

[slayman]

[SIZE="6"][COLOR="Black"][COLOR="Red"]

أمير يا أمير ولا يهمك هون كل عضو جديد بيتأخروا ردودو بتمنى ما تنعاد وينزل الرد بالسرعة المطلوبة
ابو شربل

ملاحظة حذفت طلب أمير الزجل بعد ما شفت ردو نازل بأسمو
بو شربل

رد أمير الزجل


يا بو حلا رح طعمك مني وقار ---- تا تصير تعقد متل زهر الجلنار
سألت شو بيطلع معي والبحث دار ---- وكونك بتجهلني بقول بإختصار
بيطلع معي قواميس لملوك الحوار ----- وشوية حكايات لولاد الزغار
خايف عليك ان شفت شو طالع معي --- يطلع معك إحباط آخرة النهار[/COLOR][/SIZE]

[أمير الزجل]

[size="6"]من كم يوم كتبت ردي بمنتدى--- شعر مشتاوي القصدتوا عالهدا
جاوب شفيق الديب لكنوا بدا --- خيفان روحو تروح للمنبر فدا
بدي حدا عا منبري يلبي الندا --- عا حدود فكرو ضيّق حدود المدى
بالرغم ما شايف أسامي بيلمعوا --- بساحة حروب الشعر مش شايف حدا [/size]

[slayman]

[COLOR="Black"][SIZE="6"][COLOR="Red"]يا ادراة ليش ها التأخير بتنزيل الرد يا حبيب القلب انهل ولو أمير الزجل شاعر كبير وعندو عتب عا الادارة

بعتلي تاني رسالة والرد فيها ليش عم تعملوا معو هيك حرام خيي عصام وينك

او شوشو خايف منو ههههههههههههههههههه

وهيدا ردو[/COLOR]

أمير الزجل

من كم يوم كتبت ردي بمنتدى--- شعر مشتاوي القصدتوا عالهدا
جاوب شفيق الديب لكنوا بدا --- خيفان روحو تروح للمنبر فدا
بدي حدا عا منبري يلبي الندا --- عا حدود فكرو ضيّق حدود المدى
بالرغم ما شايف أسامي بيلمعوا --- بساحة حروب الشعر مش شايف حدا[/SIZE][/COLOR]

[شفيق]

[SIZE="6"]تحياتي لسليمان ولأمير الزجل
ولك يقبرني ربك يا سليمان شو دمك خفيف:hahaha: ...
أنا بعتذر عن التأخير
لأني كنت طالع عالضيغة واخد وصلة 3g انترنت فضائي وفرحان فيه لأني بدي لحق عسليمان :dazzler:
قام طلعت فاتورة بتخرب البيت وقطعولي الخط وأنا هونيك
بس يللا هي رجعتي ..شي ساعتين زمان منبلش بتنزيل الردود
باي[/SIZE]

[شفيق]

[size="6"]

يا بو حلا رح طعمك مني وقار ---- تا تصير تعقد متل زهر الجلنار
سألت شو بيطلع معي والبحث دار ---- وكونك بتجهلني بقول بإختصار
بيطلع معي قواميس لملوك الحوار ----- وشوية حكايات لولاد الزغار
خايف عليك ان شفت شو طالع معي --- يطلع معك إحباط آخرة النهار

[/size]

[COLOR="Green"][SIZE="6"]

معلوم إحباطي بقلبي ما شفي....استنظرت شاعر (شاعر) وقلبو وفي
تاري طلع خصمي عدوّ الفلسفي....متكبّش بوهم القشر والأغلفي
الأحباط زنّر سيف شعر المعرفي...ومن بعد ما اضطر بْقرابو يختفي
شق القراب وحاوطك حتى يعود....يشطب عليك وعا إمارة مزيفة

تحياتي ..أنا بفضل يكون موضوع ردة بردة بس إذا بدك أكتر أنا جاهز بتركلك حرية الاختيار[/SIZE][/COLOR]

[أمير الزجل]

[size="6"]

حلوو يا شفيق . يلا منكتب ردة ردة بس إذا بتغيب متل المرة الماضيي بتجبرني إبعتهن رشق ههههههه
حضرة إدارة الموقع الكريمي ، والسيد انهل المشرف على قسم الزجل ، عندي عتب على قد المحبة بسبب
تأخير تنزيل رداتي بالموضوع انا والأخ شفيق . وهالتأخير هيدا ( يومين للردة) بيخلي الموضوع يفقد عناصر الحماس والتشويق وبيدخل الملل . انا مع نظام المنتدى وتحت قوانينو وانشالله ما بتشوفوا مني إلا شعر بيليق بالمنتدى لهالسبب بتمنى النظر بالموضوع . كمان شكر لسليمان بسبب لفت نظر الإدارة لهالمسالة .




ان كانت مواقعنا إنت سيّافها --- بدهن يصيرو للعموم شفافها
يا محبط بأول محطة شافها --- مراكب طموحك كسّرت مقذافها
متكمش بهالأغلفي وأوصافها --- مش كل قشرة وكل غلفة تافهة
المكتوب مش رح تفهموا تا تفتحوا ----وعم نفهم مكاتيبنا من غلافها

[/size]

[شفيق]

[SIZE="6"]

[COLOR="DarkGreen"]بأول محطة مواهبك وفنونها...تغزلت فيها ورجحت بعيونها
وتاني محطّة حكمت على سكونها...بطبل الفضيحة وما نفعها جنونها
متل الرسالة البالظروف تصونها....ورح خيّرك موضوع يرضي عيونها
بتحكم عا مضمون الرسالة من الغلاف....يمّا عليها بتحكم بمضمونها[/COLOR]

[/SIZE]


[SIZE="7"][SIZE="5"]

خيي أمير الزجل موضوع انتظار تنزيل الردود لا تفتكر أنو هاد موضوع شخصي أو نوع من التشكيك بشاعريتك بس كل عضو جديد ..تلقائيا مشاركاتو بتتأخر ..
عا كل حالة بتمنى من الإدارة إذا بتقدر تفعيل الردود سريعا

[/SIZE][/SIZE]

[أمير الزجل]

ب[size="6"]موضوعنا البين الرسالة والغلاف --- اعطيني الغلاف وروح عا حدك وقاف
ان كنو الرسالة قلبك الكلو عفاف --- غلافو ضلوع تحن عا قلبك تخاف
شوف البنت مضمونها بالسحر طاف --- عيون حلوي مكحلي وحمرة شفاف
لوما شرفها غلاف عا مضمونها --- ما تعرّف على جسمها ثوب الزفاف

-------------------------------------------------------------------------------------------------------------------

يا بو فكار مرسملي عقم ونشاف --- العركي معي مش متل موسم إصطياف
شايف خيالك أرض بور من الجفاف --- ما مرقت عليها غيوم الإحتراف



يلا يا خيّال المنبر هات تانشوف[/size]

[شفيق]

[size="6"]

غلاف الشرف؟؟؟هيدا مذمّي يا حلو.....ان ما كان في بالقلب مغزل يغزلو
وتا نفترض بنت بحلاها تمخولو...عيون الخليقة العالحقيقة بيسألو
ان كان الشرف في قلبها زرعو ملو....غلاف الجمال بيغتني من مشتلو
وان كان مضمون القلب من داخلو....عكس الشرف ..كبّ الغلاف بمنزلو
معناتها المضمون أغلى من الغلاف....والظرف لوما الحرف قيمة ما ألو

________________________________________________________________________

يا ريتها بيوتك مع اللي بيعتلو....بيوم اصتياف على جبل مشتى الحلو
ووحياة عينك كل ما عروقك غلو....كل ما درب عمرك بعد عن أوّلو


تفضل يا أمير الزجل فكها لنشوف
ههههههههه

[/size]

[أمير الزجل]

[size="6"]سياج الشرف لوما انبنى يا فيلسوف ---- من كل حلوي تمار حلياني قطوف
وتيابها غلاف الأنوثة العم تطوف --- بلا غلاف بتصفي من شعوب الكهوف
وما بين ظرف وبين حرف بهالظروف --- مين الإلو قيمة كبيري رح نشوف
قلام الحبيبي بتكتب حروف الألوف ---- لكن تا تطفي مشاعر القلب الشغوف
بتسكّر الظرف بحنين شفافها --- تا يصير سعر الظرف أغلى من الحروف

----------------------------------------------------------------------------------------------------------------------------------

مشتى الحلو يا عازمي أوفى ضيوف ---- هالقلب كرمالك على إبنك عطوف
جرب يا شاعر دفّك بإيدك نقوف ---- من دون غلفي شو بتنفعنا الدفوف

يلا يا خيّال المسافات البعيدي هههههههههه[/size]

[شفيق]

[size="6"]لا تحرف خيول القصد وتسوسها....بيبقى الشرف للروح جوّا نفوسها
هوني علقت علقة فنا بكابوسها....ازحف وهرول عالسيوف وموسها
وعا سيرة مكاتيب بيضا طقوسها....الحلوة عليها مسهّرة فانوسها
طبعت تحت توقيعها ودروسها....البوسة وبمضمون الحكي قاموسها
حتى تصير تبوسها بمحسوسها...وحدك,, وحتى ما تضيع فلوسها
لو طبعت البوسة على سطح الغلاف....بيصير من ما كان فيه يبوسها


_______________________________________________________________________________________________

ياما على المشتى وعلى طرطوسها...متلك مرق عالم تكسر روسها
هي متل عظمة ضيعتي وشموسها.....عين العروس البكبر بناموسها


طيب هي فكها لنشوف ......
طويلة انشالله [/size]

[أمير الزجل]

[size="6"]شو همني من سيفك الباعو قصير --- بسيف البرق عم قص عنق الزمهرير
بقلّك الحلوي سكّرت ظرف الزغير --- بشفافها ... ان ما فهمتني وضعك عسير
وتا تصير متلي شاعر مخمّر قدير --- جبلي شواهد تقنع العقل الكبير
الاوزون لوما غلاف للزرقا يصير -- كانت الارض بيشتعل فيها السعير
ولو بالحرير بتفهم ومش بالحصير --- بتشوف لما الشرنقة بتغزل حرير
بتصير دودة والحرير غلافها --- الدودة إلك بس الحراير للأمير ههههههه

--------------------------------------------------------------------------------------------------------------

وحدي أمير وأنت عا بابي خفير --- بيكفي وجاهة من الإمارة تستعير
وعين العروس بعينها بتكبر كتير --- لما يفوّح متلنا شعرك عبير

هيدي قيمي جديدة جرب شيلها هالمرة يا بطل [/size]

[شفيق]

[size="6"]

[size="6"]

حكيك دليلي والشواهد ذاتها....بشعرك عم بتشهد على رداتها
ذكرت الحراير؟للشرانق هاتها....انشالله عطول بيسلمو دياتها
واوزونك اللي أرضنا ما فاتها....بحكمة مهيمن تا حفظ فتلاتها
وهيك النواة اللي انحلف بحياتها....جابت إلك ثمرة على شجراتها
الابناء ما بتكبر على بياتها.....هيك الطبيعة مبرهنة إثباتها
معناتها نحنا الخلقنالك وجود....انشالله تكون فهمت شو معناتها

[/size]


-------------------------------------------------
عين العروس الرتلت أبياتها....قبل الأزل الله خلق نبعاتها
هيدي من القمة المن تراباتها....بدوي الجبل هوي ابن خياتها
هيدا إلاه الشعر يللي فاتها....انشالله في عندك من وزن وزناتها

[/size]

[أمير الزجل]

[size="6"]بدي إعتذر من خيي شفيق ومن القراء عن هالغياب القسري بسبب ظرف عائلي طارئ
هلق رجعنا من جديد عالساحة وهيك أكيد بيكون شفيق أخذ نفس شوي وارتاح من بعد هالقيمات التقيلي اللي عم حطها عا كتافو . بس اسمالله عليك يا خيّال قد الحملة

أوووووف اوووف اووف

يا شفيق الديب فيق من السبات --- تعمق معي بالفكر حاجي هلوسات
روح الاطبا سآل بالمستشفيات--- بتعرف شو فضل غلافنا عالكائنات
شوف الخلايا بالجسم مصدر حياة --- إلها غلاف يمدها بالمغذيات
لولا المرض عا جسمك الحساس فات --- وصار يعمل بالخلايا معجزات
بدو متل بي المحافظ عالبنات --- يحافظ غلافي عالنواة من الغزاة
معناتها غلافي المناعة واهبك --- لما الغلاف يموت بتموت النواة


علينا العوايد فارضا والواجبات --- نغلفك بالنعش من بعد الممات ( يطوّل عمرك يا خيّال )
ما شفت عندك عالمنابر مقدرات--- صعبي بفرد كبسون تردع راجمات[/size]

[شفيق]

[size="6"]

غلاف الخلية من نواها وما انعصب.....من حولها لوما الغذا فيها رسب
وكل الخلايا بالوراثة والحسب....مضمونها بشيفرة دي أن ايّ انحسب
إلا جسم فيروس بيهد العصب....عندو غلاف وما الو شيفرة نسب
غلافو سبب مهلك شعب قلبو انحصب....والعقل نشف والجسم متل القصب
عطيني البراءة للنوى وسب الغلاف....غلافك سبب نقص المناعة المكتسب

-----------------------------------------------------------------------------------

لما الأمير بجامعة شعري رسب....متل الخمس ليرات بالبركة رسب هههههههههههههههه
البيكون متلك عالشغل غصب انغصب...ما بنصحو يركض على قمة كسب


أهلا بعودتك أمير الزجل

[/size]

[أمير الزجل]

[size="6"]يا خيّال بمجال الثقافي --- ما تمشي عا جمر الوهم حافي
إذا أبعد مسافي عم بتقطع --- تا توصلي بعد بدك مسافي
أنا سيد الشعر بضل مرجع --- لشعار القصيد الإحترافي
أخدت الصعب تا خليك تلمع --- وتتشجع يا إبني بهالمضافي
البيغني عالغلاف بشعر أروع--- بحنيلوا جبيني مع كتافي
مرض نقص المناعة بكل موقع --- مرض ما عاد عالإنسان خافي
بلا غلاف الوقايي يا مدلع --- ترحّم عالمناعة والعوافي ( عم نحكي علم هههههه )
الفكرة غلافها الحكي المشبّع --- دراسي وعمق وشعور وظرافي
وتا ينساب النغم عا كل مسمع --- القصيدي غلافها حروف القوافي
الشرف والعز والطهر الممنع --- والأخلاق وشعور الرهافي
بتترجم غلاف وتوب أنصع --- لجسم ما كان للحشمة منافي
الزيتون اللي حبو عم بتجمع --- تا زيتك بالجرار يصير كافي
مش الحص اللي زيتو عم بيدمع --- غلافو اللي عصرلك زيت صافي
الشمع بيغلف الخيط المولع --- تا يوفي ندر بالإيمان دافي
شو نفعو خيط وحدو عم بيولع --- بدون الشمع ما في ندر وافي
يا إبن الديب مني شعر إشبع --- بعد مني تا إهديك الخلافي
ان كنّك عين فيها عم بتقشع --- انا الجفن الحضنتك باللطافي
ان كنك دم للتجديد منبع --- انا عروق الي ما فيها نشافي
ان كنك روح مش مفروض تطمع --- انا الجسم اللي فيي إنت غافي
انكنك شعر من شفة بيطلع --- انا التم الزرعتك عا شفافي
وبعد هالبحث يا جاهل اتطلع --- بشرنقة الحرير ولا تجافي
جوا إنت ميّت ما بتنفع --- وانا برا الحرير بينطروني
على الحلوين تا إفلش غلافي[/size]

[slayman]

[SIZE="7"][COLOR="Red"]حلووووووووووووووووووووووو ورائع يا أمير يا عيني عا الشعر[/COLOR][/SIZE]