خبروني شفيق الديب شاعر

[شفيق]

[SIZE="6"][COLOR="Green"]كل ما الحنين يرجّع الراوي...يروي حبيبو ويسمع الراوي
بيحكي الابد قصة شفيق الديب....يللي ملايكة الوحي مخاوي

غلافك يا خيي رمز للتهذيب....بس القلب كل الفضل حاوي
والصوت ما بيصدح من التطريب....لوما بعنقك مصدرو حاوي

غلافك مذلة وتوب للترهيب....بحيلة مظاهر قلبها خاوي
ومش هم لولا لبست ميني جيب...البيهم جوا القلب شو ناوي

وحتى بلبنان اللي ما بيغيب....المضمون جرح الحرب بيداوي
خلي غلافو من الصدق ما يخيب....مع سوريا وفيه الأبد طاوي
ما زال في عالم إذا بتسيب....عا ذوقها بتفصل عراوي
يمكن تجيب غلاف من تجريب....الأم الحنونة عالفرنساوي

شيل الغلاف ورجع التعريب....يوحّد شعب بمواقفو داوي
التوحيد ما بيترك بخصمك نيب....يعني غلافك جبلنا بلاوي

وحتى البيارة غلافها بتعيب....مضمونها ان ما طوّف دلاوي
وحتى الخمر ما بيعشقو الشريب...لو كان مضمونو على فضاوي

حاجي يا خيي تشعل دواليب....وتزتها من التل عالهاوي
وتظن كل ما بعد التقريب....أنك عقيد بحارة الماوي
وتكرر القفلة إذا الطرنيب....خلص وراقك مع جمر كاوي
وعا كل حالة فكرتي ما بجيب....لوما بمشتاوي ظهر مضمون
.........................فضل عكل النتّ مشتاوي


بعتذر عن التأخير ..لأنو لوما ذكروني بالختامية ما كنت تذكرت رد ..وطبعا الفترة الزمنية بتقطع تسلسل الأفكار

عا كل حال يعطيك ألف عافية خيي أمير الزجل

خلص من الشباب وافتحلك صفحة جديدة[/COLOR][/SIZE]

[أمير الزجل]

[SIZE="6"][COLOR="SeaGreen"][COLOR="Black"]أهلا بخيّال المنبر بعد هالغيبي . يعطيك العافيي موضوع مميز ولو تأخرت بقصيدتك شي أربع خمس شهور هههههههههه معذور هالمرة بس ما تعيدا ههههه . يلا شرّف عالقرادي عن جديد

مش جايي إلعب طرنيب --- جايي حساباتي صفي
رح ولّعها بإبن الديب --- والبدو يطفي يطفي

يا ديب سأل الجمهور --- مين الفينا عم يلمع
من العتم حملتك عالنور --- تا الناس فنونك تقشع
بعتّلك شعري المشهور --- العامل زفي بالموقع
وصرلك أربع خمس شهور --- متل الأطرش بالزفي

[/COLOR][/COLOR][/SIZE]

[شفيق]

[size="6"]ولك حبيبي يا أمير أنت غالي عليي لأنك أبن أصل ووفي وأنا بحترم أهل الوفا ...من شان هيك ما بقدر اقسى عليك ههههههههههههههههههههههههه عم نمزح يالله حمي اللعبة



بالحرب وساح العفي...نار المنبر بتكفي
لو ولعت في ابن الديب....ما في قوة بتطفي

يا شاعر شيل الوسواس....غطا عليكن مضموني
أطرش بالزفة بنقاس....وبدي قلك يا عيوني
يشوفوني أطرش هالناس....معليش..ولا يشوفوني
عا منبر قدس الأقداس....هيك شكيلات ملفي[/size]

[هيفاء العنداري]

حلوووو كتير شي رائع

[أمير الزجل]

[SIZE="6"][COLOR="black"][COLOR="Black"]تسلم شفيق وانت من اهل الوفا والمحبي بس يا اخي بالزجل ما في مطايبي شو بدنا نعمل والمنبر ما بيحمل غير أمير واحد هههههههههههههه يلا شد الهمة ولاقيني



مش جايي إلعب طرنيب --- جايي حساباتي صفي
رح ولّعها بإبن الديب --- والبدو يطفي يطفي

عالمنبر هيك شكيلات --- انحسبوا ثروة شعريي
وقدس الأقداس وشمعات--- الطهر بإسمي مضويي
ولو بتستجدي لمقامات --- ما فيك تصفّي النيي
لا روحك خرج الصلوات --- ولا راسك خرج اللفي

[/COLOR][/COLOR][/SIZE]

[شفيق]

[size="6"]

راسي مش خرج ..؟؟تماسك....ولا تحط ردودي بالخرج
بحيث اللفّة عقياسك...رح شيل اللفي من الدرج
ومن شان تصدق ناسك...أنك خرج وراسك خرج
برأيي تحط على راسك....من فوق اللفي ملفّي

[/size]

[أمير الزجل]

[SIZE="6"][COLOR="Black"]راسي عالمنبر علّيت --- ونور الشمس حجبتوا شهر
وعاللفي ملفّي ان حطيت --- العفويي بتفرح بالطهر
وكرمال نشوفك ضوّيت --- وعم تحرق عتمات الدهر
رح احفر عا جبينك بيت --- وحط على راسك دفي[/COLOR][/SIZE]

[شفيق]

[size="6"]
ما فهمنا وين الإقدام....ان حطيت على راسي الدف
بقلبك في نزعة إجرام....بحفر الراس وصلب الكف
وعالحالين بوجه العام....شرف حط الدف وصف
بلكي عا وهج الإلهام....دفك بيصير يدفي[/size]

[أمير الزجل]

[SIZE="6"][COLOR="Black"]شعري مواسم للأعياد --- لا إجرام ولا ترهيب
طعّمتوا بتقوى العبّاد --- زرعتوا إلفة بطبع الديب
ودفي عاش ليالي حداد --- فوق جبينك يا بن الديب
مش وهجو بس اللي زاد --- نحاساتو زادت خفي[/COLOR][/SIZE]

[شفيق]

[size="6"]

بين الصرخة وبين الهمس....الدفّ اللي عندك تعتير
قلتلك شيلو من الرمس....وحطّو عا وهج التفكير
ونحاساتو من هاللمس........ان زادو خفّة رح بيصير
يوصل عا مملكة الشمس...بخفّة من أول رفّة

[/size]

[أمير الزجل]

[SIZE="6"][COLOR="Black"]يلا يا خيّال بعد ما اختبرتك بالشروقي هات تا نشوف
أووووووف أووووووووووف أووووووف أوووووف أووووووووووووف

شفيق حدي انحني ورب العلا ناجي --- لا تضل هاجم رح بتتعب على دراجي
ان ضليت ناكر فضل أروع شعر مكتوب ---- بتكتب عا جلدك عبر لفحات كرباجي
حدك أمير الزجل فارس قوي موهوب --- بتنام شمس السما عا سطيحة براجي
عالشط كلما بجي يصيرو الصخور قلوب --- اشتاقت لشعري الحلو الدايب بأمواجي
دفي نحاسو القوي بوسو يا شوشو وتوب --- وتا تصير شاعر زجل إقرا بمنهاجي
ولو شفت قرص الشمس عالي وسطع عا دروب --- بيضل قرص الشمس درة على تاجي
[/COLOR][/SIZE]

[slayman]

[SIZE="6"][COLOR="Navy"]



بحر الزجل بو شربل

يا ملوك خلّو الحلا...بالمنتدى موجود***وطفّوا لهيب الزجل...ببيوت مقبولي
وخلّوا ليالي السمر...تشحد سمع وورود***تشلح عفاف الزهر...عا شفاف مقفولي

عرفتك أمير الزجل...بالمنتدى موجود***وأحباب أخدوا الرقم...عا البيت دقّولي
وقالوا أميرك كتب...ابيات حلوة وكووود***وفارم شفيق الوفي...ب جاط تبّولييييييييي

******************************************************************************************

جاوبت حاجي كذب...بعرف شفيق ومين***قادر يا واشي الخبر....يوقاف قدّامو
يا ما كبستو انا...وما كان عزمو يلين***شاعر خيالي صرف...ما بينحني هاموووو

يمكن أمير الزجل...قلبو حجر تخمّين***وما حنّ متلي انا....وفجّر بألغامووو
بس الحقيقة دعس...بالمنتدى بانزيــــن***ويلّا تا ننطر سوى...تبليطت فراموووووووووو
[COLOR="Red"]ههههههههههههههههههههههههههههههههههههههههههههههههههههههههههههه[/COLOR]

[COLOR="Red"]حلوووووووووووو يا شباب متابعيين وبمّا انو الشروقي من اجمل الألوان بالزجل حبيّت أمرق عا قبر واحد من الشباب

تا نشوف أيّا لون من الورد بدنا نحط هههههههههههههههههههههههههه[/COLOR][/COLOR][/SIZE]