[SIZE="6"][COLOR="Red"][COLOR="SeaGreen"] شلهوب شعرك منتلي زهور وعبير --- وغصن المواهب شايفو أخضر نضير
بتشنق بخيط الشمس عنق الزمهرير --- ومنو بتغزل للكتف شال الحرير
بس بمجال المعركي ان دق النفير --- ان ما كان عندك سطوة النسر الخطير
ما بينفعك شال الحرير ولا الزهور ---- بدك درع يحميك من سيف الأمير

يلا يا سليمان وصّل هالردة لطوني وقلوا ناطروا يجيب الدرع ويجي هههههههه[/COLOR][/COLOR][/SIZE]

slayman · 19-09-09, 03:34 PM

[SIZE="6"][COLOR="Navy"]
رح أنزل من الغيم تا قلّو

تطلّع وشوف المملكة بتنهار

هوّي تحت والبحر موجو قمار

وان كنت شاعر جدّ تقّلو
[COLOR="Red"]هههههههههههههه[/COLOR]

لا تعتل همّ يا أمير رح انزل من سابع سما اسأل عن طوني تا ينزل لعندك [COLOR="Red"]ههههههههههههههه[/COLOR]
اكيد لأنو انا أعلى بكتييييييير [COLOR="Black"]ههههههههههههههههه[/COLOR] وطوني تحتي [COLOR="DarkRed"]ههههههههههه[/COLOR] وانتي تالت درجة[/COLOR][/SIZE]

أمير الزجل · 19-09-09, 03:52 PM

[SIZE="6"][COLOR="SeaGreen"] سليمان صدّا بإيدك سلاحك
وحدّي ما تتحامل على جراحك
وما تقول انك فوق نحنا تحت
قلاعنا بتضحك على رياحك
ولا تقول بحبال الفضا تمرجحت
وتصب خمر الوهم بقداحك
كنت عالي وعالغيوم ارتحت
بس الأمير تصيدك بالجفت
وبالمشنقة كتفلك جناحك ههههههههههههه

سليمان شو بدك بهالشغلي ما متت ما شفت مين مات ؟؟ هههههه [/COLOR][/SIZE]

hany nassif · 19-09-09, 04:46 PM

[size="6"]اطلب حدا بيحرز ما لقيت الا طوني شلهوب ؟؟؟؟[/size]

slayman · 19-09-09, 05:20 PM

أمير الزجل, post: 45575 كتب:
[SIZE="6"][COLOR="Red"][COLOR="SeaGreen"] شلهوب شعرك منتلي زهور وعبير --- وغصن المواهب شايفو أخضر نضير
بتشنق بخيط الشمس عنق الزمهرير --- ومنو بتغزل للكتف شال الحرير
بس بمجال المعركي ان دق النفير --- ان ما كان عندك سطوة النسر الخطير
ما بينفعك شال الحرير ولا الزهور ---- بدك درع يحميك من سيف الأمير

يلا يا سليمان وصّل هالردة لطوني وقلوا ناطروا يجيب الدرع ويجي هههههههه[/COLOR][/COLOR][/SIZE]

[SIZE="6"][COLOR="Blue"]

طوني شلهوب

الشـّـاعر الخـلاّ العـطـر يـعـبـق بالنـّـشيد
وطـفـّـى البرق وخرسن صراخ الوعـيـد
وشـَـرنـَـق همـومو وطرّز خيوط النـّهيد
شلـحة عـلى كـتاف المعـنـّـى والقـصـيـد
بـيـبـقى كـأنـّـو مـألـهـنـو الربّ الـمـجيـد
بـيظهـرلكن متــل الإلــه عـلــى العـبـيــد
الحولـو فـي هـالـة نــــور مـتـل الآلـهـة
لا تـسـألــو عـــن درع بــولاد الحـديـــد[/COLOR][/SIZE]

أمير الزجل · 20-09-09, 08:30 PM

[SIZE="6"][COLOR="SeaGreen"]حولك في هالة نور يا طوني صحيح
هلق بقلّك كيف وتفهّم منيح
لما طلبتك للتحدي يا فصيح
وإسمك صفي بجوهر بيوتي مستريح
شعشعت لكن قد ما بصوتك تصيح
مش رح تصفي محمد وعيسى المسيح
اللي طلعك عالنور من عتم الدني
قادر عندما يريد يحفرلك ضريح[/COLOR][/SIZE]

slayman · 21-09-09, 12:05 AM

[SIZE="6"][COLOR="Blue"]

طوني شلهوب

يا أميــر .. النـّـور عالـشــّـاعــر جـِـنــــــي

وفـتــّـح جــروحــو مـتــل كــمّ السـّـوسـنــة

وحتــّـى وطـن الـحـروف .. كـلـمـة يـنـبـني

صهــيــون جــهــلـك لازم نـشـوفــو فــِـنــي

هاك الـ عـطـاني من العـمـر هالـ كـمّ سـنــة

ونـاطــر يــردّن عــمــــر خـــالــد بالـــدّنــي

عالعـتــم ما بـيـردّنـــي بــبـطـــن الــتـّــراب

روح عــْـلـى رفّ الـمــكــتــبـــة بـيــردّنـــي[/COLOR][/SIZE]

أمير الزجل · 21-09-09, 12:48 PM

[SIZE="6"][COLOR="SeaGreen"] بطن التراب اللي حبل بالكائنات
بيطعم أحاسيسك حلا واجمل صفات
وصهيون لما لأقدس ترابات فات
تا قاوموا محوّل حروفي راجمات
شلش المشي بالعتم تا يولد نبات
و يضخ بتراب الفنا روح الحياة
عندو جنى أكتر ما عندك موهبي
حملت غباير عا رفوف المكتبات [/COLOR][/SIZE]

slayman · 21-09-09, 01:49 PM

[SIZE="6"][COLOR="Blue"]
[COLOR="Red"]tony chalhoub[/COLOR]

الشـّـلش الـمشي بالـعتم .. تا زرعو عـِـبي
تـهـدّى بـحـبال الـشـّــمـس وعليهـا ربــِـي
وشـاعر أنا .. بعتـمة همــومــي مخــتـبـي
تعمـشـق شـمـوخـي عا رفــوف المــكـتبـة

بـهالـ عـصـر فـيـنـا تـهـكــّـم الجيل الغبي
تـعـامى عا مـجـدي ومـجد جـبـران الأبي
بكرا بيجــيـنــا جيــل .. تمسـَح نـظـرتــو
الغبرة الـ على كتابي وعلى كتاب النـبـي[/COLOR][/SIZE]

أمير الزجل · 21-09-09, 02:40 PM

[SIZE="6"][COLOR="SeaGreen"]لما الدواري تصير بمقام النسور
ما تلوم جيل جديد ما بيهوى الطيور
جبران علّم هالدني من كتاب نور
لكن إنت عم تجرح شعور السطور
ولما كتابك حد كتبو يا غيور
بينحط ما بيعني انهدى ذات الشعور
متل الكأنو جب علّيق انحنى
يشرب عند ما بتنسقى مروج الزهور[/COLOR][/SIZE]

slayman · 21-09-09, 10:24 PM

[SIZE="6"][COLOR="Blue"]

,[COLOR="Red"]ولك يا طوني تسجّل وخلصنا منّك وانا بعملك واسطة تتفعل عا السريع تعبتني معك ههههههههه

طوني شلهوب[/COLOR]

الـجـــبّ انـحـنـى ؟ تا يشـــرب بأرض الـعـفـيـر
!!
شـو الـمـمـلـكـة مـن جـهــل .. تـا إسـمك أمـير ؟

يـا أمـيـر .. الـغـــيـــم مــا بـيـــســــأل كــتــيــر

أيــّـا شــلــش رح يــشــرب الـدّمــع الـغــزيـــر

بــسّ العـشـق : جبران .. طوني .. وشكسبـيـر

بـيـســأل شـو إســم الــورد تا يـشـــمّ الـعـبـيــر

مـش حــقّ خـلــد الأرض .. بالعــتـمـة يصـيــر

يـحــكــم انــكــنـّــي نــســــر أو دوري زغــيــر

الـبـيـهـمّ قــادر طـيـــر عـا جــنــاح الــخــيـــال

وخـلــد الـبـعــتــم الأرض .. ما بـيـقـدر يـطـيـر[/COLOR][/SIZE]

أمير الزجل · 22-09-09, 04:37 AM

[SIZE="6"][COLOR="SeaGreen"]لما الظلم عالحق يعلن إنتصار
تحت الأرض لو صرت مش عيبة وعار
وقت العا غزة ضيّقوا كتير الحصار
وطيّار طار وفرفط عناقيد نار
تحت الأرض كنت المقاوم بالديار
مش خلد كنت خلود بعد الإنكسار
بعتم الأرض لوما اختبوا صواريخنا
ما ضل طاقة للعصافير الزغار

سليمان روق لآخر الحوار إذا بقي طيب الزلمي بيتسجل ههههههههههه
يا أخي مش عم يفهموا إنو الأمير خط أحمر بالمباريات [/COLOR][/SIZE]

slayman · 22-09-09, 04:44 AM

[SIZE="6"][COLOR="Blue"]
طوني شلهوب

يا عين عا هالردّ يا أمـيــر .. روعة. شاعر كبير بالفعل
^

يـــا ضـمـيـــر الكــون .. بـيـكــفـّـــي تــنـــــام

نـومــة عــيـون الـخـلــد بـ عــبــاب الـظـــــلام

وحلـّـــك عــ غـزّة تــطــيــــر يــا طــيــر الحمام

وتحمــــل بــ منـقـاد الـطـّـري غـصـن السـّـلام

وحـيـــثـــــك أمــيــر اخـتــار يــزحــف عالـدّوام

لـمـّــا إلــي عــا مـنــبـــــري تـوجــّــه كــــلام

تـبـقـى خـَـيالـــك طـيـْـلـقــو بـ جــــوّ الـهــيـام

تا تـصــيــر تــشــبــه بالزّحـف.. زحـف الـقـلام

طـونــي أمـيـــر تــتــــوّج بـنــــور النـّــهــــــــار

وإنت الأمــيــر الـتــّـوّجــــو .. بـصـر الـمــنـــام[/COLOR][/SIZE]

أمير الزجل · 22-09-09, 06:10 AM

[SIZE="6"][COLOR="SeaGreen"] تسلم يا طوني وفعلا كتير حبيت هالحوار معك لانك شاعر مختمر ورح نترك للقراء إبداء رأيهن بهالحوار

عطيتك جواب بيختصر مية كتاب
ما لقيت عندك رد عا قد الجواب
بزحف أنا وما بطير متلك يا غراب
زحفي زحف جندي لشعبو النصر جاب
زحفي زحف سنسال عا صدور الحباب
ودمعة لورد الخد بتقلوا شراب
بصرت بمنامي عا بلاد الإغتراب
الظرف طيرني وعيت بإكتئاب
عا قبر جدي رحت إقرا الفاتحة
وريحة بلادي شمها بعطر التراب[/COLOR][/SIZE]

slayman · 22-09-09, 01:15 PM

[SIZE="6"][COLOR="Blue"]جوابي
:
طوني شلهوب

لا تشـوف جـدّك بالـ فـنى تـراب انغـمـر

خلـّـيـه روح مرفـرفــة .. تـردّ الـخـطــر

ويا ريـت فـيـك تطـيـر متـلـي عالـ قـمـر

تـحـلـّــل ســـرار الكـون وتعـيـد النـّـظـر

إنت وأنا .. يا جــاهــل .. وكـلّ البـشــر

بـ رحلة سـفر.. والأرض مركبة السـّـفر

زحـفـك مـعـي مـنـشـبـّهـو بـالـمـختـصـر

بــ إزمـيــل طـاوَع آمــِـر بـ إيــدي أمـَــر

لازم يـطــيــــر شــويّ قــدّوم الـحــديــد

حتــّى الـزّميل يصيـر يزحف عالـ حجـر[/COLOR][/SIZE]

أمير الزجل · 22-09-09, 02:46 PM

[SIZE="6"][COLOR="SeaGreen"]القدوم عم بيطير ؟ يا ناس اسمعوا
ويمكن يطير الفيل يا طوني معو هههههههههه
يا ابني انحني للزحف والفكر اقنعوا
وكون جدول مي صافي منبعو
عالكتف حتى الشال طاير تقشعوا
في خيط عالمغزل زحف تا يصنعوا
القدوم والصاروخ واللي ترفعوا
معادن حديد من الأرض عم يطلعوا
استكتر بخير الزاحف بمنجم حديد
ولا تسكر على مجد غيرك جمّعوا[/COLOR][/SIZE]

slayman · 22-09-09, 04:05 PM

[SIZE="6"][COLOR="Blue"]
[COLOR="Red"]
طوني شلهوب[/COLOR]

تـا صــيـر جــدول مــيّ صـافـــي مــنـبعـــي
يـا مـيّ طــيـــري ويـا غـيـــوم تـجــمـّـعـــي
ويـا بـتطــلــعــي يـا ورود عـطــر تـوزّعــي
يــا تـكـــفـّــنــي بـ ترابـــك ومـا تــطـلـعــــي
وكـلمـا بـتـشـعــر فكــرك الأعـجــــر كـِـعــي
سـفــِّـر شـرودك عالـ وعـي مْن الـ لا وعـي
بحكي مــع اللـّي قـبـال عـرشــي وموقـعــي
بـيحـنــي احتــرام وبفهـمـو الواجــب دِعــي
بـسّ اللـّي جايــي زحــف .. مذلـول وجبـان
بـيـحـكي جـريـن الـعرش .. ما بيحكي معي[/COLOR][/SIZE]

أمير الزجل · 25-09-09, 01:06 AM

[SIZE="6"][COLOR="SeaGreen"]ازحفي يا جيوش شعري بكل ديري ---زحف الموج عاشواطي الجزيري
ازرعي بكل البيغنوا فكر ملهم --- متل عجنة انزرع فيها خميري
انا المنبر أميرو الما بيرحم --- انا سيد المهمات الخطيري
الأدب بكتاب شعري دروس علّم --- وبشعري تروحن الشعر الجريري
الزحف مش ذل يا شلهوب إفهم --- ولا الزاحف جبان بهالعشيري
الطفل بيزحف وتمو تبسم --- وين الذل بالبسمة المنيري
الجندي اللي على الجبهة تقدم --- زحف والعز بالنفس الكبيري
وأدونيس على ضفة نهر رنّم --- زحف تا نزفت جروحو الغزيري
شرب دمو الزهر قلّوا يا مغرم --- لعشتاروت رح ودي عبيري
وصبيي من ورد نيسان أهضم --- حملت عطرها نسمة غديري
زحف عا جفونها الميل المعتم --- تا كحّل جفنها بمرقة زغيرة
ومتلو أصبع الحمرا المتيم --- زحف عا شفافها تا داب غيري
وحرير الشال حتى صار أنعم --- زحف عا خدها الشال الحريري
وانت يا طاير ومنك مكرّم --- قذيفي من صنع دولة حقيري
صابت طفل بيدبدب بميتم ---- تا طلعت سفرتو السفرة الأخيري
انت طاير متل زنّار محكم --- عا خصر الراقصة السمرا المثيري
وانا جدول زحف ألّف ونغّم --- زنار بخصر واحة نضيري
ورقة إنت وبخيطك محزّم --- يا طيارة ورق بالجو طيري
وانا حبوب الكريمة بخيط أكرم --- مسبحة الصلا وزحفي مصيري
يا بن شلهوب لو قسيتك ما بندم --- تا إبدل خلّك بشهدي وعصيري
ولأني بشجّع الجيل المعلّم --- قبلت إنزل عن العرش الأميري
وتا أرضي ضميري كنت ملزم --- طرّز خامك بلمعة حريري
وتا تصبح أشهر وأقوى وأعظم --- على منبر أمير الشاعريي
علّي جبينك وكفّي المسيري

طوني يعطيك العافيي كانت جولة حاميي ومميزة وفيها شعر راقي ومن الجولات اللي رح ضل إتذكرها
يدملك هالهمة وتضل بهالعطاء والتجلي [/COLOR][/SIZE]

slayman · 25-09-09, 11:23 PM

[SIZE="6"][COLOR="Blue"]

طوني شلهوب

شرّفتني بهالحوار يا شاعرنا الكبير ، عندك حنكة بتتعب خصمك، وبتحكـّو منيح. ومازال عجبك شعري خليني كون الأمير وإنت صير الملك. يعطيك العافية

سـَـلامي لـَـيـْـك يا شـاطي هـيـامـي

بحـْـرك خـزنــة جـواهـِــر كـلامــي

بـ أمـر الرّيـح صـار الموج يزحف

يـْـبـوِّس خـدّك ويـِـحـْـمـُـل سـلامي

أمير الـشـّـعر .. عالميدان شـــرّف

وشي مرقوا دقيقتين على الزّعامة

عا راية لونهــا أبـيـض مهـفـهــف

كـتـبــلي : صـار زحـفـي إنهـزامي

خـلـفــي جـيـش عالجبهة تكـثــّــف

وغـيـر البحـر مـش بــاقــي أمامي

أنا عالأرض مجــدي مـا تشـــرّف

ولا بهوى بحر عمقـو ألـف قــامة

بحـري الجـوّ .. موجي ريح ألـّـف

أغـاني ثـورة جـمـوح التــّــسـامي

المركب : نسر مع موجـي تكيـّـف

الجـزيرة : غـيم تاه بـ بجـوّ سامي

وياما بمــركـبـــو الـمقـداف قــدّف

تا يـوصــل عالجـزيرة بالـسـّـلامة

أنا بالـجــوّ هالـ تـّـلـج المـنـفــنـف

بطـيـر .. بغـطـّ .. بتـياب الكـرامـة

وبعد ما صرت نتف ونتـف إنحـف

وعـِـي نــوّار عـم يشـرب مـدامـي

صرخت : يا نحل بالفلـّة تلحــَّـف

ويا فـراشـــة عـا كـمّ الـورد نامي

وإنـت بـقـيت بالمِحـْل الـمـجـفـّــف

أفـعـى تـزحـف عـلى رمـل حامــي

وبعـرف شـبّ كـان بعـمـر مرهــف

لـمـّـا صـــار ورد الـمــرج نـامـــي

ركض تا يهوشـِل مـشـوَّق ملهـَّـف

يشــمّْ بنفـسـجــة ويقـطـف خـزامة

ومـرّة لـغـــم بـتــرابــــــو مـغـلـّـف

سرق زهوة صِبا الـشـبّ العصامي

وهــاك الكـان وقـفـة سـبـع يوقـف

الـيوم بـيـزحـف عـْـلى جرح دامـي

وإنت يا مكمـّـش بموقف معـجـرف

مـتـــل الخـلـد والـلـّـغــم الحـرامــي

انشالله تـحــت وطـأة هـيـك موقـف

عـا خــدّك تـزحـف دموع النـّـدامـة

وفي طـيـّـارة كـفـر شــرّا تـكـلـّــف

يـنـسـف طـفـل عـ سـرير الفطامة

تـعــَـى عـــا مـبــدأ الآلــة تـعـــرّف

لأنهـا مــن مـقــامـك مـش مقـامـي

قـبــل ما حقــدها النـّـيــران نـقــّـف

وقـبــل ما تطـيــر وتشـّـق الغمـامة

لـو ما تزحــف .. جـناحــا تكـتـّــف

بـعـكـس عـفــويـّـة جنـاح الحمامـة

زحـفـك طـار دمّ الـطـّـفـل نـشـّــف

وأنا غـطـّـيت مع غـصن السـّـلامة

ودخـلـك لـيـش ؟ قـلـّـي يا مثـقـّـف

كـتـب جبران حـِمـلـوا هالأســامـي

"روح تمردّت ... وجـناح رفــرف

وعواصـف بعد دمعـة وإبتســامـة"

إجـى جبران حـقّ الشـّـرق أنصـف

وروى تـــاريـخ للأمـجــاد ظـامــي

وياما من سـَـمـايـي نجـوم قـطـّــف

لـ ماري هاسْـكِـل وسـلـمـى كـرامة

ولأنـّــو ربـّــنـــا الأعـمــار حـلـّــف

الأمانة تردّهـا بـ فصـــل الـخـتامـي

كتر ما زحـَـفـت بطن الأرض ولـّـف

عـشِقـتو وعـشـقـك العشق الغرامي

صرت عايش سنين العمـر، بِأسـف

عا وعـد تراب فوق تراب تـِفـنــى

وأنـا عايـش عـلـى وعــد القيـامـة[/COLOR][/SIZE]

slayman · 25-09-09, 11:51 PM

حذفت للتكرار

تسجيل الدخول
اسم العضو:
كلمة المرور:	نسيت كلمة المرور؟
	تذكرني