الصفحات: 1 2 3 4 5 6 7 8 9 10 11 12 13 14
بهاك الجرد ....مين اللي قلك أنسني
قلب الحجر ..حتى بغيابك أن ّ سني
ونادا شو قيمة بدر ضاوي إن سني
أو مش سني انما كان عم يضوي لنا
عابر سبيل و طليت
مش تا ولي
بالشعر ساوي و احتكر
مشتاوي لي
ما زال الكم
هالوحي مشتى ولي
شو بيمنع
ان شتى و سقانا كلنـــــا ؟؟
*******************************************
انا قلبي بضيعة
مشتى رابي
اعشقو متلي ترابا
مش ترابي
لو انو الشعر قيمة ...... ما اشترى بي
هبط و انباع
ارخص من تراب
حلاكي جِن انسك
انس جنّي
خلاّني بْربيعك
انسَ جنّي
لا تهتمّي عا تمّك
ان سجنّي
حْبسيني صوت
تَ يْبح القصب
يا فاتح مـن خيـالــك علم ســاكب
قصيـدك ورد فتّـح ع المــساكب
تايوعى الليل خمرك ع المسا كب
و خلّـي الـشمـس تغرق بـاللـهب
حْسبت مرّه فؤادي مرج أخضر * رغم ما كان نبلك بعد أخضر
وشو عدلك ي سمره بجرحي أخ ضر * وشلّ الصبر جوّات العباب
البحر تَ يدوق جسمك كم مشيلو ؟؟
وندهلو فك زر و كم شيلو
دخيلك .. بس غمره كمّشيلو
البحر بيجوع لو شبعوا التياب
م بين جروح للغصّه ودوا لي * وعنب اشعار ع الفرقه ودوالي
تفجّر مطلع الوحده ودوى لي * عِتاب عْتاب لبيوت العتاب
متل جانح فراشي اغزليلو
و متل غزل الحراير اغزليلو
وقت بيصير شاعر اغزِ ليلو
انهبي عن شفّتك كلشي انكتب
عروس الشعر صدري فاتحلها
لغز لكن عليي فات حلها
و وقت ما عرفت صفى فاتح الها
عليها بطلت اكتب كتاب
لا تبقى تروح يا شاعر
ما حي ببيت
اللي زرتو ..
آخ .. لو إنّك ما حبّيت
قطف ورقة حبق
بلّش محي ببيت
اللي بيفوح
من عطر الحباب
بـــــخــلــقـــك وقـــت اللـــه مَن حلي
وجهــــك تا حتى صار أجمل مِن حلي
و لما استحليتــــي العـــسل من منحلي
استحلى العسل بالمنحلي شفافك شراب
قلبك نور كهف العمر دخلو * وعطرك يا حنونه القلب داخ لو
وي سمره هـ الصدر لك آخ دخلو * توّج قمر ليلي ع السحاب
ببيت الشل
يا ما عرقت عرقات
و دلف عطر السما
مْن جروح عرقات
كنت خبّي بْقفا الساموك
عرقات
كل ما يعطش
بقلّو شراب
بالعمر ما بتقّل الحَمله عا صِغار
و بالعمر ما بلبّس بإيدي عاصي غار
داب دجله من خيالي .. عاصي غار
من مرقتي بسهل العيون الفاتِنا
خَدّامك الليل و نهارو حاجبك
و الورد خبّاكي و ربيعو حاجبك
من كتر ما تشهون عا رمشي حاجبك
صرنا عَ جوع العين ناكل بعضنا
الشاعر مملكه ..
الزنبق عاصمتو
انْ سكت بتكون
شي زهره عَصمتو
و إذا مرّه الوحي
ينزل عَ صمتو
خيال الورد
بيعبّي كتاب
مـــتل نــُـــدرة الـــدرّة لو ندَرتي
و لغَيري سنين عمرك لو نَدَرتي
بخيالـــي بيـــن لون و لون دِرتي
و على قلبي انرَسمتي بالدهــــــب
بدموعي الكنت فيها والها مسكون=تأخلق كون صامت والهم سكون
وبدّي في أنينك والهمس كون=تدوّب نهدتي عنّة رباب
عِمي عالليل عنّة عود عالتِّم=عمّر عا سوادو عار عالتَّم
عجيبة..عاد عدلو عين عَتّم=على عتمة عبيدِك عالبواب
التَّم=طائر أبيض
الصفحات: 1 2 3 4 5 6 7 8 9 10 11 12 13 14