منتديات مشتاوي

اذا قالو عبيرك عاف روضي

كذبه بالعتم مش عا فرو ضي

وانا آدون رابي عا فروضي

حنيني دموع من جرحي انساب

فاتح بحر
إحساسو كأن نَو
أوعا تفتكر
أنّك كأنّو
إذا حرمتو
من المشتى كإنّو
حْرَمِت يا كافر
من الصيف آب

بعد ما إسمَك
بْصدري وَشَمْتو
حْرَمتني فوحة
الزنبق و شَمْتو!!
و علّي تكبّرو
عيونَك و شِمْتو
شْماتة شط
بِزْرار التياب ...

إذا ابن العوائل بدّا أب شر***عبيّ الخير فقدو بدّي إبشر
ومين القال أنّو بالدّأب شر***الدمع أرخص من دموع الدهب

الضو بيهرب لْصــــــوبك كَمَنجا
بيجي عا صوت إحساسك كمنجا
يْصيغ رموش عـــــينيكي كمنجا
و بِقوس الضَـــــو يِعزفلك غياب

نبــع وجّــك عيـــوني كــم مليلي ؟؟

وآخـــر كــــاس فـــاضي كمليـــلي

فـــك العتــــم قطبــــة كـم ليـــــلي

وغــــزل صبحـــك بســـنّارة ضباب

ياكحل الرمش
دخلك تَم تَ ميلو
عَ تمّي متل
ميلة تم تميلو
وتم التوب
تَمّي تمتميلو
تاتم التوب
توبة تم تاب

لمّا الوقت عَ الوقت ..
حالو زَم .. بَرَك
متل النهر بالصيف ..
لمّا زَم ..بِرَك
صار يبرم عَ الثواني
زِمْبَرَك
لاقى العِمر
وقّف عَ كسْرة ميجنا

هالرسّام ..
نهداتو مَ حلّن
يغيبوا و يتركوا
وجّك مَحلّن
من اللوحه لْ بِعينيكي
محَ اللون
و حبس صوتك
ببرواز العذاب

غفّي لو قدرتي وفيّقي, ارمي******عيوني في ضياكي وفيّي قرمي
بشقفة ظلّ صخرة وفيّ قرمة****فيّي دوّخك يا شمس اب

يا قِطّاف العِنب سمّوك عَنّاب
أنا متلك كنت قِطّاف عِنّاب
و كنت عَض الجرح بالناب عالنّاب
متل طبْق الجْفون عْلى الهداب

إذا وجّهت دَفّي أم شِراعي
ما برضى البحر لمّا إمشي راعي
و لو انّي كون صخره أم شي راعي
عا صوت الريح رقّصت الدياب

تَ يهرب من سياجو .. الريح قلّو
من الأرض .. لْ فِيا الأزهار قلّوا
قلّو .. شو مخبّي عطر ؟؟ قلّو
تياب الورد ما إلها جياب ..

سحر هالعين (هل) *بدرو ونجومو*****سحرني بسّ هالبدروا نجو مو؟؟
ليل الشعر هلّ بدرو ونجومو*****عفجرو تشنشلو دوالي ضباب

*البادر والناجم

القلم لو جَرّني عالسـطر جَرّه
دشّرني بْإســـم مـجرور جَرّه
عَبّى من جْـرار الحـــبر جَرّه
و صار يْصب و يقلّي شْراب

قبّة ســماكي .. شو !! ثريّا أم سُها
فيها الليالي .. شو بتعشــق أمسها
و لولا شـــرد قنديل وجّك أم سَها
بينوس همس الضو و بيغفى الهنا

أنا الســــــهل .. و عَالبيادر غِلالي
على نارو الشـــــــفق قهوه غَلالي
و لوْ ونّو تــــكون من زنبق غْلالي
ما برضـى يحبس شروشي التراب

مَ برضى في حياتي عاصي راعي
لو استشرس بشرّو عا ص ِ راعي
و لوْ إنّي عَ ضـــفّة عاصي راعي
كـــنت قبل الغنم بـِسقي الديـــــــاب

يَ مْشاعري الحرّة ببحر موسى ارسبي=
وجيبي الدّرر .. حيث الهوى مو سرّ سبي=
ومو فلسفة .. مو ولدنة .. مو سرسبة=
مالي سواكي وما إلك إلا أنا=

ل فكري ربّنا بليلة وهب بيت=
اشتعل شوقي ... بعد حزني وهبّيت=
كتبته .. وكنت في غرفة وهي ببيت=
انوصل قلب بقلب والبيت ذاب=

علي عامر