منتديات مشتاوي

الل ضايع سبيلو بالهوى كــــالناسي .. هام

قلبو , و صفي بدنيا العشق كالناس ... هام

و متلو نحن في هالدني كـــنا ...... سهـــام

بس الهوى ضيــــع ســــــــبلنا كلنـــــــــــا

******************

الغمز بالعين بيسبب ... كفــر عين

و حيث نحنا بغصن واحد ... كفرعين

بيّــك ليش مع أمك ؟؟ كـــفرعــين

أمن .. بيحققو لو الصهـــر غــــــاب

**************************************

بغيرك يا رب بمين بقدر بستعين ؟

طلبنا العون يا ريت النا بس تعين

و كلما أنا من عيون ولفي بست عين !!

ما ببوس تاني عين تا يقلي (هنــــا)

*********************************************

العربي بعصر المجد صاحـــب إمرة كـــــــان

و أم الفــوارس أم عـــبدو ...... أم ركـــــــان

و وقت اللي عشقو العرب صحبة أمْــريكان

بغداد متل الـقدس ضــــــــــاعـــت مننـــــا

*********************************************

بعد قرائتي لموضوع بعنوان
كل ما هو دمشقي ... في المنتدى العام ....


أنا ما كنت لولا عندي ... مـــشقي

شقا زعرور تارك عند ... مشـــقي

و لما صرت إقرأ ....... عن دمشقي

حن القشر عـــا عــود الخشــــــب

ان شفتي القاف عندك فاء عندي
يا حلوة الـ نام عندك فاق عندي
وحتى ان كان عندك فاق عندي
بْلا عقل العند ما بيفتح بواب