الصفحات: 1 2 3 4 5 6 7 8 9 10 11 12 13 14
----------------------------------------------
عطيتي بلبل غيابك رياشو
ت دمعك سال عا نغمة رياشو
وبدمعك ربنا مرمغ رياشو
ولون هالشمس عند الغياب....
-----------------------------------
ل حاكمنا بلؤمو خلف جاري
لأنّو الجار معدن خل فجاري
نهر الخون كان من خلف جاري
بخرير الندلنه شقّ السحاب
يا ليل الحــب ما برضى مساسك
غير الشعـــــر عَ دروبو مَساسك
كنت إشرب من عيونك مسا سك
صرت تشـرب من عيوني غياب
صفي عمري بعدك شمعة تبكي
دخيلك بس قولي شومعتبكي
وألا يا دار بدي شم عتبكي
مطرح ما خطو عليكي الحباب
حبيبي الـ بِسْكَر بضحكو قولولوا
الخد، ان دمَع، فضة وفوقو لولو
إن طلب عيني إلو، وقلبي إلو، ولو
طلب روحي بقدم بلا حساب
---------------------------------------------------------------
حسودي لو حكي عني و وشالك
وشــــكك قـامك وحــطـك وشالك
سْـــألي فســتان أحلامك وشالك
ع شادي بالوفا .. بيعطو الجواب...
---------------------------------------------
اذا جرحي قلعتي وهم شلتي
بحيّكلك وفا واخلاص شلتي
وي سمره شي ألف مليون شلته
شلت صبري جفاكي العمر داب
بيتي ان صار ع خشبي ولوحين
قولي بهالدني كلشي ولوحين
رفعي المنديل ورا نعشي ولوحين
وابكي شهيد غمزات الحباب
[poem=font="Arial,5,,normal,normal" bkcolor="" bkimage="" border="none,1,#00008b" type=0 line=0 align=center use=ex num="0,"]
وقت هب الهوا وطيّر إشارا = عليـها هالقـلب فــوراً أشارا
وبلفتة صوبها عطيت إشارا = بريف العين..تدْبيلة هْدااااب[/poem]
بطقوس الحرق قلبي حرْ اقصيني***احرقيني حرق هندي حرق صيني
بعينيكي ادوخيني حرقصيني***اطحنيني ورشرشيني عالهداب
بعصر معامل وعجقة بنايات***تعي بدين الأرض نخلق بين ايات
ونوعى الصبح تنهيدي بنايات***ونغفى اااه منجيرة قصب
-------------------------------------------------
ونوعى الصبح تنهيدي بنايات***ونغفى اااه منجيرة قصب
ياعيني ياشاعر.....
-------------------------------------------------------------------------------
ع صدرك عاج نايم عاج مركي
احترق بخور عاجك عا جَمركي
وكل العاج مارق عا جِمركي
انحفظ تايضل ثروة بالعبااااااااااااب
--------------------------------------------------------
رمشك تلف عيني بل تلفني
بجنوني ضل يتمرجح ت لفني
انا ربّك على صدرك تلفني
ندي تا روّق بقلبك عذاب
ان ما وصّـلك بريدي ساعي .. ديني
الساعي ... بحيث دينو ساع ... ديني
بيرجع تــــــا يقلك ... ســــــــاعديني
رحت و جيت تـــــا قـــــــــلبي انصاب
قوليلي من ضلوعي من سحبكي
أنا ل قضيت عمري منسى حبكي
دموعي يا سما ولا من سحبكي
السيول الجارية فوق التياب
بدرتي مليحك وملحو ع تربه
وانا المجروح وجروحي عتر بي
بروحي فتّش الباري عتر بي
بدال القلب حفنه من التراب
بالوعد خلت .... تــــــا تخلخل خــــلها
و تخفي الحلاوة .....تا تخلخل خـــلها
و فيها هوايي .... تا تخلخل .... خلها
يا ليل ... غصن .. و خلخل ... بعبو أنـــــا
عن دربي إذا رحلتي تمهلك
خوفي من رحيلك تماهلك
وشو ذنب تلوج خديكي تمهلك
من بركان عينيكي انسكب
الحبايب
عمّروا آهات ...
من دور
و تركونا
عمر.. للوقت
مَندور
عقارب عَ فضا ..
الساعات مندور
و ما مْنتعب
تَ يرتاحوا
الحباب ...!!
مين لقلك بحبك حرّقينا
رحمينا من عيونك حر قينا
صفي قلبي ل قضى عمرو حر قينه
سبوه هيونك برمي لهداب
شرد قلبك بغابه كفر مال
منّو جنون الريح قصدو كفر مال
وعا شط قلبي ي سمره كفى رمال
الجفا تخفي المجامر بالتياب
الصفحات: 1 2 3 4 5 6 7 8 9 10 11 12 13 14