02-09-05, 02:57 AM
حلو يا عمر
وينك يا شادي هلق دورك
وينك يا شادي هلق دورك
| الاستطلاع: شو رأيكن بالمباراة ؟؟؟؟؟((الإجابة بعد ما تخلص)) ليس لديك إذن للتصويت في هذا الاستطلاع. |
|||
| ممتاز | 9 | 56.25% | |
| جيد جدا | 1 | 6.25% | |
| جيد | 3 | 18.75% | |
| وسط وما دون | 3 | 18.75% | |
| المجموع | 16 صوت(اً) | 100% | |
| * لقد صوت لهذا الخيار. | [عرض النتائج] |
|
المباراة الزجلية
|
02-09-05, 07:19 AM
مرحبا شباب بعتذر على التأخير بس شوي أوضاعي مخربطة هالكم يوم على كل حال أنا هلأ بكافة نت ورح اكتب ردة واطلع يعني يمكن احسن اكتب كل 6 ساعات رد بسي مو كيد بتمنى تعذروني على ضغط الوقت ....
02-09-05, 07:52 AM
قرادي لجعفر من شادي...
شادي موسى \ جوقة الشام
الدنية لو تشتي عياني ------رح اجمعها بفنجاني وبغطّس فيه الشعار ------ وتحتو بولّع نيراني... يارفاقي حبوب التفكير ------- بحقل الشعر رموها بدار تا كل حبة قبـة تصير -------- وكل شاعر يجمع قنطار ومتل الحبة حظي صغير ------- وقت الجبتولي ختيـــار فعلو صغير وعمرو كبير -------- وحتى الهمّة تعباني... ---------------------------------
02-09-05, 11:59 AM
جوقة الوطن / جعفر حيدر / براغ - تشيكيا ----------------- لمّا بنـّـــــــــــــوت ناداني ------ تأهّـب من شــــوقو حصـاني والله ... لولا يكون شـريم ------ معكن ... ما حــــــدّ هدّاني *** حبوب رفاقك يا منحـــــوس ------ ما بتشـــــــــــوفا من القلّي عامل لي حـــــالك طاووس ------ ودوبك تطلــع ... درغلّي مش جايي تا أعطــي دروس ------ ولا جــايي ... إلعـب كلّي ختيــار ورح كسّــــــر روس ------ واعمــــــل مقلوبـــة وقَـلّي يا شـــــــــادي جاك الكابوس ------ شـــمّع خيطك .... عالفلّي نــــخّ، ووطّــي، وإيدي بوس ------ منشـــانك ... مش منشاني ------------------
02-09-05, 03:13 PM
ألإخوه المتابعين لهذه المباراة الجميله :
ألفت إنتباهكم أنه وبسبب مشكله تواجه الأخ شادي لن يتمكن من الرد على الأستاذ الكبير جعفر حيدر حتى غداً صباحاً مع أولى ساعات الصباح . وبإسمه أتقدم لكم بتأسفه الشديد والإعتذار من جميع المتابعين وشعراء هذه المباراة . أخوكم محمد حسن شريم .
02-09-05, 09:44 PM
شكرا محمد وشكر كمان للإستاذ جعفر على رحابة صدرو وبعتذر منكن ومن كل الأخوة المتابعين ...
ومنرجع منكفي القرادي..
02-09-05, 09:56 PM
رد على جعفر...
شادي موسى\ جوقة الشام..
بـ حبة قِلّة بـ الإيمان --------- جوقتنا بتزيح جبال بريشة درغلّي الفنان --------- لحّن عا عودو الموال واكسر روس من الرمان ------ وكِلها بترجع صحتك عال تـ تشّدود فيك الدوزان --------- الكلّي نعلقلك تقّال وكابوس السفاح الـ كان ------ يشنق أبطال علا حبال نخّوا عتراب الأوطان ---------- المجد مكللهن أبطال من الفِلّة بشمّع خيطان --------- وبقطبلك تمك مازال مش خرجك شعر وقصدان ------- خرجك ع الماني الماني... -------------------------------------
03-09-05, 12:04 AM
مرحبا يا شباب ...
بالجولة بيني وبين حسن بنوت مين بدو يبلش ..؟؟؟؟؟
03-09-05, 02:36 AM
المفروض انت تبدأ حسب كلام / محمد شريم
لأنو انتو رح تبدو ونحنا رح نختم مع تحيات جارك / جعفر
03-09-05, 03:48 AM
جوقة الوطن / جعفر حيدر / براغ - تشيكيا ------------------------------------------ عالى المـاني ... عالماني ------ يا بنوت ... ســـــــتناني بعـــــــــدو في واحد ميقح ------ يمكن عم يتحــــــــــــداني *** كلما يقرِّب صوب العصـــر ------ عمري ... بخاف على ولادي يا شــعر بنيت لّي قصـــــر ------ بجنــّـة عبقـــــر *... والوادي بخجـل لما بيجي النّصــــر ------ من واحد ... بيشـــــبه شادي عم يحصر كلمـاتو حصــر ------ تقول الكلمات شــــــــــــحادي لا فيـهن طول ولا قصـــر ------ ولا شـــــــــــــعر ولا قـرّادي جوقة لوبعصـرها عصـــر ------ بترجــع ايــــــــــــدي فضيـاني ---------------------------------------- [size=4] * عبقر هو واد يقال أن شيطان الشعر يسكنه ومن هنا جاءت كلمة عبقرية [/size]
03-09-05, 05:53 AM
[poem=font="Simplified Arabic,6,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
جوقة الوطن/حسن بنوت/الولايات المتحده ***** جـينا عالمشـتى تمـاني=نرندح ونغنـي غنـاني بـدي هـز بســيف العـز=وجز الروس التعباني ***** عالمشـتى جينـا سلاطين=نغنـي الشـعر بغنـيه من الاًرزه وقمـة صـنين=نحـيي الاًرض الشـاميه ونحـنا تمـاني متفقين=على عركه تـاريخـيـه طلبت لميداني شواهين=ودولي هالبوبـانه* ***** البوبانه هيي الفشتكه باللهجه السورية[/poem]
03-09-05, 06:27 AM
تزعم جوقة تعبانة ..........بنوت الباكستاني
ناقصهن خيمة وزمور ....وطبيلة سبعة تماني قولو للبنوت سكوت ................أنت ورفقاتك بوبان في فارق بين الياقوت ................وبين القصدير التلفان شريم السافر فوق يخوت ...,,,,...الشوق على بلاد الاسبان عا روحو وقلبو منحوت ,,,,,,,,,,,,,,,لبنان وصورة لبنان وبنوت الدور عالقوت ..................ما ضب بقلبو التحنان سافر من بيتو ببيروت..................على بلدان الامريكان مش جايي عا حربي فوت ,,,,,,,,,واطعن قلب وشيل لسان جايي شوفك يا بنوت.................انكنك بعدك لبناني شفيق
03-09-05, 07:59 AM
[poem=font="Simplified Arabic,6,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
جوقة الوطن/حسن بنوت/الولايات المتحده ***** لبناني وبعبد لبنان=والاًرزه فوق جبيني ومن أيا قرنه يا فلان=جايي بلادي تنسيني الغربه صعبه عالانسان=فيها الله باليني بالاشواق وبالحرمان=مقضي عمري وسنيني وانت الجايي كيف ما كان=عم تتمسخر عالهيني الفي عندو اًصل ووجدان=بيشكرني ما بيهجيني قبلي قدموس الفهمان=زق الحرف على سفينه ونعيمه وخيو جبران=فتحو للعلم مدينه وبنوت بيزرع قصدان=تا يكفي رسالة قدموس ومجد نعيمه وجبراني *****[/poem]
03-09-05, 03:21 PM
الأخوة متابعي المباراة الزجلية التي تقام على صفحات هذا المنتدى نحيطكم علماً أنّ زميلنا الشاعر- شفيق ديب - قد تأخر برده لأسباب ما زلنا نجهلها تماماً - ونتمنى أن تكون خيراً - لذلك اتفقنا معاً على إعطائه فرصة ليتمكن من الدخول والرد على الشاعر - حسن بنوت - في مدة أقصاها 12 ساعة من الآن. وسيعتبر الشاعر - شفيق ديب - خاسراً جولة القرادي أمام الشاعر - حسن بنوت - بعد انقضاء الزمن المحدد إذا لم يرد عليه . وسوف نتعامل مع جميع الشعراء الآخرين بنفس الطريقة إذا حدث أي طارئ مهم لهم . نرجو من الأخوة المتابعين تفهم موقفنا هذا ، ونتمى أن نكون عند حسن ظنكم أعضاء جوقة الوطن عنهم - بو علي حسن بنوت - أعضاء جوقة الشام عنهم - محمد حسن شريم -
04-09-05, 01:00 AM
سموا الجوقة التعباني ................باسم الأوطان الباني
أكبر عار على الشعار ................تشوه سمعة أوطاني شو هالردة بالأشعار ..............ضعيفي وما بتسوى متليك رح حمي سيفي بالنار..................وسنو بعنقك تا يربيك نعيمي وجبران الأحرار ..........ان شبهتن في شخص ركيك بسابع جيل لأخد التار ...............بيعودو في سيف سميك ولولا قدموس الجبار ....................شبهتو هالليلة فيك هالدهر بيصرخلي عار ............تشبه بي الحرف لشخص ....................حروفو متلو خرباني.................. يا جعفر هالقوانين الأبية .............معي بتصير أغبى من غبية بتطبق عكل الناس لاكن ..................ما بتطبق دقيقة عليي إذا هيك ..... اعتبروني من هلق خسران ....وما بكمل ولا ردة بعد..
04-09-05, 02:30 AM
بداية معنى ( عمر / جعفر )
يلا يا جعفر يا رفـاق عـمـري لا تخافو فرفشو ............... من ردتي الظامي لشعري بنعنشو بدي شي شاعر لو بهمسة بوشوشو ................ يفهم على خشات دفي ن خشخشو جعفر إجا حظو معي ما بـطــفّشـو ............... لكن يا ويلو يبارز بحَكي الحــشو هوني أنا ما جيت حتى تـشـتـــشو ................ وسجاد أحمـر تـحت مـنـو أفـرشو كرمال يبـقى الشعر مرفوع الـلوى .................. جايي عا قبرو بفرد ردة أدفــشــو عمر
04-09-05, 04:19 AM
رسالة مفتوحة إلى إدارة المنتدى
رسالة مفتوحة إلى إدارة المنتدى الإخوة الأعزاء
قراء الحفلة الزجلية التي يقوم بها شعراء كثر مشكورون تحت إدارة منتدى المشتاوي الذي نكن له كل احترام وتقدير اسمحوا لي أن أتوجه برسالة مفتوحة إلى الأخ شفيق وإلى إدارة المنتدى المحترم الإخوة الأعزاء كنا قد اتفقنا على مجموعة من القوانين الناظمة للحفلة التي نتمنى أن نكون قد أمتعناكم وأفدناكم بها، رغم ما تخللها من صعوبات وتجاوزات. وبالرغم من ذلك فقد تأخر أحد شعرائنا وهو الأستاذ ( شفيق ) تأخر بالرد على زميله الأستاذ ( حسن بنوت ) وقلقنا عليه كثيرا، خوفا من أن يكون قد ألم به مكروه ما لا سمح الله !! وبالفعل اتفقنا على الاتصال به . وقد حاول زميلنا الأستاذ محمد شريم الاتصال به ليلا، ولكنه لم يفلح. وبعد فشلنا بمعرفة أخباره ، ونظرا لقلقنا عليه من أي مكروه، ارتأينا أن نتوجه إليه برسالة مفتوحة عبر المشتاوي، وكان من الضروري أن نعلمكم شيئا ما عن الخلل الذي حصل، ولكن دون أن نقلقكم معنا أيها القراء الأكارم. فكتبنا معبرين عن أنه إذا لم يحضر شفيق خلال 12 ساعة اعتبارا من حينه فسيعتبر خاسرا، وذلك لكي نتمكن من الاستمرار بإمتاعكم أيها الإخوة. بعد ذلك جاء رد الأستاذ شفيق مفاجئا ، فبدلا من شكرنا والاعتذار عن التأخير وطمأنتنا أنه بخير، جاء رده على الشكل التالي: _______________________________________ يا جعفر هالقوانين الأبية .............معي بتصير أغبى من غبية بتطبق عكل الناس لاكن ..................ما بتطبق دقيقة عليي _____ إذا هيك ..... اعتبروني من هلق خسران ....وما بكمل ولا ردة بعد.. انتهى كلام شفيق ________________________________________ أما أنا فلم تكن لي أية علاقة إلا كغيري ممن يحبه ويخاف عليه. ولذا فقد قررت أن أرسل هذه الرسالة المفتوحة... الأستاذ شفيق لقد خفنا عليك كثيرا، ووصل القلق بنا وبمحبيك إلى درجة أن أحد أصدقائك أرسل لي رسالة ينقذ فيها الموقف كله، من باب حرصه على منتدى المشتاوي وعليك وعلى الجوقتين معا وعلى الزجل بشكل عام، وقد أكبرت فيه هذا الأمر، الذي يدل على شهامة عالية جدا، كما يدل على إحساس عميق بالمسؤولية، إنه صديق صدوق، ويحبك، وعليك أن تتوجه بالشكر له. أما أنا فإنني أتمنى أن أكون جاره لأقبله على جبينه العالي .... العالي الأشم. وليعلم جميع القراء أن هذا الصديق قد أرسل لي زجلية لتنوب عن زجلية شفيق في حال تأخره لأي طارئ ، وهي رائعة جدا.وطبعا لن أقول لك اسمه، إلا إذا قرر هو بنفسه ذلك، فهو الوحيد صاحب هذا القرار، ولا يعرفه شخص آخر في هذه الدنيا غيري. الأستاذ شفيق أنا أعرف أن هناك قوانينا كلية تسري على كل مخلوقات الله، كالجاذبية، والتأثير والتأثر....الخ كما أعرف أن لكل شيء في هذه الدنيا قوانينه الخاصة، والتي تسمى القوانين النوعية ( الخاصة بكل نوع ) فالنبات مثلا من قوانينه أن تنمو جذوره في التراب وأغصانه في الهواء .... وهكذا... وهكذا لكل قوانينه. وهناك قوانين تنطبق على بني البشر، على جميع بني البشر، وإلى لحظة قراءتي لردك كنت أعتقد أنها تنطبق عليك أيضا، أما الآن فأرى أن هناك من لا تنطبق عليه قوانين البشر . وأريد أن أقول أنني لم آت إلى مشتاوي للنصر أو الهزيمة بقدر ما جئت للمشاركة وأنا هنا أكرر قول شاعرنا الكبير ( عمر أبو ريشة ) الذي قال: شرف الوثبة أن ترضي العلا غلب الواثب أم لم يغلب ولذا وانطلاقا من كل ذلك, فأنا أعتذر عن استمرار مشاركتي بهذه الحفلة الزجلية لحين قيام إدارة المشتاوي بحل هذا الأمر والاعتذار عما حصل لجميع الشعراء وليس لي فحسب. نحن نحبك يا شفيق ولا نستحق كل هذا
جعفر أحمد حيدر / براغ
04-09-05, 04:59 AM
مرحبا شباب , اذا ممكن عبّر عن رأيي.
أولا هيدي حفلة زجل وبحفلة الزجل ما بينفتح مواضيع ثانوية ولا بتنسن قوانين من قبل اشخاص عنوة عن غيرهن , ومش القصد شي لا سمح الله بس بدي قول الكل ملتزم بالحفلة ومجرد فكرة حصر توقيت الردة بست ساعات مرفوض بنظري وما لقيتو مناسب , لأنو كل انسان ملتزم بالحفلة متلو متل غيرو وكلنا قدها وقدود وما حدا هربان من حدا. ثانيا : لكل انسان ظروفو , ما فيي اكتب ردة انا الساعة 12 بالليل وانتظر من شفيق مثلا الساعة 6 الصبح يكون رادد عليي منشان هيك خلي مجال الرد 24ساعة يعني نهار كامل , وكل واحد بيرد حسب وقتو. ثالثا : ما بعتقد حبيب القلب شفيق عاجز عن رد لأي شاعر باي لحظة وما في حاجة نطبق قانون ناشف ونخلي الحفلة تفقد جماليتها , نحنا عم نغني زجل لأننا منعشقو ومنحب بعضنا ,وما مهم مين بيربح المهم فكر يصارع فكر وهون الهدف فخلينا ماشيين عليه, والله بيشهد على كلامي انو اللسان عاجز عن وصف مشاعري تجاهكن وانا متأكد انو انتو كلكن متلي. رابعا :بتمنى من شفيق ومن كل شاعر اخر من المشاركين عدم اخذ الامر شخصي لأنو الزجل جمعنا لنكون عصبة زجل عبر الانترنيت ومش لنختلف لا سمح الله. خامسا : طلب خاص من شفيق انو كل الردود اللي انطرحت تحت اسم "المباراة الزجلية" تنحذف ويضل فيها بسسسسسسسسسس الردات. والله يوفق الجميع. اخوكم بشار
04-09-05, 06:52 AM
ما بدي سبسب بتعبير نابي ...................... ولا حط بقلب جارحني إصابي
بدي بارك وصافح وهني .............................. يللي خسروني في غيابي أنا لاتفكرو هوني بغني ............................... بإنترنيت كرمال الإهابي أنا بغني كرامة للحضني ...........................رامي بموقعو الحر الشبابي أنا ما همني اربح لإني ...........................إذا خسرت.. النصر بيدق بابي أنا الشفت السما بساطات فني ...........وشفت الأرض عندي بحجم طابي وللقوانين ما بضرب تمني ............................... إذا القانون قيدلي جوابي ويا جعفر إذا رنيت رني ....................... وقلت إني عكس هالناس رابي الدهر بيجاوبك مزبوط عني .....................أنا عكس الخليقة في خطابي أنا من طينة الرب العجني ..............................والقوانين خلقت من صوابي وأنتو أخوتي وأهلي... وظني ....................بغيابي ما تذلوني بسبابي لكن من فرد ثورة و عني .............................نسفتو الود ولعنتو القرابي هلكت حالي هلكت قلبي وسني ..................ودفنت باعتذاراتي عتابي جرحوني وأهانوني بتأني ........................ وتهموني بتسبيب الكأابي ويا ناطر قابل جهنم بجني ......................مش رح تقشع بصدري رحابي وثيقة كتبتها فيي ومني ...............................إذا مفكر تتعلن انسحابك ....................................انا أعلنت قبلك انسحابي.................................
04-09-05, 07:10 AM
مرحبا
وصلني اتصال من مدير الموقع ... الصديق الغالي رامي خوري .......وقلي بمتابعة المباراة ..... وانا ما عندي أي مانع بمتابعتها .......... وقلي أنو محي كل الكلام الجانبي من أول مشاكرة لاخر مشاركة ........ وانا ردتيت على الاستاذ جعفر بقصيدة زجلية حتى تضل بطابع الزجل مو أكتر ولا أقل ....... وبالمناسبة قانون الست ساعات الالتزام فيه بالنسبة لإلي صعب كتير وبالنسبة لغيري صعب كتير ........ يعني يكون على الأقل 12 ساعة أو بشكل حر بس مو أكتر من يوم .......... وإذا عندكن رغبة بالمتابعة أنا جاهز ....... كرمال هالناس وكرمال الموقع اللي عم يتابعونا مو أكتر ............. خبرونا ......... |
|
« الأقدم التالي | الأحدث التالي »
|
المستخدمون الذين يتصفحون الموضوع: 1 زائر